劉興記生煎包專門店

營業中

休息中

｛食盡旺角之中式 — 劉興記生煎包專門店｝————————————————呢間嘢其實好多地方都有分店，不過今次旺角呢間分店就第一次食啦！ 見我食過幾次就知， 佢的確係一個平民飯堂嘅好選擇🔸 擔擔麵每次嚟劉興記我都會食擔擔麵， 佢嘅擔擔麵濃味得嚟又唔會太辣， 面嘅質感彈牙唔易斷，啱曬我呢種淨係食到少少辣嘅人😆🔸 小籠包我當然知道佢哋嘅招牌係生煎包啦，不過食咗幾次今次就想幫大家試下第二種口味小籠包喇！🤣 經過我嘅實測，佢嘅皮係唔容易破裂嘅但係又唔會太厚！ 同生煎包一樣，入面都係充滿住湯汁！🔸 糖醋排骨配菜飯佢哋嘅排骨都係新鮮挑選，生炸而成， 所以需要大家耐心等候大概十幾分鐘左右啦， 不嬲都好鍾意佢哋嘅菜飯，感覺健康啲🫡 排骨睇相都知份量唔少㗎Overall comment: 平時喺荃灣店冇留意到不過旺角呢間分店原來 有豆漿任飲呀！😲 只要惠顧任何套餐或者食滿60蚊就可以喇！

出旺角行街買野，又想掃下街食野，又唔想食太多😂😂個朋友又話想食下D辣野刺激一下😂兩個一入到去睇完個餐牌兩個又勁crazy，又想叫勁多嘢食，朋友叫左個酸辣湯麵，我睇落似碗仔翅😂，不過佢話味道都不錯。我就叫左個雞排湯麵，麵就無咩特別，不過雞排寫住係生炸，上檯都真係好熱下，同埋算juicy。另外，再叫左4隻小籠包同埋兩個蟹粉生煎包😂😂小籠包好多湯汁，都係幾正宗嘅味道，即刻搞到想去旅行😂😂😂😂

「劉興記」在短時間內於港九新界各區開了六間分店，窩夫與蝦子餅也要去品嚐生煎包。某週日去了旺角女人街的分店，約下午五時座無虛席呢。除了招牌生煎包，還有菜飯、湯麵、拌麵和小食等，選擇不少。還有四款人氣熱賣皇牌套餐，價錢親民。惠顏任何套餐或消費滿60元即可任飲豆漿。豆漿較平日喝的濃稠，低糖不太甜。排骨蔥油拌麵($42)一上桌已聞到蔥油的香味。窩夫與蝦子餅甚少吃蔥油拌麵，一吃便愛上了，麵條的粗幼度、軟硬度和調味都叫人非常滿意，會為了吃這個蔥油拌麵再光顧的。麻醬手撕雞絲粉皮($35)的麻醬份量剛好，將雞絲、青瓜絲和粉皮拌勻來吃，十分滋味。點餐時可按個人口味選擇少醬或多醬。皇牌4號套餐($59)的迷你雞絲酸辣湯味道不錯，非常足料，木耳絲特別多。主角生煎包來了，剛剛煎起新鮮熱辣，吃時必須非常小心，𥚃面超級多汁，一不留神便會爆汁弄污衣服或是燙傷嘴巴。反轉生煎包一看，底部煎成金黃色，非常漂亮，咬下去十分香脆，配上包內鮮甜的湯汁，叫人一試難忘。窩夫與蝦子餅一人一隻蟹黃生煎包(每隻$18)，比招牌生煎包多了一重蟹黃鮮味，值得一試。手工豆沙窩餅($28)的餅皮炸得香脆，豆沙饀不會太甜。

