創發潮州飯店

營業中

休息中

男友P係潮州人，但我倆卻很少一起吃正宗潮州菜，原因是我怕污糟；真得要感謝KC兄安排此創發聚，協助我倆踏出正宗潮州打冷的第一步。點菜由KC兄一手包辦，豪點了20道菜，當中不乏名貴和傳统菜式，我和男友就安心坐定定等食。先論最名貴，$600蚊一隻的凍蟹(大)，肉質算結實，但鮮味不算突出，蟹肉味道帶咸，我倆認為不值這價錢。- 鹵水鵝半隻(如圖)，鵝片軟熟但不夠滑，好普通- 水欣烙，第一次食，絲瓜經油炸後口感像洋葱，幾得意- 蠔餅，做法正宗，不過食味普通，我哋都prefer水欣烙- 豬腳凍，膠質嗜哩藏有連皮豬腳，無乜味，QQ口感卻很討好- 豉椒炒蟶子，男友欣賞，蟶子肉質飽滿，我嚴豉汁太濃- 鹹肉炒蘭度，蘭度心爽嫰，是全晚較清新的一道菜- 荀炆鴨，微辣菜式，主角反而係啲荀，清甜爽脆- 苦瓜湯，我一向鍾情於此湯，食咗好多苦瓜- 胡椒豬肚湯，咸菜太多，導至湯的味道太酸- 白灼鰤魽，很腥，熟透還可接受，末開口的仍在滲血，很噁心- 煙鴨，是較罕見的煙燻菜，此鴨煙燻味夠勁，不過肉質有點乾- 鵝腸墨魚，墨魚新鮮嫰滑，鵝腸我沒吃，不過賣相吸引- 炸三併，我倆都不太欣賞，唔香口，肉餡一啲都唔彈牙- 普寧豆腐，外皮

由10月尾開始去過第一次之後就停唔到, 變左做飯堂咁滯, 到今日都去左食3次, 諗住呢個禮拜六再去.基本上, 試過10樣, 冇一樣野係唔好食, 雖然唔係樣樣都出色, 但75分以上也不為過, 其中以煙煄鴨, 鵝腸,蠔餅最好食～其實睇左之前既食評，　服務黎講都幾飄忽，我第１次去同上一次既分別都幾大，但係其實我都好體諒，成間野又樓上樓下，隔離舖都係佢地既，忙到死，理得一又未必理到第２，情有可原，尋日少人ｄ既時間去食，服務都好好，仲有介紹比我地ｔｉｍ～又好禮貌，食得開心～建議都係平日少人ｄ既時間去會好ｄ囉～

泊來友人要求吃地道的廣東菜，當然要去潮州菜館，說潮州菜，來這裡錯不了，單是讓朋友在那個埋積如山的打冷檔前拍照，已是相當高興。安排了坐在細檯，環境有點嘈雜，要跟說話「陰聲細氣」的友人談話，是有點難度，希望她們不要介意。三個人，還有兩位女士，要吃得有點特色，叫菜也不是易事。又沒有普寧豆腐，而在座友人對貝類食物敏感，就要了凍蟹、石榴雞、鹵水鵝片、水瓜烙、沙茶醬牛肉炒芥蘭，再加個胡椒豬肚湯，已是相當的豐富。先來湯，在東洋友人眼中，那埋豬肚及豬粉腸當然是洪水猛獸，但甜美的湯頭卻又吸引非常，這窩湯，也是天使與魔鬼的混合體。她們對胡椒湯當然讚不絕口，鹹菜也吃不停手。其實豬肚及豬腸也煲得非常的軟腍，但就只我一人在吃了；凍蟹是日本人的至愛，肉質結實又鮮甜的花蟹，應該是我們的代表菜之一。要了一隻中的，件頭不算很大，但切開六件身四件鉗，隻隻實肉，三個人也是夠吃有突；石榴雞非個人喜愛，但有外賓在又要叫這味來影下相，果然又是拍照位，十蚊一件，淨係食功夫都抵番；在薰鴨及鹵鵝之間，外賓選了後者。鵝肉都軟熟，鹵水味道點到即止，有水準；原本是蠔烙，最後變了水瓜烙。同樣是用上鴨蛋，新鮮煎起還是香噴噴的，但礙於外賓吃飯斯文

今晚同老公黎九龍城....本來想去食泰國野....老公醒起有間潮洲野好出名既老店....入到黎...無菜牌....見門口既打冷檔...叫左個凍魚....噢...唔係魚飯...太鹹啦...跟住要左個鴨肉蘿蔔湯...唔錯...蘿蔔幾淋...清清地! 另外再叫左個炆荀...都幾好食..幾爽! 已經有七成飽...最後再叫左兩碗糖水...一個係清心丸薑薯...另一個係清心丸豆爽...兩個都唔錯...清心丸幾煙un....!最後埋單先知幾多錢...如果多人可以叫多野試!

