利強記北角雞蛋仔

營業中

休息中

之前因為沒有排隊，剛巧經過，買來試吃過也算ok。但今日比較多人排隊，也剛巧肚子餓，等了约5分鐘，可接受。但燒焦了一半，還賣给客人, 22元實在不值，非良心小店。應該不會再有下次了。

成22蚊一底雞蛋仔，外面好脆，脆到吉口的每一粒裡面都係空心，完全沒有蛋漿，直頭好似食緊蛋味薯片，遺失哂香港雞蛋仔既內涵同精髓，勁失望！食完覺得食緊空氣咁，冇下次！根本唔值！

北角雞蛋仔出名伏係眾所皆知，但係朋友行過又見肚餓，就唯有試下啦。$22 蚊一底相信係第一個伏位。都排幾長龍先買到，相信呢個係第二個伏位。抱住一個一試無妨嘅心態食。雞蛋仔個面勁脆嘅 ～但係裡面係偷工減料咁，除咗得一半餡之外（咬一半睇勁似油炸鬼），係完全無蛋味！呢個雞蛋仔，仲聽說揚名咗海外添！媽呀～根本雞蛋仔唔係咁嘅味，可唔可以唔好破壞雞蛋仔喺大家心目中嘅形象呀！正宗嘅雞蛋仔應該係外脆內軟，內餡係好香嘅蛋香味，唔係食空氣，拎上手仲會熱辣辣，希望各位食客遊客唔好誤會呀.....

本来想吃点米线，但是路过了这家店就被鸡蛋仔的香气吸引了，以前就有听说这家出品很赞，于是临时决定试一下，没想到真的没有让人失望因为是工作日，人不是特别多，大概等了十分钟就把鸡蛋仔拿到手了。刚出炉的鸡蛋仔热乎乎的很香，外皮超级脆！中心很绵软，感觉在吃饼干和蛋糕的结合物？🙈而且没有特别甜，吃多不会感觉腻，不像妈咪鸡蛋仔那样到最后腻到无法下咽。本来以为放凉了就会变软，结果没想到直到最后都脆卜卜的！简直不能再赞了！不过还是推荐趁热吃啦嘻嘻这家还有出品其他小食，鱼旦烧卖脆肠什么的，看几个外国人一直在回购，应该挺好吃的，下次再来可能会买些试试环境:⭐⭐⭐服务:⭐⭐(毕竟那么出名，甩脸色也是有的啦)味道:⭐⭐⭐⭐⭐

之前成日聽人講北角雞蛋仔好好食行開尖沙咀見到有 決定試一試睇吓佢究竟係唔係真係咁正首先成＄20一底雞蛋仔我覺得真係有點貴😅等左幾分鐘終於整好個新鮮熱辣嘅雞蛋仔即刻試吓先佢 雞蛋仔食落外脆內軟唔算好濃雞蛋味 感覺食落同平時嘅雞蛋仔分別算好大。試過一次都夠 吾會突登再買來食唔太明點解咁多人話佢超正😂

佐敦既北角雞蛋仔（$22）出哂名，但成日排哂長龍，從來都未食過！琴日打風冇啖好食，就落街買左底雞蛋仔試！同一般既雞蛋仔唔同既係非常脆口...但我就覺得唔係我杯茶喇！因為雞蛋仔太脆空氣感比較重，無乜嚼口！食完都唔知食左啲乜咁！宜且覺得食得好困難，雞蛋仔太脆會吉咀！

雞蛋仔要好食，一定係外脆內軟，係做到一半空心。但係呢間d阿姐手勢好勁，可以整到大部份都係完全空心嘅。不過食落口感又唔太差喎，如果想追求好脆嘅口感，又或者唔想食太飽只想過下口隱，都未嘗唔係好嘅選擇。

門口咁多明星合照真係比佢fake左，難食到講粗口，一啲蛋香都冇，入面空心，外皮又硬又𠝹口，人地前多幾個街口賣17蚊冇明星相仲好味過你，勁差，影衰晒香港美食，比啲心機整好啲啦

雞蛋仔我相信大家都食過好多次, 而北角雞蛋仔相信都係數1數2既雞蛋仔之一今次我係食完旁邊一間四川菜都依然行過俾佢既香味而吸引買既雞蛋仔依舊外脆內軟, 取食物時間亦都好快但我認為好既雞蛋仔除左外脆內軟之外, 入面都應該要成粒完全充滿軟淋淋既蛋醬先至好食!可惜從圖片中都睇到 好多時都係得一半係有料, 另一半中空, 有部分人都鍾意咁樣既雞蛋仔, 所以都可以算係個人喜愛, 無分好唔好