約埋朋友一齊去呢間人氣生煎包餐廳，去到大概12:30，門口已經要排隊，等咗一陣好快就有位可以入去坐😋🔖招牌生煎包一坐低唔使諗即刻嗌咗招牌生煎包，見到隔離貼住張紙仔寫住一口爆汁，試咗冇誇張，第一啖小心哋要咬細啖啲，否則真係會爆汁整到件衫😂可以見到入面真係好多汁🙌🏻🔖糖醋炸排骨菜飯排骨炸得香脆，糖醋嘅味道好送飯，同埋排骨切得細細件，一口一啖啱啱好，貼心👍🏻🔖招牌擔擔麵表面加咗櫻花蝦，令成個擔擔麵嘅賣相更加吸引🦐🔖炸雞扒發覺呢間嘅炸物真係都唔錯🫢雞扒薄薄地但保留咗肉汁，食嘅時候熱辣辣，係即刻炸出嚟🤩🔖招牌小籠包小籠包都好值得推薦，皮薄肉汁多，如果怕熱氣可以試吓小籠包🔥小籠包會配埋一碟薑絲，加埋薑絲一齊食更加鮮甜🔖豆漿堂食任飲職員服務態度好好，好大方咁直接俾咗一壺豆漿俾我哋斟嚟飲🤣食咗咁多最後埋單都係俾咗二百幾蚊，呢間餐廳又平又抵食，值得一試😋

係旺角行完街想食下生煎包就會諗起【劉興記】，鋪頭一直人氣都好高，成日經過都會排長龍招牌生煎包（4隻）$30生煎包煎得底部金黃香脆，咬開記得要小心，真係會爆汁💦肉味幾香濃，湯汁鮮甜🐷招牌擔擔麵 $42擔擔麵湯底花生味濃，除左花生碎、仲有櫻花蝦、蔥花同肉碎係湯中，湯底濃郁帶微辣，每條麵條都掛上湯汁，好惹味排骨蔥油拌麵 $42拌麵蔥油味極香，又唔會覺得油膩，麵質Q彈，排骨炸得金黃，炸粉薄脆，肉質又軟腍，果然性價比極高酥炸小雲吞（12粒）$25炸雲吞炸得脆卜卜，一啖一粒幾過癮

今日同奴才爸出去旺角食生煎包🥡🥢之前已經見過好多人介紹都話好正又爆汁又盛，今次一於探個究竟🤭果然係人氣生煎王，遲兩張枱都冇位要出去排隊等🤭不過就算舖頭咁爆場都好，啲店員姐姐都一樣咁好態度咁好服務，今時今日真係難得，我哋都覺得真係要好好表揚👍🏻🙌🏻🥇蟹黃生煎包🦀同普通生煎包一樣咁多湯汁，而且仲有濃濃嘅蟹黃味🤤🦀🦀咬開就見到非常足料冇揸流👍🏻$18一隻都好抵食😋生煎包（4個）🥢上枱時店員姐姐都有提示會爆汁小心燙口，果然真係超多湯汁🤩生煎包皮薄多汁，個底仲煎得好脆🤤我仲見到有告示話如果唔爆汁免費更換，真係對自己出品好有信心👍🏻小籠包（4個）小籠包皮夠薄多湯汁，雖然都係好食不過比起生煎包始終都失色少少🤏🏻排骨蔥油拌麵🐷🍜排骨即叫即整要等20分鐘，好欣賞啲舖頭咁有堅持，確保客人食到新鮮熱辣既食物😋👍🏻排骨果然夠熱夠脆😋蔥油拌麵都好正，奴才爸都大讚👍🏻今次去仲見到舖頭做緊優惠，每人食滿$60或以上豆漿任飲🤩豆漿唔甜有淡淡黃豆味，免費都一樣有好野😋我同奴才爸夾埋飲咗一jar豆漿😂豆漿當水飲不是夢😂😂🤑 人均消費：～$60🤩 推薦指數：9.5 / 10📍 餐廳資料：劉興記生煎包專門店 (旺角)旺角通菜

呢間店岩岩開張黎過一次，估唔到而家佢哋生意咁好，坐滿晒人😳而且餐廳都推出左其他嘢食，例如原味小籠包同蟹粉小籠包上海排骨菜飯/湯麵🍜我同朋友異口同聲想食上海排骨，一個想食飯，一個想食麵排骨份量超級大，而且炸到非常鬆脆，肉又彈牙有咬口，酥香酥香，非常好食蟹黃生煎包呢個係我食過最好食嘅生煎包，蟹粉味道非常濃厚，仲爆曬汁，必食推介原味小籠包肉汁味濃，皮厚薄適中，食落都唔錯，不過先食左蟹黃生煎飽，都係覺得蟹皇好食好多下次試吓蟹皇小龍包先佢哋仲有好多野食揀，點餐仲送豆漿