昨天一家5人提早慶祝中秋節~媽咪建議去九龍城食潮州菜.老豆係潮人~但係我都好少食到潮菜~除非回到麻麻家.衣家野其實服務真係見仁見智~有d人可能會覺得佢地好熱心好親切~相反唔受衣套既會覺得好煩亂咁黎~不過總體黎廣有服務係好過冇既....當晚叫了好多食唔曬:煎蠔烙-個炸皮好正好薄好"翠"口,d蠔仔係我咁大個人食過最大粒既!!!唔會太油~之前食過咁多間都冇咁好!!蠔粥(細)-ok拉...得個d 蠔仔一樣正!鵝片(例牌)-唔錯~幾入味!!d肉又唔會un~芥蘭炒吊片-普通一味~不過d 菜好少...吊片多..椒鹽九肚魚-又係另一道必吃既!!超香~外"翠"內軟~水煮東風螺-可以唔叫都得嫁拉...普通水煮= ="潮式魚蛋海鮮娃娃菜-媽咪叫既~入面咩都有~有菜魚蛋吊片等等~伯伯侍應話係一味家庭潮菜喎!d菜真係好甜好香~反沙芋條-外層既糖太甜~喜歡吃芋頭既人必叫~芋泥白果-太甜....成par蓮容.....煎稞-冇食~no comment~基本上都食得過~好多都好好味~最重要係個環境feel都幾好幾夾^^食得過既...不過千祈唔好係個度食蟹...成500-600一隻又細又貴= =+

永遠唔會再有下一次..............琴日, 突然好想食潮州野, 於是上左openrice到search, 比我search到創發, 網上既評價好高, 於是, 我就懷住興奮既心情去食我喜歡既胡椒湯...........一去到, 都預左環境一般, 只要好食就得啦...........今餐食左============胡椒豬肚湯 - $ 30鼓椒炒聖子- $ 80蠔餅 - $ 40-50吊桶炒蘭芯- $ 40-50胡椒豬肚湯- 不外如是, 無咩特別, 胡椒味唔濃, 超失望, 如果唔係有胡椒湯都唔會來..鼓椒炒聖子- 平心而論, 味道同其他大排擋無咩分別, 都ok, 但係都唔駛咁貴呀! 黎個價錢已經食到兩個了..... 蠔餅- 都幾好食, 雞蛋餅好好味, 蠔都幾大隻, 可能d蠔唔係太熟, 食完之後仲肚瀉tim.....吊桶炒蘭芯- 一樣, 味道同其他大排擋無咩分別, 但係好細碟.......重點..............阿姐成日"對"d野食(細細碟)過來話請你食, 原來係要收錢既. 收錢都算, d質素奇差, 好似係d人食剩咁, 見到都唔想食, 最初, 真係以為唔收錢

尋晚朋友話要去九龍城食潮州菜, 準備了3間給選擇, 最終因為這間老字號就扑鎚(其實係因為一間找不到, 一間好小人...).3女1男一坐低, 東張西望, 呢樣又想食,個樣又想試, 終於都係等靚姐介紹. 先來炒蟶子,鵝肉拼墨魚, 五寶菜(什菜煲), 胡椒豬肚湯, 椒鹽豆腐, 九肚魚, 蘿蔔丸....仲想叫多幾樣試試, 不過己經成枱食物就唯有等下次. 個湯飲到我"殊殊聲"因為好勁胡椒味但係好正, 鍾意食粉腸會更鍾意.其它都ok, 最正係靚姐突然醒d"棵肉"俾我地試試, 係馬蹄加豬肉煎成, 有d爽幾好味, 最後大家都嗌晒飽但又想食甜品時, 靚姐又醒一失反沙竽俾我地試, 幫我地分埋四件, 係呢個時候就明白到小吃多滋味...不過都係再來多2碗緑豆爽. 成餐飲了3次功夫茶,比我地平時去開的潮州菜館體貼好多!!埋單都係一人$110有找...有時除了食物味道以外, 人情味都可以搭夠, 下次再組大班人去試多d.

