初味

營業中

休息中

今晚約咗一位由外國返嚟香港渡假嘅好朋友，大家好多年無見一定有好多嘢傾所以決定搵一間坐得舒服環境又靜嘅餐廳慢慢摸下杯底同事就介紹我嚟初味試試啦本人就有選擇困難症諗咗好耐決定問下侍應哥哥食咩好，侍應就推介我Order炸軟殼蟹青瓜蟹籽沙律、頂級燒肉眼、生蠔一打同埋開咗一枝白酒 🌟燒肉眼 - 我哋就揀咗Medium，肉眼質地鮮嫩之餘仲保留咗豐富嘅肉汁，燒得剛剛好。伴碟嘅沙律可以鮮膩，微酸嘅沙律醋汁好醒胃，令人食慾大增！🌟生蠔 - 食落勁新鮮兼無令人反感嘅腥味！柔和海水味，入口鮮甜細膩而富有層次感，配上侍應推介嘅白酒實在非常完美🌟炸軟殼蟹青瓜蟹籽沙律 - 軟殼蟹好大隻！外表炸得好鬆脆，蟹身保留咗好多蟹肉！沙律醬汁酸酸甜甜，食幾多隻軟殼蟹都唔會覺得膩呀 環境都算清靜，座位都舒適，摸下酒杯不經不覺都坐到餐廳接近打烊嘅時間，但侍應都無做任何「小動作」去提示你要埋單不過我哋都唔想阻人收工，所以都快快清碟，埋單走人啦

平時我都比較偏好於中菜，好少食其他菜式。所以都幾長時間無食過西餐了。突然心思思開始尋覓西餐廳來解下口癮。見佢離屋企都係幾個站，一於約埋中學好友一齊撐抬腳，食個“燭光晚餐”，享受下西式嘅情調。入到餐廳睇到環境都幾小巧溫馨，仲有擺好餐巾。好似好正式咁。唸起有部電影個主角，攞啲餐巾當係口水肩，唸起就覺得搞笑。我地見MENU啲嘢食幾啱我地食，樣樣都想揀。於是我地就揀咗四樣嘢食：【比利時黃番茄凍配魷魚沙律】：我就唔中意食得啲菜嘅沙律，覺得好dry，我發覺佢呢度啲沙律都有肉噶，一係軟殼蟹，一係牛肉，我地就揀咗魷魚。食落真係好fresh，黃番茄配魷魚，真係好清新，有一種在大海暢遊的感覺！【龍蝦汁意大利麵配風味燒波士頓龍蝦】龍蝦整到好好味，啲配料好入味。意大利麵啲汁幾creamy，唔錯！【炭燒美國頂級肉眼扒】燒到啱啱口，入口好嫩滑juicy，牛味十足！【香草燒春雞】雞肉都整得幾好，肉質都好滑，表皮燒得微焦，味道都醃製得唔錯！樣樣嘢食都幾滿意，扭轉了我對西餐的刻板印象。先前真係覺得西餐唔好食，等得又耐，分量又少，又貴。不過今次係初味食嘅一餐讓我對西餐有點動心，雖然等待時間都會有點長，但我認為這樣的食物質

昨晚5人去食晚餐，服務好，食物好，環境好。乳豬好好食，生蠔幾好，一般如沙律，意粉的分量又大，海膽唔錯，燒雞都好正5人先食左$1300 好抵， 帶cake 唔駛受費仲播生日歌一起唱，好小餐廳咁做了，愉快的晚餐

經歷過去一年的努力，終於有美好的成果，當然要請我的導師顧問吃一頓謝師宴晚飯啦！這間初味日西餐廳本人已知水平很好，今次邀請我的顧問導師共同進餐，亦能令導師讚口不絕，絕對係本人同埋大家謝師宴進行的首選👍🏻😋😋😋

初味這個名字起初聽得一頭霧水， 但親切有禮的侍應哥哥介紹，全部食材用料新鮮， 我就似乎明白啦！見到餐牌鰻魚飯好想食，但禮貌的侍應哥哥好心提醒我，餐牌上的份量好大，兩個人食嘅話，食唔到其他嘢，於是提議改為二人份量，我感到受尊重， 能夠將個餐牌份量改動彈性遷就顧客， 非常窩心，我和家人 兩個，叫咗牛舌，軟殼蟹沙律，乳豬，鰻魚飯， 靜靜等待美食的來臨！好味食物真係要慢工，每道菜都算合理時間，先講牛舌燒，同平時食嘅唔同，外脆內多汁，忍唔住問廚房哥哥究竟點整，佢話切功同唔同 ， 簡直好味過牛扒， 之後到鰻魚飯，我唔識分鰻魚咩等級，但一食就知靚嘢，早知咁好味叫正常四人份量，打包返屋企再食都得呀， 最後要講乳豬，點解味道咁正， 完全唔覺得肥，層次分明，皮脆不在話下肉質係感受到好新鮮嘅豬肉味，初味，我絕對會返嚟再食！

