冠泰海南雞飯泰國菜館 (已結業)

因有朋友住筲萁灣，所以就去一間佢未去過既地方試下啦... 環境衛生大家睇分啦... 服務冇乜問題，但係又冇乜需要讚賞味道：1)　金邊粉：個粉本身好幼，口感都唔錯，而且夠熱。問題係個湯太甜，好似飲糖水咁，所以比我扣左好多分。2)　海南雞：正，值得推介！　D肉好嫩，唔肥，個汁校得好好，好醒胃。全晚最滿意既一樣野。3)　紅咖哩鴨胸：真係出哂事。個汁好唔掂，因為個牛奶同芝士味太濃，我朋友直頭返胃。無奈我係一個好唔鍾意浪費既人，所以我自己食哂成碟。4)　 泰式雞肉炒河：我朋友形容＂一個唔夠咸既乾炒牛河，不過牛肉變左雞肉＂

今日又在這兒看看附近有什麼好吃之前看過這兒的食評和賣相也很不錯加上星期一至五也有學生優惠八折,令到我更想進入去試試這兒的海南雞飯所以今天在這兒吃午餐了我叫了個泰式海南雞飯,很快就送上來了個餐湯(冬瓜湯)清清的味道也十分香雞非常嫩滑,而且我不愛吃有骨的東西,這兒也去骨了加上佢個汁,酸酸辣辣,味道會更加好吃因為去了骨問題,所以看下去好像很少,其實份量已經差不多了雖然飯賣相的確很美,很立體,差不多每粒的米也可以看見,味道也很香口,不太油可惜我感到有點硬,如果可以軟一點點,可以吃晒這一碟飯呢....至於炒貴刁雖然都幾油下,不過味道也十足,份量也不差~整體上,價錢還可以,如果唔好咁油同D飯軟返少少,會更好,不過都幾吸引的呢

探險隊員身處東大街，肚餓啦，搵啖雞飯醫下肚。 泰式海南雞飯先來個湯，似乎係正宗既雞骨冬瓜湯，飲落清甜可口而有淡淡既雞味。油飯堆成金字塔有如畫蛇添足......因為咁做會令到 D 飯好實。 油飯味香，顏色合格，但太乾身。食落口係一粒粒好硬既，好似煲唔熟既飯咁 雞皮幾薄幾滑，看來過冷河既功夫唔錯。雞肉就好實唔多滑，無乜雞油，少左種豐盈既脂肪香。$40一個 Lunch 似乎有更好選舉。都係曼谷既水門雞飯好味道，探險隊員往曼谷出發。

星期日晚通常都獨個兒揾食, 也給我好機會去試試新嘢, 早前見這家海南雞飯的食評唔錯, 今晚專程回到東大街試試. 未到門口, 已嗅得傳來陣陣燒烤香味! 還七時許, 店內已幾乎爆滿, 幸而我一個人倒也容易揾位, 餐牌內多是二至六人套餐, 反正我一心是來吃海南雞飯的, 干脆叫了算吧, 但侍應卻問我要唔要加$5要雞脾? 都好, 就吃得豪點吧! 想起門外香噴噴的串燒, 我又貪心地叫了兩串牛肉沙嗲試吓! 海南雞脾飯 - 先來個餐湯, 呷一啖, 清甜可口. 不久飯也來了, 雞脾全去了骨, 啖啖肉, 肉質很滑, 份量也不少. 油飯堆成金字落形, 別具一格. 油飯味道很香, 而醬汁又酸又辣, 非常惹味! 牛肉沙嗲串燒 - 看見是即叫即燒, 但味道則是麻麻, 牛肉可能不夠肥, 燒得不夠香. 而泰式沙嗲醬味道始終不及馬來沙嗲般香! 下次應call多d朋友來試吓唔同菜式!

