利豐園韓國料理

營業中

休息中

是噤的 位於女人街兩旁嘅餐廳 我從來都無咩好感... 不過今次朋友主動提出 話食過好食 所以就黎咗啦...呢間餐廳係要叫咗野先俾配菜 感覺有d姑寒...我一睇餐牌 就迎來第一個驚喜: 佢地有綠豆煎餅呀!!! 平時見開都係得泡菜煎餅 海鮮煎餅噤... 呢間係我第二次見到香港嘅餐廳有... 所以 雖然綠豆煎餅 比起 泡菜煎餅同海鮮煎餅 係貴d (之後睇埋份量 其實都唔止d...) 但都叫啦... 味道ok嘅 可以試下我地4個人share半隻豬腳... ummm... 味道好港式... 好食嘅 但唔似係韓式... 有d似烚嘅 德國咸豬手... 我最愛嘅韓國小菜: 炆牛肋骨... 其實正正常常嘅都會好好食... 只係偏貴... 所以呢個都唔錯嘅... 相片為細size...另外主食嘅有辣豆腐湯同冷麵... 我幾鍾意個豆腐煱架 貪佢豆腐多嘛 但朋友就覺得麻麻地... 無叫海鮮果款 但都有幾粒蜆仔至於個冷麵呢 因為個人唔係好好呢道菜 所以只係夾咗一小撮 無咩可以評論... 唯獨老闆行過 見到我地成枱野 而我地又冷落咗個冷麵 就提下我地要KO咗個冷麵先 如果唔係就唔好食架啦...最後一個驚喜就係價

韓式料理餐廳一直都系小編既至愛黎架 泡菜，壽司，石鍋飯 ........ 今次同朋友黎到 旺角位於通菜街呢間 “利豐園韓國料理 ” 呢間店的裝修 行舊式的韓國餐廳風格 ！！！餐牌主要以套餐為主架 海鮮豆腐泡菜鍋 $53海帶湯$42 套餐配 : 白飯，配菜，飲品 海鮮泡菜鍋，酸酸辣辣好有泡菜味 但系海鮮只有3-4件炸 細細件 大多數都系豆腐 泡菜 等配菜 炸海帶湯 ， 海帶真系有好好......多 🤣 食到食五哂添 不過湯就冇咩特別 淡淡地 好似食緊味精水甘 。

又想試下未食過既地方，午餐價錢望落都係$40-50，就行入去試下。人就係犯賤大熱天時都硬係鐘意叫d湯鍋跟飯😅其實呢個價錢望落有咁多野，感覺幾抵食，個人覺得辣咗少少，蓋過哂其他野，但係食咗就發覺一d都唔抵，佢個湯冇乜料，所謂既海鮮碎到夾唔到，只係見到蜆殻見唔到蜆肉，兩粒得個圈咁樣既魷魚，然後大部分係菜頭果類食物，後面個配菜係午餐包埋既，多款又好食既～如果冇佢睇怕送唔哂碗飯🙈🙈，呢餐唯一合格既只係個碟配菜同杯熱柚子蜜不過，望見其他食客食石頭鍋飯、湯麵類既好似又ok喎🙈我唯有說服自己揀錯野。舖面望落乾淨，銀餐具衛生ok，都坐得幾舒服，係橫街裡面既舖頭黎講算係咁。

首先講下個飯卷呀下，本身叫牛肉飯卷，跟住黎左個雞肉飯卷，點知一夾起黎就散曬，跟住就叫佢地換過碟，點知佢地就用啲唔知乜話黎話人，都唔知佢地講緊乜野話。好啦，重點黎啦！黎個韓式牛肉炒粉絲呀！！冇影到相呀根本就係花生油味炒粉絲成碟野極油，極重花生油味，不得了^_^跟住黎個豆腐辣湯，可以係冇辣味，同埋完全冇味道，跟送既果碗飯真係不得了啦唔係碎米就係生米第一次食韓國料理用啲咁差既米差到唔想再食 未食過咁難食既韓國菜

未食過韓國野可以咁難食佢啲餐牌整就整得好靚，仲諗左好耐食咩添最後叫左炸醬面，點知好難食啲面首先一啲都唔彈牙，好'腍'個醬汁仲要唔好味朋友叫了辣牛肉湯試了一啖真係搞笑一啲辣味都無都算點解可以完全無味如何做到

