初遇

營業中

休息中

今日放假一個人嚟食下午茶😋門口就已經睇到好抵食😂仲有我最愛嘅台式嘢飲梗係支持吓入面座位都坐得幾舒服,幾靚🩷環境唔會好嘈夜市拼盤有四款小食:蝦吐司、地瓜酥、墾丁脆魚塊、士林夜市蟹蓋~雖然全部都係炸嘢但係食落唔會覺得好油膩,而且仲好酥脆~炸魚塊好濕潤,地瓜酥超好食外脆內軟煙煙韌韌仲好甜😍加多咗個麻辣臭豆腐,黑色嘅臭豆腐特別好食😍辣度適中~臭豆腐入面吸收唒麻辣汁好濕潤好入味!正!!台式奶茶加埋芋泥超好飲!芋泥份量好多口感唔錯!黑糖份量啱啱好成杯嘢飲唔會好甜👍🏻

來到呢間台灣小餐館，率先出場係肉燥飯嗰碗豐盛得滯，飯上頭鋪滿咗肉燥，埋藏喺底部嘅飯粒都滿滿嘅受益。嗰兩卷雞卷啊，鬆化有肉感但就欠啲脆勁。蛋餅呢，芝士同肉鬆包裹嘅口感綿厚同時芋泥嘅溫潤帶點心機。至於芋泥仙草芋圓，仙草切嘅長條狀走口爽脆，不過只可惜個芋圓甜度係有點過頭。講返主菜，古早滷蜜十排骨搭手工麵－排骨一流，肉味十足，煮得啱啱好而唔肥膩。麵條吸滿味道，酸菜清新解膩。古早花雕雞卷同樣贏在雞肉質感，還帶微微花雕酒香，頗有驚喜。而台中脆皮雞卷滷肉飯就足足嘅台式風情，肉滷湯汁香濃，雞卷則是口感勁好。這家小餐館充滿驚喜，從滷蜜排骨到麻辣鴨血，每樣都有自己嘅特色，都令人回味無窮，下次有機會會再嚟呢裏霸霸飯局，真係撐到彈晒。🍽️🍜🍗

牛肉麵完全overprice, 未煮林, 硬的程度是咬不開.不知道是否是臨近收舖, 將未炆好的牛肉照賣. 我情願你話賣晒, 食第二樣好過. 作為粉嶺街坊, 把這間牛肉麵列入黑名單

屋企人話想食台灣嘢，就去咗屋企附近間初遇食下午餐，下午茶餐都有15款選擇，$39-$56 仲包飲品，都幾抵食。✨滷肉蜂巢牛肚新竹米粉 $39雖則係下午茶，但份量都唔少，牛肚都好軟腍，用嘅係新竹米粉，米香味較香，口感比較順滑。✨花雕雞卷麻辣拌麵 $42雞卷有好香花雕酒味，雞卷嫩滑，麵條都好入味，拌麵辣度啱啱好，唔會好麻。✨麻辣鴨血 $28鴨血都幾嫩滑Q彈，不會容易散掉，辣得過癮。✨古早仙草三色芋圓(跟餐+$22)有三色芋圓(地瓜、紫薯、芋頭)加埋紅豆同仙草，都幾大碗喎，食完辣嘢食返碗即時解辣。✨私房麻辣牛三寶 $68牛三寶有牛肚、牛筋、鍵心仲有溏心蛋，樣樣都好軟腍入味。下午茶餐都幾抵食，款式選擇都多，台灣小食太多樣樣都想試下，下次再嚟試下其他幾款先。

