初遇

營業中

休息中

📍初遇 呢間台灣餐廳既設計幾有特色，木系裝潢，燈光光猛💡比人一種好舒適既感覺，座位都幾寬敞！🥘麻辣什錦牛肉鍋（小辣）$118呢個牛肉鍋賣相好唔錯，配料相當豐富！分別有娃娃菜、牛肉片、豬肉水餃、花枝丸、鴨血、沙白、米血糕、大腸、韭菜、金菇、炸枝竹、鳴門卷同青豆角，每樣都大概有兩至三件，兩個人食絕對夠！配埋辣醬俾你自己加～食落沙白好唔錯，完全冇沙！另外加咗寬條薯粉，好索湯汁😌🧀起司肉鬆蛋餅 $42蛋餅真係唔係間間餐廳都食到，呢間既蛋餅好有台灣風味，特別係肉鬆既份量多到不得了🤤每一啖都食到，真係好加分✨特登試加左芝士既蛋餅，有做到拉絲既效果😎芝士味道唔會好咸🐟墾丁脆魚塊（5件）呢個值得一叫，脆魚塊炸到外脆內軟，絕對係即叫即炸！每嚿細細件，食起上嚟幾方便～🍵冷泡台南高山綠茶 套餐+$8飲到淡淡嘅綠茶味，用嚟解膩係唔錯嘅～⭐️好味指數：7.5/10📍初遇 (粉嶺)粉嶺粉嶺車站路18號粉嶺名都商場2樓58號舖#粉嶺 #初遇 #台灣菜 #台灣 #滷肉飯 #鹽酥雞 #拌麵 #蛋餅

我叫杯珍珠奶茶，佢送到過嚟唔俾飲管不特止，仲要係杯嘢我根本就係覺得俾人飲過，佢仲要同我講咁樣係正常，我真係想問吓點樣唔攞飲管去飲珍珠奶茶，用手食啲珍珠啊，正常人屋企都唔會有飲管啦，同埋正常嘅買奶茶都會比飲管人哋，唔似得好似你哋咁，唔俾飲管唔講不特止，仲要覺得自己一啲問題都冇，你哋呢間嘢真係垃圾中嘅垃圾

行過見到哩間嘢但係未食過諗住入去試下，見到有魚湯米線平時都鍾意飲魚味嘅湯所以試下，點知個湯唔好話冇魚味，簡直係無任何味道，我懷疑係麵粉開水，叫做奶白色就話係魚湯，簡直當消費者係傻仔。下次都係搭多兩個站過深圳食好過！

呢間餐廳好多卡位，但我哋入去時卡位已滿，裝修好木系和文青風，點了薑蔥慢煮豬軟骨飯，飲品揀咗紅棗桂圓茶，配埋紫菜貢丸湯HKD66!首先個飯大碗，豬軟骨算多，酸酸甜甜好好味，加埋薑蔥酸菜撈飯，味道好夾，個溏心蛋好有水準。紅棗桂圓茶超多料，除咗紅棗桂圓，仲有玫瑰花同菊花杞子，味道天然，無添加，養生之選！朋友點的紅燒牛肉麵就得三塊牛肉HKD72，唔算多。自己付款的真實食評。

初遇之前都已經嚟過幾次，今次回訪質素都仍然保持到✨蜜汁滷排骨滷肉飯 $66 滷肉飯都幾大碗，蜜汁滷排骨差唔多成個碗咁大，滷排骨都幾軟腍鬆化，蜜汁甜甜地味道都唔錯，加埋滷肉和半隻糖心蛋，特別容易下飯，仲有一碗貢丸紫菜湯✨初遇半筋半肉滷肉飯 $75半筋半肉麵就食得多，第一次配滷肉飯咁食，半筋半肉同樣足料，牛肉嘅比例佔了大半，牛肉和牛筋同樣炆得軟腍入味，還有半隻溏心蛋、酸菜和小棠菜等配料，整體味道都唔錯，同樣有跟貢丸紫菜湯✨古早仙草三色芋圓 $38食返碗仙草三色芋圓，口感QQ，份量都唔少都足夠兩個人食✨芋香珍珠奶菜 $12✨冷泡阿里山烏龍 $8跟飯或麵食可以加配飲品比較抵飲

下班剛好趕上了這間的下午茶時段，吃起來性價比挺高！紅燒牛肉麵拼古早滷肉飯（４８元）一次過能吃到兩款特色的台灣常見美食，性價比還不錯！牛肉麵湯底濃郁，有很香的牛肉味，味道不會辣，而且牛肉滷得很軟嫩，麵條爽滑！而滷肉飯醬汁亦非常香濃，而且滷肉是半肥瘦的，所以吃起來特別香！慢烤雞腿蛋吐司（４０元）挺吸引的賣相！超流心的雞蛋，加上烤得嫩嫩的雞腿，再配上沙律醬和烘香的吐司，口感外脆內軟，又有濃濃的蛋香和雞肉香！仙草珍珠奶茶（＋８元）這個兩款配料的也是同價，性價比更高！

