刕舙馫麵館 (已結業)

好友考完路試成功PASS到 於是就搵左間餐廳慶祝下我地係油麻地出發黎到黃埔站 再行幾分鐘去到一間刀削麵店叫做刕舙馫 個名好搞野我同佢都唔識點讀入到去睇左陣餐牌 叫到成枱都係野食惹味熏魚 煙燻味很香 魚肉嫩滑 魚骨很多 吐骨有點麻煩麻辣炸雞翼 一份5件 雞翼炸得很香脆涼伴青瓜 涼涼的很清爽 青瓜爽脆 很開胃麻辣豬耳仔 豬耳長長的 煙煙刃刃豬大腸刀削麵 豬大腸十分入味 濃濃的鹵味 刀削麵口感彈牙我地成完呢餐都好滿足期待好友下次自己揸車帶我去搵野食

河粉,米粉,米線成日食，食慣左,今次特別d試下刀削麵,不過香港刀削麵店唔多，最後搵左間係紅磡既。搭左半個鐘車,黎到黃埔站,睇網上食評唔差,口碑唔錯,就黎呢到試下。入到去裝潢唔錯,側邊佈置左長長既壁畫。睇菜單,清一色麻辣,朋友本身唔食得辣,不過好彩右上角寫可以走辣,於是朋友就叫左碗新鮮豬手刀削麵。隔左大約十分鐘,碗麵就到,豬手大大舊,肉味香濃,帶點黏黏的感覺,軟骨的位置亦很爽口,刀削麵口感彈牙,份量十足。再來一碟涼伴青瓜,呢碟只係賣9$,很抵食,青瓜冰冰涼涼,味道清爽,夏天咁熱食都無問題呀，作為伴菜絕對一流。

係工業邨返工,中午諗食乜,同事suggest食刀削麵,於是就去左呢間叫刕舙馫既刀削麵館食lunch。我地一行5人除左點左5碗面外,仲加左3碟小食。以下推薦幾款麻辣水餃-水餃一碟六粒賣30$,平均5$/粒。水餃一咬入面既湯汁就標出黎,餡料是白菜豬肉,配上麻辣醬十分惹味。麻辣鴨腎-鴨腎口感煙韌，中間爽口,據說鴨腎營養價值豐富,可以多吃。麻辣口水雞-口水雞味道新鮮,佢整得唔會有好重雪味,雞肉嫩滑,骨頭唔會好多。麻辣肥牛刀削麵-肥牛質地同平時打邊爐既差唔多,刀削麵粗幼相近,口感彈牙,麻辣同餸擺埋一齊,可自行選擇落幾多辣,湯底清甜。

今日去探婆婆，在她家附近找到了一間算是新開的麵館，除了難諗的店名是個噱頭外，一向我也很喜歡到處試特別的麵食，想不到地區小店也沒令我失望。雖然位處工業區，但店內裝修新穎，乾淨企理，而且店員姐姐下單也是用手機、又有支付寶，趕得上潮流。婆婆叫了個水餃刀削麵走辣，我叫了個金沙骨刀削麵小辣，還加了一杯豆漿一個小吃，份量很多才約$120 ，算是正常價錢。店舖似是已麻辣作招徠，但即使點走辣的麵一樣好吃，湯底濃郁也不令人口渴，不會像別的地方點清湯便會淡如水。建議不能吃得太辣的人可以點小辣，再自行加麻辣醬調味，因為他那個自家製的醬也非常不錯，帶丁點兒麻，一解這舖辣癮。水餃麵有五隻水餃，夠大隻；而我的金沙骨新鮮熱辣炸起，超正！肉夠鬆軟老人家也很容易吃。至於主角刀削麵，夠煙韌滑溜，認真「𠽌𠽌」聲！份量很多，非常飽肚，相信即使男士吃也十分足夠。看見他的小吃也不太貴，我們點了個麻辣豆腐豬耳，豆腐稍為吸汁很惹味，豬耳也很爽口。想不到紅磡工業區這邊也能找到很多很不錯的食肆，對這邊上班的人來說有福了！