喺香港食過最難食的餐廳！！夜晚同朋友經過見到，附近餐廳爆晒，但佢完全冇客都諗緊係咪伏，但實在太肚餓，唔想再行就入左去真係超級後悔！！叫左個辣牛肉湯 連白飯$68個湯得個紅字，係。完。全。無。味！！！根本係紅色嘅水！都唔知自己係咪食緊紅油撈飯！牛肉就得幾舊細舊到乜咁未試過食餐飯食到咁嬲！食完係完全唔飽！好似冇食過嘢咁只係食左碗白飯加紅油，諗起都想嘔！成68蚊食垃圾！永久blacklist!!!!最唔明係入到黎見到竟然有好評希望大家千其唔好中伏！！

好有禮貌；好乖，學習專心，快上手，一流的尚等天才。泡菜好好食，唔太棘，唔太咸，還有..........好想日日有得食，日日可以嗎？同事有折扣優惠嗎？不如 免費 __

今日中午和同事去了這間餐廳食午餐，食到一肚火。我勸大家唔想食物中毒就唔好黎幫襯。我相信呢間餐廳距離關門大吉的日子不遠了。一坐下侍應便送上一碟韓式前菜，有芽菜，薯仔，泡菜。我點了鐵板雞，同事點了韓式伴飯，兩份食物隨餐送蘿蔔湯。一吃下去發現鐵板雞不是熱的是暖的，而且雞肉鞋口。 其實都不是大問題，最大問題是衛生極度惡劣。我食芽菜食到一大半的時候，突然發現一個黑色圓形物體，起初以為是豆豉，再細心一看原來是曱甴!!!!!!!!!!!! 仲要係原整一隻，不是曱甴腳。 我立即通知侍應她替我換過另外一碟前菜，但當下己經食唔落。 最初我以為只是芽菜有問題，原來我同事的蘿蔔湯內都發現另一隻小曱甴!!!!!!!!!! 她都是差不多飲完先發現有曱甴，自己不知不覺間飲了半碗曱甴水落肚。這間餐廳不但食物難食，衛生環境仲十分惡劣。我咁大個人都未試過去過一間食物內有曱甴的餐廳，最多是只是地上有曱甴。老闆話之前曾經滅虫而家曱甴出晒黎，咁你點解唔清晒所有昆蟲先開鋪呢!!!我勸大家不要光顧這餐廳，今次食物內有曱甴下次又唔知有咩昆蟲。

今日自己一條友, 於是又求求其其由何文田行落旺角食午餐,邊間未食過就入去食, 於是今日就入左去利豐園食「韓國」菜講真, 去得女人街入面D 鋪頭, 都唔會有太大期望唔會expect  佢真係好正宗。一人午餐就叫左石頭牛肉飯, 附蘿蔔湯, 熱飲和三小碟,三小碟普普通通, 至於石頭飯, 牛肉送來時是片片生牛肉 (佢預你用石頭的熱去整熟佢), 而其他配菜, 對比普遍(正宗)的石頭飯, 這裡欠缺了蕨菜和波菜, 並用生菜取代之,嗯, 就這樣, 普普通通。女人街的小店只能用價錢合理, 定價不過份去評分,但要食好東西還是不要來吧。

此店食了很多次. 食慣O左經常都係叫果幾款. 因為食過好味才返啅... 推介石頭飯, 牛肉炒粉絲, 煎海鮮餅, 韓式豬手, 鐵板上既烤五花南/豬/雞肉, 牛肉蛋餅都好好味.其他就無食過了。要求不高的話, 此小店是不錯的選擇.

韓式食肆近年在香港大行其道，總有一間左近。但有水準的餐廳仍是仍很難找。今晚因為遲放工，多數食肆都現排長龍，還可以膽粗粗去了這小店。雖然餐廳供應的食品是普通韓食，但以食物品種來算，這兒的選擇蠻多樣化，有部隊鍋，冷麵，煎餅，石頭鍋飯，紫菜捲，炒年糕等傳統韓或食一應俱全。點餐後，每人都會獲分一碟泡菜。味道不會太辣，醬汁味道夠淡，所以保留了原本的食物味道。水冷麵：是一款素食，麵是選用韓式傳統冷麵，地質煙韌，配菜有清甜的韓國水晶梨絲，紅蘿蔔絲及青瓜，口味清新，湯底略淡(可自已加醋及芥末醬)。適合想吃得健康或減肥之人士。餃子年糕湯：又一健康之選，所有配料都沒加入額外油份烹調。湯底是蛋花湯，加了少許味精。餃子多菜少肉，年糕略嫌切得太薄，所以口感過腍。整體來說，食物質素不錯，價值合理。但由於餐廳空間夠小，所以坐得不太舒服。

本來想食沙爹王 見太多人就行過兩間試 點知係大伏 係唔滿足既一餐 本身唔肚餓 只叫左兩樣野 食評附加在圖片中總知結論係難食 好後悔咁都要比239$食完心情好差 唯獨係店長態度良好 但食物真係....