記得上次都嚟食過下午茶幾抵幾好食,今日又黎左😋下午茶時段都幾多人~仲以為下午茶套餐嘅滷肉飯會好細碗,點知好大碗!滷肉肥瘦分布平均,食落唔會好肥膩👍🏻花雕雞卷好厚身,食落好重酒味而且好濕潤好腍👍🏻地瓜酥真係好好食!值得介紹多次😝煙煙韌韌仲好甜🩷呢個餐唔使$50好抵食👍🏻早排去完台灣旅行已經好掛住蛋餅!呢度有好特別嘅芋泥口味即刻另外叫咗份!芋泥味比想像中濃🥹芝士嘅奶香味加埋香甜嘅芋泥超match!好好食!芋香奶茶唔會好甜,幾香滑👍🏻珍珠亦都好大粒好彈牙仲甜甜地😋第二次食仍然有驚喜👍🏻

今日接囡囡放學，佢又想食滷肉飯做下午茶，所以我哋又去成日幫襯嘅「初遇」。初遇嘅下午茶餐好抵，大部分set 都只係$50以內，但份量不少。囡囡每次必點「鹽酥雞滷肉飯配紫菜貢肉湯及台灣香腸」，好豐富，性價比高！滷肉一定要半肥瘦先好味，初遇就係啦，而且入口即溶，汁量適中，因為太多汁會令下面嘅飯太濕，影響口感。台灣香腸，入口帶甜味，咬落去外皮爽脆，肉帶咸香味，非常適合做餐前小吃！我點咗「慢烤雞腿蛋吐司」，吐司烤到香脆，夾住好厚身嘅雞腿扒同煎蛋，外脆內軟，惹味之餘，咬落去仲有蛋黃流出嚟，真係好正！「宜蘭蝦吐司」第一次試，其實係蝦多士，愛香口人士一定鍾意，多士上釀咗蝦同芝士，灑上芝麻再炸。口感香脆爽口，好味！

同媽咪係粉嶺行完街 ，路經初遇見到店內既裝潢幾靚整體走木系風格，餐廳光潔明亮，我地坐卡位都幾舒服，可以慢慢食住傾計💬大腸麵線（輕量）係香港見到輕量，我想像會係飯碗份量但呢到係大大碗🤭係台灣既輕量麵線都好足料，食落係滿滿既麵線，配埋濃稠既湯汁好惹味湯汁調味岩岩好，濃稠度亦唔錯加上香菜、冬菇等等配料食落就更加香👍🏻媽咪特別讚大腸食落好軟腍，食落夠香口又唔會過於油膩大腸份量都幾多，$32抵食🥰。紅燒半牛筋半牛肉麵牛肉湯飲落夠濃，有淡淡香料味配上酸菜青蔥等等既配菜令整體味道更上一層樓牛筋炆到入晒味，食落爽口麵條份量多，女仔食應該都幾飽麵條係扁身，食落口感唔錯牛肉每塊都大大舊，仲要有好幾舊食落牛味幾濃，大大舊咬落非常滿足😌。古早起司芋泥肉鬆蛋餅我最鐘意食既蛋餅♥️蛋餅口感煙韌，食落有淡淡蛋香味入口首先食到肉鬆既咸香，伴隨陣陣芝士奶香最後會食到軟糯既芋泥，配上蛋餅既醬汁，無論口感味道都係大滿足🤤。古早仙草三色芋圓簡單淡奶仙草紅豆芋圓，滿滿台灣古早味仙草滑嫩，入口滿滿仙草獨有既香味三色芋圓有驚喜，入口食到地瓜、紫薯同芋頭香，唔係得糯米粉個種口感夠煙韌，整體唔會太甜，唔錯👍🏻。愛文芒果烏龍茶飲落係淡淡芒

經常回訪，最多點的就是以下兩樣🤣 🍴加一服務費：✖ ✿ 慢煮豬軟骨滷肉飯 $45 (無加一) (下午茶價)超大碗絕對不是下午茶分量，簡直是兩個女生都能吃飽😂 每樣配料都好味，特別每次都覺得這個溏心蛋比很多拉麵店的還好吃還配了一碗貢丸紫菜湯! 和一杯餐飲餐飲也是有心思的選擇，而我覺得免費加配的紅棗桂圓茶最高質😍滿滿的配料，紅棗、桂圓、杞子、玫瑰花反而加錢的特飲不太中我😂✿ 古早起司芋泥肉鬆蛋餅 $46 (無加一) (單點價)超級爆餡😌

粉嶺呢個美食沙漠近呢幾年都開左唔少新餐廳，睇食評見呢間初遇幾唔錯，今晚就去試下，除左野飲比較失望 其餘野食都值得一推：鹽酥雞滷肉飯 $63份量好多，味道都好食啲飯係用珍珠米 食落有𡁻口啲雞椒鹽味都好夠 滷肉好淋好入味 跟飯仲配左紫菜肉丸湯 整體黎講性價比好高 推介！蜜汁滷排骨麻辣拌麵 $72滷排骨大大塊 甜甜地幾惹味而拌麵就好Q彈 每條麵條都包上辣汁 岩晒重口味人士之選至於小食 叫左麻辣牛三寶 $68 同埋大腸麵線 $32不得一讚牛三寶既牛腩 脂肪同肉層層相間 真係好好食 加埋啲酸菜食又可以消濟而大腸麵線味道唔差 但食落就偏似港式碗仔翅飲品叫左 鮮奶紅豆手工芋圓（跟野食加$16） + 芋香芋泥奶茶（跟野食加$12）前者飲落好淡 完全冇紅豆嘅味道 感覺就係牛奶加冰；而後者就係好重香精味 飲品就唔推介了 最後埋單兩個人食咗$263，食到好飽 除咗飲品外都非常值得大家一試

