円相

營業中

休息中

尖沙咀通常會覺得食韓國野多但今日周圍行下見到依間個門面幾靚就被吸引了因為我地得2個人又早食唔算太餓所以叫一人套餐 再加小食套餐包括日式漬茄子，日式南瓜湯，胡麻豆腐沙津，吉列炸蠔（2件），鐵板蒜片牛柳粒，迷你醬油湯烏冬，自家製嶡餅~黃豆粉伴黑蜜我其實係唔會點食茄子🍆的人不過朋友話好好食顏色我又鐘意😂藍色所以就試一下點知！係我想像中好好多醬油醃製過，好味！我仲食左2件😂佢唔重茄子味的😯☺️南瓜湯真係好濃！好味炸蠔皮脆，蠔都鮮甜好鐘意自家製嶡餅~黃豆粉伴黑蜜依個係今餐第二選要食的食物佢唔係其他店咁糯米糍感覺係Q彈Set Drink 香桃果汁梳打蒜香厚切牛舌芯串軟身唔韌！真係超好食係超級推薦依個！明太子玉子燒明太子醬超濃超有蛋香味

今日同朋友去日式居酒口屋， 服務員態度友善，環境舒適！唐揚甜蝦好有特式，甜蝦份量多，外皮炸得好金黃脆卜卜，入面既蝦肉都食到有鮮甜味👍🏻咖哩湯烏冬好大碗，烏冬煙煙韌韌，有紅蘿蔔碎，洋蔥，薯仔粒及蔥花， 非常美味！ 自選燒鳥串(任選三款)月見汁免治棒串要了兩串, 有日本蛋醬油舔著食， 免治肉淋身爽脆可口！日本三角雞肉軟骨串串燒嘅燒烤味好濃郁， 軟骨連住有雞肉，所以好有口感👍🏻蟹柳蟹籽玉子燒 玉子燒賣相吸引， 外層充滿蟹柳絲及蟹籽， 玉子燒 好綿滑鬆軟🥰自家製綠茶蕨餅伴紅豆唔會太甜， 好有日式風味！

「円相」係一間提供精緻日本料理嘅餐廳，餐廳環境雅致舒適，讓你彷彿置身於日本的用餐環境。而且，「円相」的價格相當合理，讓你能以合理的價格品嚐到精緻的日本料理。午餐跟餐前菜同湯，讓你可以先品嚐到精緻的小菜和湯品。吉列豬扒配鰹魚湯烏冬，豬扒煎得香脆多汁，配上鰹魚湯烏冬，帶來一種獨特的風味體驗。和風炒牛肉配蕃茄湯烏冬，和風炒牛肉非常嫩滑，蕃茄湯酸甜，口感豐富。咖哩漢堡扒蛋包飯，咖哩漢堡扒美味，蛋包飯同咖哩的結合，最好的配搭。而小食方面，和風沙律、吉列炸蝦同日式炸雞都帶來不同口味的享受，讓你能品嚐到多種風味。「円相」絕對係一間值得一試嘅餐廳！

好耐冇去出邊食嘢，尤其日本嘢，嚟到呢度可以chill下食吓小食幾好。嗌咗個明太子燒飯團個明太子醬，有啲辣辣地好惹味。飯團香脆送酒一流。之後梗係要嗌呢度嘅人氣之選自選串燒任選三款：雞腎、三角雞軟骨串、免治雞肉棒。雞腎有啲辣辣地嘅粉。雞軟骨串爽脆有咬口。免治雞肉棒就有新鮮雞蛋同埋豉油做調味，好夾。之後想嗌啲小食見到好少地方有嘢唐揚甜蝦，係炸細細隻嘅甜蝦。一上枱超有鑊氣好香脆，呢個攞嚟送飲品傾偈一流。好食到蝦殼都可以食埋脆卜卜。再嗌多個鮟鱇魚肝，因為都係冇乜地方有得食，見呢個幾特別就想嗌嚟試吓。鍾意個魚肝好新鮮，配埋新鮮嘅蕃茄醬能夠突顯魚肝嘅鮮味，亦都冇嗰種好難入口嘅魚味。最後叫一個熱嘅主食：鐵板香草牛油帆立貝。有五隻大嘅帆立貝，新鮮上枱。用鐵板可以保存熱力加埋新鮮洋蔥🧅蔥，可以突顯海鮮嘅香甜。好滿足。臨走嗰陣時都見到有其他客人入嚟，讚佢其他嘅食物例如炒飯好食，大家都可以嚟試吓。