每每經過東大街也會發現一個現象，第一，那出名的魚蛋粉麵店一定會大排長龍，要等位起碼要罰站立半小時。第二，越來越多新食店開業，不單單是東大街，就是東大街附近的多條街道也有不少新食物店出臺，真的是百花齊放，要吃齊所有食物店或者要數天才可以。 就是不想重覆以前所吃過的數間店鋪，想試試一些自己沒有試過的才會有意思。所以看見此泰國菜館就進去，的確有少許泰國地道陳設，連門前的MP3所播放的也是泰文歌曲，好有泰國街頭感覺。 因為還會有下午茶一場要走，所以不敢午餐吃太多，只有選擇一些不會太飽肚的食物來吃吧： 1.黃金炸蛋（32元小、45元大） -外層炸蝦包住中間的皮蛋，從照片中可以看到皮蛋黃的心像流沙一樣流出，好不吸引您的食慾。我就非常喜歡此味小吃，雖然是炸出來但是不會太“漏“，而且皮蛋是我的其中一大喜好的食物。 2.醉貓炒粉（38元） -想問問為何叫做醉貓炒粉，但是我所知道的是此炒粉是有點辣味的，不習慣辣的也許不會覺得好吃。很有那種泰國街頭炒粉車仔的味道，每碟炒粉的份量不會太多，但是又每次也足夠令您吃得飽肚。最好的是不會過油，最怕有些店鋪炒出來的粉麵會滿口油，整天不舒服就是因為油太多。 還要順道一提

28-8-2009沙爹串燒以外, 另一目標係呢度的海南雞飯, 7:45pm 搵到嚟試試. 叫了海南雞飯 (「普通版」$40; 要雞脾的話就 $45), 跟冬瓜湯一碗及「泰式凍咖啡」一杯 (屬「特飲」, 需加 $4).先嚟冬瓜湯, 胡椒味幾重, 愈飲舌頭愈痕, MSG 度都幾嚴重, 不過 4-5 件冬瓜腍身又無渣, 消暑不錯.海南雞飯 presentation 幾靚, 食味亦不錯, 雖然我都係 prefer 泰妃雞 (http://www.openrice.com/restaurant/commentdetail.htm?commentid=1973730) :- 油飯乾身, 粒粒分明, 夠色, 食落夠味, 但我覺得實在乾得滯. - 雞件: 雞皮薄, 爽口滑溜, 好食; 肉就一 d d, 白肉唔嚡口但好實, 黑肉嫩腍得多!- 酸辣汁亦夠酸夠辣, 幾「薑」, 可惜份量較少.「泰式凍咖啡」色水麻麻, 味道就似「啡走」, 甜度剛好, 亦夠濃, 不過實在太多冰了 食物不錯, 環境亦光猛乾淨, 店員們又有禮貌, 所以星期五的 8:xx pm 係勁多人又勁嘈, 食完快閃好了.放低 $44, 原本

今次同珍珍想試下冠泰，去到見門口擺了一個爐烤串燒都幾吸引，入到裏面都幾大幾光猛，陳設簡單坐圓櫈，墻上貼滿食物相片，侍應一見到人客便招呼，幾親切。一心想試下海南雞飯，於是便叫咗：- 海南雞肶飯 $45：雞很鮮味，畧過熟。飯軟硬適中，不油，有雞香。汁非常好味，冬瓜湯 味道也不錯，還送飲品（我們不要飲品，要多一碗冬瓜湯） 生菜包 $32：肉粒好味，有手掌大小的新鮮生菜＋多塊，包上肉粒剛好一口一個。 牛肉串燒 $24（3支）：不過不失，都幾香。免加一共 $101 （抵食）下次拉大隊嚟食多幾樣嘢！

本來想食恆河咖哩，但係鬼咁多人，）等咗一陣都冇位，於是走咗去食呢間，我地叫咗個2人餐($188)冇+ 1。2人餐1 冬蔭公、椰汁雞湯，個冬蔭公好多油、但係味道都OK，椰汁雞湯都有椰子味、又有少少 辣、唔錯。2 海南雞肉質都幾滑、又有雞味、係隻雞肥咗D囉3 泰式豬脾、都好入味4 串燒沙嗲、我選雞同豬、雞肉就比較硬身、但豬肉就幾好、軟得嚟又入味。5 馬拉盞炒通菜、好味呀辣得嚟又夠香。 6 仲有2杯飲品Summary: 都幾抵食。

