函館元祖北海道拉麵 (已結業)

平時好少係香港食拉麵，因為覺得點都冇日本咁好食。但今次向朋友介紹下，試咗呢一間函館日式北海道拉麵。依間鋪頭最出名就係3.6牛奶拉麵，咁我哋就叫左一個黎試下。個湯味道好特別，牛奶湯底配上拉麵配搭一流，值得推介。另外我哋亦都叫咗另一個招牌菜，就係濃厚豬骨蝦拉麵，湯底比起牛奶拉麵更濃，啱晒重口味嘅朋友去試。另外我哋亦都加咗三款小食，分別係餃子、章魚小丸子同炸雞。每樣份量都好多而且價錢都唔係好貴。總括依然，依間北海道拉麵值得推介，價錢又唔太貴。

呢排咁多台風，暫時都未ＰＬＡＮ去旅行，去唔到函館，就來函館拉麵店嘗一下日式風味，望梅止渴。說是拉麵店，其實仲有好多唔同嘅食物種類，有超多小食選擇，簡直就是居酒屋的等級了～一紅一白，各有特色～北海道3.6牛奶芝士拉麵$98奶白色湯底好靚呀雖然好靚，但呢個唔係標奇立異的湯底來，食落仍然係熟悉的豬骨湯香味～只係加左好多3.6牛奶，增加香滑口感。好多芝士掛喺拉麵上面，配埋幼滑牛奶，口感很creamy～溏心蛋的味道也與普通的不一樣，是帶點甜味的濃厚地獄湯拉麵(小辣) $100朋友其實不太吃辣，但看到MENU說這是推薦菜，就決定挑戰一下小辣。果然湯底並不太辣，應是大部分人能接受的辣度，然後就是很香～！鹹度適中，叉燒也肥美，超推薦～！薯仔沙律$65看到賣相就被吸引了～其實就是薯茸配芝麻醬，簡簡單單，滿滿的澱粉質，當前菜吃很滿足～煎餃子$40幾乎每次吃拉麵也會點，表皮煎得香脆，點醋很美味！整體來說很推薦，因為兩款拉麵的湯底都很特別，小食種類也多，而且價錢合理，鍾意食拉麵的朋友絕對要一試！

我成日都覺得佐敦冇野食，但原來唔係，我今日食Ｅ間就係朋友帶我去，好食，但有點貴。入到去個環境好舒服，有bar檯坐，但因為我地有４個人，所以冇坐到bar檯。同埋唔知係咪因為餐廳離地鐵站較遠，我地去到同走都時候都唔太full。我叫左生薑牛肉飯，餐還有青瓜醃蘿蔔，味噌湯，沙律，挺多的。青瓜及醃蘿蔔爽口，酸酸甜甜挺開胃的。沙律普通，胡麻醬再多一點會更好。生薑牛肉飯份量挺多的，牛肉不像吉Ｘ家那些，肥的部份唔多，而且唔韌，洋蔥甜甜的少少爽口，同牛肉幾夾，芝麻亦增加了些少口感，整體都不錯，只是價錢有點貴。

優惠⋯⋯是銷售的一種方法！與好友在佐敦找地方午餐，見食店門口放了一大堆宣傳單張，Coupon 滿$80 減$10, 反正都是揾飯食，咪走入去試吓囉⋯⋯一入內看見一個小酒吧，幾吸引，看清楚，原來有Happy hour 的⋯⋯看看個Sake Manu, 價錢唔算貴，但唔係太多選擇言歸正傳⋯⋯我們拎住三張coupon 問，三個人係咪可以用三張？店員是兩名南亞裔待應，答: Yes! Order food more than $80, 我們三人立即坐下有個lunch 定食$99, 可選三小丼或烏冬，有沙律和麵豉湯，兩個朋友選函館迷你飯餐我見她們選了飯餐，於是我選拉麵🍜加$28 可選soft drinks 朋友的迷你飯丼選了: 三文魚飯和滑蛋豬扒飯配沙律、麵豉湯及烏冬，朋友覺得麻麻另外的迷你飯餐: 什錦剌身飯、鰻魚飯配沙律、麵豉湯及烏冬⋯⋯這個飯一上枱，朋友看見魚生的色水已皺眉頭，食落覺得唔新鮮，烏冬煮得過龍⋯⋯最後我的拉麵🍜來了濃香味增拉麵🍜，第一啖飲湯，濃厚味精，荀帶腥味，蛋還可以，但那件厚厚的义燒，我寧願他切薄一點，我食少啲一路食一路飲他們的冰茶⋯⋯函館拉麵，果然夠咸最後我們足足減了$30,