呢日喺尖沙咀行街，搵到間佈局精緻嘅日式餐廳，見餐牌嘅食物種類選擇好多，亦相當啱口味，價錢亦好合理。兩個人唔算太肚餓嘅關係，點咗一個一人套餐，另外加串燒及飯團share食。佢嘅一人套餐，價錢係$258，已經包咗日式茄子、南瓜湯、胡麻豆腐沙律、吉列炸蠔、鐵板蒜香帆立貝、和風溫泉蛋拌飯、自家製嶡餅及飲品。呢個一人套餐入面嘅份量都幾多，尤其係胡麻豆腐沙律同鐵板蒜香帆立貝以及溫泉蛋拌飯，相當抵食。單點食品點咗串燒拼盤同埋燒飯團，兩款食物質素都好高。燒雞串燒拼盤 （$108）- 可在餐單上自數選三款串燒，點咗手打免治雞肉棒兩串及雞腎一串。免治雞肉棒肉質juicy好味，配以醬油及蛋，味道鮮甜。雞腎亦燒得非常惹味，下次可以試吓其他串燒種類。明太子日式燒飯團（$46@）- 要讚一讚，佢嘅飯團上菜時熱辣辣，燒得好脆，帶少少飯蕉味，加上明太子嘅鹹香，真心好味。一人套餐飲品仲可選擇酒類，唔飲酒嘅我哋點咗薑檸黑蜜，薑味十分之勁，呢個好飲。餐廳店員非常細心，服務殷勤。店內佈置有心思，亦提供多款酒類飲品選擇，適合同朋友食飯傾偈。

一間以居酒屋形式經營嘅日式餐廳，店內擺滿各式各樣嘅酒，雖然我同朋友都唔係喜愛杯中物，不過，試下佢地嘅日式食物應該都唔錯。首先有精緻嘅燒茄子串，燒過之後嘅茄子，味道變得格外清甜可口，絲滑細膩，令人回味。賣相好吸引嘅係蒜香牛柳粒黑醬油炒飯，食落蒜香及黑醬油勁濃香，互相配合，天衣無縫，而且每啖都食到鮮嫩嘅牛柳粒，飯粒分明，份量十足，令人食過不停，非常滿足。火炙明太子山藥煎更值得推介，大大粒明太子舖滿在煎香嘅山藥上面，喺融化緊嘅狀態下，增添綿密口感，食到惹味又鹹香嘅明太子，零舍有風味，大家一定要試吓。仲有玉子燒，好靚嘅淡黃色又大件嘅玉子燒，上面舖咗木魚絲，好吸引。入口非常幼滑，仲有微微蛋香甜味滲出嚟，十分滋味。再有蒜香厚切牛舌芯串，燒得夠焦香，醃味適中，肉質厚實，咬落好有口感，唔會靭，果然夠新鮮好味呀！特別值得一提，有一男一女嘅服務員，待客有禮，服務體貼，值得欣賞，令我地好想快啲約埋三五知己再嚟一趟！仲有好多酒可以飲！

星期三又到叉電既日子⚡️如果唔係點捱到weekend🥶依間一直都想食好耐但都無機會因為成日遲收工，今日就難得同frd都早少少收就異口同聲都話想try，真係夠哂老友🫡裝潢都幾靚，尤其我最鐘意佢地吧枱，不過今日揸車就無得飲酒😵‍💫唯有淨係食佢d拿手菜式。menu都幾多選擇，主要都係嗌番人氣之選，開頭諗住叫4樣，唔夠再加，點知食到最後飽到傻🤡唯有下一次再試新野！🔥蒜香牛柳粒黑醬油炒飯 ＄128飯粒彈牙，粒粒分明🤣炒得剛剛好，每粒飯都均勻沾滿咗黑醬油同蒜香嘅味道，牛柳粒份量都唔少，每啖都一定有2粒，少嫩唔孩口👍🏻同飯粒一齊入口，完美融合，帶出濃郁嘅牛肉香氣，味道豐富，口感層次分明，超好食，今餐mvp🤩🔥鐵板香草牛油帆立貝 ＄102帆立貝總共有5粒，鮮甜彈牙，配香草牛油，超濃香既味道🤪鐵板上都煮得恰到好處，保持食材嘅原汁原味。而且佢既醬汁亦好濃郁，非常出色，洋蔥係完完全全索哂汁超入味🤗最後洋蔥都比我地清哂，一條都無剩🤝🏻🔥明太子玉子燒 ＄72味道係有驚艷感覺。每一啖燒蛋都蓬鬆細滑😽帶明太子鹹香滋味，外表金黃，內裡綿密濕潤😋口感豐富，加上明太子微微既辣味，作為前菜perfect好開胃，真係值得推薦✌