利豐園韓國料理。正宗又平又好食嘅韓國料理。🌝有頹飯供應🌝。平日都算清靜 而且店員態度好好。上主菜前會先上韓式配菜同例湯：泡菜 莧菜 豆芽。泡菜薑汁辣味偏濃 不過怕辣嘅朋友都可以一試 莧菜有好濃麻油味。一碗湯有半碗餸 係紅蘿蔔薯仔洋蔥湯來 清甜少味精《石頭鍋鰻魚飯》HKD42。整體非常豐富 唔少得芽菜 紅蘿蔔 冬菇 生菜 紫菜 撈埋一齊食yoho。不過就咁食真係好頹又冇乜味😑。後來落埋支辣醬落左之後直頭好似upgrade左成個飯咁 唔單止賣相仲有味道😛。辣醬係帶少少腐乳同偏甜 極推薦要落辣椒醬。鰻魚好似少左d🌚《韓式拌冷麵》(辣)HKD42。紅薯幼麵有d難咬 酸辣辣好開胃 不過幾辣下 所以畀左男朋友食。個賣相好靚 份量好足 好多泡菜青瓜 大碗又好味。 有時d麵食食下太乾 好難夾 我會加啲湯落去撈一撈

同日本魚生、壽司分手後，改為戀上韓國飯卷、泡菜湯、石鍋拌飯。但近年韓國料理價錢不斷上升，簡簡單單一個拌飯動輒都五、六十蚊，所以自從發現抵食既韓國料理之後，總會心思思去食。今日我就食咗石鍋拌飯。好多人都覺得拌飯將啲材料放晒上啲飯度咁簡單唔會好好食，但就係簡單材料要新鮮，飯要煮得靚先至好食。食過咁多間，呢間算高水準。我唔鍾意啲飯太濕太爛，一定要見到一粒粒飯粒，如果唔係好難「拌」到。呢個拌飯就做得到。除咗靚飯，仲有其他材料包括牛肉(也有豬肉、雞肉可以揀)、芽菜、生菜絲、紅蘿蔔絲、菠菜、冬菇、紫菜；上面仲加埋一隻生雞蛋添。牛肉上枱既時候係切絲同埋係生既，不過唔洗擔心，因為石鍋夠熱。拌勻之後石鍋既熱度會令牛肉絲完全熟透而又唔會過韌。由於相機先食既緣故，白飯係石鍋裡變成脆脆既飯焦。吱埋苦椒醬落啲飯度，然後將所有材料撈埋，就變成好好食既拌飯喇。我好鍾意食辣，所以我會吱多少少醬。食開拌飯既人都知道一般舖頭都會放成支醬係度，就係等客人一邊食一邊加醬。不過，除咗材料要新鮮之外，食物既溫度都係決定好唔好食既重要因素，所以拌飯我一定食石鍋。呢個午餐仲會送三款前菜，當然唔少得泡菜啦！仲有一碗例湯同一杯飲品。雖然

今日係旺角同個friend行行下街肚餓就決定是旦入一間韓國鋪頭食野結果意外搵到寶本身覺得係旺角食野會好貴 郁少少個lunch都要成80蚊袋樓但點知係通菜街呢邊既小店全部都好抵食呢間韓國野真係一見到個餐牌 40幾50蚊一個set包飲品包前菜就狗衝入左去因為我好鍾意飲豆腐湯所以就嗌左個海鮮豆腐湯完全足料 勁多豆腐又有蜆 辣得黎又帶點鮮甜諗起都好想再食我個朋友就嗌左碗芝士面食 佢都覺得呢間野唔錯幾抵食我地加埋都只不過係100蚊（唔洗加一）真係好抵夾好食以後黎旺角都唔會再去d大街搵野食識食一定去其他街仔