不愧係全港數一數二嘅潮菜....最喜歡佢哋擺响門口嘅明火檔，各式各樣嘅潮式小菜、大菜紛陳羅列，睇到眼都花埋...睇見隔籬有D人仲叫蠔烙，韭菜豬紅，不禁失笑...同老友打完波，個肚餓到極，一去到都未坐暖就即刻送一小碟醃芥菜及功夫茶，正當要舉筷之際，阿靚姐即刻送嚟一碟煎池仔魚俾我哋送酒。嘩...無得頂...呷兩口啤酒後就馬上行出去睇吓有乜食，太多嘢想食嘞..，最後叫咗豬腳凍、芥蘭芯炒吊片及筍棵...豬腳凍做得入口即化，好膠口，堪稱完美；芥蘭芯爽口，帶點微苦，啱晒我呢亭步入中年嘅人，吊片好鮮，食落口夠晒彈牙；筍棵係用豬油煎，香到痺，皮又夠煙靭，餡份量適中亦不過鹹，完美...基本上我哋之後都冇乜叫過嘢，因為阿靚姐每奉有嘢响廚房出嘅時候都會夾幾件俾我哋，嘩.....一大碗薄殼端來，夠肥美，基本上係冇肉，而係食緊糕加肉，肥美嘅程度可想而知，加埋落咗大量蒜頭、不知名嘅香葉及沙茶醬炒，食到七個一皮...普寧炸豆腐做得外脆內軟，自從响澳門李康記之後都冇食過咁靚嘅豆腐...甜品反沙芋又係一絕--- 夠甜，糖沙完全黐晒响芋頭上，好講功夫；芋頭一絲絲，亦算幾粉，熱辣辣一啖咬落，又係食到唔停得口...之後再送多

2006/07/02 21:15和幾個朋友相約九龍城打波, 打完後黎呢度食飯. 早已知道創發的潮洲食品出名, 又睇o下係咪真係咁耍家!時間已經係晚上九點幾, 主舖依然人山人海, 一行七人只好去旁邊的舖位. 坐下後侍者先奉上功夫茶一盤,甚有潮洲風味. 餐牌好像是欠奉,不過不打緊, 牆上的菜名寫得工工整整, 一目了然.要不然還可到櫃面點菜, 一盤二盤的打冷小菜任君選擇.不用商量, 不用研究, 每人隨意說出自己想食的小菜, 這是最好的點菜方法, 結果菜式如下:胡椒豬肚湯鹵水鵝普寧豆腐大腸糯米炸蝦棗炒蟶子煎蠔餅反沙芋條胡椒豬肚湯一如所料非常正宗, 不過豬肚份量太少, 大部份係豬粉腸, 胡椒味濃郁, 直頭有少少搶喉感覺,o岩晒我呢個胡椒愛好者.鹵水鵝沒有羶味但味道一般, 千萬不要錯過墊底的鵝頸肉, 正式係寶物沉歸底, 肉嫩脂肪少, 送酒送飯都一流.普寧豆腐的功夫做得很好, 外面是脆脆的炸漿, 入面是滑不溜口的豆腐, 還有少少臭豆腐的"香"味.大腸糯米, 薄薄的大腸包裹著糯米,花生和蓮子等材料, 然後一起蒸, 這個都算是花功夫的菜式, 但味道只是一般, 略嫌糯米的調味不足.炸蝦棗口感不討好,腍了一

冇準備之下去左呢到食晚飯，所以冇食到d"名"菜。結果兩個人叫左一個湯(唔記得叫乜名)，一條大眼雞，菜圃蛋，蠔仔粥& 2 個南瓜棵。最正係個蠔仔粥，足料，好多蠔仔，good!其他菜色都幾好，下次會試埋其他出名菜色!服務方面全部都係做左好耐o既阿哥阿姐全部都好醒，仲幾nice 架

