冒喜 (杜智臺)

營業中

休息中

是夜加班，太座到灣仔陪吃個簡餐。到了午膳時間的人龍冒菜店。點了兩個吉祥六餸套餐。區區的生椰蕃茄湯頭濃郁，酸甜和椰香完美融合。配料高質，豆腐串索盡湯汁，蒿筍和蓮藕片爽脆，鴨血結實，墨丸彈牙有蒜香。試了一下太座的黃金酸菜湯更有驚喜。滾起酸菜不過火，湯底不油膩，麻而不辣，配合貢菜等爽口餸菜，非常過癮。跟餐兩支茶飲，茶味濃郁，加入酸甜原素，更加醒胃解渴。甜品不少得，酸梅啫喱清甜，配合涼浸浸冰粉，完美作結。

明白你地好生意午餐做到好辛苦，1:45去到個個待應都忙完咁樣語氣當然唔好受，等左20分鐘未到吹下單個答案係“一定有”😐咁我都知一定有但問題係要等幾耐啫，我見到餐牌寫住“不辣”湯底有黃金酸菜湯（帶麻）點左呢個一心諗住唔係咁辣只係帶麻，點知成碗係辣到食唔到，連朋友食到辣我比左啲餸佢試都話辣，問職員拎碗熱湯沖嚟食勉強食左半碗，七十蚊碗粉咁就比個湯底誤導左

這間餐廳CP值高，材料新鮮很好味！🥰🥰🫶🏻第一樣上菜的就是他的特飲，兩個都是健康飲品，本身對這些健康飲品類的味道不大期望，但是兩個嘢飲都很有真材料的味道，如果要批評味道稍為甜了一些。試了魚皮，他很彈牙，出便很脆，不會太腥，完全沒有魚鱗，吃落很滑口，有些像現在熱門-辣海蜇的口感！那些辣油很香。也不會太辣，絕對是招牌小食！那碗麵方面，今次試了微辣，微辣程度來說偏辣，但是很足料果然是六餸湯！🥰🥰🥰真是落足那些配料，麵條的質地也好食。那些肉肥瘦適中，絕對沒有偷工減料，是高質的！而那些餸不會太熟剛剛好，那個火候令牛肉雞肉顯得特別滑身，整碗麵試給很高分的評價。Highly recommend 魚皮真係好味🤤

🛑吉祥套餐 呢個餐6個餸 啱晒有選擇困難症嘅我地呢個價錢嚟講絕對唔會好貴 喺灣仔區 夜晚呢個價錢我哋都覺得好抵食 店員推介佢哋嘅招牌湯底 生椰蕃茄湯 聽落都覺得好吸引 仲要係自家製嘅湯底，絕對令人暖笠笠 呢個天氣去食 簡直就係非常完美😉! 首先食咗餐廳嘅牛丸 大粒而且爽口彈牙 食落去都有好香濃嘅牛肉味 絕對唔會馬虎 另外叫咗金針菇 佢完美吸收晒湯底嘅精華 淡淡蕃茄味非常好食 非常鍾意食 再加埋番薯粉 亦都非常索湯 成個口感味道配搭都幾好 幾鍾意佢煙煙韌韌嘅口感 牛柏葉同埋肥牛都幾好食 牛柏葉非常爽口 食得出本身嘅新鮮 肥牛嘅份量都幾多 🛑另一個套餐揀咗另一個湯底 都係店員推介嘅 黃金酸菜湯嘅味道有少少辣 但係整體感覺上幾好 唔會話有太辣嘅情況 適合香港人味道 味道來講真係唔差 另一個主食 我哋就揀咗係飯 湯底再加埋啲餸其實真係整得幾好食 而且非常正加埋啲酸菜 另外加咗佢哋個秘製醬汁送飯 簡直一流 豬大腸鴨血都非常出色 配料非常新鮮 墨魚丸亦都唔錯 係餐廳自家製嘅 🛑小食就揀咗麻辣豬肚 份量都幾多 小食嚟講非常開胃 配搭唔錯 加埋少少芫荽 成個口感更加多元化 豬肚亦都幾好食 加埋麻辣汁