想去台灣又未有時間 食返餐台灣菜頂住先💁🏻‍♀️🔸紅燒牛三寶手工麵 HKD84牛三寶包括牛肚 牛筋 牛𦟌每一件都係厚切 非常足料牛𦟌半筋半肉 牛筋入口即溶 全部都炆得夠淋 湯底濃郁 手工麵偏彈牙 性價比高！🔹肉鬆榨菜蛋餅 HKD42蛋餅有3種口味 偏向咸食嘅我就揀咗肉鬆榨菜口味蛋餅包住滿滿嘅肉鬆 夾埋爽脆榨菜絲餅皮仲有台式醬油膏！🔸麻辣鴨血 HKD28唔使$30就有4嚿厚切鴨血 好抵食😌🔹墾丁脆魚塊 HKD28/5件四四方方嘅炸魚塊好趣致一啖一粒 脆卜卜大人小朋友都會中意☺️🔸黑糖薑母茶 HKD22滿滿的紅棗 女士恩物！🔹仙草珍珠奶茶 HKD12(加配價)啜每啖都食到仙草珍珠欣賞佢嘅奶茶茶味幾突出！人均消費💰大約$100/位🚩初遇 粉嶺粉嶺車站路18號粉嶺名都商場2樓58號舖

下班時間，店內人頭湧湧的，主打台式食物，這次就選了拌麵，比想像中的要大份！古法慢煮焢肉麻辣拌麵（７２元）上面放有三大件的慢煮焢肉，肥瘦相間的，吃起來入口即化，油香十足，味道是鹹甜口味的，很入味！麻辣拌麵的醬汁挺香，味道不會很辣，每條麵條都裹滿醬汁，吃起來麻辣鮮香，口感煙韌！初遇地瓜酥（３２元）這個口感有點像炸芋圓，但外層口感更酥脆，淡淡的地瓜香和甜。鮮奶紅豆手工芋圓（加配１６元）喝起來會有點像紅豆冰的感覺，紅豆味香濃，口感綿香幼滑，而加的手工芋圓非常軟糯！

全部食物都是凍，致電回餐廳詢問，說食物是熱，我叫外賣，,看到app19:12車手取食物，19:18到達，職員還將責任推到車手，說遲送到所以食物凍左，明明是店舖問題點解職員要推卸責任，咁樣就可以話自己沒有錯，真的好想知道尼間店舖係唔係這樣培訓員工？咁的服務態度一定唔會想幫襯

💰$166 Order左d咩？​星期六下午茶：​☝🏻 紅燒牛肉麵拼古早滷肉飯 $48首先講個麵先，麵唔會太淋，有厚度實正，有咬口都算彈牙，牛肉係半筋半腩，都幾腍，另外個滷肉飯有少少驚喜，肉粒同肥膏比例7:3左右，d肉仲比得幾大方，唔係得少少肉碎，係肉粒，個飯係用珍珠米，仲要有流心蛋（呢隻流心蛋成功過呢期三哥個隻好多），上面層滷肉送飯食，好香好開胃，呢個價錢，2碗野都唔錯，CP值相當高👍🏻👍🏻​✌🏻 台式香濃沙茶鍋，配寬條薯粉 $98比出面差唔多價位嘅一人邊爐稍稍出色，主要因為個沙茶湯底，真係有沙茶香，一開始食都幾濃郁，尤其係第一啖食左塊牛肉先，唔錯，btw如果都係配寬條薯粉建議最後先落，因為好索湯，煮完冇左一半湯​3️⃣ 冰糖紅棗燉雪耳 加$8 & 自家芋泥鮮奶 加$12呢個跟餐價，杯冰糖雪耳幾清甜，唔會太甜，另外個杯芋泥鮮奶正常水平​總結：牛肉麵+滷肉飯餐有性價比​🗒️以下評分最高分五粒🌟​味道：🌟🌟🌟加0.5粒抵食程度：🌟🌟🌟🌟🌟粒（真係好抵食）環境&服務：🌟🌟🌟粒（正常環境同服務）