日本這個月真是多災多難，不只遇上超級颶風，繼而是地震，貴為熱門旅遊點的她，損傷不少！突然懷念北海道拉麵，未能起行，只好留港懷緬，聽說函館元組北海道拉麵店的拉麵正宗，今晚剛好在左近，順道來一試。本來以為是一間只做拉麵的拉麵店，原來有如居酒屋般多元化，雖然如此，拉麵方面又幾特別，例如我選了的這兩款，濃厚豚骨蝦拉麵及北海道3.6牛奶拉麵。濃厚豚骨蝦拉麵 豬骨加蝦熬出來的濃湯、為湯頭添加了少少橙色，面頭一粒鮮蝦，沒有煎過，還過得去，溫泉蛋流心，叉燒肉用半肥瘦梅肉，皆符合水準，我覺得麵質最好，柔軟中有韌性。北海道3.6牛奶拉麵白雪雪的湯頭未見過，北海道牛奶向來香郁，原來配麵亦夾，最主要提升了順滑的口感。除了溫泉蛋及叉燒之外，加上車厘茄及青菜，感覺健康。整體過得去，平均分數 3.5。

老老實實，真係個人對拉麵既見解， 呢間野，真係好難食！北海道 3.6 牛奶芝士拉麵 HK$ 98遠處拿黎，一 d 奶香都聞唔到。 放到埋黎， 聞到奶香， 可惜湯頭一 d 奶係口中留香既特色都冇。 芝士只係普通至極 mozzarella 粒。 面既質感幾好， 但未免湯頭太差了吧！溏心旦係冰凍既，叉燒得一片，真夠｢大方得體｣ 濃厚豬骨蝦拉麵 HK$ 100 + 章魚丸 HK$ 25同上， 凍既d配料， 都唔知有咩好comment. 燒鰻魚 HK$ 100無魚味， 行貨，得半條四舊， AEON平 2/3.

見完客係佐敦同柯士甸交界，同事話一齊去食拉麵就黎左『函館』，門口寫住元祖北海道拉麵，更標榜彩用「西山製麵所」生產麵條，一於試試裡面坐位都好寬敞，以木做主題簡約既日式餐廳風格濃厚豬骨蝦拉麵$100豬骨湯係白色，另外店員介紹黑拉麵係加左黑豆汁，綠拉麵係加左香草汁，我試左濃厚版，配料有1隻蝦、1片叉燒、半隻溏心蛋、荀、粟米、蔥……湯飲落唔會好油膩，麵條爽口追加左章魚丸(3粒) $25熱辣辣脆卜卜既章魚丸，上面有紫菜 同 木魚花加埋沙律醬，仲食到裡面粒粒彈牙章魚仔叫左個燒鰻魚$100 share一齊食紫菜同少少芝麻配上濃濃既鰻魚汁，肥美既鰻魚多左陣芝麻香口感

拉麵，喜愛食拉麵！店不算大，裝備具日風，整潔、舒適！其餐單設計鮮明。今次為試其：北海道3.6牛乳芝士拉麵大大碗拉麵，湯底純白，芝士同牛乳配搭得宜。湯中有叉燒及溏心蛋，更有車厘茄、薯仔、粟米、菠菜同露筍仔其湯超有牛乳香味，口感滑溜，值得一讚：碗拉麵好食，夠特色另一黑蒜拉麵，湯超濃郁、香噴噴的！叉燒不算厚身，肉好嫩滑，配料足，令拉麵口感更豐富食拉麵更要配一炸雞啦雞的外皮炸至金黃，內肉質十分嫩滑，好正呢。

