其鮮大閘蟹專門店 (已結業)

之前入西貢路經呢間新開主打大閘蟹又賣小食嘅店鋪，見好肚餓就係咁易買左底原味雞蛋仔頂下肚⋯嘩！一咬！有驚喜！外脆內軟而且係實心！絕對唔係出面普通個啲hea底之作！正！咁啱老闆娘係鋪，好健談好nice咁派左咭片比我話我知大閘蟹季準備開籮可以試下佢地個啲全天然無激素飼養嘅大閘蟹！前幾日適逢同三五知己有gathering而大家又係大閘蟹控，終是我就打去其鮮訂左8隻公蟹試試！接線嘅staff又好有禮貌（唔知係咪都係老闆娘呢？）咁幫我落左order又教我要蒸幾耐最好，又話送多隻乸蟹比我地試埋！估唔到仲有得送埋貨非常方便而且好準時好有交帶！講返隻蟹，好夠肉而且好新鮮！最重要係真係好爆膏！！掂呀！！我同朋友都食得津津有味！嚟緊都會幫襯其鮮大閘蟹