劉興記生煎包專門店

營業中

休息中

看到不少foodie都有介紹此店故特意前來試試，果然門外已經有一條小小人龍在等位，大概等左15分鐘又唔算太耐的。不過店內座位真的比較窄，坐得不算舒適，還遇上了冷氣機滴水位，此點真的有待改善。店員已經非常親切兼有禮，知道很多人都在等生煎包等了太久，已經不停向客人說抱歉，難為了她們。點了兩個套餐，餐飲的豆漿是無限添飲，店員會細心看著客人如快要飲晒就斟，有時會整瓶豆漿放在檯上給客人，不過呢，豆漿好淡口無咩味。至於食物，整碗12粒的小雲吞一點都不小，都好夠飽，皮薄餡多。至於上海排骨都炸得外焦內嫩，肉質緊實而有彈性，入口有點香料的味道，幾惹味好食，麵條都夠彈牙不會太軟淋。主角生煎飽係最好食，煎到金黃色，飽底酥脆，內餡多汁，一口咬下去真的是會爆湯汁，要小心燙口。整體而言食物是有質素的，不過就要唔怕等同坐得無咁舒服。

經過一間店鋪，鋪面貼左發哥既合照，於是決定一試。餐廳入面全場爆滿。好彩等左唔係好耐就有得入座。蟹黃生煎包首先嚟到蟹黃生煎包，包皮金黃酥脆，一咬開就見到裡面嘅蟹黃流出！好濃嘅蟹黃味！招牌生煎包接著係招牌生煎包，底部煎得香脆，肉餡豐富多汁，咬落去爆汁，好有驚喜，大推!！上海排骨菜飯排骨係現炸，所以要等一陣，但等到嘅時候真係值得！排骨熱辣辣，又juicy，肉質嫩滑。菜飯唔油偏乾身，我覺得好好味，因為我好驚食到啲好油既菜的飯。麻醬青瓜雞絲粉皮最後，麻醬青瓜雞絲粉皮就係一個清新嘅選擇。粉皮滑，青瓜脆口，再加上香濃嘅麻醬，食完感覺好清爽。佢仲可以揀多醬😍豆漿只要嗌套餐滿$60，就可免費任飲豆漿，豆味濃郁而且少甜，正!後話呢間小館真係值得一試，雖然人多，但服務質素唔減，樓面得二位職員，其中一位職員係爆場既情況下長期帶笑容，我表示驚訝，而且佢地加豆漿速度勁快，見我地就飲完就即加加豆漿比我地。我見好多人嗌小籠包，我下次會再試下佢地既小籠包。

好耐之前已經想嘗試呢間人氣生煎包專門店，果不其然，去到真係要大排長龍，好彩等咗陣就入得。招牌生煎包唔係講笑，一咬落去真係爆汁，我朋友連個鼻都食埋🤣超新鮮滾熱辣湯汁，正呀！蟹黃生煎包呢個價錢貴少少，好香蟹粉味，咬落同樣爆汁，建議攤凍少少先食😗原味上海小籠包食上海嘢點可以唔嗌小籠包，肉餡好鮮味，皮夠薄，點白醋就最好食啦😋麻醬手撕雞絲粉皮手撕雞份量好多，麻醬勁濃郁，再將啲青瓜同粉皮撈勻，勁清爽🤤

【旺角都有好野食😋｜爆汁生煎包香脆惹味】🐨蟹黃生煎包 $20推薦度：⭐️⭐️⭐️⭐⭐️生煎包成日俾人嘅感覺都係好硬好厚包皮，但呢款生煎包絕對可以顛覆你嘅想像！一咬爆曬啲湯汁出嚟，入邊仲要有滿滿嘅蟹黃粒粒，蟹黃味濃！而且包皮薄、下面炸到薄脆，口感豐富🙂‍↕️🙂‍↕️.🐨麻醬手撕雞絲粉皮 + 生煎包（1隻） $54推薦度：⭐️⭐⭐️⭐️⭐‍餐廳有好多款唔同套餐揀，平均都只係50幾蚊，已經可以試到多款嘢食一個人嚟都唔使怕～麻醬手撕雞絲粉皮，粉皮薄薄沾滿麻醬，配埋手撕雞絲同埋青瓜絲，既爽口又清涼～仲有埋原味生煎包，性價比真係超級高！！.🐨手工豆沙鍋餅 $28推薦度：⭐️⭐️⭐️⭐推介大家嚟上海舖必定要是豆沙窩餅，好考師傅炸功，好易吸晒油㗎～ 呢度就絕對冇呢個問題！！！窩餅薄脆入邊有滿滿少甜嘅豆沙，唔會喧賓奪主相輔相成，作為甜品埋尾絕對一流～.⌫呢間舖頭絕對要大讚就係佢哋店員嘅表現🥰招呼認真一流，見到佢哋對住唔識中文字嘅老人家，逐樣逐樣介紹俾佢識，仲要耐心咁俾老人家慢慢揀🥹而家真係好少餐廳做得到lu...——☼——☼——☼——☼——☼——劉興記生煎包專門店 📍地址：旺角通菜街1M-1T號華發大廈地下D號舖🐨推薦度：😋😋