昨日接完囡囡放學去食tea，佢好鍾意飲珍珠奶茶🧋，所以揀咗「初遇」。點咗「慢烤雞腿蛋吐司」比自己，再點咗「鹽酥雞滷肉飯配紫菜貢丸湯及台灣香腸」比囡囡。「慢烤雞腿蛋吐司」賣相好吸引。包皮焗過，外脆有軟，內裏夾住嘅雞扒幾厚身，而且煎得幾惹味，仲有半熟嘅煎蛋，包皮吸咗蛋黃，一咬落去，有幾個層次，真係幾好味！「鹽酥雞滷肉飯配紫菜貢丸湯及台灣香腸」好抵食，$48有紫菜湯、大大碗滷肉飯、鹽酥雞，仲有台灣香腸，份量似午餐多啲。鹽酥雞炸得幾乾身，內脆外軟，而且無油膩感，灑咗少少准鹽，好味！台灣腸甜甜地，個皮幾脆，帶少許燒烤香味，仲附有蒜片伴吃，好味！

初遇紅燒半筋半肉面 （$78）湯底味道同台灣食到嘅一樣，加上蘿蔔味道更鮮甜。牛筋夠彈夠腍，牛肉有幾大舊，好入味。配上店家自製嘅酸菜，更加刺激食慾。初遇一品臭臭鍋 （$118）呢個天氣食鍋物一流。呢個鍋可以自選辣度，麻得過癮。材料超級豐富，有白豚肉、臭豆腐、鴨血、新竹貢丸、沙白、米血糕等等。粉絲同埋臭豆腐吸滿哂湯汁，食落一啲都唔會臭，仲勁香。鴨血食落好滑溜。呢個鍋可以跟個飯或者粉絲架～冷泡阿里山烏龍 （加配價$8）

今日去踩單車，由沙田踩入去粉嶺😩對腳好似唔係自己！入到黎都已經tea time，我勁想食麵🥸第一時間就係呢度嘅米粉食物蜂巢牛肚米粉唔知係咪肚餓，我好鐘意食呢到嘅米粉，佢個牛肚米粉超級正，又唔貴！啲牛肚好入味，又爽口！最特別係啲湯💓可能係因為酸菜，勁醒胃啲米粉銀絲咁幼，好鐘意呢啲質感米粉麻辣牛三寶有人陪食辣，就叫咗個麻辣牛三寶食，呢個真係抵到暈😂好好食，上次係圍方食台灣野就愛上咗，今日有人陪，緊係嗌呢個好爽口嘅牛心！好滑好冧嘅牛筋！蛋蛋又夠流心💓呢個有齊麻、辣、酸！好想撈飯😩😩😩黑糖芋泥奶茶、紅棗雪耳呀呀呀！個芋泥黑糖真係超抵！我琴日同傻婆係茶飲店買都$45，呢到跟餐加$12咋，啲芋泥超多，好好食，勁有口感，唔係唔加呀？🥴由於琴日飲咗芋泥奶，依家天氣好乾，所以想飲啲潤嘅😁呢個真係好正，好清甜，係紅棗甜，雪耳都唔少好泥嘅芋泥！呢個真心抵加！炸魚塊脆卜卜！好好食😋花雕雞麻辣伴麵配紫菜湯我哋隔離2張枱都係嗌呢個呀然後😂😂😂我地落咗單，佢哋不約而同食食下濁親辣..然後我就話:下？好辣架？仲嗌咗個麻辣牛我只係淺嘗咗1啖，都唔係好辣啫🫨但佢食完就話，呢個係辣過牛三寶，牛三寶係麻多過辣花雕雞都好爽，好

