刕舙馫麵館 (已結業)

又係要OT既一日，由朝早八點開始做野，做到差唔多夜晚八點至放工，真係就快癲喇......放工既時候個肚已經餓到扁哂，食飯覺得太heavy，但煎炸野又唔健康，最後揀咗刀削麵，感覺飽肚得嚟又健康。刀削麵有唔同既餸可以揀，今次係第一次食，咩都想試下，諗咗一陣最後決定食麻辣水餃刀削麵（但因為自己唔係好食得辣，所以走咗辣），飲熱檸蜜。水餃刀削麵（＄38）刀削麵麵條有彈性，麵身唔算粗，但咬落好煙韌，自家工場整既感覺係唔同d水餃係豬肉白菜，冇諗過會有成5隻，份量好足夠！湯底清甜不膩，仲有刀削麵既味道，最重要係冇落味精熱檸蜜（加＄8）近排天氣唔穩定，間中喉嚨會乾，所以飲返杯檸蜜滋潤下。晚餐＄50有找仲要食到飽都好抵。

今日約左去睇CONCERT.未夠中去黃埔行陣先.去完黃埔新天地.都搵唔到食乜好.就用電話APPS轉盤決定.轉出黎個結果系食面面.所以就搵面食.我同條囝見到間野個名幾SPECIAL.因為唔識讀所以就…試新野.呢度招牌菜系刀削面.不過唔知簡咩好.佢有好多唔同選擇.麻辣就好多款簡.但清湯就得一款.既然系甘.試下佢個麻辣鴨血拼鵪鶉蛋刀削面.因為我系無蛋不歡既.豬血就食得多.但鴨血就未試過.叫黎試.食過先知.原來鴨血本身無咩味既.但系溝埋佢D麻辣湯底.令到無味既鴨血都好好味.鵪鶉蛋又出奇地夾到.最尾D湯直情系精華.辣到我叫救命.正

最近開始都同朋友定期打波做運動，今次就相約去咗紅磡運動場打波真係非常健康，打完波我哋就去咗附近一間刀削麵店食晚飯，係呢個咁凍嘅天氣食一碗暖麵真係非常好。最後我就叫左佢招牌菜麻辣金沙骨刀削麵。佢嘅金沙骨賣相就幾好食，面頭仲有麻辣醬同埋蒜蓉食落相當惹味。而刀削麵亦都唔錯彈牙之餘分量亦相當足夠。前菜小食拍青瓜味道清甜爽脆表面再加上酸辣嘅醬汁相當醒胃。朋友就叫咗麻辣牛筋腩刀削麵，佢嘅牛筋腩味道相當出色牛筋軟淋相當滑口，牛腩份量亦都算多整體不錯，佢嘅刀削麵同樣保持水準整體味道真的很好。

【#二拾一食記】刀刀刀削削削麵麵麵香港無乜地方食刀削麵，咁啱撞到呢間名都唔曉讀，叫刕舙馫 (音：勵華興）嘅食店，就試試佢。四川麻辣係佢哋嘅主打，成間調味一係四川麻辣，一係唔辣，無得揀。麵係機削嘅，硬係無咗人手嗰種感覺，當然好處係粗幼控制好D。食落算煙韌但我覺得可以再好d. 湯底係牛骨雞骨嗰類嘅清湯，算清甜，唔錯嘅。麻辣就跟配菜上，叫咗牛𦟌，係一粒粒有厚道有𡁻頭嗰隻，口感係好嘅，但食到無乜肉香味，同樣肥牛感覺都係一般般。不過佢個麻辣係好食嘅，麻香惹味開胃，辣道適中，救咗個餸！簡單講，雖然少少貴，但食解吓刀削麵癮，或者鍾意食麻辣嘅，可以一戰。題外話：唔知幫襯時可能新開張，柚面服務勁混亂，不過聽到個負責教人嘅阿姐唔單止無怪D 伙記，仲同佢哋講「唔緊要，慢慢學」，值得一讚！

見肚餓搵嘢食路過見到依間麵店個名幾特別，就決定入去食下刀削麵環境都幾好，因為下午茶時間所以人都唔太多。睇睇餐牌全部刀削麵都有麻辣兩個字，差啲嚇親，以為好辣。睇真啲，係可以走麻辣的。一份餸配一碗麵麻辣同埋蒜就唔係直接加落碗麵度嘅，而係喺個餸上面，所以唔記得叫走辣都唔使太驚。牛筋腩有三隻手指推介，單睇賣相已經覺得好唔錯，食落牛腩味香濃牛筋又炆得夠林，好味好味。豬扒都好香，鵪鶉蛋就有啲似台灣嘅鐵蛋不過冇咁硬，鴨血都好味，一啲都唔臭，刀削麵軟硬適中加料叫咗一隻糖心蛋，質感一流跟餐叫可樂仲可以免費拎到支茶添。第一次見鋪頭有呢個優惠，有意外收獲。整體來講都唔錯，下次再路過家維邨，都可以再食依間刀削麵。幾好幾好。

