凱施餅店 (已結業)

今天經過英皇中心的凱施餅店，買了酥皮蛋撻作下午茶，$6一個，記得以前好似賣$5.5，也不知何時加價了。不過現在存放蛋撻則比前改善，是放在熱架上䁔住的。若是酥皮及牛油皮的蛋撻選擇，比較喜歡前者，烤焗後外面是層層鬆脆之撻皮，內面則是黃色凝固了的滑蛋漿。凱施的蛋撻也做到了這個效果，撻皮雖不太厚身，咬落鬆化不會膩喉，而蛋漿入口有軟滑感覺，不會過甜，整體不錯。另外也喜歡買的是凱施的厚切方包，三塊一包$9。通常可放三天，方包做得非常鬆軟，隔一兩天吃不焊熱也可入口。

#凱施餅店 (北角)北角英皇道480號昌明洋樓地下13A舖-----酥皮蛋撻（$7）😆 酥皮又香又酥 層次分明 又唔太油膩 凍左都仲好食～正！可惜蛋漿蛋味唔夠濃 甜味重過蛋味 雖然質感幼滑 非常juicy 但係蛋撻最重要ge蛋味整得唔好～failed🤷🏻‍♀️浪費左美味ge酥皮-----B仔整體評價：6/10個👍🏻B仔抵食程度：7.5/10個👍🏻B仔環境評分：外賣B仔味道評分：6/10個👍🏻B仔回頭機會：4/10個👍🏻

上兩個禮拜飲左呢樽標榜冇加人造色素同防腐劑既港式風味奶茶, 竟然係凱施自己既出品 (開頭見到我以為只係凱施寄賣其他牌子)...凱施麵包就食得多, 奶茶就真係第一次飲. 呢樽奶茶個味道其實有D似太興餐廳果隻冰鎮奶茶, 仲好似冇太興咁甜, 奶味濃郁得黎又唔會蓋過陣茶香...而個茶味都幾香濃, 估計用既茶膽都唔差, 入口起碼唔會有苦澀味. 口感亦都幾醇厚細滑. 當日天氣勁熱, 飲落去真係透心涼勁爽!買野加$12換一樽黎飲, 都飲得過呀, 而且最緊要係好飲!

有天來凱施買定第二天的早餐, 選了這款朱古力味芙蓉蛋糕, 以磨沙透明包裝袋盛載著令人覺得格外吸引第二天早上打開包裝拿上手, 覺得朱古力芙蓉蛋糕質地很柔軟, 按下去就像海綿般有少少彈性, 食落口的口感好鬆軟, 軟眠眠咁~ 質感幾滑, 好易入口~ 而且唔乾身唔會涸喉, 因為早上喉嚨會乾D, 食蛋糕麵包最怕涸喉感! 一路食都聞到朱古力香~ 甜度亦恰到好處, 相當唔錯!!除了朱古力味, 仲有原味( 呍呢拿), 黑芝麻和綠茶味的~ $7.5一個 $14.5兩個, 下次買夠兩個試埋其他味先~

今日7:15由北角放工要8:00到灣仔，期間要買蛋糕再送返屋企再出門口，真係趕到上氣唔接下氣。極速去買蛋糕都係一個難題，因為附近餅店既蛋糕都唔岩心水，行入呢間心大心細怕送禮唔好睇，但店員熱情介紹，我覺得一個百多元既蛋糕店員都甘落力，要支持小店一下！ 呢個係芒果芝士蛋糕，入面有芒果芝士同海綿蛋糕，外層就係mango jelly coat, 聽落好甜但其實甜度十分適中，唔會膩。如果芒果味可以再濃一d就更好。

下星期一便要遷往其他部門同事為了farewell我而吃了頓飯禮尚往來是必需的想破腦袋最後決定買半熟工房的蛋糕原因是之前吃過它家的半熟芝士撻覺得甚為驚人加上半熟工房出品的食物負評好像少之又少相信作為「散水餅」可算是「睇得又食得」半熟工房的分店不多本打算午膳時間走一趟銅鑼灣購買結果在它的官方facebook看到寄買點對於在北角上班的我真是可喜可賀部門加上我只有八個人我買了一盒十件裝的份量用專屬紙盒和紙袋盛載 半熟芝士蛋糕  135外觀非常袖袗上層烘得一片金黃 從雪櫃取出後可以馬上食用蛋糕體異常柔軟 像極了古時候的美人腰肢只能運用兩隻指頭小心翼翼把它拿起撕開外層包裹著的烘焙紙 送進口腔 僅僅一瞬 便消失得無影蹤口感濕潤 芝士入口即化 下面撘配的海綿蛋糕平衡了一般芝士蛋糕的膩所以讓人誤以為多吃幾個都不會胖我覺得是很輕盈的一款蛋糕 但味道說不上是非常驚艷 感覺很多地方都能吃到不過一口的size也可以讓正在減肥的朋友放風一下 不會造成太大負擔 但對於我來講這個size還是小了一點同事們都說感覺像吃了一陣風我只好安慰他們說少吃多滋味早知道就買兩盒了 以上。

放工有d肚餓，跟住去左凱施買包食，我欣賞佢地既包好軟林林，今日就買左芝麻法國軟包(無糖)，包面鋪滿一層層又香既芝麻，佢面層白芝麻，裡面夾雜黑白芝麻，由於包包係無糖，所以覺得好健康，有少少咸味，好清淡，包心好軟熟，煙煙un un咁，有法包煙un特色又唔會硬身，非常好!