想去台灣，不過仲未有時間，今晚就搵間台灣嘢食吓❣️喺粉嶺火車站隔離嘅名都商場搵到一間裝修得幾靚嘅台灣餐廳，又真係幾有台灣風味，入邊個layout同裝修都幾舒服。佢哋除咗有台式飯麵之外，仲有台式小鍋。不過唔係好肚餓，留返下次先打邊爐，今次就叫啲小食為主。初遇小食拼盤 (💰$82) 拼盤係九宮格，有鹽酥雞、牛肚、豬大腸、雞卷、滷蛋、香腸、地瓜酥、脆魚塊、麻辣鴨血。唔好睇佢每樣都係得兩件，食晒已經飽咗一半。最緊要嘅係樣樣都好入味，係一個非常好嘅餐前小食。古早起司芋泥肉鬆蛋餅 (💰$46) 食台灣嘢又點少得蛋餅，今次揀咗逢甲名物，古早起司芋泥肉鬆蛋餅。真係估唔到香港都做到好台灣嘅口味。個蛋餅皮夠晒鬆軟，包住嗰啲芋泥真係軟硬度剛剛好，而且個蛋餅即叫即整，所以入邊嗰啲肉鬆唔會淋晒，加埋少少醬汁，香芋控嘅你一定要叫！初遇紅燒半筋半肉麵 (💰$82) 呢個係勁厚切燒半筋半牛肉麵啲牛肉係勁厚切，牛肉本身係靚牛，又煮得夠淋，而且入味，絕對值得再嚟食過！個麵亦都好掛汁，夠晒香濃，推介！愛民芒果烏龍茶 (凍) (💰Set+$12) (💰$28)跟餐叫台式飲品飲特價，仲要唔細杯，真係幾抵。甜度本身廚師都控制得好好

因為住附近,所以都不時會嚟呢度食飯~今次食咗麻辣什錦牛肉鍋同埋鹽酥雞滷肉飯~本來都無預期麻辣什錦牛肉鍋會好辣~但點餐時,侍應見我哋揀小辣,問句要唔要揀BB辣?當然好啦,唔知會有幾辣架嘛~個鍋有好多料,有牛肉,鴨血,豬血糕同埋蔬菜,仲可以揀一款麵食~結果BB辣睇落好無殺傷力,但估唔到咁辣!!但個湯就唔係好麻,如果想香啲,可以點埋附送嘅沙茶醬~另外個鹽酥雞滷肉飯好大碗,鹽酥雞都幾多~佢嘅滷肉份量都多,啲豬油嘅香味撈埋飯好好食~仲有酸菜,唔夠喺檯面都有一樽可以再添~上次飲過芋香珍珠奶茶覺得一般~今次就揀咗黑糖珍珠奶茶,茶味同黑糖味都幾香,不過甜咗少少~母親大人就唔想食珍珠,揀咗芋泥奶茶~有成三份一杯都係芋泥,味道唔錯~

第一次食呢間台灣菜，估唔到都幾抵食，全部嘢份量都好大，但係未至於係好正宗嘅台灣菜肉燥飯份量好大，上面有2條脆雞卷，但係雞皮燒得唔夠脆，但係中間嘅雞肉又燒到好乾，最後都食唔晒放棄咗芝士肉鬆芋泥蛋餅雖然上碟得四舊，但係入面好多餡，所以食食吓都好飽刈包用左肉燥做餡，本身以為會用焢肉，因為餐牌都有焢肉飯🙁感覺唔太正宗芋泥仙草芋圓啲仙草切到一條條咁，幾爽口，但芋圓冇乜味，芋圓又太過甜，建議唔洗加芋泥，就咁食個普通仙草芋圓仲開心Overall, 叫左咁多樣野都唔洗$200，如果唔叫小食，淨係叫個飯都係$60左右，份量太到食唔晒，真係好抵食，咁嘅價錢都算唔錯

朋友介紹黎食嘅台灣野，裝修幾靚，入面都幾光猛! 晚餐一於食碗川味牛三寶手工面，入面有牛肉、牛筋和牛肚。牛肉好入味，好軟淋，中間仲有少少既筋位! 牛筋彈牙入味，牛肚唔會有內藏怪味，反而鮮香爽口!呢個湯底好微既辣，似可以飲的麻辣鍋湯底，香氣濃厚，仲有少少椒麻嘅香味，唔覺唔覺飲左成大碗湯! 手工面比較彈牙，而且掛湯，感覺食落都好健康咁。飲品就係鮮奶芋泥手工芋圓，芋泥係曬底部，記得撈均先飲! 奶味好濃郁，芋圓夠煙韌，幾好飲!