係官涌街送完貨之後 發現9點幾附近好多食肆已經關門 行左一陣 見到呢間咁光猛既拉麵店就去試下啦 入到去見到有一檯日本人 同埋兩檯客係度飲酒吹水 加上舖頭唔算大 感覺有d似日本既居酒屋咁〰️味付螢小魷魚〰️$65呢個魷魚好爽口 一d腥味都冇呀 而且仲好似有少少酒味添呀〰️炸雞軟骨粒〰️$50其實本身冇諗住叫呢個小食既 但係見到隔離檯邊飲酒邊食 好似幾爽咁 所以就叫左啦 雞粒炸得一d都唔油膩 而且仲有好多粒可以慢慢嘆〰️北海道3.6牛奶芝士拉麵〰️$98我都係第一次食到白雪雪既牛奶湯底拉麵 有d似咸既牛奶 奶味好濃郁 一開始時係有d稀既 不過撈均d芝士粒粒就即係杰身左同多左芝士味 麵身亦軟硬度適中〰️金味增地獄湯拉麵〰️$95豬豬男友叫左大地獄既辣味 淨係睇隻色都feel到係勁辣啦 好有挑戰性呀 而且味噌味濃但唔會太咸

今日lunch 想食濕濕地，有湯汁就簡左食拉麵呢到中午menu 好多選擇， 有丼飯， 拉麵， 小食， 沙律等單單拉麵湯底有很多， 豬骨湯（白）=原味豬骨湯（黑）=黑豆豬骨湯（綠）=香草味噌， 鹽， 豉油， 牛奶湯我最愛的味噌湯❤️濃香味噌拉麵 （$80）加餃子（$25）加$5轉粗拉麵拉麵幾有口感😊碗內還有酒味的流心蛋半隻， 义燒一片， 粟米，芽菜， 海帶豬骨湯拉麵（$83）加章魚丸（$25）豬骨湯清清地， 食落唔‘流’章魚丸落足好多木魚碎， 熱熱地食， 正丫😉

北海道有3大地區的拉麵最為有名。旭川的醬油味，函館的鹽味和札幌的味噌拉麵。三處各有特色，難怪去北海道旅遊的人一定不會錯過。今日食清清地的鹽味牛油拉麵。湯頭清甜不會太鹹，來得自然不乾喉。加入牛油增加滑溜感和香味。麵條強韌豐有彈性，掛湯力也不錯。流心蛋用上曰本蛋，怪不得蛋味濃厚芳香。北海道刺身沙律份量頗多好抵食。醬汁酸甜開胃。上層放滿脆片增加了爽口感。炸雞即叫即做，新鮮滾熱，外脆內軟熟，不油也不膩，啖啖滋味！

有一排冇去日本旅行，好掛住當地嘅拉麵，呢輪食得韓國嘢多，想轉下口味食返啲正宗日本拉麵，知道有一間來自北海道嘅拉麵店，叫做“函館元祖拉麵店”，響佐敦官涌市對面，於是琴日放工去食碗拉麵。拉麵店有日式裝修感覺，原來佢哋唔正只有拉麵食，仲有定食同埋咖哩飯， 佢哋出名拉麵當然就係食拉麵啦。我就點咗一碗濃厚豬骨湯地獄拉麵，湯底可分大中小辣，穩陣起見都係點一個小辣，湯底豬骨味夠濃，而少辣亦都唔會太辣，唔會蓋過咗豬骨嘅湯未，呢個辣到最啱我；配料有筍、木耳、日式叉燒同埋溫泉蛋， 一大塊叉燒夠厚夠入味，而溫泉蛋溏心好好味， 拉麵嘅質地夠彈牙，非常有水準。另外我哋食咗一個北海道3.6牛乳芝士拉麵，呢個拉麵湯底嘅味道牛乳味，對比起地獄拉麵呢個係偏淡好多，味道比較清，因為佢用牛奶做湯底；配料有芝士、叉燒、蘆筍、溫泉蛋、同埋菠菜，口味比較清新同埋特別，如果喜歡清淡嘅口味會比較喜歡呢款拉麵。另外拉麵可以加$25 / $30配小食， 炸雞、炸餃子、咖哩飯或章魚丸，炸雞一碟三大嚿，日式炸雞金黃香脆，點埋沙律醬仲好未；炸餃子一碟三隻，size比較細，但都炸得香脆可口，而日式咖哩飯絕對有傳統日式咖哩嘅味道，因為會偏少許甜而