星期五晚放工 ,有少少肚餓 但係又趕住睇戲, 係openrice搜尋，原來家樂附近都有劉興記, 之前喺上環試過真係唔錯。 朋友都話旺角店質素好之餘，店員姐姐仲好有禮貌。點咗四隻招牌生煎包， 同埋 上海排骨蔥油拌麵， 最重點就係 豆漿無限任飲， 唔知係咪間間分店都有， 凍冰冰非常舒爽， 店員姐姐都會主動問你添飲， 唔需要尷尬亦冇壓力。招牌生煎包 都要等咗一陣， 新鮮熱辣出爐果然係不同， 店員姐姐提醒小心爆汁， 生煎包底部夠香脆 ， 加埋蔥花同埋芝麻真係好香口 ，而且果然真係勁多汁。上海排骨蔥油拌麵， 排骨 炸到好清爽香口， 絕對唔肥膩， 而且排骨份量都很多， 啖啖肉 鹹香剛剛好。 拌面已經撈勻曬醬汁， 面質煙煙靭靭， 加少少豆瓣醬就更加美味。

呢日去咗通菜街食人氣生煎包上海菜🤩上海排骨菜飯＋招牌生煎包配豆漿（$54）🐷菜飯同排骨都好有份量，排骨入味，外層酥脆，內裡肉質軟嫩；招牌生煎包皮薄饀足，裡面有好多肉汁；豆漿豆味濃郁，而且甜度適中🤤生炸雞扒蔥油拌麵 ($42)🐣🍜雞扒炸得外脆內嫩，好juicy，而且唔會太油膩，蔥油拌麵醬汁香濃，麵條彈牙又掛滿醬汁😋蟹黃生煎包（$18）熱辣辣好新鮮，外皮又薄又香脆，未咬開已經聞到蟹嘅鮮味；一咬開蟹味更強烈，見到好多蟹黃，仲有好多蟹油流出嚟🦀🤤麻醬手撕雞絲粉皮 ($35)🐣天氣熱最岩食涼拌嘅菜式，雞絲嫩滑，粉皮爽滑彈牙，配上麻醬調味，好開胃👍

旺角街外大排長龍係新開的爆汁生煎包，生煎包全部即叫即做，做到一咬爆汁嘅效果最重要係個皮薄唔油又唔易穿～堂食熱辣辣，個口感更加正，湯汁鮮香皮薄餡靚，生煎包底脆金黃。佢哋對自己品牌好有信心，如果生煎包冇爆汁仲立即更換上海排骨麵炸豬扒即叫即炸非常熱辣辣，金黃酥脆，絕對會再食蟹黃飯蟹黃蟹肉超足料，鮮味十分突出，鮮甜嘅蟹肉份量一點也不少，絕對可以撈晒成個飯而家還有套餐優惠，惠顧$60以上仲有凍豆漿任飲，啱晒夏天。

朋友話呢一間位於旺角嘅生煎包好好食，隻隻都爆汁！今日特登過嚟試吓，我哋今次三個人食，$200有找就埋到單，平均每人都係六十幾蚊就有交易！估唔到價錢咁抵食，性價比特高，大家一定要過嚟試吓！😋😋我哋今次叫咗上海豬扒菜飯🍚+生煎包一隻+ 豆漿🥛 （套餐）$54、炸醬拌麵🍜 $34、鮮雞湯小雲吞🥠12隻 $30、原味小籠包四隻 $40、招牌生煎包兩隻 $20、蟹黃生煎包🦀$18、可樂🥤$10～其中我最推介嘅就有豬扒菜飯 同埋 蟹黃生煎包，佢哋嘅豬扒堅持即叫即炸，上枱熱辣辣外皮脆卜卜，完全唔會因為價錢平而馬虎！ 另外，蟹黃生煎包真係好足料，一咬開就已經食到濃厚嘅蟹黃香味，更加有肉眼可見嘅蟹肉，真正真材實料㗎！

