冬蔭NOODLE (已結業)

平時喺尖沙咀想食泰國菜，都諗到頭爆，因為好多泰國菜都唔平，今日就發現咗一間價錢合理嘅泰國菜《冬蔭Noodles》。 餐廳座位都幾闊落同新淨。 我就點了《海鮮冬蔭湯粉絲》，冬陰湯底十分惹味，再加埋豐富嘅海鮮配料，魷魚，蝦，魚蛋，青口等，真係十分之滿足。 男友就叫左個《泰保藥膳豬骨湯底》嘅海鮮湯粉。其實兩款啲海鮮配料一樣，只不過係個湯底唔同，藥膳呢款好香中藥味，絕對係藥膳控嘅不二之選。 我哋仲叫咗兩款小食，雞翼同魚餅。雞翼煎得夠香，魚餅夠彈牙。 飲品呢度都有好多選擇啊，而我最愛就係青檸梳打，因為真係可以解一解口腔嘅油膩感。

呢個禮拜差唔多日日都落雨天氣真係好唔穩定就連放假都落雨同媽咪行行吓街又落雨咁我哋就搵間餐廳休息下坐下出面避雨咁啱見到呢一間泰國菜咁就入去啦餐廳環境都幾浪漫同夢幻 好多燈泡彩色燈叫咗個冬陰公海鮮河粉，呢個係跟下午茶餐都幾抵食！而且湯底好濃郁嘅冬陰公味再加左椰漿同椰奶食落去更加惹味！分量中好多海鮮嘅份量都好多又有魷魚蝦媽咪就叫咗個泰式生牛肉船面檬粉味道同泰國嘅船面都幾似湯底都好鮮甜！我鍾意食佢嘅牛丸好想口蛋呀而且都幾做事好香牛肉味每次去食泰國菜都會帶個炒通菜呢一間嘅茶通菜唔會太老 ！唔錯！應該話幾嫩！叫埋個青木瓜沙律清清下個味蕾！不過出奇地青木瓜沙律都幾多紅蘿蔔絲同平時食嘅泰國沙律有少少唔同！跟餐仲可以帶埋玫瑰奶茶特飲係店員推介架果然冇介紹錯！飲完覺得自己靚咗！我哋兩個大食舞女食嗰啲嘢都7788份量係幾多下！

朋友想食泰菜，今日去開尖沙咀買野就順便喺附近覓食。餐廳裝修都幾少女風😂以粉紅色藍色為主Menu除咗常見嘅冬蔭湯底，仲有其他特別d嘅船河同泰北烏汶湯底。不過朋友想食辣d，就叫咗個冬蔭湯底。可以揀肉類配料同海鮮配料，粉麵都有5款選擇。Menu幾靚，圖文並茂，清楚冬蔭公湯金邊粉我地加咗$10, 所以有3款肉類配料，quality都ok。雖然有兩隻辣椒，但湯底唔太辣，有冬蔭公嘅鮮味，好開胃，金邊粉煮得啱啱好。小食方面，叫咗炸蝦餅$68. 蝦肉彈牙，有鮮味，炸皮唔厚，好食。冇諗過個青木瓜海鮮沙律咁大份。雖然青口一般，但蝦同魷魚都幾彈牙好食的。木瓜絲刨得幼細，上面淋咗辣汁好惹味，唔錯！野飲方面，自己叫咗泰式玫瑰奶茶，入口係mix埋嘅玫瑰味同泰茶味，幾特別。朋友叫嘅蝶豆花茶，味道唔係好出，不過特別在落咗檸檬佢會變紫色。

I miss Thai food so much so tonight my friend took me to this Thai restaurant right opposite “the one”. The decoration was nice with all the neon lamp and the price of the food was economical. I highly recommend the boat noodles. It was amazing. The soup was very concentrated and tasted fantastic. After choosing the soup, we can choose two toppings and I chose local beef and beef balls. The local beef was tender and soft to chew. It was also very beefy. The beef ball was crunchy and tasty. The T

.🥡冬蔭Noodles.•牛船金邊粉+鮮牛肉+豬肉丸+牛肉丸💮底湯用了牛血..有別於一般的豬血!!湯底十分濃郁.牛味十足🐂牛肉超厚..牛肉丸無論口感或味道也比豬肉丸出色得多🍜.•冬蔭湯河粉+大頭蝦+魷魚圈+青口+魚丸+蝦仁冬蔭湯底奶味超重..不是本人偏好..但勝在有原隻新鮮大頭蝦🦐加上其他海鮮份量超足🥳.•木瓜海鮮沙律醬汁十分地道..青木瓜爽脆👍🏻.•泰式玫瑰奶茶+鹹檸梳打玫瑰奶茶茶味偏淡..鹹檸超夠味

Tom Yum Noodle有好多唔同既泰國菜！今次淨係叫左蝦餅，牛肉魚旦泰式檬粉同玫瑰奶茶 好正宗 好正！蝦餅脆卜卜好香口，啖啖蝦味 回味無窮。牛肉魚旦泰式檬粉配冬陰公陽底 好入味，牛肉同魚旦都好有咬口，好香好彈牙。玫瑰奶茶好特別，又有花香又有奶茶香。服務好好，下次會再光顧！