經過一間海南雞飯店,於是入去試試,入去更係食海南雞飯啦, 我覺得比起個間集團式好食得多,起碼足了d而味道都幾好,d雞都幾滑

星期五，到炮台山接太座放工，太座提議到筲箕灣東大街展開尋找美食之旅。本地最受歡迎嘅地方食品，日式料理第一，其次就係泰國食品了。年前在東大街開業嘅「冠泰」，顧名思義主打泰國菜。參考表在牆上嘅宣傳海報，太座與我選了海南雞飯($40)、泰式豬脾湯河($33)及一碗細冬蔭公(跟餐加$12)。海南雞飯奉上時，雞飯以金字塔形狀奉上。外形只是其次，味道才可見真章。雞飯入口有一陣淡淡的雞油香味，食落對辦。雞肉皮比較厚，但肉質也算嫩滑；泰式豬脾炆得十分腍，肉質鬆化，而且皮厚入口有豬油嘅甘香，啖啖口感豐腴，十分討好；冬蔭公湯面上氾起一陣辣椒油，以辣油代替代辣椒及香茅等香料，只是一味靠酸，註定失敗收場。用了去殼蝦，雖然新鮮，但冇咗蝦殼肴出嚟嘅鮮甜味。各自加一碟油菜($5)，共銀九十五蚊，平均每人四十八蚊。筆者覺得此處嘅海南雞飯比跑馬地嘅「大少爺」更加好味。

轉左黎呢區返工都個幾月...對呢區唔係太熟..d同事個個都話去東大街食飯啦..本身我地公司lunch既時間比人地遲..2點鐘左右黎到,都算岩岩好有位坐...原來距地出名係海南雞飯,之後叫左個海南雞飯,d汁好好味,d雞ok滑,仲有杯梳打...唔錯!! 呢間算係我第一次係呢區覺得唔錯既舖啦

每個星期必要來香港區工作一天.午飯時間我總喜歡去東大街兜一兜最近街內又新增不少食肆,恍如平民美食坊然而各店定價錢有平有貴,競爭相當激烈但是我喜歡其中這一檔.開了半年.我差不多光顧六、七次而我來到這檔,次次專攻海南雞吃據說它們每日午市即賣,不會用隔夜雞。做出的雞,皮香肉滑,雞肉僅僅熟,所以特別嫩滑至於雞油飯,係有雞油味,但不是油亮亮,亦不夠香,只是一般而已伴吃雞肉的醬料,薑蓉和辣椒醬都是自家製造湯無味精感覺.檔內有大量的頭頭尾尾,不浪費,即時用來熬湯這裡除海南雞另有泰式豬髀飯,河粉之類供應 服務,環境,普普通通.三十餘元一客套餐已連飲品.不能太苛求一般餐廳海南雞飯一客要五、六十元.酒店更要過百元

今晚收工去左呢間野食飯...叫左個外賣返屋企食,距地用個紙盒放野食ok環保 叫左個海南雞飯同一個豬手飯....海南雞飯唔錯..距地既汁真係一流...好好味..好正..而令一個豬手飯既汁都係一個字...豬手皮脆.,海南雞真係幾似係泰國食野一樣...正正正正正!!大家可以試試...價錢唔算太貴,好食!!!!!

昨晚來到東大街更係買埋炒野回家作晚飯...去左對面叫左個牛肉炒金邊粉試下..回到家發現CONTAINER係用紙盒裝..夠環保..抵讚.味道都好正..最特別係佢旁邊有D砂糖, 仲有好辣既辣椒粒...原來D糖配上D金邊粉又幾好味甜甜地咁...個金邊粉本身唔油好味牛肉都唔錯唔會"UN"鞋口...下次都係要試埋佢地出名既海南雞.

今日...去左呢間冠泰食lunch...呢間野開左幾個月到...但係都未試過..今日就試下睇下呢間出名食海南雞飯店試下,雖然賣相唔係做到好靚,但係油飯ok...雖然唔係太油..但係食落都幾好味...唔錯,海南雞咬落幾有質感,好食,雖然東大街好多食店,但係正宗食海南雞唔算多.仲有杯梳打絕對係配海南雞飯既極品..正呀