利強記北角雞蛋仔

營業中

休息中

-雞蛋仔硬到痴線，啲碎插入牙肉到一定損。一去到比錢，個呀姐拎左底唔知整左幾耐嘅雞蛋仔出黎，態度仲要勁差。一拎上手又凍又硬又無味，食左兩粒頂唔住掉左佢，激鬼死 咁遠過到黎比呢啲咁既野我食，以後都唔會再食👎🏻👎🏻

好耐冇食過，想當年去開佐敦都會買嚟食。但係越食越貴又越唔好食。轉咗食媽咪雞蛋仔，先搵返鐘意既味道。今日北角經過見到又想試下，事隔2年再食，果然當年放棄佢地決定係冇錯。這天，問有冇即做既又同我講放喺度既係啱啱出爐，問係唔係仲熱，問咗3次都唔答，當時其實都已經唔係好想買，但帶住個細路講咗要買都冇得轉軚。最後食落冇咩味，只有微溫，連小朋友5歲仔都話唔好食，以後唔好再食呢間。唔會推介，唔會推介，唔會推介，重要的事要講3次。

係北角做完野咁岩經過記得好多人都提過呢間北角雞蛋仔有d隱蔽$19蚊一底可以接受蛋香味濃可能因為長期都多人買但咁岩我見得2,3個人排我先買佢都要即叫即整,到手熱辣辣

間嘢啲雞蛋仔係即叫即做，平時都幾多人排，今日前面都有6張單。等咗15分鐘到終於到我有得食今次我叫咗原味雞蛋仔，粒粒都係脆卜卜同熱辣辣，又唔會太甜，用來做飯後甜品一流

呢日同 #首領 去咗 #北角 食 #豬扒麵🍜 不過講到 #風味 始於唔及 #筲箕灣總店 好😌 因為掛住吹水晏咗啲，平時行路返office嘅我哋，都寧願行出 #英皇道，打算搭 #叮叮 返去。啱啱喺轉角位見到 #利強記，大家口中講嘅 #北角雞蛋仔😉 我哋見頭先果餐食得唔係咁滿足，為食嘅我哋梗係唔執輸，跟喺龍尾排隊。負責整 #雞蛋仔 嗰位阿姐都幾面黑，講嘢冇尾音嗰啲Friend😅 不過我哋為求食啫，由佢囉🤪 雞蛋仔即叫即整，望住阿姐倒啲蛋漿落熱鍋，大概5分鐘左右就有得食🙏🏻 脆皮內軟口感的確唔錯，不過就未至於啲人講到咁 #無懈可擊 囉🤣

小店外觀並不引人注意，卻總有許多食客在排隊。店內的媽咪雞蛋仔更是深受喜愛，和以松軟小蛋糕口味著稱的“北角雞蛋仔”不同，雞蛋仔的外殼並不脆硬，但格外以“粒粒朱古力”的香滑口感出名，柔軟甜香的小小雞蛋糕裡包含不同的餡料，奶香純正，微甜誘人，走在路上都會被撲人的香味而吸引。

不過最出名嘅一定係利強記雞蛋仔因為已經坐落咗喺北角好耐而且已經係賣到街知巷聞更加攞咗米芝蓮最佳小食店鋪可以話係實至名歸每一次食完飯唔夠飽又或者突然之間想食啲小食嘅話雞蛋仔絕對係一個好好嘅選擇有幾時而家市面上有好多唔同種類嘅雞蛋仔更加有唔同嘅口味更多生意不過我自己都係最鍾意返原味雞蛋仔始終蛋味就會係最香濃一直以來北角利強記雞蛋仔品質依然保持一樣而且永遠食起上嚟都有一陣炭火嘅味道可能由於用嘅機器都已經有一段歷史但係仍然可以保持最優秀嘅級數每一粒雞蛋仔都係脆卜卜外脆內軟而且全部都係新鮮製造務求顧客食到最熱嘅雞蛋仔所以即使加咗價而家係$19.1底但係感覺上都覺得仍然係抵因為份量都可以令你有一半嘅飽作為甜品又可以作為小食又可以甚至作為正餐都可以

講起雞蛋仔米芝蓮推介嘅其中一間叫利強記北角雞蛋仔佢都有唔少分店今次食嘅都係北角分店門口貼滿左好多明星幫襯嘅相同簽名亦都有好多報紙報道不過最近食得太多唔同口味同埋有餡嘅依家再食返北角原味雞蛋仔就會覺得好似差啲野咁但係原味來講佢嘅雞蛋味的確係幾香嘅