下午茶一向比午餐抵食，精打細算嘅你，如果可以安排彈性午餐時間，不如等到下午茶時段，除咗慳錢，CP值仲非常高呢！下午茶抵食就係人都知，但位於粉嶺，主打台菜嘅初遇，下午茶份量十足兼抵食，令人非常滿足！花雕雞卷滷肉飯配紫菜貢丸湯及地瓜酥下午茶嘅主食通常都會細份啲，但初遇嗰碗滷肉飯大大碗，醬汁香濃，豬肉油香十足，配上兩件帶有淡淡酒香嘅花雕雞，肉質嫩滑。另外，下午菜再配上紫菜貢丸湯同香脆嘅地瓜酥，你話係唔係份量十足兼抵食呢？初遇小食拼盤同朋友一齊share嘅最佳選擇，當然係小食拼盤啦！精美嘅九宮格擺盤，上面放有鹽酥雞、牛肚、豬大腸、雞卷、滷蛋、香腸、地瓜酥、脆魚塊、麻辣鴨血，可以一次過食勻多款台式小食。講到我嘅頭號最愛，就係超入味，嫩滑香濃嘅麻辣鴨血啦！好味到我哋要另外再encore多一份麻辣鴨血呢！夜市鳳梨水果茶、台南鳳梨烏龍茶下午茶嘅套餐仲可以以優惠價升級台式飲品，而近排天氣熱，最啱就係飲以台灣鳳梨作主調嘅飲品，配上茶底，兩款飲品都唔會太甜，非常解渴。

我今日去左粉嶺辦事，順道約同好友去位於粉嶺車站路18號粉嶺名都商場2樓58號舖的初遇食下午茶，環境舒適開揚，裝修雅緻！我點左T09紅燒牛肉麵拼古早滷肉飯$48，餐飲係紅豆珍珠奶茶＋$8（跟餐）；好友點左T15夜市小食拼盤$56，餐飲係夜市鳳梨水果茶＋$8（跟餐）。紅燒牛肉炆得軟腍入味又有咬口，滷肉好入味，送飯一流；夜市小食拼盤有宜蘭蝦吐司、地瓜酥、墾丁脆魚塊及士林夜市蟹蓋，每款都有2件，所有小食都焗得外脆內嫩，好好味又好食；2款飲品都好飲，我較喜愛夜市鳳梨水果茶，好清甜。

食個午飯就準備開工，是日來到粉嶺搵食，難得約frd子兩個人出黎食Lunch 想搵間乾淨又闊落D既餐廳坐陣🐷蜜汁滷排骨滷肉飯 $66大大件炸排骨 仲有半隻糖心蛋 造型比想象來得驚喜，滷肉內有粒粒半肥瘦豬肉粒 調味恰到好處 唔會太咸，拌少少酸菜食 香口又解膩，套餐仲會有貢丸紫菜湯🧋芋香珍珠奶茶 套餐+$8點左少甜少冰，甜度對我黎講岩岩好，滿滿芋香味 好有當年仙X岩既味道，珍珠QQ的，不過奶茶質地偏稀 無乜奶感🧀古早起司芋泥肉鬆蛋餅 $46新鮮即整 芝士仍呈半溶狀態，芋泥+肉鬆真是絕配 咸甜配合得出色 芋泥夠滑夠綿 肉鬆仲保持乾身，爆餡美味*兩個人share已經好飽*地方乾淨 坐得舒服*無收+1

呢間店由開業至今,真係食過好多次~每次想食台式嘢,就會嚟呢度~因為母親大人唔想淨食主食~所以叫咗個初遇小食拼盤~一向我都唔鍾意叫拼盤,因為總有啲嘢唔太好食~但呢個拼盤有鹽酥雞,雞卷,呢啲都食過唔錯嘅~仲有母親大人想食嘅麻辣牛肚同大腸~而且又有麻辣鴨血~我自己最鍾意就係溏心蛋~佢嘅地瓜酥都好好食~入面煙韌,外面好脆~估唔到個拼盤都無呃秤,各款式都幾好食~另外點咗個經常食嘅初遇紅燒半筋半肉麵~keep到水準,個湯底夠濃~而且佢啲筋同肉都好大塊~大口大口咬好有滿足~怕唔夠飽叫多咗個古早起司芋泥肉鬆蛋餅~佢初開食過一次覺得一般~但今次進步咗,唔再用粉紫色芋泥~呢種瘀瘀地色嘅先至有真實感~食落都有芋香味,肉鬆又夠多~同埋嚟得一定要叫黑糖珍珠奶茶~個人覺得比普通珍奶好飲~