相信雞蛋仔是香港人心目中的最強地道小食，大家的集體回憶，而濃郁蛋香是雞蛋仔的靈魂，能做出鬆軟而蛋香味重的出色雞蛋仔店，少之有少。不知強記雞蛋仔頂著米芝蓮推介的光環是有多厲害？店外已有幾位在等待，有的是外國旅客，拿著相機在朝聖。本來以為要等候很久，可以一試熱烘烘的新鮮米芝蓮雞蛋仔。點知.....原來人們在店前只是忙著拿出錢包付款，不是在等候新鮮出爐的雞蛋仔，再看的是雞蛋仔的烤模爐已經不動了一段時間。一付錢後，嬸嬸便給我們已放了一會時間的雞蛋仔，當時心已經放了一半不是新鮮出爐，沒有熱烘烘的口感已經減了很多分，蛋香味因時間的流逝，已經消失得八八九九雖是外脆內軟，外皮食到發出格格聲，但蛋漿只佔雞蛋仔內餡的一半，柔軟煙韌，還是那一句：「依...凍嘅....無咩蛋香味」好像這個價錢是多付在它的名氣....

彌敦道的利强記每天經一或2次早餐排隊中午多數有些人龍放工6至8，9点都大多數有人排隊今朝10am無人龍問有什麼好吃？只有2件三文治要了蛋牛治單一收13元連熱茶18加左價買入一份打開蛋牛厚到精明如我都意外不怕獻醜分享点享用這種厚餡包=是兩層一口咬可以加上胡椒粉咬至吃完面包仍舊軟綿綿，所以人家天天有客回頭！。

咁啱路過利強記北角雞蛋仔，記得第一次食呢度嘅雞蛋仔係幾年前，食過一次就好難忘，比其他店嘅要好食好多，口感同味道都比較好，除左雞蛋仔，佢地嘅牛雜魚蛋同腸仔味道都唔錯架。利強記北角雞蛋仔有幾間分店，其他分店我未去過，呢間每次嚟都好多要，基本要排隊，好多人都係睇左網上嘅介紹過嚟食。雞蛋仔都做咁多人排隊就肯定有佢嘅過人之處，我個人比較鐘意口感脆D嘅，所以買嗰時會同佢講要烤脆D，雞蛋仔我鐘食原味，呢度真係可以烤得外脆內軟，兩層口感，而且仲會有濃濃嘅牛奶香味，大愛。買左一分雞蛋仔，通常我都會加多一份魚蛋或者腸仔，要涂上醬，唔係無咁好食，魚魚爽口彈牙，不過可能食多左，覺得而家嘅無以前甘好食。

未行近呢邊都已聞到濃濃嘅奶香味喇，晚黑九點幾出來食宵夜，經過呢度見到利強記度難得冇乜人排隊，仲唔喇喇淋入去買番底雞蛋仔來食下！原味嘅雞蛋仔，整嗰時候就發出陣陣香味，整好之後放一粒係個嘴度，嗯、又香又甜，啱出來嘅雞蛋仔仲係軟軟嘅，層皮有小小韌，中午通窿，下面一層厚厚嘅，有d焦香味，有d奶味，哇，真係唔錯嘅雞蛋仔！食咗幾粒，剩低嘅返到屋企先至食，本來以為會凍咗好難食，但係冇諗到凍咗嘅雞蛋仔更加酥脆，嗰層韌韌嘅皮變成脆脆嘅皮，柔軟嘅低邊依然柔軟，另有仲滋味吖！咖喱魚蛋好正！咖喱好純正！咖喱味濃郁，魚蛋好入味，果然魚蛋配咖喱汁係絕配吖！

我妹個為食貓，見到利強記雞蛋仔度人頭湧湧大排長龍佢又去湊下熱鬧，癡咗線乜！咁熱嘅天就為咗食個雞蛋仔？？不過我又唔可以一個人走先，只好跟著排咗10分鐘，雖然唔似食飯咁等人地食完先有位，但係整雞蛋仔需要時間吖！最後要咗一底雞蛋仔，一串魚蛋一份龍蝦丸，等咗咁耐肯定食番夠本喇！雞蛋仔香濃，牛奶香，雞蛋香，二者混合為一，上層皮有D脆有d韌，下層軟綿，啱烤出來有熱辣辣＋耐香噴噴，都算不枉此行！試咗下咖喱魚蛋，更加覺得名不虛全吖，咖喱味濃，魚蛋彈牙，一啖一個好正。龍蝦丸本身麻麻地，全都係麵粉、奈何人地沙茶醬牛B吖！香濃沙茶醬霖係龍蝦丸上面味道驚艷吖！真係覺得咖喱魚蛋同沙茶醬嘅龍蝦丸比雞蛋仔好味！

好少去北角嗰邊，經過尖沙咀竟然比我遇上佢，所以買個格仔餅試下。餅身厚實落足雞漿，但略嫌唔夠雞香，有點啖口但漿料可以補救。表面唔係話十分脆，但未至於似食蛋糕。漿料夠少，夾餅位置比較空洞。