別府駅前料理 (已結業)

今晚我地2人想食拉麵，揀左別府。豬軟骨拉麵$80+加麵底$12，仲可以任加小食，我地加左$12章魚小丸子（3粒），$18煎餃（3個），3樣味道都正正常常。但出餐真係幾慢，本來等下無乜所謂，但個煎餃等極都未到，問服務員，佢睇記錄話已經出左😑無奈，然後繼續等多十分鐘，食完個煎餃就埋單走人。普通的餐飲體驗～

拉麵其實都幾吸引。不過又怕太辣所以無叫。狐狸仔話要牛舌飯🤔我就怕膩，不竟成碗都系牛舌。。。😒會唔會誇左啲。我就叫牛肉飯。但點知狐狸仔叫既牛舌比意想中好食，唔膩，仲燒得個邊有少少脆，勝在夠薄薄地，有肉質又唔冧，幾好食，附埋少少前菜刺身。個餐算幾好。貴得都有少少合理。牛肉飯比想像中弱，真系只有肥牛同飯🤔我好似系叫牛肉飯。飯有啲乾，加上牛肉都系乾身，無汁無乜料，一般般。好彩有杯茶。

今日冇咩餐廳開就入黎食下別府，叫咗一個九州拉麵同荔枝特飲，本來想叫荔枝梳打點知原來有店鋪限定，唯有改叫蝶豆花荔枝梳打，朋友叫咗黑蒜油腩肉拉麵。等咗好耐都未有，唔知係落單多定等埋兩碗整好晒先上，飲品都等咗好耐。之後上咗飲品，味道都唔錯，係啫喱荔枝的甜味，有啲黃色爆珠珠好甜，不過飲品本身冇咁甜中和番剛好。之後再等了一會終於來了拉麵🍜，因為朋友太肚餓未影到黑蒜油拉麵便食咗😂，九州拉麵都是平常的水準，不過不失，豬骨湯濃稠味道夠，有甜甜的粟米粒和海帶 加上糖心蛋都洽到好處，不過肉只有兩片而且是半肥半瘦，如果有多一片就好了。拉麵份量是嫌較少，相比其他拉麵店份量較多，還有軟硬度選擇，別府可考慮加入。因為早食晚餐所以人不多，環境算舒適寧靜，可以傾計或休息一下，只是希望上菜速度能加快一些就更好。

唔好問我點解，但以平價既日本野黎講，我其實好鍾意食別府，只是銅鑼灣個間無左之後就無食過，去第二區又會想試其他，所以已經好耐無食，個日去九龍灣，本來都係到search有咩好食，首先個區又真係無咩太特別既，第二就係見到佢，所以就決定去食好耐無食既別府去到其實我只focus我既地獄XD 以前仲食到6辣，家下4辣都唔係好頂到，不過佢既香辣仲係好好食. 但因為佢地家下有飲品任飲，所以我又係咁含冰同飲野XD其他er... 是旦啦！佢呢個湯仲係好好飲就得啦.. 佢個黑蒜都唔錯，但都係我既地鐵開心尐~不過我佢個menu比以前少左野同唔同，好彩仲有地獄~

九龍灣淘大係附近黎講算比較多餐廳可選擇，不過部分係連鎖式包括呢一間，見好耐無食所以就食下啦，不過同預期中差唔多，食物味道唔吸引，只係環境比較舒服，部分價格都係可接受範圍，但點了火鍋就覺得唔值了。 如果真係搵唔到食咩先睇下食唔食既連鎖餐廳。點了：黑豚火鍋加烏冬，滑蛋雞飯。黑豚火鍋味道比較失望，火鍋料都唔會係特別好味新鮮之餘，最失望係黑豚肉。食落去完全沒有味道之餘也沒有特別口感，所以這個鍋是負評了。滑蛋雞飯，滑蛋味道算可以但份量唔算多所以飯都會比較乾，雞扒味道就比較淡，口感還算可以，但都唔會推薦，因為成個飯食食下會好乾。總結味道唔吸引，火鍋唔抵食。

比個menu吸引左🙈所以今餐決定黎別府食蝦蝦蝦~。。- 海老豚骨拉麵 $80 👍🏻👍🏻👍🏻湯底濃厚，加上有櫻花蝦既關係，每啖都好香蝦味。麵底既軟硬度岩岩好😆隻蝦仲要好大隻，又爽口！。。- 熊本軟殼蝦天婦羅 $68👍🏻👍🏻👍🏻軟殼蟹就聽得多，軟殼蝦就真第等一次聽😝未試過既野就梗係要試下架啦！個蝦好特別，炸得好香，入面啖啖肉又唔洗剝殼，個感覺又真係幾似食緊軟殼蟹喎😝。。- 炸物拼盤 $60👍🏻👍🏻👍🏻拼盤入面有蠔、年糕薯餅、雞軟骨碎。吉列蠔: 個蠔明顯新鮮，所以一啲腥味都無海苔年糕薯餅: 年糕煙un好食炸雞軟骨碎: 炸得香口，加少少檸檬汁真係無得頂。。- 三文魚刺身(5件) $54 👍🏻👍🏻👍🏻呢個都係黎親別府必定會嗌既野食黎🙈三文魚新鮮肥美又大件，食完真係超滿足！。。- 壽喜燒 $72 (升級安格斯牛肉+$8)👍🏻👍🏻👍🏻升級普通肥牛去安格斯都係加8蚊，牛肉味濃d。香濃既汁加上一啖牛肉一啖菜，勁惹味！比碗白飯我，可以連汁都清埋tim呀🤤。。- 柑桔梳打特飲 $26👍🏻👍🏻柑桔味正，酸酸地，推介比鐘意飲酸野既朋友~不過佢唔會太酸，因為杯野飲加埋d蜜糖爆爆珠，中和左個味道，🤤岩岩好！。。-