最近我去咗位於灣仔杜老誌街嘅「冒喜」，呢間餐廳專門做中國冒菜，整體感覺幾舒適，環境整潔光明，非常適合與朋友聚餐。我哋點咗兩個吉祥套餐。首先係吉祥套餐1，內含胡椒豬肚、豬大腸、鴨血、毛肚、貢菜同海帶結，湯底係貴州臭豆豉辣湯，面底用番薯粉。湯底味道獨特，辣味中帶有一絲香氣，豬肚同毛肚都好嫩滑，搭配上番薯粉，口感十分好。接住嚟係吉祥套餐2，包含潮汕手打牛肉丸、蟹籽蟹粉丸、滑雞片、滑牛肉、芋絲同油麥菜，湯底係酸辣湯。呢個套餐嘅牛肉丸特別彈牙，滑雞片鮮嫩，而酸辣湯嘅味道恰到好處，增添咗食物嘅風味。我哋仲試咗秘製藤椒魚皮，味道非常出色，鮮香又有一點麻辣感，令人一試成主顧。飲品方面，我點咗洛神花山楂蘋果水同酸梅青檸烏龍茶，清新解渴，為整餐增添咗不少色彩。總體來講，「冒喜」嘅食物新鮮美味，環境舒適，是個適合聚餐嘅好地方，值得再來！

天氣轉冷，最啱食返碗暖笠笠的麵食，來到一間主打「湯底是靈魂」的冒菜店。❄️🍜😋👍🏻餐牌似港式自選車仔麵套餐，分別有銅錢套餐(選4餸)($58)、吉祥套餐(選6餸)($66)和八寶套餐(選8餸)($72)，豐盛又抵食。🍜😋👏🏼✨ 第一碗選了生椰番茄湯(+$5)，番茄湯加上生椰子味道清甜，椰子味道濃烈，驚喜十足的湯底。六餸套餐就選了蟹籽蟹粉丸、湘汕蒜香墨魚丸、滑牛肉(+$3)、蟹柳、毛肚（+$3）和娃娃菜。娃娃菜完全吸入了蕃茄湯的精華。此外，本地滑牛帶點厚度，牛味濃郁，食落幾有質感，新鮮甜滑。毛肚薄身爽彈，相當有特色。🫕🍅🥥✨ 另一碗選的湯底是黃金酸菜湯，味道較為開胃，湯底滿滿的酸菜和花椒油，再加上香蔥、芫茜和生蒜，沒有辣椒之下，多種配料都添加了辛辣感。嘴開始有種麻的感覺，幾過癮。麵底選了火鍋麵(+$5)，麵底似公仔麵，但比平時食開的公仔麵質偏硬身。餸就選了湘汕手搥牛肉丸、湘汕蒜香墨魚丸、魚腐、美置肥牛、金菇、娃娃菜。特別值得一提是兩款潮式手打丸，爽口彈牙，食得出是真材實料。 🍲🥩✨ 烏龍茶酸梅青檸(+$14)，酸梅青檸的酸味很解渴，撞落烏龍茶有回甘的味道。🍋🫖✨ 山楂蘋果洛神花(+$24)

香港比較少見嘅冒菜將所揀選的食材放進小鍋內，以湯頭浸煮再調味超過五十種配料同十種湯底自由配搭湯底有辣有唔辣每樣都好有特色而且少見最平$58就食到夠晒親民每碗即叫即製好快就有得食吉祥套餐 - $66任選6款食材秘製香辣湯(升級版)魚腐、貴州丁家脆哨、鵪鶉蛋、炸支竹、金菇、萵荀愛辣人士一定要試﹗仲要加埋蒜同埋芝麻將味道昇華到另一個層次黃金酸菜湯(帶麻)潮汕手搥牛肉丸、蒜香墨魚丸、蟹籽蟹粉丸、滑牛肉、五花腩片、娃娃菜新出湯底酸味夠開胃麻味好突出好爽必試推薦﹕魚腐、貴州丁家脆哨、潮汕手搥牛肉丸、蒜香墨魚丸、滑牛肉貴州丁家脆哨將肥多瘦少嘅豬肉調味後切粒再以豬油炸香卜卜脆超惹味涼拌麻辣蓮藕片蓮藕片夠晒爽脆可口調味小小辣好惹味自家製特飲酸梅青檸烏龍茶洛神花山楂蘋果茶酸酸甜甜，開胃醒神又解膩