專登早一日book位farewell去到同我講要分枱坐冇位唔好俾人book啦我book位嘅原意就係想secure有位話俾返9折我叫左坐一枱東一枱西呢個安排有啲差

平日的晚上，碰巧今天只有我們一枱客人，原本我心里怕阻人收工，沒想到服務員很貼心的走來說”不用擔心，坐到晚上11點多也可以”而當時只是晚上7點多，感謝他的坦白，我們便不會心感不好意思而同時心里有預算 另外，餐廳不收開瓶費，也感覺很親民，可以自帶好酒搭配食物！環境服務好既同時，到左緊張位啦。。食物！如果有前兩樣但食物不好，那我下次也無法再光顧幸好食物完全沒令我們失望！點左7樣食物 (3個小食，主菜一個豬，一個意粉，2個甜品)，竟然全單$800都吾洗！鴨肝。烤乳豬。好出色，必叫之選然後希望下次可以再點多啲吾同款再揾到多啲必食菜式 哈

見到呢間新餐廳喺Openrice有好多好食評，所以就諗住嚟試吓。本身都有啲期望，但係最後變咗失望😔。啲嘢食等左好耐大概40分鐘先到😪見到隔離枱都未有野食😓。夜晚得A la carte👆🏻冇晚餐套餐😕（淨係影咗兩頁）唔包前菜同埋餐飲，連餐包都冇😔胡麻汁鮮茄茸意大利麵配炭燒虎蝦🦐（$148）蝦好大隻有兩隻，個汁係冇乜胡麻味，主要係鮮茄味。但係意大利麵都煮得Al dente👍🏻🍝龍蝦汁意大利麵配風味燒波士頓龍蝦（$218）龍蝦好細舊同埋唔夠新鮮，食得出係雪藏嘅，啲肉唔腍，比較乾。意粉都係比較好啲，有 Al dente 嘅口感。健康之選 — 🐔香草燒春雞（$138）好大舊，呢個價錢係唔錯。啲肉好腍好多肉汁，唯一會推介嘅菜式👍🏻。🐷炭燒加拿大豬鞍（$168）唔係太腍有少少韌，但係調味都OK都好味。🥩炭燒美國頂級肉眼扒（$258）話就話有幾舊係Medium，但係可以睇得出係完全煮得唔平均，有幾舊係熟晒，有幾舊係Medium😓。下次可能會午餐時間嚟，食晚餐就唔會啦（冇折扣，喺呢個位置嘅餐廳都唔算平，同埋食物質素唔會話特別好）新餐廳仲有好多嘢還可以改善下💪🏻，譬如係：上菜時間同埋某啲餸菜嘅煮法。

來過這裏吃午餐，不錯，今次嘗試晚餐。星期六晚上，人不算太多，預先訂座，安排了一個大枱給我們，不錯！想點前菜baby blue mussel, 但賣晒了. 我們不是太肚餓，所以大家只點了主菜。想order house wine, 問侍應可否試吓, 非常樂意, 讚👍🏻等了約20分鐘主菜陸陸續續來, 期間沒有麵包供應, 有點失望 ! 食物以此價錢, 算是OK!

最喜歡新鮮的食材，這間餐廳的前菜和主菜也實在讓人驚艷！生蠔非常新鮮甜美！我最喜歡加檸檬汁，與白酒配搭起來天衣無縫。黑松露蘑菇湯，就是蘑菇攪蓉後煮的湯，真材實料，不過略為淡了一點。椰子雞湯烏冬配上等牛肉，椰子湯底非常清甜，雞肉也很有彈性，烏冬浸泡在椰青水和鮮雞湯之下，既鮮甜又入味。還有那個上等牛肉真的不得了，雖然我也不知道它的種類，但我覺得比上等安格斯牛肉更嫩滑！另外看到這裡有帥哥，像是廚師或助手似的，加分！哈哈哈.....下次一定要再來試試其他美食！

跟OpenRice搵食大大話話超過10年了，今次終於忍唔住，獻出第一篇食評，全因實在太有驚喜。兩口子一向胃口也不大，但又貪心、愛多花款，平常外出搵食都以日本菜、西班牙菜為主，極少考慮西餐。初味主打海鮮、西日fusion菜，完全適合我地「少食多款」一族。近期到訪三次，無論海鮮、前菜、沙律（往往被忽略）、湯、主菜都持續保持高水平，直接驅使我處男下海！第一次到訪正值老婆外游，一支公搵食。路過見到有我最愛嘅西班牙紅蝦、海膽，加上 set dinner 非常吸引，價錢又相宜，所以二話不說就坐低咗。整體非常滿意，唯一可惜當時未能賣酒，否則更滿足。（詳述如圖）第二次同老婆 Boxing Day 到訪，老婆睇完個 menu，話樣樣都好吸引、都想試。今次叫咗八道菜，appetizers 為主，都係無可挑剔。（詳述如圖）今日又到晩飯時間，老婆主動提出不如 encore，試埋其他心水之選，我當然舉腳贊成。今次到訪佢地酒牌搞掂咗，推出咗 happy hour 同 oyster set ($138/$158 一杯白酒加三隻法國/愛爾蘭生𧐢），咁又點可以唔試？（詳述如圖）唔好介意，我呢篇所謂食評，其實無乜點確切咁