平日常吃到米線，在紅磡經過這間麵食店，見到整間主打刀削麵的，較少吃到，那就試試吧。餐牌選擇挺多～麻辣牛筋腩刀削麵：麵質跟之前我吃過的不一樣，麵質像吃麵筋般煙靭，有嚼勁，不太糊狀或軟腍易斷。牛肉方面亦炆得入味，牛筋爽口，牛腩肉質結實不鬆散，鎖緊肉汁。湯頭有特色，雖然是麻辣底，但仍嚐到其清甜且濃郁的味道，最特別的是店用上麻辣XO醬，配上生磨蒜蓉，令湯底味道更提升，每呷一啖湯夾雜著瑤柱絲、蒜香、麻辣感。而生蒜泥的味道濃烈，每一口麵都混雜濃郁的蒜味，整體提鮮惹味。喜歡蒜香麻辣的朋友會很過口癮。 

上個月嚟食左次刀削麵嗰陣剩係試左個牛根腩刀削麵，今次試下其他野聽講金沙腩排唔錯，一於試下呢樣金沙腩排多軟骨，不過嚼幾下就碎唔同雞軟骨，肉質腍滑肥美刀削麵同上次一樣，口感彈牙食完碗麵唔係幾夠飽,就叫左啲小食上次試過涼伴青瓜同麻辣炸雞翼，今次就試下香脆素春卷同麻辣鴨腎先黎既係香脆素春卷，春卷一式5件，每件平均$3春卷炸得酥脆，內裡的蔬菜令春卷食上來唔會咁油膩然後到麻辣鴨腎，鴨腎口感煙韌，吃落爽口若配上啤酒，相信是最佳配搭

💖刀削麵介紹 ♥• 🔸餐廳資料 (紅磡)刕舙馫麵館🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽刀削麵喺香港好少有， 或者係因為步驟繁複所以唔多人做。我同朋友都係住喺黃埔，今日特登嚟呢度試下我哋行到舖頭嘅時候心入面都諗一個問題就係呢間舖頭點樣讀㗎呢餐牌入面清一色都係麻辣刀削麵， 不過放心可以走辣或者少辣，所以食唔到辣嘅朋友都唔使擔心㗎。店舖雖然唔大，但係座位 坐落去都算係舒服嘅整潔🤗🤗🤗🤗🤗🤗🤗🤗🤗🤗🤗* 兩個女仔一人嗌咗一個刀削麵同埋一份小食兩杯豆漿😋😋😋😋😋😋😋😋😋😋😋* 麻辣牛筋腩刀削麵* 麻辣味好香, 我哋叫咗個小辣;-) 呢個程度其實係小學雞, 牛筋比牛腩多牛筋有滿滿嘅骨膠原， 食落幾淋唔錯而牛腩 就偏瘦唔會韌，整體牛筋腩好淋好入味:$至於個麵方面， 相比起其他麵，刀削麵比較厚身帶點咬口； 由於佢係手工製，所以每一條都粗幼不一…幾得意😜😜😜😜😜😜😜😜😜😜😜😜😜😜😜😜* 口水雞刀削麵口水雞唔太辣，但偏向麻； 食食下個口有少少 痺痺地， 不過我就鍾意呢一種感覺不過講到底都係鍾意嗰種 醬料配搭幾好🍴🍴🍴🍴🍴🍴🍴🍴🍴🍴🍴🍴🍴麻辣豆腐皮蛋皮蛋溏心，易入口，唔會好似有啲舖頭整到有浸臭味。豆腐就