呢日同老豆講話想試附近新開無耐既麵館，我一講話唔知個餐廳名點讀，老豆就話係咪有邊讀邊既刀舌香，果然個名夠曬引人注目🤭午餐時間去有一定既人流，所以落單同送餐方面都有啲混亂，不過店員都保持有禮貌既🤗👁‍🗨 麻辣牛筋腩刀削麵（7/10）💲47因為唔太食得辣，我呢個叫咗走辣，保留左香口既蒜泥😍原來牛筋腩同刀削麵出到黎係分開上，感覺上牛筋比牛腩多，牛筋有滿滿既膠原，食落都幾滑腍唔錯，而牛腩就偏瘦但唔會韌😉相比起普通嘅麵質，刀削麵更為厚身帶點咬口，不過個人鍾意再煙韌多一點點既🙈👁‍🗨 麻辣豬扒刀削麵（7/10）💲46老豆就叫咗少辣，不過啲辣醬都係跟豬扒另上🤔豬扒並非酥脆油膩，而係屬於薄身鬆化，會係另一種風味🙃👁‍🗨 麻辣豬耳仔（小）（7.5/10）💲12呢個保留左個麻辣，果然唔野少個嘴會興興地，食落都幾爽口，細細份過下口癮岩岩好☺️👁‍🗨 溏心蛋（7.5/10）💲10呢隻溏心蛋比預期中好，隻蛋有滷過既，蛋黃亦呈現半膏狀半液狀🥚🔛 整體評分（7/10）

情人節無另一半都要食飯既🙈今晚同朋友去左呢間個名唔知點讀既麵店食晚餐，我叫左麻辣鴨腎刀削麵，朋友叫左麻辣口水雞刀削麵，我地另外加左個大豬耳， 全部都係小辣佢跟餐既餸全部都係另上，很好👍 上菜速度快～鴨腎唔會“鞋”，份量多，個麵勁彈牙！ 同埋有厚度，“趙”果陣好有口感好實在👍試左朋友一舊口水雞，好幾滑，啲辣係餐廳話自己秘製，好香，幾有辣度，好好食👏佢呢個豬耳好厚身同大舊，同出面食到既有啲唔同，口感都係好豐富，但又不失爽口既一面店員幾有禮貌，支持呢啲實力小店💪

放工同媽食晚飯，佢話今日攰攰地想落街食，就由黃埔行左去紅磡嗰邊食。佢話上次見嗰頭又開左麵店同車仔麵等等，佢又鍾意食北方麵，就入左黎呢間刕舙馫😲個名好特別，但我唔識讀🤪一睇個名就知係食北方麵啦，阿媽本身好鍾意食呢D，所以佢即刻心心眼😍就話要入去。見到門口有拉繩，估佢中午真係要排隊，因為附近多廠又多寫字樓，肯定好旺好多人。店員都笑話係，不過見佢而家平日晚市都有唔少人，密密有人入黎食，估佢雖然唔係開左好耐但口碑都應該幾好😚菜單以刀削麵🍜為主，雖然咩麵都係寫麻辣🌶但都可以少辣或走辣既，好彩~因為老媽子食唔到辣，佢就叫左個水餃🥟刀削麵。我就揀左鴨腎🦆刀削麵，既然阿媽走辣，咁我就試下少少辣，睇下佢個麻辣味如何。跟餐可以加錢有埋飲品，我地揀左要凍豆漿🥛佢都係外購既，衛生包裝都幾香豆味。媽子又加左個豬耳👂🏼小食，都係可以揀唔辣，唔錯。我覺得個豬耳好爽，少少鹵水味幾香口。不過阿媽就覺得有少少硬。先來左阿媽唔辣既水餃刀削麵，清湯得黎都有蒜、蔥同埋芫茜🥬令到食麵時香口D (當然要走青可以要求)。一睇個麵質好似好唔錯! 店員話佢地既刀削麵係機削，但因為速度快，所以個厚度適中同埋個麵粉猜得多，所以削出來既麵🍜係

我一直是刀削麵的愛好者今天就來造訪這家山西刀削麵聽說廚房有一部自動削麵機削出來的麵條會比較統一刀削麵配料有多種口味選擇大多以自家炒制的麻辣為主我們點了主打的金沙骨和牛筋腩金沙骨即叫即炸肉質嫩滑牛筋腩較碎配以濃稠醬汁很惹味刀削麵口感滑溜彈牙有嚼勁湯底鮮甜沒有死鹹的味精味風味絕佳非常值得一試一碗麵份量特多非常飽肚另點了溏心蛋和麻辣水餃溏心效果剛好不多不少最後飲品點了檸檬可樂來完結這個充滿中原風情的晚餐