本人基本不寫食評，除非很伏（例如有幾百個好評的火山燒）。但初味真的讓我驚艷，很希望這樣的良心小店能夠堅持下去，保持質素和價格。之所以擔心它經營不下去，是因為覺得作為一間新店，它實在是太⋯老土了，如何吸睛？ 店名老土，裝修老土，侍應老土（但有禮貌的），哈哈，這個配搭絕對想不到能在這裡吃上一餐質素這麼高的西日料理！頭盤刺身非常新鮮，三隻NO1的Fine de Claire 配一杯美國白葡萄酒，生蠔OK肥美，白酒無風無浪，穩陣的級數。西班牙紅蝦爽甜；海膽是加拿大膽，最驚豔，五大片，都非常新鮮肥美，好Creamy好甜！蟹餅一份有兩件，吃得出都是絲絲拆蟹肉，真材實料，我嫌鹹了點，蓋過了蟹肉的鮮味，老公覺得味道很不錯，旁幾酸的芒果拌洋蔥剛好可以清新一下味蕾紅蝦刺身的蝦頭用來做了個Spagetti，龍蝦汁鮮香，義粉條條掛汁，蝦頭煎香之後比刺身更好吃，鮮甜到難以形容！全晚的彩蛋來了，可能我見識少，但呢隻係我食過最好食的西班牙乳豬，沒有之一！要現點現烤，我們本來想看看是否吃得落再點，但被提醒要等四十五分鐘的製作時間，所以點埋。 乳豬真的皮很酥脆，肉非常嫩滑，肥瘦間隔剛剛好，也很入味。蘋果蓉做成的醬微辣清

食材質素高廚師有心思基本上覺得每款食物都好好味意粉, 加拿大海膽, 焗田螺, 虎蝦特別有驚喜。 環境:店舖不算大, 氣氛唔錯, 比較咁去食飯傾計。 位置不算很方便。 門口可以泊車。價錢: 以食材質素，我覺得價錢合理，今次三個人叫左九樣野，人均300左右，食到好飽。 服務: 服務方面，服務員都好care我地，主動加左幾次水，又會成日換碟，整體滿意。我比較少寫食評，感覺呢間餐廳整體黎講樣樣都幾好，所以就想比個好評佢， 大家可以試下。

爹哋生日，聽朋友講這間餐廳很不錯，所以就來試一試啦！我們一行五人，我想說這裏的刺身、生蠔、海鮮和乳豬實在太正了！我們首先點了這個炸薯條配黑松露醬。我超喜歡這種厚賜薯條，很香脆，配上很香的黑松露醬，突然覺得自己很高貴...哈哈...冷盤！一打法國生蠔，另外還有一人一隻海膽帶子刺身～因為我不吃生蠔，但我妹妹一人吃了半打，不斷說非常新鮮～而我就覺得這個海膽實在太太太好味了！我之前另一篇食評說在爆x屋吃呢貴價海膽飯有點腥，但這個海膽完全不腥，非常甘香！配上大大隻的帶子刺身一流呀！再來一個黑松露鵝肝餅仔，鵝肝入口即溶！！！不過我略嫌墊底的餅仔不夠香脆，如果脆脆的就Perfect啦！這個辣肉醬蟶子真的很大隻了！好惹味，但有趣的是辣肉醬並不會蓋過蟶子本身的鮮味～這個乳豬可以說是重點，皮脆肉嫩！烤得剛剛好～～很贊呀！海鮮泡飯，好鮮味！！！整個湯底就是濃郁的蝦味，真的從未吃過這麼鮮味的湯底，泡飯吸收了蝦的精華，正呀！最後這個甜品拼盤絕對為這餐畫上一個非常完美的句號！心太軟朱古力味濃郁，焦糖布甸外脆內滑！冧酒雲呢拿雪糕是我的至愛～～檸檬撻微酸可以讓人Flesh下～我之前跟店主說了要慶祝生日，他就幫我在甜品

附近返工已經食到無咩好食，聖誕聚餐揾左呢間新店，見到係附近少有既日式西餐，一於book 黎試下佢。可惜入到去睇menu 先發現好少日式既餐Anyway 我地一行六人，有一半都叫左西班牙燒乳豬配黃薑飯，因為menu推介呀嘛先黎餐湯(一般，比較淡)飲完都唔知係咩湯上菜速度好快，相信係附近上菜速度最快既西餐，可媲美快餐店速度西班牙燒乳豬配薑飯個燒乳豬係幾出色，皮脆肉嫩，又唔會油淋淋，每啖都充滿肉汁，隨碟上既汁基本上唔洗點都夠味黃薑飯賣相唔錯，但食落有一邊飯較重薑味，不過都可以接受。隻蝦既蒜味已經被薑味蓋過熱咖啡☕️香濃，中意咖啡既一定要試下呢度既咖啡啦！