難得無時間限制既餐廳，仲要係尖沙咀抵比like👍🏻有台吧選擇，餐廳氣氛輕鬆relax，啱哂想同朋友坐底傾下計既大家，如果鍾意小酌一杯更適合不過，一整個清酒櫃比你揀，仲有啤酒同其他飲品比你揀🍻首推火灸明太子山藥煎-味道濃淡得宜，爽口唔油膩，相信無食開山藥既都會接受到！吉列廣島蠔-脆口啱配酒，啱哂👍🏻另外蒜香雞翼同玉子燒就正常發揮啦蒜香牛柳粒黑醬油粉飯-蒜香味濃，牛柳粒嫩滑，飯仲要粒粒分明，果然係皇牌菜式，值得一試🥰

朋友生日，佢最鍾意食日本嘢，當然要揀一間地點方便又靚緊日式居酒屋喇~玉子燒~形狀非常漂亮，而且非常濕潤，蛋香濃濃，而且配上沙律醬同鏗魚絲，將味道提升到另一個層次💯吉列廣島蠔~大大隻！一啲都唔腥！而且炸到外脆內多汁，一咬有少少爆汁感😋火灸明太子山藥煎~明太子獨有嘅鮮味同山藥融合為一體，經過香煎嘅過程，山藥帶有焦香，一口一件，每一件都好似藝術品咁☺️蒜香牛柳粒黑醬油炒飯~將蛋黃均勻地混合每一粒米飯，微微濕潤嘅口感，更加令人口味，黑醬油偏向重口味，啱哂我😬咖哩湯烏冬~烏冬份量比想像中大，好似夾極都唔完，用上好嘅洞庭冷烏冬香滑細膩，配上口味偏甜嘅日式咖哩湯底啱曬女仔👍🏻

明太子燒飯團$46 見到飯團上面滿滿嘅明太子醬已經好開胃！份量好足夠每一啖飯團都可以食到明太子醬。明太子好送飯，辣辣地嘅調味恰到好處，唔會太辣之餘仲遮住咗啲腥味。醬油燒飯團$42 飯團386度都查滿咗醬油，而且醬油搽得好勻循同埋量又較多，所以個飯團好快就清左。表面仲會煎咗一煎先，外皮又香又脆。柚子胡椒雞軟骨$68 柚子味好清爽，所以炸雞食落去唔會有油膩感。胡椒味亦都令到雞軟骨更加惹味，食完一粒又一粒。炸完之後又唔會好乾，好啱配酒，一路傾偈一邊飲酒。和風紫菜魷魚鬚$88 炸完之後唔油膩，而且好酥脆。魷魚鬚亦食得到佢係好新鮮。食落去香脆惹味！自選燒鳥串三款$98 揀咗兩款月見汁免治雞肉燒棒串，雞肉加埋燒汁表面脆脆，而且甜甜地。加埋月見蛋黃口感更加滑嫩，而且仲有濃郁嘅蛋黃香味。雞腎口感紮實表面畫咗一個交叉所以調味更入味。日式漬茄子$42作為頭盤冷盤咁樣食好開胃。醬油醃製嘅茄子被茄子索得好入味。甜甜鹹鹹咁樣交替為一餐打好個頭。

同朋友去尖沙咀行街，行到肚餓又夠鐘覓食喇，近年中意喺柯士甸路、漆咸圍戈邊搵野食，地區系尖沙咀但遠離塵囂，感覺加倍寧靜💆🏻‍♀️內在環境簡約舒適，富有日式格調。除咗各種特色小食、料理外，餐廳更提供吾少燒酒、果酒，中意飲酒嘅朋友不妨試試。朋友叫咗白桃酒🍑來自愛知県，純米原酒同桃製成，酒精含量7%吾算非常高，桃味香濃，即果香味十足☺️飲完酒都吾會暈陀陀😆明太子玉子燒系呢家日本餐廳好流行嘅菜式，明太子醬數量頗多🧡鹹香味當然重，搭配香甜、蛋味濃嘅玉子燒味道好豐富💛自選燒鳥串任選三款$98頗划算🐔揀咗雞皮、雞肉、月見汁免治雞肉棒，雞皮被燒得香脆可口，塗滿日式燒汁，香氣十足。雞肉口感實在，肉質嫩滑。月見汁免治雞肉棒，免治雞肉棒中食到一粒粒雞軟骨粒。明太子燒飯糰好正！明太子好多，燒飯糰好脆卜卜，個人認為系呢度必點菜式🍙煙三文魚蟹籽炒飯，賣相精美✨花型煙三文魚裝住蟹籽令人食慾增加🌹啖啖飯都食到三文魚同蟹籽🧡

