利強記北角雞蛋仔

營業中

休息中

完全無蛋味同好快淋！！！以前好硬脆卜卜，而家唔掂，好差啲雞蛋仔，食落好似蛋糕仔咁。。。啲姐姐又掛住玩電話，我落完order，原來佢都未開著部機，等左18分鐘，先整好，唔會再幫襯！！！好失望，我今日係岀開港島，特登去買，點知咁，最尾我無食哂，只係夾硬食到1/3雞蛋仔，因為真係無乜味道，又唔係以前果種外脆內軟，可能始終太多年，無哂心keep住個質素啦⋯⋯格仔餅都一樣無乜味個餅，因為同一份蛋醬，所以都係唔掂！

之前係呢頭讀書成日會係休息時間度走落黎買野食其中呢間既雞蛋仔好多人買個時同學仔個個都話好味甘緊係要黎買底試下啦其實我都畢左業好耐不過今日黎開呢頭做野做完野又好肚餓甘岩諗起可以食個小食wor就黎左啦心諗五點幾呢的時間無人排隊啦點知都係有幾個人排香港好味既野係真係成日都有人排隊所以如果你揾到間多人排隊既都不妨試下今次食番雖然無之前讀書個時甘好味但之前上堂既回憶全部返哂黎不過都仲係外脆内軟熱辣辣好懷念讀書既日子啊行開去試下丫

夜晚收工步行返屋企 路途上 經過呢間箸名鷄蛋仔店 當然要買返個嚟試吓喇 當晚約十點鍾 平時日間大排長龍。夜晚唔洗排隊即時買到 買時候店姐姐好好人 會問會唔會帶返屋企食 佢幫我加多一個膠袋包好$19一客 買完攞響手熱辣辣。當然忍唔住即時食返粒先😋。一口咬落去 十分香脆 有蛋香味 及帶出牛油🧈味佢哋烘雞蛋仔嘅火候掌握得好好食完一粒會不停口想再繼續食多一粒 一路食到返屋企 重有剩 好似比其他賣雞蛋仔的店份量大D而且返到屋企雞蛋仔凍咗 香脆依然#雞蛋仔我至愛

非常鬆脆嘅雞蛋仔 位置喺北角港運城對面平時行過都有不少人在排隊暫時淨係食個雞蛋仔 冇食過格仔餅原味雞蛋仔值得推介 好食過其他嘅雞蛋仔好多 最怕就係嗰啲濕咗好林但係呢個唔會！ 如果咁啱喺附近經過可以去試吓

小朋友話想食雞蛋仔，因為貪佢脆口(不過冇蛋香)，應承咗所以走過去買。點知排排下隊有個阿叔插隊，四眼收錢阿姐隨即收咗阿叔錢。我問點解，佢唔答。我再問多次，佢話「咁我收咗你錢未吖」。自己人啫，都唔該排吓隊😡

聞名不如見面，今日係北角附近專登經過去買的「北角雞蛋仔」。先付款後等阿姐即烤，路口好狹窄不知如何排隊好，又沒有票不清楚幾時到我，真係呢😅話說回來雞蛋仔都算香脆有雞味，甜度適中相對其他都算好食。😋$19 一底，一嚐都可以。

#北角 #雞蛋仔 #掃街著名雞蛋仔，有好多分店。即叫即做，而且好快手，只等了5分鐘，熱烘烘的雞蛋仔就出爐了^^這家雞蛋仔外脆內軟，不會硬。淡淡蛋香不會很甜，中間也不會空心或者全實心，是少少淋餡的軟心，不錯。適合想食清淡又口痕的朋友ᶘ ᵒᴥᵒᶅ個人口味評分：8/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious

一講到香港最象徵性的傳統小食一定喺雞蛋仔同格仔餅，永遠有雞蛋仔側邊都一定有格仔餅🧐佢地係永遠嘅好朋友🤣 個人中意食格仔餅多啲，比起同樣外脆內軟嘅雞蛋仔，有花生醬有砂糖同煉奶先喺最正🥳🥳 夾埋又有口感又好食，甜同鹹撈埋都可以好夾😍😍 北角雞蛋仔出名好耐，每日都有長長人龍排隊就係為左買雞蛋仔同格仔餅1️⃣格仔餅 （$19）新鮮出爐，外脆內軟，加上一層植物性牛油、花生醬、煉奶、砂糖加埋真係好好食。但呢個啲醬係太稀啦，食上半截完全食唔到醬，流晒落下半截同個袋到，下半截先係精華，沾醬先好食😋

