凝香居

營業中

休息中

今晚去搵啲特別啲既晚餐！估都估唔到可以飲夜茶！黎到屯門既「凝香居」一定要食餐勁佢既裝修又唔同茶樓咁商業化，有一點點中式復古既味道，坐位都闊落舒服！佢既餐點都比較多，不同種類由點心去到燉湯都有幾款既選擇，有選擇困難亦有套餐唔駛諗飽魚燒賣王（$32）同一般酒樓燒賣真心不同，配合鮑魚又唔韌又有咬口！山竹牛肉球（$20）大大粒既牛肉球，一定要配埋喼汗，水準以上，抵食推介！醬王金錢肚（$28）金錢肚醬汁入味，性價比黎講都算大碟！黑金流沙包（$26）呢樣不得不叫，對於鐘情流沙包既人，一定要食！蒸既時間岩岩，一咬落去奶黃流沙冇得彈鮮蝦腐皮卷（$28）呢個係好有心機之作，未食過現場既腐皮卷會脆口又好味！胡椒咸菜豬肚（$38）雖然賣相一般，但味道都可以！時令生菜（$18）呢樣不得不讚，好小人注意菜呢一樣野，香甜新鮮，份量又足夠！蟲草花乾干貝土雞燉鮑魚湯（$68）燉湯真係必點之選，一見到個盅就知道不得了，料多又入味，真係有鮑魚冇呃你，一啖啖都係精華所在

今晚就同朋友經過呢間餐廳，發現好多食客，所以就決定試一試啦，結果都令到我哋好悶意，呢度嘅食物同環境真係好不錯，而且仲要通宵開，簡直係宵夜必食Menu上款式超多蟲草花干貝土雞燉鮑魚湯呢款湯嘅味道超級濃郁，而且一飲落就知道冇落味精，仲有原隻嘅鮑魚，元貝同樣大大粒，土雞都有好多舊，所以令到湯底好鮮甜，令人飲極唔停口家鄉鹹水角上碟時熱辣辣，食落一啲都唔油膩超正！！黑金流沙包呢款流沙包係黑色嘅，超級特別，用黎打卡簡直一流灌湯小籠包呢款小籠包食落超多汁，好Juicy,超正醬皇今錢肚呢款金錢肚同樣好入味，調味得岩岩好豉汁蒸鳳爪調味得剛好，愈食令人愈想食

本身見到D留言都有啲驚驚地要等好耐，不過可能我早去所以啲嘢食都上得好快～無等好耐呢個問題！而且啲嘢食都出乎意料地好食😋😍黑金流沙包本身都唔係好鍾意食包，不過見佢係招牌就試吓啦，竟然有驚喜！已經好耐冇食過真係會流沙啲流沙包～新鮮出爐熱辣辣，入面嘅餡料濃郁得來夠creamy，好彩有叫～藥膳雞腳一上到黎已經聞到好大浸當歸味，果然真材實料😌不過雞腳只有四個，分量就少咗啲，不過味道搭夠！灌湯小籠包😙小籠包啲肉好多！入面都有汁爆出來，不過頂頂個皮有少少厚🤣棉花雞又係喜出望外嘅一環🥰魚肚三件而且好大件好厚，索曬啲雞汁😆雞件夠滑～冬菇，蟹柳都大大件蟲草花鮑魚燉雞湯燉湯都相當足料～入面真係有隻鮑魚架，飲完好暖肚☺️蝦餃，腸粉同牛柏葉都正正常常，有一般水準～其實作為街坊茶樓來講我覺得都算幾好仲要只係$3茶位，開得又夠夜～夜晚落去食點心都得

平日又要返工，放假又想喺屋企唞吓，都好難有機會去飲茶，原來呢間茶居係差不多廿四小時，放工都可以去嘆茶。好，坐低睇吓有咩好食先。椰香炸饅頭，熱辣辣上枱，炸到脆卜卜，加上煉奶，好味到不得了！醬皇金錢肚，食落幾爽，醬汁味道啱啱好。香煎蘿蔔糕，蘿蔔糕煎得唔錯，食落有蘿蔔絲嘅口感，唔會食到成口粉。仲有各食點心。窩蛋牛肉飯，蒸飯粒粒分明，唔會乾，肉餅有咬口。食埋我最愛嘅蛋散，新鮮炸起，非常鬆化，加上糖漿，好甜好滿足。