時近春節，店內貼左好多揮春和裝飾，和暖既燈光，充滿節日氣氛。蒲燒鰻魚飯：鰻魚非常厚肉，肉質軟腍，沒有碎骨，帶少許焦香；日本珍珠米帶黏性，圓渾有咬口；飯面鋪滿鰻魚醬汁、紫菜絲、雞蛋絲、芝麻，撈飯一流。蒜香牛枊粒黑醬油炒飯：牛枊粒牛味很濃郁，肉質細緻柔嫩，蒜味撲鼻而出，炒飯粒粒都被黑醬油包裹住，加上溫泉蛋和大量既紫菜絲、蔥花，口味非常日式。柚子胡椒雞軟骨：炸到金黃鬆脆，含有豐富既膠原蛋白和軟骨素等成分，帶來爽脆口感；調味以清新既柚子配搭辛辣既胡椒，互相融合，層次豐富。自家製蕨餅 (抹茶伴紅豆味)：蕨餅Q彈而耐嚼，抹茶味道濃郁，紅豆軟糯，整體感覺甜而不膩。總結，餐廳食物質素高，份量十足，價錢合理，值得推介。

呢間店好有特色,黎到真係咩都想試。叫左個明太子燒飯團,燒到好香,明太子醬令到個飯團味道好豐富,一d都唔單調。叫左一串和牛串燒,汁好惹味,勁多肉。係我中意既串燒,其他地方都好少食到咁meaty既串燒。叫左個油甘魚頭(較),好容易食,味道特別,超厚肉仲好甘香。同埋佢脂肪含量低、蛋白質豐富，營養價值非常高,所以食完覺得自己特別健康,食左healthy food.仲有少少沙律既配菜,個sauce同沙律都正。

呢度係主打飲啤酒同埋飲sake 嘅地方, 有好多選擇, 木系嘅風格, 令人坐得舒服嗌咗一個一人餐前菜已經有四款：日式漬茄子🍆 係一個冰凍嘅茄子，醬油漬嘅味道幾清甜，幾舒服食物胡麻豆腐沙律 🥗 份量大而且有新鮮嘅味道日式南瓜湯暖入心 小食我揀咗廣島蠔主食我叫左鐵板蒜片牛柳粒，冇諗過個鐵板牛柳粒有咁大份，有好多蒜片、洋蔥蔥、牛柳粒都有成30粒，份量好足，味道亦都好好，加埋烏冬一齊食就正迷你醬油湯烏冬甜品係自家製綠茶蕨餅，本身以為佢會係一舊頹嘅野，點知原來係一個非常煙靭、而且充滿綠茶味、順便仲有好多紅豆，仲可以自己加黑糖嘅甜品呢個我俾10分跟住最後可以選擇指定精釀啤酒 或 日本清酒 或茶我揀咗菱湖純米吟釀原酒呢款清酒係有荔枝和菠蘿系的完熟果香，濃郁中亦具透明感，濃厚但不過膩甜度

今次同朋友約左晚飯去食ENSO, 店面有一種日式柔和風，入面都係以大地色系為主，仲有吉他掛喺牆身做裝飾，提供左好舒適既環境進食，係好有特色既居酒屋。坐底冇幾耐店員俾左杯店家招待嘅飲品俾我地，隻杯好cute,，而且特別之處在於係杯暖暖地cider，由店家親自調製，甜甜地有水果味。咁啱我哋去嗰日得六度好凍，坐低就有暖嘢飲覺得都幾貼心。食物方面都好有心思，蟹柳蟹籽玉子燒（$76），份量好足，店家俾既蟹柳蟹籽係鋪滿嚿玉子，食既時候口感好豐富。炸雞軟骨（$68）都係唔錯既選擇，本身已有淡淡的調味，佢仲有可以配醬料一齊食，配埋酒就一流。仲有蒜味鹽燒豚腩串（$48）都好好食，相當入味，剛上檯時仲聞到好香既燒烤味。蒜香牛柳粒黑醬油炒飯（$118）賣相靚，蒜香蔥同牛柳粒好夾，仲有生蛋，攪拌完之後一可滿足三個願望。少少辣，不過都大推。至於安格斯牛小排野菜鍋（$276），有2款鍋底可選，壽喜燒同蕃茄湯。感覺2款都好味，今次我地揀左壽喜燒，而同樣都冇令我地失望，鍋配料十足，有蔬菜，菇，豆腐等等。平衡返牛小排既啖啖肉。牛小排鋪面，唔會過熟變靭，食既時候剛好。用餐既整體感覺好好，店員服務態度值得讚賞，食物賣相同味