晚餐時間唔洗等位就有得坐低，餐桌全部內置電爐位，方便食火鍋黑蒜油腩肉拉麵溫度足，分量ok，豬骨湯底味道都唔錯，不過黑蒜油完全冇蒜香味都算，竟然有強烈嘅味精味！麵條質素比一般港式日本拉麵好，中規中距，成碗麵最好食除左係充滿炙燒味嘅腩肉，仲有味道、生熟度剛剛好嘅溏心蛋枝豆上桌時係溫熱的，溫度竟然仲熱過碟自家餃子。。。枝豆面頭落得太多鹽，食落有啲咸，而且煮到少少過左火，口感同豆味不足。自家餃子唔計佢唔夠熱的話，其實都幾好食，皮薄餡香，成件事好夾。

呢晚收工要獨毒食晚飯，喺九龍灣放工之後落左去淘大行左陣，之後見餓就開始睇下想食乜~~~好耐無食拉麵，突然想食就上網search下附近有冇得食，原來淘大呢邊有間別府好似啲拉麵都ok咁，自己又未試過，咁就決定呢晚“毒自去食麵~~~~xp”呢度除左拉麵之外，仲有提供其他既日式料理，好似刺身壽司、炸物同丼飯定食等等都一應俱全！店員仲話最近出左新meun“魚蝦蟹盛宴”，當中既“海老豚骨拉麵”HKd$80+10%仲係期間限定添~~~既然係限定item，咁就要try try 啦=D除此之外我仲要左一份“熊本軟殼蝦天婦羅”HKd$68+10%，軟殼蟹食得多，軟殼又真係未食過啵，唔知會有咩唔同呢xppppp等左一陣，我碗拉麵同天婦羅都黎到啦~~拉麵份量唔少，order左麵身想硬d，所以食落都幾爽彈，除左有叉燒豚肉片之外，仲有厚隻鮮蝦添=）加上拉麵湯底灑上櫻花蝦，所以成個麵都充斥住濃郁既蝦鮮味道，愛蝦之人一定like：）而呢份軟殼蝦天婦羅除左有蝦之外，仲有埋 紫蘇葉同金菇添！！全部都脆身熱辣辣，唔算好油膩，食落脆卜卜超香口✔✔✔邊個話“獨毒食飯”係慘事架？！！！好似我咁食住天婦羅再飲返啖夠氣又夠冰涼既“可

淘大買完野好肚餓，5點鐘吾上吾落，打算食少少野返去，結果叫左成枱野食。座位夠大夠舒服，遲下約fd黎呢到食野都幾好。【海老豚骨拉麵】$80湯底勁香濃蝦味，吾系死鹹，拉麵可以選硬度就好，食開偏硬，配料豐富有蝦、叉燒、捲心菜 、海老、玉米同紫菜。【熊本軟殼蝦天婦羅】$68外層炸到好酥脆，愈嚼愈香口，仲有炸金菇，第一次甘食金菇，幾得意又多汁。【三色三文魚】$92刺身、炙燒、沙拉三種烹調既三文魚，三文魚夠哂厚實鮮美，仲有魚籽同甜蛋勁豐盛。【燒雞泡魚乾】$44雞泡魚光要即刻食，放耐左會韌。甜滋滋雞泡魚乾有啲焦脆，配沙律醬七味粉。【和風豬軟骨】$56軟骨位系有咬口果種，吾會腍到一patpat，肉質緊而不柴。

星期日同朋友想食個日式既lunch, 去左淘大搵野食, 俾別府駅前料理門口既廣告海老豚骨拉麵吸引左, 就同朋友入左去食。海老豚骨拉麵, 湯底好濃郁既蝦味加豬骨湯味, 入面仲有好多隻櫻花蝦令到湯底更加有層次, 豚肉有肥瘦分速好平均, 蝦亦都爽口, 唔會係平時出面食0個D海鮮拉麵D海鮮係霉既, D麵好掛湯, 所以啖啖蝦味, 好唔錯。朋友叫左燒安格斯牛肉飯, 牛肉燒得好好, 好有油香同牛味, 配埋佢既燒汁一齊食飯好好食。午餐仲有可以無限添飲咖啡奶茶汽水另外我地叫左2個小食熊本軟殼蝦天婦羅, 軟殼蟹就成日食, 軟殼蝦都係第一次食, 好特別, 炸得好香脆鐵板麻辣牛舌, 唔算好辣, 但都好麻, 牛吞好有咬口入味最後叫了一杯大分柑橘啤酒, 好好味, 帶有香果味既啤酒。