入到屯門紅橋搵到呢間食點心嘅凝香居門面睇落幾古色古香入到去見到牆身有個大menu 寫晒所有嘅點心係上面入到去坐底店員會開左茶俾我地先，之後我地先慢慢睇menu因為我哋想試多啲唔同嘅點心所以揀咗散叫如果唔係套餐都好抵食兩個人都係$148黑金流沙包賣相一流搣開佢就馬上有鹹蛋黃流心擁出嚟食落去味道啱啱好唔會好膩鮑魚燒賣皇賣相比我想像中靚粒鮑魚仔都有成個手指公咁大粒燒賣肉入邊亦都有蝦係入面十分足料山竹牛肉球味道亦都唔錯係水準之上鮮蝦腐皮卷炸得好脆口啖啖鮮蝦肉，調味適中蜜汁叉燒腸個皮做得非常之薄滑肉眼睇已經望到入面嘅餡料非常好吃最後叫咗個桂圓密瓜花膠燉雞湯個湯上菜時熱辣辣用料非常之多湯嘅味道亦都非常之鮮甜基本上所有嘅湯渣都可以食雞肉唔會話好老如果想試吓點心嘅都推介黎間餐廳試吓

住大西北如果想飲夜茶，通常都會去元朗飲，但係原來屯門紅橋都有一間隱世點心鋪 — 凝香居鋪頭位於井財街中段，搭輕鐵可以係景峰花園行落去，行大約5分鐘左右。如果揸車都一樣好方便，附近有幾個錶位停車場，大把位泊👍🏻開朝早11點收第2朝7點，基本上宵夜想飲茶都可以幫襯點心選擇非常多，最尾揀左呢幾樣🤤北菇滑雞飯個兜好大😂d雞亦都比得好爽手，飯我鐘意佢夠乾身，倒埋鼓油落去就口感一流👍🏻蒜蓉蝦春卷平時春卷好少會mix蒜蓉，所以一入口覺得呢個配搭幾新穎，而入面d蝦亦都好彈牙小籠包平時飲夜茶好少有小籠包食，所以見有就即刻落一籠，水準不俗，入面湯汁好多，如果麵皮再薄d就重好。排骨半肥瘦，芋頭底，又夠油，撈埋落個雞飯食就100分👍🏻👍🏻因為冇珍珠雞，所以老闆比左糯米雞我，入面幾足料，如果有粒蛋黃就滿分啦燒賣就不過不失腸粉又係值得推介，皮又薄又滑，入面勁多蝦🤤

夜晚想食個腸粉醫下肚餓就諗住試下呢間鋪頭裡面坐得兩枱人心諗一碟腸粉應該都好快手但過左十五分鐘仲未到我已經問一次店員要幾耐佢話要多五分鐘但點知一等又十五分鐘然後個店員過黎同我講話要再等多陣佢話個爐d水未滾搞錯🤬完全唔能夠接受簡直浪費生命同時間最後要求店員退錢永不幫襯太過份😡原來之前已經有唔少人有同樣經驗好後悔黎之前無check openrice既comment我都立即登記返openrice a/c留言希望唔會再有其他人好似我一樣白白浪費生命同時間😢

腸粉同菜苗餃個皮厚過舊磚燒賣鹹到食完會生腎石🤮🤮🤮🤮個鳳爪排骨飯更什 寧願食包x先生以為都一定唔會再去食 自問對食都無乜要求仲要等30分鐘先岀到點心 又慢又難食 選擇又少

原本諗住去隔離兩間糖水鋪食糖水, 但都要排隊, 所以攞完飛就周圍行下. 去到隔離凝香居, 見到有我最鍾意嘅炸饅頭就入咗去. 因為當時已經夜晚十點, 仲驚會唔會就關門, 不過原來開通宵 入到嚟緊係第一時間叫我最鍾意嘅炸饅頭先 見到佢係即刻炸嘅, 味道都唔錯, 但因為我太心急食嘅關係唔記得影相除咗炸饅頭, 我地仲叫咗個一人餐, 都幾抵食架, $7x 有個飯, 一盅燉湯同一碟菜. 個湯我揀咗花膠雞湯, 都算足料.個肉餅飯都唔錯, 飯硬度適中, 而且粒粒分明.  紅棗糕煙韌有口感. 個胡椒豬肚亦無偷工減料, 出面好多都得兩三舊豬肚, 但呢度都幾多豬肚呢度地方唔大, 但食物質素都唔錯, 坐得亦算舒服, 以後又多個食宵夜嘅地方