作為北方最著名的美食,莫過於山西刀削麵,然而刀削麵館在香港為數不多,今次簡左一間位於紅磡既刀削麵店,名叫刕舙馫刀削麵。店面寬敞,牆壁掛了一幅長長的壁畫,很有意思。今天是星期日,人流很多,基本上座無虛席,我在一張卡位搭枱,看見對面上了一碗口水雞刀削麵,看起來味道不錯,我也跟著點了一客。口水雞刀削麵果然無令我失望,口水雞雞皮光滑,雞肉嫩而鮮,係去掉雪味方面十分成功,骨頭佔的比例不會很多,加上麻辣醬,十分惹味。刀削麵口感亦彈牙,唔會太淋,有咬口。加了一隻溏心蛋,蛋不會過熟會過生,溏心味美。

今晚自店開將後第2次來，生意好了，晚上來，生意好了，也要排一陣才有位,主要係街坊客多👯‍♂️。叫了麻辣鴨血拼鵪鶉蛋刀削麵 （$47）和麻辣牛肚刀削麵 （$40）。再加了一個小食～花生🥜拼酸蘿蔔（$9）。 今次店主好似有train 過員工，上菜速度有進步，很快就上到菜。野食質素也提升了，今次個湯底無咁咸。鵪鶉蛋有成4粒咁多呢！牛肚份量也很足同醃得幾好食。個刀削麵就保持到開店水準，好煙韌的刀削麵🥢🍜😋！花生拼酸蘿蔔個酸蘿蔔都醃得幾好味。

作為米線lover去到邊都食米線但朋友無啦啦醒起細個中意食刀削麵然後我就發現原來我未食過刀削麵😂咁試下都無妨啦🤓搵到一間三個字都唔識讀ge😂係紅磡都算易去因為好近巴士站🚍睇完餐牌價錢都ok唔太貴朋友叫左安格斯牛肋條麵 揀左少辣牛肋條份量都幾多！同埋幾中意佢分開上方便我瘋狂偷食人地d餸🤣牛肋條幾濃味我幾中意我覺得叫able我叫左口水雞刀削麵揀左麻辣😛口水雞唔太辣比較重麻食到個咀痺痺地好正勁中意個種麻ge feel😝主要味道都係源自個醬 好吃！！刀削麵都見到麵條真係比較不規則🤪但亂中有序條條都差唔多粗我第一次食比左個幾好印象比我😚因為彈牙而且飽肚幾有咬口👍然後食左大半之後我見到呢個自制麻辣醬就加左幾匙落碗麵度試下一開始以為佢係麻醉口水雞個醬食完就知唔同的！！佢比口水雞個醬更辣但唔係辣到人時時聲個重係吊癮個種辣我都幾建議大家加呢個醬😋👍落左之後碗麵更有風味😻

今日約咗朋友喺黃埔睇戲，睇戲前佢話帶我地去食好嘢😂😂一去到見到舖頭名已經呆咗-「刕舙馫」我諗哩個係舖頭突登想每個食客入舖前後都討論一番而專登改嘅名😂😂我地一人嗌咗個刀削麵，每碗麵都可以調整辣度，走蒜、走芫茜、走蔥。我嗌咗牛肋條，每個朋友食兩件，我都仲有成十件😂😂連筋有肉好有咬口！ 而且調味得啱啱好另外三碗係口水雞、金沙骨同牛筋腩！金沙骨係老細推介😆真係好入味好香脆！口水雞個份量好大絕對夠食！個汁係蒜香辣俱全！醃得好入味😚牛筋腩個醃料應該係同我牛肋條一樣，都好入味~哩間定價合理，款式齊全，真係無介紹錯！下次想試佢水餃麵，先$38就食到有品質刀削麵~

