利強記北角雞蛋仔

營業中

休息中

格仔餅嘅精髓在於佢裏面嘅醬料，好心你買得咁上下價錢，亦有返咁上下名聲，就唔好慳慳埋埋嗰少少醬料。咁多次食格仔餅，今次一定係最失望嘅一次。雞蛋仔無須醬料，都還可以讚佢外脆內軟。但係格仔餅，就一定唔係讚佢嘅質地咁簡單。今日食嘅格仔餅，令我覺得超級失望。裏面嘅醬料少之又少，一啲甜味都冇，又稀，溝晒水咁。食嗰時簡直就好似乾哽麵包一樣！再係咁樣落去，你呢間鋪頭只會越嚟越冇生意，唔會再有人嚟排隊！真心希望你地可以作出改善！

根本上就不好吃 不好吃 不好吃路過見到諗住買黎吃下點之真係超失望首先 見圖 雞旦囝只係脆 沒有蛋味其次 完全完全空心沒有旦糕在內冇蛋味唔香只脆不綿失敗中既失敗連總店都唔好吃 可見分店更加唔洗試此外。雞旦囝己預先整好 唔再熱辣辣一買唔洗10秒就有起身我寧願等耐小小 吃個熱辣辣新鮮既19蚊呢個價錢算貴 如果真係好吃 可以接受但呢個雞旦仔我覺得只值10蚊。吃過最好吃既低調高手！根本冇得比呢間比人太過吹捧 見去吃既都係內地人。下不為例 真心失望。

聽日咁啱經過，見到好多人排隊，先知道係好出名嘅北角雞蛋仔。我見咁多人就去行下街先啦，轉個頭已經無曬人，我即刻去買一底食下先😆😆😆其實周圍嘅雞蛋仔都唔平，最平都係龍津，不過好唔好食就見仁見智啦！但係原來元祖老店都只係賣$19，即刻覺得好抵食😂😂比咗錢都唔使1分鐘，已經即刻有啦！佢係熱辣辣新鮮整起，見佢一打開個蓋就入袋，都怕佢會吹唔夠風淋曬，但係佢竟然無軟到！！！！keep住都係外脆內軟，而且蛋味好香，又唔會過甜😚真係食過最高質嘅雞蛋仔呀！

今日雖然落着毛毛細雨！難掩佢食嘢嘅雅興！但係老婆又唔想煮飯！話好想食雞蛋仔！又話要食魚蛋、燒賣！我個女又話要食麵！🎈🎈北角雞蛋仔🎈🎈😬就可以滿足晒所有人嘅願望啦！佢呢個小小嘅店舖！不但有馳名雞蛋仔、夾餅、魚蛋、燒賣、粉果、腸粉、糯米雞、出前一丁都有添！👍佢嘅麵餐仲可以包埋冷熱飲品添！三文治餐都有啊！🤩有一次我哋去筲箕灣試吓有一檔嘅雞蛋仔！完全香味又冇！仲係空心嘅雞蛋仔！根本同北角雞蛋仔冇得比！北角雞蛋仔佢可以做到外脆內軟！🥚🥚蛋心滿滿的！超足料！而且有濃郁嘅香氣！無論質感丶香氣🤩我個人覺得佢都係攞第一👍👍其他店舖根本冇得fight🤨夾餅外邊脆脆！內裏QQ！仲有砂糖丶煉奶、花生醬、牛油！充滿邪惡嘅感受⋯⋯超滿足！

什麼叫隠世高手！就係冇乜人知道嘅高手！但係呢個雞蛋仔係我嘅女細細個食到而家⋯⋯係公認嘅高手！每逢個女行過聞到啲香味！就一定要食佢嘅雞蛋仔！到現在咁多年啦每逢經過我嘅乖女都一定要買來食！🥚🥚北角雞蛋仔🥚🥚 $19雞蛋仔外脆內軟！蛋味十足！香氣撲鼻！夾餅$19夾餅外邊香脆！塗上牛油丶煉奶丶花生醬😋然後再灑上厚厚嘅砂糖！咬一口心身舒暢🙆‍♀️⋯⋯我每次都叫店員幫我落多啲添🤩聽聞佢嘅獨有秘方，係老闆研究左好耐試過好多次才得出呢個美味效果！有聽聞佢有人收購要買佢嘅秘方！但係老闆堅持多多錢都唔買！老闆要堅持啊✊⋯⋯我哋支持你呀🙆‍♀️

本身超級喜歡食雞蛋仔😋😋😋 所以對雞蛋仔嘅要求甚高。好味嘅雞蛋仔，首先要有雞蛋香，甜味要出但唔可以假，仲要要外脆內軟，外表要上到色又唔可以膿左😌街邊一般舖頭嘅雞蛋仔完全唔入流，我基本上都唔會買黎食。呢一間係我由細食到大，經過左多年嘅品質審查❤️大愛❤️大家留心會睇到佢整嘅時候係只會反轉一次，所以佢可以做到一邊係除脆嘅，令一邊係軟嘅。雖然而家已經買成$19蚊一底，但每次經過都忍唔住一定會買黎食！