曾閱報導，凱施餅店有50餘間分店，老闊很有人情味有住宿提供給員工。一般而言，我對連鎖店及外觀跟其他店太相似的店舖都甚少光顧。可能是對員工好的緣故，我不時都會在這店買早餐給小孩。雲雲麵包當中，極力推介維也納包及合桃扭條。平時對肉鬆極無興趣，但混合蒜蓉醬一起食是很野味。另一款合桃條很香有口感。不過兩者一定要買佈滿材料的。否則真的試過有點失色。不用多說，大家親自試過便知。

原本幫襯開將軍澳君匯坊同尚德的2間凱施餅店, 但上年2間都陸續執左. 現在中午會去炮台山地鐵站斜對面呢間買第二日的早餐. 鍾意凱施的肉鬆包同叉燒包. 但呢間的內鬆包又細又少肉鬆, 叉燒包亦好少餡. D女sales成日係度大大聲講自己圍內的是非, 鬧呢個鬧果個, 令買包的客人好唔自在.

自從上次吃過凱施的蛋糕後，小妹對其出品徹底改觀了。今日，竟又有機會品嚐凱施的芝士蛋糕。雖然只是一小塊，但至今仍教小妹回味無窮！一咬，芝士蛋糕質感如絲質般嫩滑輕盈，芝味淡淡而教人回味無窮，不會過份甜膩。底下的餅碎仍是香脆而具咬口，一軟一硬，一滑一粗，簡單而美味。喜歡濃味，重味的人，則未必會喜歡也。

熱情好客的Mrs.CHAN，素知小妹嘴饞，表示家中剛巧有開心果朱古力慕絲蛋糕，問小妹是否吃一件。由於稍後還有試食飯局，小妹婉拒了。然Mrs.CHAN繼續不斷遊說，表示件蛋糕極度好味。盛情難卻，小妹就不客氣了﹗Mrs.CHAN頗為慷慨，切了一大塊蛋糕給小妹，放於鵝黃色、畫有簡單花朵圖案的小瓷碟上，大方而優雅。淺褐色朱古力蛋糕中間，夾著一層淺綠色的慕絲，看上去似是香濃幼滑而不甚邪惡之輕盈朱古力甜品也﹗一咬，朱古力味道香濃但不甚甜膩，夾心開心果慕絲質感如棉花糖般輕巧，惜開心果味不太突出，若能加入開心果仁碎粒，則既可提升味道，也能增加口感。當然，如此一來，成本價必漲升了。蛋糕底層有不少的朱古力脆米，口感香脆，且富嚼勁。整體而言，蛋糕集香濃、幼滑和脆口於一身，啱晒小妹的口味。一試傾心，小妹追問Mrs.CHAN是出此哪一名店之作的。誰知，答案竟是「凱施餅店的開心果朱古力慕絲蛋糕」﹗人不可以貌相，海水不可斗量。或許，正是這個道理吧﹗今早，小妹上班時去了公司附近的凱施分店一窺蛋糕的全貌。開心果朱古力慕絲蛋糕造形頗見心思，簡單而美觀，且選用瑞士蓮52%特醇黑朱古力製造，但僅售八十八大元，真是十分抵食﹗旁

香蕉船好香香蕉味,不過係人工果隻味囉好油比較實既蛋糕牛奶方塊其實姐係牛奶方包咁囉幾甜幾實唔錯既綠茶蜂蜜蛋糕幾香綠茶味但相比連鎖店美X,太粗糙同埋蜜糖唔夠香甜,冇得比//

30.3.2012為慶祝好友生日, 特地買了這個藍莓芝士蛋糕給她一個驚喜.這間凱施餅店面對大馬路, 所以生意也很好. 凱施有多款半磅蛋糕, 本來想買鮮什果蛋糕, 但見它不太新鮮. 最後就揀了半磅的藍莓芝士蛋糕($78), 另加了$5作生日牌.蛋糕上層鋪滿了藍莓醬, 藍莓粒是出乎意料的多. 甜甜的, 略有少少酸. 然後是芝士層, 芝士層很厚, 也滑溜的, 味道略甜, 質感好像豆腐一樣, 但可惜芝士味不算香濃. 最底一層是海綿蛋糕層, 不太甜, 雖然有少少鞋口的感覺, 但見海綿蛋糕裡也有不少"窿", 質地也是軟綿綿的.以這個價錢, 有這個水準, 算是不錯的了. 我們也很滿意這個半磅的藍莓芝士蛋糕. 將來有機會一定會試它的慕思蛋糕哩.PS: 由於生日牌上 "Happy Birthday" 的英文字是粉紅色, 而生日牌是白朱古力, 所以令到英文字太淺色, 不太明顯. 另外, 店員雖然為我在生日牌上寫上我朋友的名字, 但她的字體實在有待改善.