利強記北角雞蛋仔

營業中

休息中

每次搭車經過彌敦道，都會見到北角雞蛋仔有一條小小的人龍，但一直未有機會品嚐。今日行經尖沙咀，終於有機會吃它的格仔餅。格仔餅烘得十分香脆，蛋味香濃，配上花生醬和煉奶，味道層次豐富。大家有機會一定要光顧。

22蚊一大雞蛋仔確實係貴, 但佢有去貴嘅價值。外脆內軟 ，阿姐手腳快就算多人排隊都唔使等好耐 食過咁多雞蛋仔我只係覺得呢度既雞蛋仔就算凍咗都係脆及好吃 。其他凍咗只會變咗霆鋒濕毛巾

廿幾蚊件，真係唔屬於香港本土既小食，企左幾分鐘，身邊既食家都係講廣東話。其實又唔係特別好食，配料又落得hea ，一邊有味，一邊無味。呢個價錢仲有好多好味既野選擇。

嘩....無食一排....$22蚊一底雞蛋仔....因為太耐無食....掛住佢嘅味道....貴都要返次....又唔係成日食....唔食由至可.....一食就無哂以前一食再想食嘅味道....無哂外脆內軟....無哂熱辣辣香噴噴....我呢次買仲要係買左整定係到嘅雞蛋仔唔係熱辣辣仲要收我咁貴....太過份....唔熱的話好食極都有個譜....而家啲雞蛋仔仲要無以前咁飽滿....有好多粒入面空盪盪.....好失望....我唔會再買黎食....等遊客幫襯它吧....

每次去香港都必吃的小食， 他的口感還是比其他家翠比台灣的也都脆但是呢以前裡面是QQ的現在整個只有乾硬脆的口感希望能夠改進回到以前。有一點小小失望，希望能改進回到以前

咁啱行過，好耐無食就一於試試佢嘩，貴左好多靜係個價錢應該已經會係最後一次好啦，想食，好食都可以接受但係，重點，已經無以前好食已經唔再係外脆內軟而家無哂餡成底都無乜幾粒有餡食完宣告無下次

食完飯喺尖沙咀返佐敦途經嘅時候突然好想食雞蛋仔，係得尖沙咀呢間【利強記】先好食， 同我試過其他地方嘅利強記都冇呢間咁好食， 因為其他地方啲雞蛋仔冇一間及得上佢， 我真係唔明點解啲人成日話佢啲服務差， 啲雞蛋仔又唔熱，但我每次去親都無嘢又熱又外脆内軟，所以唔係點解我幫襯咗咁多年，又佢15蚊底開始到而家22蚊一底， 佢嘅服務同味道一直都冇變。因為佢可以做得外脆內軟嘅感覺，又有蛋香味，食到最後都可以咁脆， 其他地方一定唔會食到咁嘅雞蛋仔，其他舖頭一熱放落個紙袋之後成個雞蛋仔都變左淋糍糍， 但佢就一定會變咗淋， 值得一讚， 永遠都支持佢

放工途經此處，想起大名鼎鼎的利強記雞蛋仔，於是叫了一底。索價二十多元的貴價貨，質素竟不如路邊十元八塊一底的貨色! 中間是空心的，咬下去又乾又硬，毫無蛋香，只有死甜味，送給我都不想再吃。此店已變成靠名氣騙遊客的店鋪。希望各位不要像我上當! (This "famous Tuck" Shop really does not worthwhile to spend a buck there. Their egg cakes are of very poor quality and you can find much better egg cakes elsewhere in much cheaper price ! Just try it out and you will know what I mean )

經常路過聞到香味四溢同見到排隊人潮，今晚終於奮身一試。其實開嚮呢個位嘅宣傳作用真係好大。做生意，只要有人幫襯就成功，無論手法同貨品質素如何。首先，廿二蚊一底雞蛋仔，基本上同廿蚊四粒細魚蛋嘅離譜程度差唔多。質素要真係高於一般水平甚多先值回票價。而就雞蛋仔嚟講，呢樣好難做到，個漿啲味度度都差唔多，轉餅轉得專心，唔會未脆就出，基本上已經係一底好食嘅雞蛋仔，好難有空間突圍而出。徧徧呢間就得，不過唔知係好事定壞事。佢嘅突出點係：(一) 夠脆，脆到食墨西哥粟米片果隻。(二) 空心，每粒雞蛋仔中間都有一半空心，口感同一般雞蛋仔唔同，變到好脆，但冇咗外面少少脆入面就軟綿綿嘅口感。(三) 甜度比一般低。(四) 蛋奶香味比一般低勁多。整體而言，係突咗圍，但係係咪真係好食咗呢？定係只係唔同咗？

在電視上看過介紹這間店，另一間位於北角，今日我經過尖沙咀店，幸好沒有人排隊，因每次見到都有好多人買，所以我無等到就走了，有少許失望啦！雞蛋仔 $22，粒粒脆脆的，吃起來很有蛋香味，越食越快，剎那間，就吃完了，現在還想起這味道呀！

今日同朋友行去佐敦坐地鐵途中，見到北角雞蛋仔竟然無人排隊，再加上遠處都已經嗅到好香既奶味，就即刻買返底食下預先已整好既雞蛋仔食落係脆卜卜，但係好凍冰冰我個人覺得太空心啦，無咩口感，仲要成$22一底，太貴了下次都唔會再買

餅底很好吃，很鬆軟，亦都很大件，$22本來非常合理，但是夾餅的醬汁可能壞掉或者溶掉， 滴到到周圍都係，又無味道，衛生欠佳，生意明顯比以前差，而且沒有清潔店面和外面.

第一次来香港吃这家店的鸡蛋仔，留下很差的印象。店员态度恶劣，卖的鸡蛋仔竟然是不热的。当在考虑是否要买它的咖理鱼蛋时，那个短发女店员用她怪怪的广东口音大声对我说到底要鸡蛋仔还是鱼蛋！当时店外都没人排队，就只有我和朋友。为何这店员那么不耐烦。不想花钱来受气，东西又不好吃。不会介绍新加坡朋友来光顾这家店。难怪旁晚时分店外十分冷清，这样的服务和食物水平，迟早关门大吉。

人龍長店，好耐無食過雞蛋仔，肚仔餓餓於是排下隊食下，點知原來已加價加到$22一底，超貴囉！貴得黎好食都算，可惜嘅係完全唔好食！個雞蛋仔係完全無蛋味，外面脆內裡係空氣，好失望！最後我只能講句：我真係好掛住細個食到雞蛋仔嘅味道！

佢究竟出名喺邊呢? 其實好普通，又好貴，厄遊客居多新鮮自然會脆同熱，廿幾蚊貴出面一倍多，新鮮係好基本嘅要求好失望係空心的，仲要冇蛋味道。憑咩呢唔值得排咁耐隊等，貴得來冇特別