十月五號星期日去左食晚餐 生煎包上下倒轉左煎 包頂索曬油同煎到好硬 本身以為自己果四件包嘅問題 眼見枱枱都係咁 另外叫左紅豆煎餅同糖醋排骨又係煎炸到好硬 搞唔掂 唔係比小籠包吸引住都唔會入 最慘又無小籠包 舖頭冷氣弱 唯一讚嘅係兩位姐姐態度好

叫左個上海排骨菜飯，真係宇宙級難食，啲飯凍嘅，個排骨即係炸豬排，又乾又柴又薄，夾硬點啲豆瓣醬先好小小🙃我隔離個個食蔥油拌麵，個麵成Pat野咁，淋哂漲哂，一啲都唔彈牙，蔥油味又唔香，好似靜係啲豉油加小小蔥油撈埋就係，真係買包即食麵煮仲好過佢！個跟餐送嘅生煎包，又係唔熱嘅，個底又煎太濃，食到有個位勁硬，入面又話爆汁，我真係感受唔到。個豆漿，可能人人口味唔同，我覺得好奇怪，有啲杰，唔係我平時飲嘅豆漿，我真係飲唔落🫠因為太多人，要搭枱，對面兩個太陸遊客一路食一路苦笑，間野比人吹捧得太勁，食完真係浪費quota🫠

今次同屋企人食咗呢啲1️⃣鮮肉湯圓（2粒）2️⃣麻醬手撕雞絲粉皮3️⃣原味小籠包（4隻）4️⃣上海排骨湯麵5️⃣手功豆沙窩餅6️⃣招牌擔擔麵7️⃣招牌生煎包（6隻）8️⃣糖醋炸排骨菜飯3️⃣ 小籠包嘅調味同坊間食開嘅有啲唔同多咗陣香料味 包皮屬於薄皮多肉汁嘅個種1️⃣ 鮮肉湯圓 我真係第一次見 佢其實係咸嘅湯圓 包住一粒肉餡但就冇咗甜嘅成份 食完唔會有食湯圓個種好油膩嘅感覺如果鐘意試新奇野嘅 可以一試7️⃣生煎包係呢到嘅招牌包底唔會過厚 調味同湯圓一樣肉汁亦足夠8️⃣ 糖醋排骨唔係食開中式嗰種橙色醬汁用咗類似吉列嘅炸法 細細粒 調味算開胃整體來講 呢間位係旺角嘅上海菜都值得一試 最少唔係食開一貫嘅上海味

招牌生煎包（4隻） $35煎得外皮酥脆,鲜美多汁,嘴小或怕燙嘴～建議先咬一口小,然後啜晒D汁再咬,因為真係爆多汁雞絲酸辣湯 $35味道酸辣好平均好開胃,估唔到雞絲幾柔嫩👍🏻👍🏻暫時係我飲過最好飲嘅雞絲酸辣湯蔥油拌麵 $30面质弹牙，葱油味香濃，加上炸葱丝更突出香葱的味道！豆漿 $0 (限時優惠)豆味幾濃郁,幾好飲,唔甜,仲要仼飲💕惠顧套餐或滿$60或以上豆漿仼飲！*只限堂食*當日下午5點15左右堂食因為唔係繁忙時間店員俾了一瓶豆漿我們自己添

✳️周五放工，約了太太一起逛旺角並留肚，在女人街眾多食肆，我們揀了去吃上海菜~生煎包。✨店員推介的是他們的招牌上海排骨菜飯~$54。排骨外層酥脆可口,卻絲毫不乾澀,內裡保留著恰到好處的juicy感。與清爽的青菜完美搭配,份量十足,是一道道地上海風味之選。⭐另一道不容錯過的是鮮雞湯小雲吞套餐,同樣只需$54。湯頭清甜可口,雲吞皮薄餡多,搭配兩隻熱辣生煎包,口感層次豐富,是一份超值的小吃套餐。❇️單點生煎包更是這裡的招牌,6個只需$50。薄脆的外皮包裹著多汁鮮美的餡料,熱辣美味,堪稱正宗上海風味。✨這裡的價格都相當平民化,加上店員的熱情周到服務,令用餐體驗更添滿足。