三月二日，見雞蛋仔同隔壁个間茶飲搞咗合作套餐：28元一個雞蛋仔/格仔餅加一樽桃香烏龍/玫瑰綠茶。買左雞蛋仔加玫瑰綠茶。雞蛋仔香味無低調高手个間香，但空个底好脆，厚度同薯片差不多，但薄脆交接個地方有dd硬。實个底雖然講係香味不是好重，但味道都算ok，最少都好過多數小食店啦，口感方面有d似無咬口嘚芋圓，都幾好食。不足之處都有，不知是火力不平均定是下半底吃的慢，有d部分有小小軟同濕，顏色略白不算好脆，但總體而言無傷大雅。個服務員姐姐人幾好哦，我俾咗錢接過茶同找錢就走，佢仲叫住我……😂

北角利強記雞蛋仔一向都好出名，無論幾點都好多人排隊👫👭今日見人少少終於可以試一試最出名嘅雞蛋仔係咩味道😛今日排咗10分鐘左右就有得食啦😛一拎上手熱辣辣，食完一粒就知點解咁多人專程嚟買雞蛋仔😍外脆內軟！蛋漿比例控制得啱啱好！而且蛋香味非常之濃🥰順帶一提，依家佢同隔離鋪頭「昔杯」做緊合作，雞蛋🥚仔加一杯茶套餐$26🤣大家有機會去試試啦😘

一開始沒指望可以找到，但是晚上散步的時候，不經意間看見了，於是就買了一份，不貴18港幣 味道比較淡，不甜，但是很脆很脆，比我那邊的的好吃，每次吃我那邊的時候，都甜的難受！  如果想找到這家店，最好是尋著香味找，它周圍都是奶香。 而且買完之後我發現，如果在旁邊的奶茶店買2杯限定的飲料，可以免費送一個雞蛋仔

去開北角所以食埋北角雞蛋仔之前食過低調高手，覺得個間d料比以前少左，又貴左，但北角雞蛋仔就水準依舊!但佢加左價，19蚊一底真係超貴……但蛋既香味真係好濃，好好味。佢仍然做到一半脆既殼，一半軟蛋糕仔，而且新鮮辣食其實真係好好味!無論幾時去，呢間野都會排住4~5個人，所以都係質素既保證!之前都食過其他分店既北角雞蛋仔，但始終都係呢間最好味!用料感覺最足! 個度有5~6 set pan,,d阿姐都做到手軟,能夠做到只有原味都咁多人食，就知好味啦！

北角雞蛋仔利強記一直都好出名，每次經過都好多人排隊，今晚唔算多人，就試吓佢嘅雞蛋仔，$19一底，當然係即整，非常飽肚，有香味，我個人較喜歡半空心的雞蛋仔，但這裏並不是

我呢個雞蛋仔控，第一次食北角呢間舖嘅雞蛋仔，因為我好少有機會過海，仲特登走嚟北角，兼且仲要見到得四個人排緊隊，天時地利人和下我先第一次食呢間，記得之前食過將軍澳嗰間，畀我印象麻麻哋，所以我一直都覺得唔係咁好食，今次過咗嚟食，咦？！ok喎！夠脆，雖然蛋味唔係咁出，但係都有少少，真係一半中空，同埋唔係硬，食到最尾有少少腍咗但係都仲有個型喺度，所以都算唔錯，不過如果次次都要排咁耐先買到嘅話，我就唔會買，我係一個唔鍾意排隊嘅人🤣

夜晚食完野口痕去食的雞蛋仔同格餅，雖然心目中最好食的面係之前街邊推車仔的炭爐雞蛋仔出品，但依家息微後唯有食街鋪的試下！雞蛋仔出左好多隻口味，今次叫的係原味，都係想食簡單原始的蛋香，今次唔多人排隊所以整得好有心機，蛋香味濃厚，因為最怕太甜太濕的雞蛋仔！外脆內軟水準不錯！格餅都好耐無食，整得偏淋身左，可能因為唔係即整，但味道唔錯，加埋花生醬細砂糖口感好豐富又有層次！兩樣都幾大底，食得飽飽又令人懷念的味道！

I heard that this place is famous for their egg waffles, so I had to try it. There was a line, but it moved pretty quickly. I waited for about 5-10 minutes. One waffle is $18HKD, which is cheaper than the 利強記北角雞蛋仔 in Tsim Sha Tsiu (which is $23HKD if i remember correctly). The egg waffles were crispy on the outside, but soft in the inside. Not too sweet either, so I enjoyed it. But if the line was any longer, I don't think it would be worth the wait.

作為香港最出名既小食——雞蛋仔🥚其實好多路邊檔都已經做的幾好食 如果唔係咁啱經過北角呢一帶 都好小可能會特登黎搵呢間鋪 排隊時間唔算耐 雞蛋仔幾好味 格仔餅d醬料都算唔錯