今日和同事係灣仔做完嘢，發現一間應該係新開的餐廳，是吃「冒菜」的，對於冒菜的認知完全沒有的我，決定去試吓。原來「冒菜」是成都的小食，將選好的肉類或蔬菜，放入不同的湯底中。湯底有個款酸辣的味道，不吃辣的朋友也可以選擇蕃茄湯底。就像我們平常吃的車仔麵一樣，不過配料和湯底的選擇就更加多，更惹味。餐廳內裝修雖然簡簡單單，但位置相當闊落，老人家或坐輪椅的朋友，也可以舒適在這裏進餐。酸梅青檸烏龍茶、洛神花山楂蘋果，都是我推介的飲料，酸酸甜甜的味道，醒胃之餘，還可減輕麻辣的刺激。蕃茄濃湯底，配上鮮菇、牛丸、魚腐、滑牛、魚蛋和菜。當底濃郁帶點甜味，滑牛新鮮，各種丸類彈牙。朋友食到舔舔脷。黃金酸菜湯底，帶點麻辣，加土豆粉，配料有貢丸、胡椒豬肚、鴨血、牛黃喉、萵筍、芫荽等。芝麻芫荽麻辣香味濃，黃喉爽口，鴨血加上麻辣，簡直係絕配。桂花蜜烏梅冰粉，平常很少吃到，吃完辣粉吃這甜食，口感清新，簡直完美。套餐配料選擇多，下次一定要試吓其他湯底和配料。

這間人氣連鎖中菜館位於灣仔杜智臺，主打正宗地道的成都小食冒菜，接近四十款配料選擇，有點類似港式車仔麵，價錢定位大眾化，非常親民！每碗冒菜均即叫即獨立製作，將所揀選的食材放進小鍋內，以湯頭浸煮再調味。吉祥套餐 - $66任選6款食材，主食需另外加配生椰番茄湯 +$5湯底有辣有不辣共十款選擇，湯膽以豬骨、鮮雞、赤肉及白胡椒等香料熬煮六小時。紅通通的蕃茄湯酸酸甜甜，散發著香濃的椰奶味。美國肥牛 +$3一片片肥瘦兼備，肉質嫩滑多汁，牛味香濃。潮汕手搥牛丸兩粒結實富彈性的手打牛丸充滿肉汁，牛味好香甜。魚腐金黃色的外皮，咬開有著軟滑可口的魚糕，有淡淡的鮮味。蟹籽蟹粉丸外皮由墨魚和魷魚肉製成，咬開包著黃澄澄的蟹籽有點爽脆感，先有魚肉的香甜，再有蟹的甜香。豆腐串一條條連著的炸豆腐，本身具有豆的底香，再吸附湯汁好惹味。娃娃菜柔軟細膩很清爽鮮甜。自家製桂花蜜烏梅冰粉 - $18滑溜溜的烏梅冰粉酸酸甜甜，花朵形狀的果凍帶有桂花香味。自家製酸梅青檸烏龍茶 - $14酸梅及青檸均酸酸甜甜，酸得有層次，清爽的烏龍茶平衡酸度。