豬扒擔擔麵加生煎包：邊餐廳最出名就係食生煎包，因為餐廳叫即整，而且流量好高，所以佢就非常新鮮，絕對唔會係隔夜嘅，我最鍾意佢嘅就係佢嘅皮薄餡靚，而且咬落去爆汁！呢個套餐有一個好處就係包一隻，再加埋佢豬扒面就差唔多！佢豬扒面係份量都幾多，我都差啲食唔晒，而且佢哋既面非常彈絕對唔係出邊啲普通嘅麵！加埋麻醬好好味！豬扒就可能整得有啲耐，有少少唔係好熱，不過味道都幾好，呢一樣呢一個位可以搭夠！有免費嘅豆漿，店員會好客氣咁樣幫你針！😂 整體都唔錯

生煎包分為原味及蟹黃兩款超飽滿，面層仲有黑芝麻同香蔥！中間肉汁真係超多，熱辣辣！外皮食落好酥脆，食落唔會好鹹～蟹黃生煎包都值得食！份量十足食落唔會膩，仲好鮮，口感超豐富！麻醬青瓜絲粉皮超值得食！！青瓜切成幼絲🥒加入特製嘅麻醬，撈埋粉皮一齊食清新得嚟又唔會漏！📍 劉興記生煎包專門店 (旺角)旺角通菜街1M-1T號華發大廈地下D號舖

這家店主打生煎包，寫到明唔爆汁就可以換### 招牌生煎包我點了生煎包，每隻都充滿汁液，咬下去有一隻更是噴汁，口感非常好。蟹黃生煎包 $36蟹粉的味道很突出，同樣也是汁多味美，讓人回味無窮。### 雞絲粉皮 $35這道菜的分量相當足，配有新鮮的青瓜絲，雞絲的品質也不錯，搭配麻醬十分開胃。如果能稍微冷一點，味道會更佳。### 小籠包皮薄餡靚，粒粒都好容易夾起嚟，而且粒粒都係每一啖都係上湯，點唔點醋都好食###豆腐好飲！

Poster 寫住，凡買套餐或者消費滿60蚊，就免費任飲豆漿不過實際上係，一入到去坐低，未消費，店員就已經會送上豆漿🤣 即刻覺得抵咗 豆漿有糖但唔太甜，我飲開無糖，但都覺幾啱味。之前見人話好稀好淡，可能有改善? 我反而覺得幾濃下😳係唔夠滑，不過可以任飲嚟講，好ok! 足以令我想回訪🤣 招牌生煎包果然係脆底+爆汁😳調味都唔錯，唔會太鹹太多香料包體比較薄，應該更啱一般大眾口味，不過個人鍾意食包，鍾意厚身嘅多啲🤣 ✿ 蟹黃生煎包 (2隻) $38蟹黃存在感高，但鹹度比原味高，每人食一隻應該都覺得滿足～ ✿ 麻醬手撕雞粉皮 + 生煎包一隻 $54青瓜絲好多我鍾意😍 雞絲一樣咁多就好整體好大份，好飽😂

📍劉興記生煎包專門店 (旺角)📍旺角通菜街1M-1T號華發大廈地下D號舖🟡招牌生煎包（4隻）$35🟡原味上海小籠包（4隻）$40🟡上海排骨菜飯 $42🟡炸醬拌麵 $34劉興記聽咗好耐終於有機會食！招牌生煎包每一啖都有酥脆的外皮與鮮嫩多汁的內餡完美融合。原味上海小籠包因為即叫即整，所以等咗都幾耐，豐富湯汁加埋吸咗好多汁的肉餡，就真係好值得等待！午餐叫咗個上海排骨菜飯，排骨炸到外焦內嫩，菜飯嘅飯粒粒分明。炸醬拌麵醬料濃郁，麵條彈牙，每一啖都好豐富嘅口感。

人均$40起｜旺角｜上海菜｜劉興記生煎包一咬爆汁的生煎包來到旺角啦劉興記的生煎包是現叫現造裡面熱騰騰的肉汁非常多每一口都是讓人感動幸福🥰當然不能夠忘記他們家的豬扒菜飯豬扒外皮香脆，裏面肉汁滿滿香醇的菜飯搭配起來非常相夾這裏的豆漿都是自家製的哦，不妨試試看。——————為食分界線——————📍 劉興記生煎包專門店 (旺角)旺角通菜街1M-1T號華發大廈地下D號舖人均消費： $80