其鮮大閘蟹專門店 (已結業)

見到有優惠，又想同爸爸媽媽出去食飯，於是就訂好咗枱，試一試個蟹鍋。😁門口見到隻蟹就知佢係食蟹嘅專門店。地下嗰層眼見有3張2人枱，可以見到店主用咗唔少心機揾餐具同傢俬，環境都幾靚😊另外樓上有2張大少少嘅枱。今晚我地4人就被安排係樓上，感覺有啲似去咗台灣嘅小店😆先來蟹粉皮蛋豆腐($58)。豆腐可能係超市某大牌子既貨，食落口雖然夠滑，但就真係冇豆腐味🙈蟹粉湯泡($68)。味道正常，冇太大驚喜，湯包裏面冇湯比較失望。其鮮蟹粥($68)。依個必試呀！裏面嘅蟹肉湯底令個粥食起上黎鮮味好多，最緊要冇味精👍🏻主角登場～蒜薑蔥胡椒蟹鍋($388)。裏面有一隻指天椒加大量嘅黑胡椒，因為我唔係好食得辣，所以一落枱就攞起晒隻指天椒😂個鍋有乜？有幾粒魚蛋、1隻蟹、粉絲、支竹、原粒蒜頭、燈籠椒等等。以原價依個價錢，個人覺得唔值得，因為始終係賣蟹嘅專門店，隻蟹質素相對地令人失望。另外，提提大家，如果唔另外加配料的話，佢地係唔會開著你枱面個電磁爐架，個人覺得粉絲同支竹如果唔再加熱會比較硬。我地另外叫咗個本地手切肥牛($120)...嗯...肉味差咗少少，依個價錢應該有更好嘅選擇。4個人食唔夠飽，再叫多咗個檸酒炒蜆($

食物新鮮，用心製作，服務一流，個胡椒蟹鍋好好味，老闆和老闆娘好好人，我個囡不可以食辣蟹鍋，她煮了個牛肉烏冬給小女，湯底美味不加味精，價格公道，下次一定再來光顧。值得推介

套餐幾抵食，份量適中，特別推介蟹粥，多蟹肉，幾鮮味。肉燥飯味道幾特別，好香，食得出係自家製，甜甜地，配菇菌夠健康！家庭式經營，感覺乾淨👍🏻👍🏻service 好，加分！支持小店！

見到有優惠便來一試，地下果層得3張細枱。我今日得2個人，感覺坐得舒適。皮旦豆腐上面有豬肉鬆，加上醬汁味道不錯。不過我就覺得蟹粥唔夠味，可以更好。下次揾機會都想試吓醉雞鍋同胡椒蟹鍋，聽到隔離枱剛order.

之前入西貢路經呢間新開主打大閘蟹又賣小食嘅店鋪，見好肚餓就係咁易買左底原味雞蛋仔頂下肚⋯嘩！一咬！有驚喜！外脆內軟而且係實心！絕對唔係出面普通個啲hea底之作！正！咁啱老闆娘係鋪，好健談好nice咁派左咭片比我話我知大閘蟹季準備開籮可以試下佢地個啲全天然無激素飼養嘅大閘蟹！前幾日適逢同三五知己有gathering而大家又係大閘蟹控，終是我就打去其鮮訂左8隻公蟹試試！接線嘅staff又好有禮貌（唔知係咪都係老闆娘呢？）咁幫我落左order又教我要蒸幾耐最好，又話送多隻乸蟹比我地試埋！估唔到仲有得送埋貨非常方便而且好準時好有交帶！講返隻蟹，好夠肉而且好新鮮！最重要係真係好爆膏！！掂呀！！我同朋友都食得津津有味！嚟緊都會幫襯其鮮大閘蟹

Tried this place because it was new and they had quite a variety of snacks.The staff were quite keen promoting their snacks but I just wanted the noodles.It was really good that they served the sauce separately from the noodles because the sauce was VERY SPICY so be warned and the sauce is very watery.

西貢這個山明水秀，公眾假期到處遊客的地方，對食肆來說，要生存既易不易，既難不難。雖然沒有太多連鎖集團食肆在西貢經營搶生意，但不少食肆想在此創業，但最後往往經營不善，最後結業收場。所以要在西貢開食肆，又能落地生根並非一般人想那麼容易。食肆要在西貢生存，位置和食物質素、創意都不能忽視。在西貢麥當勞對面，剛剛開了一間小食店「其鮮」，店舖物盡其用，另外有售賣大閘蟹，這個我就暫且不講。他們當中有兩個跟Oreo曲奇餅有關的小食和飲品，我試過都很喜歡。Oreo沙冰特飲只要$18，感覺甜度尚可，還可以飲看到曲奇餅碎在裡面。同樣地，看着師傅即場製造Oreo格仔餅，製成品很明顯見到曲奇餅碎混在格仔餅内，可以吃到完整的曲奇餅味道，甜度也是適中。希望這店將來也能站穩陣腳，生意興隆啦！