尖沙咀加連威老道開左間泰國餐廳。環境小清新，牆上有好多霓虹燈，感覺好年輕。粉紅色嘅座椅，超級少女！泰式湯粉先選湯底，我揀左冬蔭湯底，味道好正宗，好鮮甜，配埋海鮮都唔錯！海鮮足料，份量足！有大頭蝦、魷魚圈、魚丸、青口、蝦仁！另外叫左個生菜包，估唔到非常正宗！比起一般餐廳加入天多香料炒，非常好食！泰式生蝦一碟有7隻，$88，價錢合理。生蝦都好新鮮，正！泰式玫瑰奶茶 $38 （凍飲）開頭以為玫瑰味即係無咩味，點知好香好濃嘅玫瑰花香，加埋奶茶，好滑！值得一試！

Tom Yum Noodle一聽就知食泰國嘢門口裝修得比較昏暗一入到去又幾光猛牆壁裝飾用螢光燈管形成唔同圖案令小朋友好興奮環境好闊落 坐得好舒服首先喺青木瓜沙律常見嘅泰式前菜紅蘿蔔切成絲同芽菜非常爽脆海鮮份量較少 不過不失~泰式湯粉牛肉厚度適中食落有咬口有牛香魚蛋亦爽口彈牙同湯底好夾鐵板蠔仔蛋真材實料滿滿蠔仔啊~~蛋食到好滑鐵板令溫度流失得慢食落口仲喺熱辣辣蛋邊微焦 蔥花令蛋香昇華餐牌上列明蝦餅皆由泰國廚師手打製成果然真喺爽口彈牙八件比較適合多人聚會醬汁為一般甜酸醬泰式玫瑰奶茶(冰)絕對喺打卡好選擇份量好足泰式奶茶向來比港式奶茶甜同玫瑰搭配相得益彰

泰式香葉肉碎飯配荷包蛋 💰68 7⃣小編真係好鍾意食呢道菜，我真係超級重口味人士！九層塔獨特既味道，酸酸辣辣既泰式炒肉碎，佐飯十分開胃。加埋煎得超級靚既荷包蛋，mix埋d蛋黃一起食，小編五分鐘啪左成碟野。/泰式生蝦 💰88 7⃣呢碟泰式生蝦都算幾大隻，啖啖肉而且都幾新鮮。而且小編真係想讚下附送醬汁，整得真係好鬼正宗，大家都可以order下依道。/泰式炒金邊粉 💰78 7⃣呢道菜都係小編既老友，佢地所提供既金邊粉比較酸甜（因為其實有兩款，另外一種係鹹香）。酸甜金邊粉，入面有勁多料，例如芽菜， 蝦同埋花生碎，食落去幾有口感。/泰式豬肉生菜包 💰78 7⃣佢地既生菜包小編第一次食，佢地唔係比較酸辣果隻。反而用洋蔥同埋豬油渣一起炒，食落去都幾特別。/泰式炸蝦餅 💰68 8⃣ 呢道小編覺得好好味，原因係佢哋親手所整，所以蝦膠超級彈牙。而且炸粉真係好薄，食落去超級脆口。

星期日下午茶，試試這家開張幾個月的泰式餐廳。質素不錯，可以一試。******************************冬蔭功湯底河粉 (8/10)這下午茶餐可配2款配料 ，我選了魚蛋和牛腩，雖然份量偏少，但牛腩夠淋，冬蔭功也幾惹味，但老公嫌不夠辣，個人覺得剛剛好，太辣怕吃不來。豬手飯(7/10)豬手好淋又入味，一口接一口。奶茶 (5/10)以為會配以泰國奶茶，可惜是普通的茶餐廳奶茶。咖啡味道也未如理想，是茶餐廳的質素，但這價錢卻也情有可原的。酸辣鳳爪 (7/10)味道偏辣，下午茶加配18元，算是抵食了。

今晚早點收工食飯去睇戲,所以簡戲院附近的餐廳食,這間新開一排都未試過,今次點都來試下!餐廳裝修以粉紅色為主,粉紅梳化和粉紅霓虹燈,充滿著少女風,雖然餐廳唔算大,但沒有擠迫的感覺,坐得都算舒服!餐牌有前後2頁,主要食粉麵,有河粉,米粉,泰式粉皮,金邊粉手打烏冬和全蛋麵!還有飯,小食,沙律,飲品等選擇!<牛船河湯底+肉類配料> 湯河內的配料有鮮牛肉,牛腩,牛丸,豬肉丸,魚蛋和雞蛋,由於湯底味道非常濃郁,所以配料全部都十分入味,不過食耐左就覺得有點咸!<泰式豬脾飯> 豬脾肉比想像中少,好多都係肥膏,比較肥膩,但內質軟稔唔算韌,因為醬汁淋得唔多,食飯時變得有點乾爭爭!<手打蝦餅> 蝦餅熱呼呼出哂煙,唔算好油,炸得好乾身,食起來彈牙有口感,加埋甜酸醬一齊食非常好味!整體來講,環境不錯,但食物就不過不失,試下都可以!