香港人鍾意食麵食，除左米線，仲有好多中式麵店，刀削麵唔算多，之前見媒體介紹過一間係紅磡既山西刀削麵小店，個名好特別，所以印象好深刻，我諗大多數人就咁叫佢做「刀舌香」，因為唔識讀就有邊讀邊，其實佢正音係「勵華興」。餐廳內外位置唔算位於市中心，但都唔難搵，招牌係光線十分充足既燈牌，十分顯眼，內裡座位亦寬敞。食物選擇清一式主打係麻辣刀削麵，如果你唔食得辣都可以揀少辣/走辣亦有小食。惹味燻魚 $20燻魚係上海菜式，係一道比較考功夫既小食，炸完再沾上醬汁。係冷盤小食，醬汁以老抽為主燻魚上色，食落微甜，配上炸過既外層，魚肉正常，抵食小食。麻辣牛筋腩刀削麵 $47揀左中辣，牛筋腩既份量好多，本身湯已經係腩汁湯底，上枱前店員會再加蒜蓉、辣汁落去湯底偏重腩汁味，鹹左少少同唔覺辣，刀削麵因爲係由機削，所以每條粗幼度保持一樣，就做得平均，湯麵都掛汁，口感煙韌彈牙，牛筋腩索到汁，味道正常，筋位膠原足。麻辣金沙腩排刀削麵 $46份量就比較少，得三件，友人唔太食得辣就揀左少辣，金沙腩排本身有醃過，不過肉質偏乾偏韌，比較遜色，可能揀金沙骨會好啲。凍豆漿  +$7(跟餐)配左凍豆漿，唔太甜，配食麵食爽~~~小店經營既

煙韌刀削麵今晚同幾個朋友去咗紅磡民裕街食刀削麵，見個牌面吾錯，個餐廳名叫「刕舙馫」幾特別就入咗去食，餐牌上面除咗有招牌嘅廿幾款刀削麵之外亦都有吾同嘅特色小食揀，我哋就叫咗個醃蘿蔔配花生，之後我哋五個人清一色叫咗五碗刀削麵，有鴨血鵪鶉蛋、牛肚刀、牛肋條、東坡肉、金沙腩刀削麵，每一款都好滋味，話哂食刀削麵，水準一定有番差吾多，啖啖有咬口之餘，湯底都吾差，夠哂足料，仲要每碗都吾洗五十蚊，確實抵食，係閒時食碗麵好地方，有機會一定再黎!!!😋

復活節同男友放假，起身都已經10:30am，我地先搵地方食o野，食完野至出去周圍行，我就決定街坊廚神上身，自己住係紅磡咁多年，完全冇幫趁過呢間，因為都唔知有咁出色美食，我地趕切繁忙時間前o黎到，都重有一張卡位坐麻辣皮蛋豆腐@嫩滑的豆腐和皮蛋配上鮮香的調味料，成就一份簡單開胃的小涼菜！牛筋腩刀削麵的牛腩燜得夠鬆化，口感有層次牛腩香氣濃郁，遠遠也聞到陣陣香氣，還未吃已覺吸引最讚的是刀削麵，每條麵都粗幼一致，厚薄適中，吃起來不會粉粉的。份量充足，絕不欺場牛筋好多，滑溜溜，個賣相已經好靚，一食真係好滑無碴!又淋又軟，燜得入味另外豆漿豆味挺重，沒有過甜，不錯

下晝要返學，但學校canteen質素認真麻麻，所以約咗同學去紅磡食個午飯先。經過佛光街見到呢間麵館，佢嗰名我完全唔識讀，加上平日好少食刀削麵，決定入去試吓。麵館只提供一款麵，就係刀削麵。每一款都係麻辣（當然可以走辣），唔知食完我嗰嘴會唔會好似餐牌咁紅。我叫咗麻辣口水雞刀削麵加水餃。估唔到口水雞係分開呈上，而且份量都幾多，起碼有四五件。口水雞帶麻香，但唔會太辣。麵條厚度均等，軟硬適中，入口煙韌。湯底一啲都唔油膩，非常清甜。另外，水餃係白菜豬肉，係我最鍾意嘅水餃餡料之一。另外仲叫左糖心蛋，半熟既蛋白令人垂涎欲滴。麻辣香味太突出，難怪餐廳名字包括「馫」一字，重要嘅事要講三次！香！香！香！比起其他麵條，我更喜愛刀削麵嘅口感，刕舙馫已經成為我既canteen。