睇到社交平台 foodie嘅post，所以慕名而來我叫咗套餐「麻醬手撕雞絲粉皮+生煎包2隻」送豆漿見到呢個set好抵，又有粉皮，又有得試生煎包，仲有嘢飲！即刻🐶衝！試完個粉皮後記略帶點失望，即使撈勻咗，佢都係有種兩樣嘢分開咗嘅感覺，即使係一齊放入口，都係粉皮還粉皮，麻醬還麻醬，而雞嘅份量就還好。（一個餐得兩件，上圖係兩個套餐嘅份量）生煎包值得一讚嘅係佢真係做到佢講嘅爆汁！💥真係要小心食😹包都唔算厚，底部煎到香口但係略嫌啲肉汁有陣味係我唔鐘意嘅見仁見智，我嘅友人就覺得冇問題跟餐飲品係豆漿，少少涼涼地，但係冇豆味，唔太好飲唔記得咗佢係本身豆漿就任飲，定係要like 先有任飲，抵係抵食，但我唔會續杯❌

劉興記生煎包專門店經過旺角見到呢間餐廳，朋友話呢間餐廳專門食生煎包，仲有唔少人排隊添，入去試下先招牌生煎包 $30生煎包一共有四隻，份量都唔細，入面充滿湯汁，小心熱，建議咬開，先飲一飲啲湯汁再食蟹黃生煎包 $18/pax蟹黃生煎包叫咗兩隻，同樣煎得香脆，表面灑上芝麻，入面嘅蟹黃味濃郁，食落去鮮味十足招牌擔擔麵 $42首先叫咗餐廳嘅招牌之一擔擔麵，同出面見到嘅擔擔麵有少少唔同，湯底望落去濃郁，帶有花生醬嘅香味，入口有少少辣味，仲有啲蝦乾添，食落口感十足上海排骨菜飯 $42上海排骨菜飯亦都係餐廳嘅招牌之一，菜飯食落好香，排骨食落口感酥脆，唔會覺得好乾身無糖可樂 $10

呢間生煎包一出道即巔峰 ☉∀☉一直懷疑係有打手定真心堅 想試好耐～原來⋯真係好食喎(･ˇ∀ˇ･ゞ)暫時係香港食過最好味嘅生煎包(非廣告)！生煎包個底好脆 又唔會太厚～粒粒都爆汁！湯汁用鮮雞+豬骨煮 所以特別鮮甜 食唔停口～原味已經好正 點知蟹黃味更不得啖啖都食到蟹膏蟹肉絲 超濃味 必點！！其他嘢食都好味 生煎包套餐仲更加抵食豆漿任飲 熱情嘅店員姨姨會不停幫你斟^o^(見到隔離枱三個女仔有一支1L⋯仲𝗋𝖾𝖿𝗂𝗅𝗅埋）呢個價錢有呢個質素 仲咁好服務 抵佢咁紅啊！.✿ 迷你雞絲酸辣湯＋生煎包6隻+豆漿 $⑤⑨.✿ 蟹黃生煎包 $①⑧/隻.✿ 招牌擔擔麵 $④②.✿ 麻醬手撕雞絲粉皮 $③⑤

去親旺角唔知食乜好，多數都會入通菜街兩邊嘅鋪頭逛個圈，總會有一間吸引到我留低今次係劉興記生煎包專門店，因為見佢坐滿客，仲有人等位，唔通佢嘅生煎包咁特別？本身覺得生煎包冇乜特別嘅我，食完之後，感覺大逆轉⭐鮮雞湯小雲吞+生煎包+豆漿li個餐幾抵食，有12粒小雲吞，仲有2個生煎包，冇諗過生煎包可以有咁多汁，咁好食，個豆漿係無糖嫁，又健康，又好飲⭐蟹黃生煎包另外嗌左2個蟹黃味試下有咩唔同，除左一樣有咁多肉汁，仲好有鮮味，入面d料好足⭐原味小籠包小籠包控我必試項目，唔係超厚皮小籠包，我鐘意，都係有好多汁嫁⭐招牌擔擔麵本身我唔會專登揀擔擔麵黎食，男朋友話想試，仲話好食，我就痴d黎食，個湯底唔錯，食到d花生粒，仲有d肉碎喺面，唔會好咸 又唔辣嘅，個麵質好啱我口味，唔會太淋，又唔會太硬，啱啱好⭐手功豆沙窩餅豆沙唔係好甜果種，食落又唔會油膩，好食