冬蔭noodle地理位置其實好方便，係極尚大x屋行落少少，the ONE 對面。泰國野黎講，尼間都幾抵食，平均都係$68，而且份量都幾大，所以唔係大食嘅朋友可以叫少飯🥴———-1. 泰式鳳爪🥢份量好足，但偏辣🤦🏻‍♀️ 好似我咁食唔到辣嘅人士就要留意下不過朋友話，正宗啲嘅泰菜就係尼隻辣👨🏻‍🍳2. 泰式豬髀飯正！豬髀肉嫩，豬皮唔會肥膩，加埋個泰式醬汁送飯好正3. 無骨海南雞飯🥢油飯有椰香味！🥢薑油似有豬油味，幾特別🥢主角海南雞好滑，肉實得黎唔鞋3. 飛天通菜4. 泰式玫瑰奶茶（少冰）其實一坐底見到師傅係bar枱即沖拉茶，茶香陣陣傳來，已經有預感茶飲真材實料。🥢玫瑰味出，配埋加左煉奶調的泰式奶茶，甜甜地香香地🥴 就係好飲5. 青檸梳打😂😂😂 第一啖入口就醒哂！青檸酸味好堅，但好爽！順帶一提，餐廳牆身都幾特別👍🏻

今日去完the one行街之後, 再去咗對面食餐晚飯, 呢間新開嘅泰國餐廳, 非常之適合打卡人士, 因為佢裝修非常之靚, 用咗粉紅色嘅底色, 非常之吸睛食物方面, 就叫咗個船河, 佢有別於傳統泰國嘅船河, 佢選擇嘅麵底, 可以包埋烏冬, 另外嗰份量入非常之大, 98蚊一個海鮮船河, 有青口, 大蝦, 蝦仁, 魷魚, 豬皮 魚蛋, 我最欣賞嘅就係佢嘅大蝦非常之彈牙, 另外青口夠爽口, 佢嘅豬皮炸得非常之脆, 另外就叫埋個小食拼盤, 108蚊,帶蝦餅, 有魚餅, 有春捲, 雞翼, 我最鍾意去炸蝦餅炸到金黃色, 咬落去非常之q彈, 真材實料

尖沙咀行完街，見到呢間泰國餐廳未食過，裝修又OK，望下餐牌好多款式，樣樣都想食，所以就入黎試下。媽咪鍾意食魚，所以叫咗個鹽燒烏頭，我問職員盲曹定烏頭好食d，佢哋都服務都好好有介紹。最後我地叫咗烏頭，呢個鹽燒烏頭非常之有驚喜！！值得推介！！切開時見到原來入面放左d香草黎整，好考功夫，所以切時好香香茅味，呢個菜式真有心機同講究，難怪要時間，但值得等。烏頭唔多骨，所以啖啖肉。燒蝦，好香又大大隻。香葉辣肉碎剪蛋飯，叫咗少辣，但都仲係幾辣，但非常香口惹味，連埋個煎蛋，送飯一流，正！！非常滿意的一餐，同個侍應講下次黎試埋鹽燒盲曹，睇下同烏頭有心分別。

老婆要出尖沙咀返啲興趣班，趁有空送佢返學之餘，自不然一齊食埋個早鳥晚餐。晌尖沙咀搵食，話易又得，話難又得，因為周街大把餐廳，難就難在太多，間間都想試咁。好似都有半年多無乜食泰菜，今晚餐飯就定咗食泰菜。呢家「冬蔭Noodle」門面好醒目，入到去更加覺得裝潢好摩登，粉紅色嘅梳化椅已經夠搶眼啦，一邊植物牆裝咗五光十色嘅霓虹燈，勾畫出泰國代表物，表現出另類泰式風情。坐落先發覺，原來餐廳好深，入面仲有一排位，而全店基本色調喺白磚牆配淺墨綠色牆身，加上光線柔和，望落去感覺頗舒服。另外，好欣賞枱上擺放咗一條極富泰國工藝嘅織布作裝飾，加添泰式風情元素。雖然店名用上「Noodle」一字，但翻開餐牌細看，豈止只得泰式麵條，其實，有好多泰式美食。當然正宗泰式湯粉條喺其主打之一，仲有嘅喺泰式飯品、主菜、沙律、小食、甜品及飲品。順帶一提，枱上早已備有辣椒乾、辣椒醋、魚露，供客人品嚐泰式湯粉時用。素春卷 $68一見到個「素」字，乜都好，啱晒老婆。一客有5條之多，炸得外皮香脆唔油，內裡夾雜好多粉絲、椰菜絲、甘筍絲及木耳等，清新爽口；最正喺個甜酸醬，酸香醒胃。泰式炒椰菜苗 $78既然同老婆食飯，點選菜式時自然會就佢，