在北角吃完晚餐，朋友說想吃這裡有名的雞蛋仔，我說當然好啦。北角雞蛋仔不像其他雞蛋仔店有很多不同口味選擇，好像朱古力、斑蘭味等等。它只有原味一種選擇。這麼久以來，真的好像第一次吃北角雞蛋仔，名字聽就聽了很久，但一次也沒有特意去試過。雖然我們拿的不是即叫即做，是在我們到之前已做好，放在架子上的，但拿在手裡，還是熱辣辣的，相信應該剛做起的。雞蛋仔果然很不錯，外面非常脆，不會薄也不會厚，外皮厚度適中。因為我吃過些很薄的，差。而內裡，熱辣濕潤軟綿，填得滿滿的，不像以前吃過其他的有很多空心的地方。讚👍。而味道是ok的，香香甜甜，但就未去到驚艷的好吃。總結，是不錯的雞蛋仔，值的一試。👍

呢間雞蛋仔真係由細食到大，陪住好多北角人炮台山人成長，亦都見證住佢拎到米芝蓮推介。佢哋開業至全盛時期有擴展好幾間分店，現時剩返3間。我食過其他分店，都無北角呢間分店咁正宗，咁原汁原味。店舖位於英皇道，由北角站B3出口行2分鐘就會見到！利強記主打原味雞蛋仔同格仔餅，佢哋嘅雞蛋仔同出面食嘅雞蛋仔味道係唔一樣，食過就知與別不同！😋以前有好多訪港遊客慕名而來，係香港必食美食之一，所以長期都排滿長長人龍。店外亦都貼咗好多明星合照，明星效應幫助咗店舖唔少人氣。不過今日排隊嘅人唔多，即刻買一底重温兒時味道。雞蛋仔隔離仲有賣其他小食，有燒賣魚蛋牛肉球等，之前食過覺得水準唔差，啱哂遊客過嚟一次過食哂香港地道街頭小食。❤️ 雞蛋仔 $19新鮮整好，熱辣辣😛食落外層脆內層軟，唔會有淋過毛巾嘅情況，甜而不膩，好容易一啖接一啖就食哂！咬一啖就見到入面係半空心唔係實心，增加脆口感。個人覺得麵糊蛋味無以前咁香，食得多仲有少少口乾。好食度：⭐️⭐️⭐️✨ (3.5/5)餐廳推薦度：⭐️⭐️✨ (2.5/5)我覺得已經無以前食過咁好食，質素下降咗少少，但都唔差。雖然店舖已經重新裝修過，但衞生情況就麻麻啦，店員除住口罩整雞蛋仔😕扣咗

好難得好經過北角 而且距離食晚飯仲有一段時間即刻諗起可以食返底雞蛋仔頂肚幾年無食 再食依然外脆內軟 而家要19蚊一底 不過依然值得 不過而家出色既雞蛋仔有好多地方都有 唔係咁岩經過都唔需要特登黎買

呢間小店已經係北角屹立好多年，比起佢哋出名嘅雞蛋仔我更加鍾意食佢嘅小食。佢位置相當易揾基本上係北角地鐵站B1出口行2分鐘到一個轉角位就見到。我覺得呢間小店嘅精髓就係佢嘅秘製辣醬汁，每次去到都會嗌佢嘅齋同埋牛筋丸，然後一定會同老闆娘講要辣多汁，因為佢呢個醬汁真係好好味，咁多年都冇變過。呢間舖頭係一個L字型嘅轉角位，一邊就買呢啲小食，令一邊就買雞蛋仔格仔餅，甚至連公仔麵嘅都有。呢啲小店除咗買嘅係味道都仲有人情味，希望呢間舖頭可以keep住做落去。

平時成日食雞蛋仔格仔餅呢間雞蛋仔都好鬆脆位於北角 平時自己買來做下午茶都一流正正常常 又唔會話好冧價錢都好正常佢仲有好多唔同味道不過傳統嘅原味當然係最好味啦 經過都可以一試

同男朋友去完北角匯行街，突然覺得好肚餓，於是去左買雞蛋仔，當時有5-6個人排隊。而家賣$19一底，加$9就有2底，我地當然買2底啦。對上一次食大約幾年前，當時仲係$17。舖頭貼左好多相同埋獎狀，其中包括米芝蓮推介美食😋雞蛋仔即叫即整，保持新鮮，拎上手保證熱辣辣。等左15分鐘終於到手。雞蛋仔好香，外皮脆卜卜，入面煙煙”un un”。就算返到屋企凍左都好好食。我最鍾意旁邊既蛋皮，十分酥脆，不愧為米芝蓮推介！

本小姐對雞蛋仔同格仔餅情有獨鍾，也食過不少間嘅嘢。媽咪嘅雞蛋仔就一律認真麻麻，利強記嘅都唔係每間都好食。尤其是灣仔嘅利強記，試過一次就唔會再去。不過本小姐有留意過，利強記北角店嘅雞蛋仔，好似比起利強記其他雞蛋仔店水準來得好！新鮮滾熱辣，即叫即正，啱啱出爐嘅雞蛋仔！好濃的蛋香，一口咬落去，雞蛋仔的蛋香味，頓時溢滿成個口。咁次係本小姐第二次返回此店，唸住要食過兩次，兩次嘅水準都係一樣咁好，本小姐先至卑好評。利強記北角店五粒星係實至名歸嘅。