呢個吉祥套餐真係好吸引！你可以任選六款餸菜，選擇多到唔知點揀好。😆🤲🏻第一碗揀咗蕃茄湯底，味道好清新，搭配嘅餸菜非常豐富。金菇、木耳都有咁多口感，仲有芝士腸，食落去香滑又美味！😆😆獅子狗蟹籽丸口感彈牙，六款真係食得好過癮好多餸🥰第二碗揀咗酸菜湯，酸酸嘅湯底好開胃！滑牛肉煮到啖啖嫩，油麥菜清脆可口🤍最後仲有桂花蜜烏梅冰粉，甜甜嘅滋味同清涼感，完美做一個完結，令人心情愉快。🥰🎀總括來講，呢個套餐唔單止食材新鮮，湯底都有特色，每一碗都係一個小驚喜，真係好值得一試！

🍜揀咗佢椰子蕃茄湯底，冇諗過非常濃郁嘅蕃茄味一嚟到已經聞到，色澤亦都非常靚仔，睇得出餐廳係新鮮熬製嘅蕃茄湯絕對不是味精湯，食完成個湯底都唔會話非常口渴，整體質素非常高，我哋揀咗六個餸，首先想讚吓佢嘅墨魚丸，墨魚丸質素好高，每一份有兩粒，食落去仲有墨魚肉嘅味道，而且爽口彈牙，朋友都話佢嘅墨魚丸做得唔錯，我亦都鍾意食佢嘅鴨血，係我平時打邊爐必點嘅餸菜，我覺得味道都幾好，而且入口軟身，豬大腸亦都非常有咬口，加埋蕃茄湯嘅味道非常正，牛柏葉亦都新鮮爽脆，非常鍾意佢口感，份量嚟講亦都非常多，另外加咗一個薯粉（$5），非常有咬口，而且加埋湯底嘅味道好match!🍜重慶麻辣湯我哋就揀咗小辣，味道嚟講非常好食，而且香辣嘅味道非常足夠，令到所有配料都非常入！我朋友都非常鍾意佢呢一個味道，再加埋芝麻蒜蓉香菜其他嘅配料，令到成個味道更加突出！金菇吸收晒湯底嘅精華，非常好味！另外炸枝竹都係，非常鍾意佢嘅咬口，亦都係一個不錯的選擇，美國肥牛嘅份量都唔少，有五至六件，加埋辣湯底嘅味道都好食，火鍋麵吸收晒重慶湯底嘅味道，而且份量真係好多，我同朋友都差啲食唔晒！🥤酸梅青檸烏龍茶喺餐廳嘅自家製飲品，加埋辣嘢飲，簡直就係g

收工見天氣凍凍地，突然好想食熱呼呼的麵食，想起同事近日大力推薦的「冒喜」，故與風先生一同到訪；餐廳位於謝斐道內街，由港鐵灣仔站C出口步行前往約7分鐘；餐廳以木色桌椅及灰色牆身為主調，裝修簡潔明亮；晚餐想食豐富一點，選了吉祥套餐$66，可選6餸湯底我點了秘製香辣湯（小辣），香辣味濃，配上濃厚生蒜，大滿足，平常食開譚仔2小辣的我，食到中途敗陣了，越食越辣，要用碗仔分湯慢慢食，不過真心辣得過癮，下回會乖選微辣風先生選了黃金酸菜湯，酸中帶辣，辣度近似2小辣，惹味有層次，推薦此外，店家有走蒜的選項，不好生蒜的朋友也不怕；薯粉屬幼身版，Q彈有韌性，配香辣湯底，回味無窮；風先生就超欣賞米線，幼滑帶韌性，勁高質；配料選擇多，有近40款供大家選擇手搥牛肉丸-牛味濃，彈牙帶汁有驚喜蒜香墨魚丸-肉質爽嫰彈牙魚腐-外皮金黃、軟滑可口脆哨-炒至乾身五花肉，貴州特色小吃，口感像豬油渣貢菜-爽脆另外，追加了藤椒魚皮 $48-魚皮椒香爽脆，好惹味套餐加$14，可配自家制特飲🥤酸梅青檸烏龍茶/洛神花山渣蘋果，極推介加配，兩款特飲都能生津解辣，正平日晚市光顧，超級旺場，人氣極盛，「冒喜」現時是我在灣仔食過最美味的冒菜，推