搵唔到飯腳食飯, 唯有自己獨樂樂啦~~獨樂樂更加唔可以虧待自己, 要好好享受一個人的晚餐搵野食之際難得見到別府唔洗排隊喎, gogogo~~~~入到去其實都幾FULL, 好彩有位姐, 嘻嘻今期推介~~ 海老豚骨拉麵另外仲有新既魚蝦蟹盛宴~~餐牌仲有超多選擇~~卷物, 壽司, 燒物, 炸物, 一品料理, 甜品....... 應有盡有!!先黎杯飲品爽下先~~藍蝶花荔枝梳打 $26淨係賣相都加晒分, 鴛鴦漸變色好靚~藍蝶花配荔枝味道清甜~好Fresh!加埋爆珠一齊飲更加出色!!有新野當然要試下啦~~熊本軟殼蝦天婦羅 $68軟殼蟹就成日食喇, 軟殼蝦真係未食過而且第一次聽軟殼蝦有好多膏丫!! 口感比較爽口, 咬落啖啖肉, 好JUICY呢道既天婦羅做得好出色, 熱辣辣卜卜脆之餘又冇乜油~一D油膩感都冇, 好邪惡喔海老豚骨拉麵 $80 蝦控對蝦有剎錯冇放過~~ 試埋個海老拉麵先得呢!!加左鮮蝦既豚骨湯底好濃好濃, 超正丫!!!滿滿鮮蝦既鮮味~~ 淨係飲個湯都回味無窮!!拉麵就軟硬道剛剛好~大大隻海老~爽口彈牙

星期五同事臨時約食飯，諗住就近去九龍灣食記得之前去行街經過淘大諗住食別府都一定會超~多~人~ 點知今日經過竟然無乜人排😍一見到佢個餐牌有🌶野食，就決定咗要叫個別府地獄鍋($74)🌶個鍋又有海鮮又有牛肉原本以為會得好少海鮮，點知一黎到就見到佢d料都真係幾多下！滿到溢出黎咁濟d帶子好鮮甜，又大粒一d都唔腥可惜嘅係個鍋唔包飯or麵，好彩佢有得加$18轉套餐，有烏冬/拉麵揀，仲要有得無限飲🤤同事叫咗個吉列豬扒拉麵🍜個豬扒炸得啱啱好，外面層皮脆得黎入面d肉仲係好嫩👍🏻👍🏻👍🏻👍🏻今餐食得超飽！🤤d侍應態度超好，坐得又舒服，下次一定會再黎！👍🏻👍🏻👍🏻👍🏻

在到新戲院欣賞電影前，打算先到淘大吃個午餐，經過別府門口看到餐牌上有多款鍋物料理，例如壽喜陶板鍋和韓式部隊鍋等。於是乎想到反正從未試過在午餐時間吃鍋物，一試無妨。我點了牛肉壽喜陶板鍋，整件事令人有驚喜。鍋的份量絕對夠吃，不是那種「綽頭嘢」。牛肉肉質還不錯的，脂肪比例剛好，菜蔬的新鮮程度也令人滿意，而且幾鮮甜。另外加入蛋汁使整個鍋變得更香更豐富。飯的軟硬度適中，有啖飯落肚令午餐唔駛咁寡，而且飯是免費任添的。飲品方面，食客可以選擇加錢加配飲品，亦可到餐廳免費任飲的汽水機自行解決

喜歡到淘大搵食, 貪佢有得泊車之餘又多食肆, 平日經過別府都過其門而不入, 今次同事提議話試下, 因為本身打算食個間要等位.我叫了個牛肉烏冬鍋, 配指定飲品放題, 估唔到有少少驚喜, 因個鍋係跟gas爐上, 可以自己煮, 仲有隻蛋畀埋你自己打蛋, 可惜個鍋無咩菜, 到飲品放題, 原來有幾款汔水任飲, 或咖啡奶茶, 對我唔會飲幾杯飲品黎講唔吸引, 諗諗下, 原來依餐係半自助, 牛肉烏冬自己煮, 飲品自己裝, 但埋單係要收加一既...

係附近拎完物資就入左黎食野，其實好多野都想食，不過唔知點解見到黑蒜豬軟骨拉麵就好想食！味道都唔錯，黑蒜味無論係氣味定味道都好香濃，會令我忍唔住飲個d湯。呢到仲有個自助水吧，飲同係任飲！啱晒我呢d鐘意邊飲邊食嘅人！