陪媽媽去睇咖啡用品之後到旁邊的拉麵店食個遲來的午餐 餐牌食物非常豐富 除了有各款拉麵之外 還有沙律/前菜/炸物/燒物等多種 蟹子沙律 $65 蟹子沙律分量雖小 但勝在味道調得好炸豆腐拌白蘿蔔蓉 $55 炸豆腐嫩滑 好食豬骨拉麵(白) $83 豬骨拉麵有三種選擇(白/黑/綠) 分別是原味或加了黑豆//pesto一起煮的湯底 點了原味湯底 豬骨湯底清香而不油膩 拉麵強調選用日本北海道「西山製麵所」生產的麵條 麵條掛湯份量多豬骨醬油拉麵 $88 豬骨湯底加了醬油 味道香濃但又不會過鹹剛好過了這裏的午餐時間(12:00-15:00) 午餐優惠好吸引 可選3款有迷你飯餐 下次值得再來一試

位於佐敦的函館元祖北海道拉麵 ，是一間開舖十多年的店舖。拉麵店由日本人開設，是日是男朋友考日文的日子，我就帶他去吃合乎主題的東西，打打氣吧，哈哈。餐廳的食物種類超多，根本不是拉麵店，反而較像居酒屋或日本料理店吧。不過竟然主打拉麵，我就點一碗招牌麵吧。當日聽到某位客人問服務員:【為什麼餐牌上有那麼多豬骨湯底拉麵，豬骨湯是九洲的湯底喎】，服務員啞口無言。其實並非只有九洲是豬骨湯，北海道的拉麵也出名豬骨湯底，鹽味拉麵就是出自函館，是指豬骨味的清湯。北海道3.6牛乳拉麵$88這個拉麵的湯頭以豬骨湯和北海道特產的牛奶煮成，色澤奶白，清甜的骨湯中帶有淡淡奶香，味道溶合，滑溜順口，雖有油份，但喝光也不太油膩。叉燒片微厚，但質感過硬過靱，雞蛋的蛋味不夠濃，有點失色。麵條是西山製麵所的出品，質感彈牙，也屬不錯。

函館此麵店標榜採用北海道西山製麵所製成的麵條，以及同是由北海道製的濃縮湯包再加工調出各式湯底。店有三家，其中一家落戶人流較稀少的佐敦官涌街，其店的裝潢亦較簡約，普通日式拉麵店的風格。湯底款式將近20款，好讓我選了一輪，白豚骨湯怕味道單調，黑蒜或牛油又怕過於油膩，最後隨意選了豬骨醬油湯底。豬骨醬油拉麵 ($88): 湯底的豚骨與日式醬汁味道並重，豚味作基礎，但醬油味能香而不膩，光喝湯也沒有太油膩的感覺；麵是採用北海道製的「曲麵」，掛湯能力適中，麵較爽身有口感；其餘配料包括日式叉燒一片、溏心蛋半隻、荀、粟米及蔥碎等等。吉列豬扒定食 ($90): 一貫日本定食的標配，含主食炸豬扒、日本珍珠米飯、胡麻醬沙律，以及味噌湯。吉列豬扒炸粉厚薄適中，酥香但不及鬆脆；而厚切豬扒富肉汁，尚算幼嫩，配沙律及日式味噌二醬。