之前幫襯過呢一間餐廳嘅其他分店都覺得佢嘅味道幾好，今日咁啱經過灣仔就見到呢一間餐廳，就決定同朋友入去食，而家天氣幾凍食呢一種餐廳都非常好，餐廳嘅主食有好多種唔同嘅選擇，可以配搭飯公仔麵薯粉米線，啱晒唔同人嘅選擇，亦都有好多種唔同嘅湯底，令人目不暇給！🥢今次都係揀返吉祥套餐，大食嘅我梗係要六個餸，牛黃喉味道都係非常爽脆，佢獨特既口感同埋韌性令我都覺得非常鍾意。而且黃喉能夠吸收晒湯底嘅味道，成個味道增添風味，質地脆嫩，鍾意食嘅朋友真係不能夠錯過. 潮汕蒜香墨魚丸，餐廳嘅墨魚丸係自家製嘅再加埋少少蒜香嘅味道，我覺得非常特別出邊食唔到呢一隻味道，而且非常爽口彈牙！潮汕手槌牛肉丸，佢嘅牛丸係自己打，所以亦都有爽口彈牙嘅味道，而且充滿牛肉嘅香味絕對唔會喺出邊嘅麵粉味，味道非常香濃！滑牛肉嘅份量亦都俾咗好多，而且味道都非常鮮味，絕對唔會係雪藏貨，食得出餐廳本身嘅食材來源都非常新鮮，亦都要大讚佢嘅生椰蕃茄湯，飲落去非常鮮甜，而且絕冇味精或者防腐劑嘅味道，我同朋友都非常鍾意！再加埋蕃薯粉，簡直就係正！🥢另外都叫咗一個麻辣豬肚，味道嚟講都幾好，而且唔會太辣，啱晒我同朋友，而且非常開胃，我哋都覺得！！呢碟

最近發現灣仔華嫂冰室隔離，開咗間專食冒菜特色店，我當然要率先試吓啦佢既Menu好似點車仔麵咁，可以選擇唔同配料。加錢就有手工涼茶，真係好解到口渴，同中和濃味既口感，兩款口味我就最鐘意洛神花山楂蘋果。我點左芫荽、豆皮、鮮牛肉、潮州牛肉丸、潮州墨魚丸、湯底簡左黃金酸菜湯海量芫荽已淹沒成隻碗；鮮牛肉超級推薦好鮮嫩；牛丸好juicy ；墨魚丸好彈牙；米線煮得好腍配埋湯底真係好惹味最後必食桂花蜜烏梅冰粉口感煙煙韌韌

相信無人唔知我鐘意食辣😌而呢間冒菜就係我近來嘅新歡～我哋叫左兩個吉祥套餐，即係有一款主食 + 六款配料。貴州丁家脆哨/潮汕蒜香墨魚丸/牛黃喉/鴨血/萵苣/芋絲 + 米線 + 黃金酸菜湯呢款湯底啱哂我呢個酸辣控！酸同辣平衡得好好、超惹味！仲可以按個人喜好加量蒜同芝麻（每款湯底都可），真係好好味！脆哨係經醃製後炸香吧豬肉粒，第一次食，好香口！個墨魚丸裡面真係有蒜粒～牛黃喉唔係好多地方有得食，我鐘意佢夠爽口。潮汕手搥牛肉丸/鵪鶉蛋/滑牛肉/滑雞片/牛黃喉/毛肚 + 火鍋麵 + 貴州臭豆豉辣湯老公嘅呢個湯底好濃郁，同埋有豆豉香同辣香～鵪鶉蛋係流心架，牛肉丸好彈牙好香牛味。秘製藤椒魚皮魚皮好爽脆，藤椒味麻麻辣辣，夠哂開胃。洛神花山楂蘋果/酸梅青檸烏龍茶自家製健康飲品。洛神花山楂蘋果酸酸甜甜，而且生津解渴。酸梅青檸烏龍茶個青檸味就好醒神，茶味都好香濃。兩款飲品用黎解辣都一流！