別府駅前料理 (已結業)

星期日同朋友想食個日式既lunch, 去左淘大搵野食, 俾別府駅前料理門口既廣告海老豚骨拉麵吸引左, 就同朋友入左去食。海老豚骨拉麵, 湯底好濃郁既蝦味加豬骨湯味, 入面仲有好多隻櫻花蝦令到湯底更加有層次, 豚肉有肥瘦分速好平均, 蝦亦都爽口, 唔會係平時出面食0個D海鮮拉麵D海鮮係霉既, D麵好掛湯, 所以啖啖蝦味, 好唔錯。朋友叫左燒安格斯牛肉飯, 牛肉燒得好好, 好有油香同牛味, 配埋佢既燒汁一齊食飯好好食。午餐仲有可以無限添飲咖啡奶茶汽水另外我地叫左2個小食熊本軟殼蝦天婦羅, 軟殼蟹就成日食, 軟殼蝦都係第一次食, 好特別, 炸得好香脆鐵板麻辣牛舌, 唔算好辣, 但都好麻, 牛吞好有咬口入味最後叫了一杯大分柑橘啤酒, 好好味, 帶有香果味既啤酒。