佛光街橋底下有一家麵店，我連他的名字也不懂讀，那就吸引了我的目光。裡面的裝潢光猛寛敞，座位舒服，很不錯。點麵的話，飲料可以以半價價格得到。餐牌上都是差不多麻辣的餸菜，但不食辣的朋友，可以叫走麻辣，少辣都可以，跟麵的可以另有蒜粒，不要也要早揚聲。麻辣口水雞有自家製的麻辣，特別麻，不太辣，食得出麻辣裡有豐富的配料在裡面，令我要把它食光光。刀削麵是用機打的，不過都有大小厚薄，好像人手做的一樣，很有以前在內地讀書食的感覺。口感很好，湯底也香濃。麻辣豬耳仔（小份)一個人食的份量，不怕太多食不完，很貼心，又可以先嘗過味道，好食下一次要以叫更大份。豬耳仔很爽，很有口感。餐廳老闆更貼心的是手機充電!!

位於紅磡嘅新開面店個名已經夠獨特食嘅主要係刀削麵Menu上嘅刀削麵都唔算貴我揀咗嘅係牛筋腩刀削面價錢係算係中規中距整體黎講既價錢都係接受到既$45最欣賞呢度係湯麵同餸係分開上咁就可以真係試到佢個湯底係點牛筋腩既數目都唔少而且忟到好淋!!我揀咗嘅事小辣嘅湯底絕對唔係味精湯牛筋腩嘅份量都幾大份最正都係啲牛筋忟到勁諗刀削麵都好高質我特登揀咗軟嘅口感軟嘅其實就等於平時食開嘅正常硬度份量都幾多！個湯底清得黎又食到佢刀削麵獨有既口感同味道絕對值得再食

紅磡向來都係美食天堂呢間應該係新開既刀削麵店刀削麵向來都係比一般面貴因為可能要多啲工序呢度全部都係刀削麵底配搭都幾多下水餃刀削麵$38就可以食到好飽肚之餘重要味道唔差中間呢個係辣醬聽講係老闆自家調製既我係揀左小辣既辣度因為廢事太辣食唔到啦呢個辣又幾特別我唔係好食辣既都覺得幾惹味水餃係超重料真正既皮薄餡多咬開一半俾大家睇連入面都係勁juicy刀削麵個質感好好味厚厚地但係有幾好咬口$38就搞掂真係性價比一流

在紅磡經過民裕街時, 朋友停留在某間餐廳外, 原來她在研究怎樣讀《刕舙馫麵館》！ 環境乾淨企理有長木椅夠舒服, 又不會被迫走。 職員態度良好，落單、上菜都很快手又沒出錯豬頸肉刀削麵 HKD 45 金黃色的豬頸肉, 顏色混均, 有分辣度仲要係分開上碟, 伴碟有蒜蓉、辣醬可自行控制， 味道入味而且不感到太乾淨淨。 而刀削麵很久未吃, 口感比河粉厚又彈牙。很多特別小食鴨血、牛肋條、金沙腩排等等都係由HKD 30 - HKD 45而已, 控食！

慘慘又抽到返夜地獄更😵適逢日頭要幫朋友去紅磡拎啲野🙉還掂拎完撞正Lunch Hour🍴🐷趁未落地獄前一枝公去吃個最後的午餐先🙈位於紅磡民裕街既刕舙馫麵館🍜喺黃埔站A出口經馬頭圍道行過黎亦算就腳😆呢度簡約設計既環境裝修🙈以及人手細心畫繪既壁畫壁作盡顯店鋪心思☺️🎨抵食既麵餐小食☺️🍜亦吸引到唔少學生哥同埋上班一族黎進膳😆🍴牛筋腩刀削麵牛腩夠哂爽口之餘煮得夠腍嫩😋🐮筋腩比例平均🤤脂肪比例均勻食落亦油香滿溢🤤配合爽口彈牙既刀削麵亦係絕配🍜☺️涼拌青瓜爽口Juicy既青瓜🥒😋以微微酸辣帶香既醬汁涼拌食更為開胃🤤

食完依間野既感覺就係三個字！！平！靚！正！小食：涼拌雲耳，清新開胃：）小食：涼拌豆腐皮蛋，，豆腐好味！！！麻辣皮蛋，皮蛋幾靚，爆花，調味調得不錯！！！拍青瓜，清新爽脆！！！醃蘿蔔，酸酸味味，當餐前小食開開胃一流！！！豬耳，爽口！！！口水雞，雞蠻肥美嫩滑！！！麻辣魚塊，真係抵食夾大件，魚片好香口好野味！！！牛雜煮得好入味！！！刀削麵，食落比一般既麵條更有咬口，蠻彈牙，湯底清清地，配番較濃味既牛肚牛腩食，兩者味道平衡番！！！