朝早唸住嘆個茶，無意中見到呢間小店，就去試下啦！兩個人叫左五個點心一盅飯，點心叫左潮州粉果、黑金流沙包、蒜茸蝦春卷、鳳爪、蝦餃同埋北菇雞飯。講左最驚喜既係蒜茸蝦春卷，大大舊又熱辣辣，外皮香脆而蝦肉多又彈牙，部分蝦有打成蝦膠，脹卜卜好好味，值得推介而潮州粉果內餡足料有菜餔，味道不過不失，如果外皮薄d就更好味啦！黑金流沙包真係有流沙效果，建議趁熱食味道更加好！北菇蒸雞飯就相對較失色，飯有少少硬，雞同北菇都吾夠入味值得一題既係，佢收3蚊茶芥，但係並吾係比茶包而係茶葉，而茶都算香濃

個幾月前有骨友話紅橋有間野新開張，而且周圍既酒樓又食開又多人等位🤫🤫🤫，就試下同朋友嚟試吓新屎坑，見到價錢都唔算好平，亦聽朋友講要等很久，不過我都想比多次機會佢既，一開始叫左個燒賣佢話上面有大大粒原隻鮑魚先係$32有三隻痴線㗎😣😣😣，點知佢話無貨，再叫D24榴槤流心包，佢又話個爐未準備好😡😡😡，我地想想下，就叫左個個師傅我即嗌佢即拉個石磨腸粉，同埋兩盎蒸飯🤧🤧🤧🤧。D24榴槤流心包恐怖的事件就來了，等左十五分鐘都仲未到，我就問下佢地，佢地話要點時間，再等左十五分鐘🤭🤭😅🤭，兩樣野都到左，誰知都是凍👀👀👀👀，我地食左一半都走左喇😵😵😵😵

平時Weekend放假大多會飲茶去酒樓飲到悶悶地 咁岩又去開附近記得新開左間點心店 於是去試下 兩個人去 揀左張四人檯坐 唔迫 坐得舒服 冷氣夠涼兩個人叫了五個點心 ⭐️鮑魚燒賣⭐️推介！原本以為有鮑魚會無蝦 點知有鮑魚又有蝦 有驚喜！鮑魚鮮甜 蝦爽口 好好食 同埋$32 有三粒大大粒 好抵食👍🏼黑金流沙包 真係流既 同埋麵包好軟 有彈性 好食👍🏼 腸粉都好煙韌不過啲蝦細粒左啲 同埋有腸 如果大粒啲 去埋腸 會吸引啲 牛肉球大大粒 小籠包皮薄不易穿 不錯 $3 茶芥真係好抵！啲茶有茶香 好飲 唔會好似一般茶樓無味好似飲水咁 呀姐服務周到 會幫我地移開啲茶壺 調味盒俾我地坐得舒服啲 不過啲餐具唔夠乾淨 自己用熱水徹底清洗後都ok埋單$130 不設加一性價比高 值得一試👍🏼

見d cm都話野食上得慢可能我6點半食，上得都幾快個飯2分鐘就到左鮮蝦菜苗餃唔係好夠味，好似食唔到蝦榴槤流沙包有驚喜，會為左佢黎食多次其他就無咩特別24小時營業，翻炒機會大

呢間餐廳想試好耐可惜次次經過都要等位今日未夠7點終於可以唔洗等位最初啲點心都好快到包括珍珠雞 流心包呢啲但係食哂啲點心腸粉都未到所以追下啦呢個時間距離落單已經半個鐘頭兩次都話等一陣其實唔趕時間要等都無所謂但係等一陣經係等幾耐呢？最後先同我地講啲水滾唔起所以遲左到我地話唔要佢先話入廚房問本來打算佢入去問完會講返要等幾耐點知問完出黎望一望張單又行開左⋯⋯最後我地都係無等碟腸粉個陣已經入座左45分鐘除左呢樣其實價錢同食物質素都唔錯希望餐廳可以正視一下呢個問題相信點心要等大家都可以理解但係唔係無止境咁等問完又無回覆

去到想食牛肉飯，佢話要等20分鐘，咁我問佢有咩現成啦，佢話雞飯有現成，咁我就要左雞飯，點知……等下等下，等左35分鐘，其間問過好幾次，每次佢都係話出緊喇好快，同佢講唔要喇叫佢退錢又唔肯退，真係火都黎！本來諗住買盅頭飯係因為貪快，點知真係天有不測之風雲！！未完呀，仲有下集……攞完個等左35分鐘嘅飯，行返屋企5分鐘路程，打開個飯盒……係凍嘅 謎底終於解開……如果大把時間就去試下啦