$17 Hong Kong dollars, just baked hot, can not wait to eat. The outer skin is crispy and delicious, the inside is soft and the fragrant egg is. When I’m busy with school, I usually end up eating fast food. I love how flavorful this fragrant Egg

由於一直都覺得唔平， 所以見hokobuy 優惠 18蚊兩份就買一set卷今天放工去換黎食， 換左一份雞蛋仔加一份格仔餅。 等左幾分鐘先後做好， 一拎上手就放一粒入口。 😓 ， 香係香 ， 外面係干硬帶少少脆內帶少少軟， 但重點係無旦味， 食唔到甜味， 只係食到粉味。 咩料呀！ 原本正價19蚊底比d咁既野人食..... 大把屋村舖仔都好食過佢。 轉咬格仔餅........ 😡， 好厚身但又係得個粉味。 死因：醬稀， 好少醬 ， 又食唔到旦味.... 去餅係干到死...... 食左一大半已經送左比食環垃圾桶。 要一路飲水一路送黎食。 利強記 ， 你唔配米芝蓮推介！

想不到還要排隊，沒有抱太大期望，但離遠聞到蛋香就想買返個頂下口癮。晚上九點前，有五六個人排隊，也有應該是慕名而來的遊客。門口貼滿的是宣傳照、明星相，說實話，我看得有點厭惡。等了大概20分鐘終於雞蛋仔到手。燈光不是很好，儘量拍給大家看。雞蛋仔的兩面熱得不一樣，一面金黃，另一面未夠脆，只能算係熟透。結果口感就係唔夠脆，而且歪晒，有啲唔成粒，成份雞蛋仔似交貨。的確，聞香而不再美味。其實一間好細嘅空間，有三四個姐姐喺到睇爐頭，眨眼睇都有四個爐頭一齊整緊嘢，生意好，但求交貨快，似乎好合理？

我之前食過另一間，外脆內軟，但我唔會講邊間，廢事賣廣告。呢間既雞蛋仔我唔會話唔好食，但無傳聞中講到咁好食。首先佢個皮係脆既，但入面唔夠軟，做唔到外脆內軟既口感。會變左好似食緊餅乾。我個人偏好外脆內軟，可能口味唔太一樣。不過呢個鋪好犀利，雖然係一條小窄巷度開鋪，連行都唔夠位既時候都仲有唔小人排隊，名氣就真係十足十，就算未聽過佢個名都會俾條隊吸引到。另外佢呢排隔離開左間飲品鋪，唔知佢地係合作定根本同一個老闆喇，佢地就出左個優惠可以平買野飲，我買左杯蜜桃烏龍茶，都唔錯既，唔洗淨食雞蛋仔咁乾。但我應該唔會再食多次呢間了。

由阿爸十幾年前喺度做嘢食到宜家自己喺度做嘢，一直都係幫襯佢，除咗炭燒雞蛋仔之外，應該只會幫襯呢間。今日又係忙到甩轆嘅日子，收工覺得要食啲嘢補償返。去地鐵站中途經過見得一個人等緊，就即刻埋去睇下，跟住仲要睇到未有整定嘅雞蛋仔，就即刻買一個。由於佢都開始造定啲雞蛋仔，等咗一分鐘就有喇。等嗰陣見到阿姐落蛋漿落到滿瀉先停，係俾足料嘅，但亦都係小小敗筆。一攞個雞蛋仔，顏色偏淡，好似唔夠火侯。食落有蛋香，獨有配方係好食嘅，但無外脆內軟嘅口感，因為落過多蛋漿，令佢難以有微焦嘅效果，只係會食得飽啲。加到呢個價錢就唔太值，偶然回味下係可以嘅。

 即整，熱辣辣，外型完整，無偷工減料，拎上手係實淨的。 外皮超脆，仲脆過薯片，食到索索聲，不過食食下有啲界口。 味道夠甜但欠蛋味，中間唔夠充實，餡只得三分一。一般般啦。

有一段時間無試過北角名物雞蛋仔+格仔餅經常見到長期人龍試下質素是否keep住水準😌。🔸雞蛋仔 $19點的時候剛好見他是即叫即整所以可以食到熱辣辣嘅🤗好脆個邊 蛋香味算夠 但入面蛋糕佔量少🤡整體上麻麻 對於一年一年咁加價表示無奈🙃質素感覺上下降了🤔。🔹格仔餅 $19個人比較喜歡食格仔餅 入面夾有花生醬丶煉奶丶砂糖 醬多到滿瀉💞而且亦是即叫即製 所以這個不錯👍🏻。📍利強記北角雞蛋仔 (北角)北角英皇道492號