D 野係就係幾好食…不過真係太貴喇！飲一round 細細杯o既工夫茶都成三十幾蚊…不過未試過而有錢的話又不防一試o既！大致上所有食物都唔錯！

4月23號(星期日)星期六晚睇完個把幾火煮食比賽節目，兼且無乜胃口，個心其實想食辣嘢，不過媽咪想去創發食飯想咗成個禮拜，於是同爸爸三人一於去創發食午飯。十二點幾，一推門已經有人招呼：「老細幾位？」四圍望下，雖不至人頭湧湧，但圍圍都有人坐或者留咗座。近大門對正鹵水檔有位，啱哂！肚雖窄但至少眼可闊。睇過各位的食評，知道有道煙燻鴨，但唔知應該叫半隻定例牌。「例牌就夠啦。」落單的大叔如是說。再點咸菜豬肚湯及鵝腸，並由大叔拍板叫個潮州四寶菜。「夠食啦三個人。」大叔收筆。「多謝老細。煙燻鴨要等十零分鐘。」湯先來。老媽舀了－碗：「好味！」骨碌骨碌地喝。輪到阿爸拎起湯勺。屋企附近係有檔打冷，但近年覺得菜薄咗用料差咗，已經少去。（但其實人家做街坊生意，呢幾年都無乜起價，可以點？）我眼定定望住個湯，等。終於到我啦，〔大喜〕，點知側邊忽然多咗隻手伸入嚟……同我爭！？啊，唔係，係大叔上菜。「鵝腸要趁熱食，食完先飲湯啦。」見呢度d鵝腸比食開d切得寬，又肥美，相都唔影，轉抓（勺）為拿（筷子）。嗯，好脆口，好甘香──係肥，但點咗醋酸酸地唔覺膩。鵝腸食完，返轉頭飲湯。好味就唔駛講，飲完仲無先前咁飽滯。過咗一陣嚟四寶菜

最後一次去創發, 冇十年都有八年, 唔記得最後個次係食完肚疴定係碟烟倉魚搵笨。以前來食飯好多人, 點菜冇牌, 埋單又得手寫一條數, 有一次食完仲疴到要睇醫生。見到咁多食評都讚, 今次再一試。雖然裝修無變過, 但係好似衛生好左喎, d阿姐同阿叔都熱情招待。無話叫食貴野喎。須然好多野都無寫明價錢, 不過開口問句就無問題啦。鵝肉併墨魚, $80 OK啦... 細蠔餅$40, 再來石榴雞同石榴蝦, $10一粒, 你叫幾粒都得, 幾盞鬼呀! 食下食下, 無咁有介心, 再叫埋上次飲完肚奇既咸菜粉腸, 胡椒味極夠, 粉腸同豬肚都夠哂淋。最後仲有碗清心丸銀杏心薯。兩個人加埋支青島, 無加一, 又無茶錢, 張單無樣野都打得清清楚楚, $240元埋單。門口再見烟倉魚... 下次再來。

未到正日,已有朋友預支生日飯,要求係要在九龍城,同唔要泰國菜.仲有幾貴都得,好自然地諗到去創發.雖然上個月已跟大隊吃過,但有老細請客之下,我係唔介意短期內再吃多遍的,三個人,當然無可能好似上次般大吃大喝,朋友唔吃得蟹,凍蟹又唔洗諗.上次無吃到鹵水鵝片,今次補飛,不錯,好入味,鵝肝就一般,沒有兩興般甘香感覺.大眼雞肉質麻麻,唔多新鮮似的.其他獅um,魚麵,蠔仔粥上次已吃過,不再多講.響螺燉翅,整定,三舊幾水一盅,三個人分剛好.很鮮甜香濃,翅身有咬口,好似吃麵似的.朋友覺得不錯,但係下次要帶我去天后"發記".好,下次先?無論點,多謝老細.

　與創發確是有點淵緣，單是二月，在公在私，已來過三數次，這次是老頭子發起的「打冷」飯局。說起創發，與兩興同樣是歷史最攸久的潮州飯店，創發依是正宗的「冷店」而兩興繼續做正宗的潮菜。　又說「打冷」，發源地非潮汕，而是在上環，一層疊一層的打冷菜盤，是創發所創。　走近創發，已嗅到「醒神」的濃烈「鹵水膽」味，它的年紀是兩個偶加起來亦有所不及。甫入門口，沒有「潮州怒漢」，只有招呼周到得令食友影相也感困難的阿姐。　可以說是地痞格局，牆上都是手寫的菜牌，蠔烙、紅燒翅、大響螺．．．．．．如老頭子後來所說，想吃什麼看牌就行，左至右任你點。　七時左右，獨個兒在玩耍著手上的傻瓜機，將檯上的醃菜、花生、菜浦、辣醬左堆右砌，連後來的功夫茶也不放過，影出來的效果蠻不錯。　　飯前o甲一口功夫茶是禮數，其時路比已悄然入席，寒暄一番，又談談創發的打冷，談笑之間老頭子已帶著手信入座；與阿姐打個招呼後，便問道想吃什麼，當然，打冷菜不是亂點，老人家心中已有打算，偶只敢點兩道菜，分別是春菜及紹菜，前者潮州地道菜，後者用潮州的野生菜，早前淺嚐一次，滋味難忘，原來紹菜背後有段故，但已是後話；而路比見到老頭子已咪咪嘴笑道：「我淨係要個