創發潮州飯店

營業中

休息中

選呢度純粹因為個樣夠地道，又日本人應未食過潮州菜，所以就來了。一入門口見倒一盆盆食物，佢仲話似oden呢！選了紅衫魚同鹵蛋，再叫了水瓜烙同鹵水鵝。食物是多油了一點，好在我們也不介意照吃。水瓜烙份量不少，點魚露幾好食。鹵鵝就韌左少少，反而不及坊間一些鹵水鵝專門店。甜品來個反沙芋，剛炸起熱辣辣，外脆內軟很好食。這裡雖然舖面唔係咁正，要吃正宗潮州菜，不來這裡去隔離街樂口福都得，週不時都會見倒成班潮州鄉里幫襯的。

無以前咁多人啦，唔使等就有位。味道其實一般，不致於咁出名，我推薦最好食係鵝腸、煎牙帶、水瓜煮蝦同蠔餅，仲有好多都ok啦，10個人埋單六百幾蚊，價錢好抵，如果環境乾淨D會好D。

食物尚可，但環境一般，衛生亦差，大門窄還用作放置爐灶油炸食物，同行小童被油濺傷，店員卻視若無睹，莫非店大欺客?真是不提也罷!

終於去了這間聞名已久的潮菜店﹗但未入去﹐伙記就話停電﹑無冷氣(但係就有燈有風扇--真係奇怪)﹗朋友話如果無冷氣就唔想去呢間啦。不過隔無耐又話有冷氣﹐所以一行七人便浩浩蕩蕩的走進這間其貌不揚的店子。一坐低﹐一個類似部長的人便走來。大伙兒七咀八舌點了幾道菜﹕-炒魚麵-凍蟹-大眼雞-滷水鵝-苦瓜咸菜黃豆排骨湯碟碟都大大碟﹐凍蟹係朋友介紹食的﹐但係食完卻覺得不大好食﹐有點失望﹗大眼雞一般﹐無話好唔好食。炒魚麵都幾好﹐幾夠味﹐又彈牙。雖然油了點﹐卻值得一試。滷水鵝就好好味﹗必食之選﹗可能因為自己鐘意食苦瓜﹐所以更覺苦瓜湯o岩飲﹐不過如果可以無咁咸就最好喇﹗食到一半﹐竟突然停電﹐無冷氣﹑無空氣﹐快要窒息(無誇張--因為我們不是坐近風口位﹐特別慘)﹗唉﹗惟有走為上著﹗本來想叫多幾碟小菜﹐不過睇黎都係無緣份﹗Anyway...總括來說﹐此行令人有點失望--可能又係希望愈大失望愈大吧﹗臨走前見到仲有好多人準備入去﹐包括祥嫂在內。我想﹕恐怕其中亦有很多人是像我們一樣﹐慕名而來的。如果有機會的話﹐我想我也會再去多次﹐畢竟這次只是試了很少菜式﹐如果妄下定論恐怕不太公平。一共一千一百蚊。整體來說算係咁。

九龍城龍崗道上的創發潮州菜館只是一家有名氣的菜館,食物水準一般,還可以接受,但工作的職員就太過招積.好像沒錢結帳般對待客人.而且煮的菜不是特別出色.我覺得真是有"名過於實"的感覺.

正宗潮式食物，蠔仔餅、鵝片、大腸等潮洲菜一應俱全，味道尚可，之不過，衛生環境就不大好！好可能低抗力差一點都會食完肚痛，食物太過油膩啊！

肚仔餓.要個炸豆腐先...哈,又几好食.石榴雞几靚几好味,但我個人認為呢度D好似肥0左少少...炆豬手又稔又滑又入味,掂!普寧豆醬雞好惹味,略鹹,送飯最好.魚飯要凍蟹同龍蝦,兩樣都好,後者勁甜,不過有時都會失準,睇你好唔好彩.炸九肚魚係每次必叫0既,另外炒魚麵几好味,又彈牙,係多油0左D0者.甜品次次都叫好香蔥油味0既芋泥,係就係好甜,但唔知點解每次我一個人都可以食晒一大碗,哈~~

我係因為蠔餅同蠔仔粥至幫襯, 叫佢打冷o野, 鵝片鵝腸韭菜豬紅, 仲有個貴D o既龍蝦肉.預o左唔平, 更預冇乜環境, 所以, 對食物會奄尖D, 而事實食落唔係咁咩o野, 我朋友係呢度食好多次(應酬), 佢話翅普通, 凍蟹就幾好, 不過幾貴下, 食阿公就無所謂囉.......講返我o的心水野, 呢度D 蠔仔粥同蠔餅味道ok 啦, 之不過, 我未返到屋企就頂唔住, 要飛車去睇急症, 醫生話食o左唔乾淨o野搞到腸胃炎, 入觀察病房休息下啦........

如果不擔心肥的話，這裡的食物叫做食得過。芋泥好香之餘都勁甜，必需非常愛好甜食的人先懂得欣賞。特別介紹是椒鹽九肚魚，勁香勁脆！

食物正宗. 正過陳東記.

呢度叫胡椒豬肚湯仲有得免費添加，No pay O.K.!!

創發是一間歷史悠久的菜館, 無論菜式及烹調方法都十分道地, 味道亦不俗, 尢其是水晶飽, 石榴雞及水瓜烙都比其他同類菜館出色, 然而他的價錢略貴服務及環境亦稍遜, 所以較適合去一嘗正宗潮菜滋味的人士

時常有明星來食野，我都來扮下野來試食，發現有「小強」周圍走，好似出巡一樣，再講食物方面，味道還可以，但價錢貴一些，例如：豉椒生腸、川椒雞球等都不錯，是正宗二潮州菜，比較環境污穢，要預左有可能會肚痛呀！