力奇四季火鍋 (已結業)

一行4人，6點準時入席，點了豬骨鍋$320，美國肥牛（大）$368（因為無本地牛），脘魚腩（例牌）$100，珊瑚蚌$188，雲吞拼牛柏葉$68（因為無毛肚），啤酒等等。豬骨鍋胡椒味過重，豬手份量一般，下欄嘢（粟米、蓮藕、青瓜、蕃茄）充大堆頭，名過其實，試過一次就算。美國（雪藏）肥牛，無乜牛味，收得呢個價，希望會有返少少飲食業良心。脘魚腩，珊瑚蚌幾新鮮，但呢個價錢、份量唔係咁抵食，無大家講到咁大份量。（（重點））好嘈、好迫！食物漏單拖單問題嚴重（為求營造人流多效果）！個老闆態度九流，黑口黑面。好多粗口、骰盅亂彈，難安心用餐。廁所無水洗手/沖廁，環境九流！人均$400，貼錢買難受

一進去見到好古舊的裝修不過唔緊要今次黎食打邊爐呢家出名份量超級多我地點了一個鍋+其他野食野食一黎到…全部人O了嘴😨聞名不如見面份量真的超級多！整個火鍋超級滿！材料超級多！鍋快滿瀉出來啦！🤣怪不得那麼多人說在這裡吃很抵😂我都不甘佩服！呢家餐廳真的很慷慨！🤣但味道其實不算很好吃，只是一般。但它的賣點仍然是大件夾抵食！應該超級適合超級餓餓的大男人！見到隔離也是幾個大男人邊飲啤酒🍻邊打邊爐🍲，而且這裡也可以睇波！我們點了一個豬骨湯底火鍋而且還點了很多配料看相片就知道了

10年前食過一次覺得個豬骨湯都幾足料，今次再去食完全係唔同感覺。一入到去好多人地方好雜好迫，樓底好矮所以好嘈，啲聲音困住喺一個地方，食返全程聽唔到朋友講嘢，要擘大喉嚨先講到好辛苦，坐到個頭都脹晒。食物方便首先個湯好重味精啊，我哋叫咗椰子湯底，啲粉腸好硬，海鮮又唔夠新鮮，魚標好腥，所有食物只有份量但冇質素。最恐怖嘅係個廁所，而家新冠肺炎，四個廁所得壹個有水洗手，一開水喉好似花灑咁噴出嚟對腳濕晒好污糟，所有廁所冇水衝廁要自己倒水去沖，環境非常惡劣，呢一間野我以後永遠唔會再幫襯，貼錢買難受。四個人食咗千三蚊完全唔值。

打開邊爐或者鍾意一班人打邊爐既，肯定會聽過力奇因為可以話係你一定唔會兩個人黎打，力奇出名份量大，係真係食過既人先知咩叫大門面無乜，鐵枱鐵凳，平民但高質大排檔式火鍋店，火鍋料好多種既都最出名梗係豬骨煲上枱既時候無辦法唔O咀，大到，多到，啲配料多到叫豬骨煲記住唔好再叫番薯薯仔粟米個啲，多到一個點，仲有豬手，不過最正真係啲靚豬骨，十舊都有，食落好多骨膠原，好好食淨係個煲既料都有排食，大美國肥牛，立體既，多到呢都鮮既，唔算好肥，牛味正常咁靚同濃既豬骨湯底，梗係要配返啲響鈴脆住吸湯，又甜又正響鈴又係立體既，夠香脆海鮮野黎喇，墨魚滑拼蝦滑，大碟到好似去街市買咁墨魚滑正常，彈牙都幾正而蝦滑就相當濃蝦味，由於大份，佢直接有好多隻蝦係入口，一口滑一隻蝦，相當好味水魷魚拼黑柏葉，水魷魚梗係主角，黑栢葉味道正常，而水魷個size真係無得輸，食魷魚大條就係爽口感爽彈又鮮味，好正珊瑚蚌拼生蠔，真係必食，珊瑚蚌份量多到唔使本咁，又大又食極都有好鮮而配豬骨濃湯一流生蠔又係半隻手掌咁大，蠔味濃到一個點，一定要食整餐飯就係「哇大到」、「哇多到」咁樣食，太耐無食力奇一個唔記得又叫多左所以留意返，食力奇既朋友記住叫野食時同

呢間力奇，叫佢做重量級火鍋絕無過份，不過勸你哋唔好亂咁光顧，最好帶幾個標型大漢，叫齊人馬才好去，否則你下場會好痛苦。🤣🤣🤣事先聲明，呢間唔係食高級環境，唔係食優質服務，如果你要求過高，必會令你很生氣，勸你最好唔好去。力奇祇適合同一班不顧儀態嘅老友來，大吃大喝亂噏一通，過一個平民式嘅愉快晚上。🍺🍻🍻今次我們仨，不敢挑戰馳名豬骨㷛，祇好點個芫茜皮蛋湯，諗住清清地冇咁飽，點知啲芫茜、馬蹄、皮蛋都已經迫爆個㷛。😅美國肥牛亦是非常出名及大碟，食物份量之大令人乍舌，如果叫個大肥牛，可以先準備相機。 話雖如此，但係每次又會不知不覺咁食曬，這店看似隨便，但係食材都新鮮可靠的，邊飲邊食邊傾，不失為一個落腳點。豈碼不限時，咁至能盡興。總之一句講曬，唔係空肚就唔好嚟食 力奇火鍋。😆😆😆,

大凍天時夜媽媽好想食啲暖笠笠嘅嘢但係因為現在疫情期間六點後冇得堂食決定去力奇火鍋訂咗個 豬骨煲返屋企打邊爐。因為佢個豬骨煲好大個分咗成三大袋佢好有要求咁將肉蔬菜同埋根莖類分開擺放加埋細份牛肉 唔好諗住佢係細份加埋自己另外喺街市買嘅海鮮 食飽曬全屋人。豬骨煲(HK$280)佢個豬骨煲入面除咗豬骨外仲有雞腳豬手好多嘅蔬菜 有冬瓜 南瓜 粟米 蕃茄 馬蹄成個湯頭都畀唔同既蔬菜餚到好甜又有豬骨煲嘅香濃味叫得做豬骨煲就梗係要食豬骨啦我最鍾意就係將飲管放入豬骨嘅骨髓入面啜d骨髓加啲啲豉油特別好食 啲豬腳超級軟熟美中不足係食到有一舊仲有少少豬毛未清乾淨。雪花肥牛大(HK$328)佢嘅牛肉都係好軟熟油脂分佈得好均勻又充滿牛脂香味味雖然去街市買平d 但係我都決定幫襯埋佢喺嗰度食係的確比較麻甩但係越麻甩就越好食😹將樣嘢都大件夾抵食隊支啤酒一流👍🏻。食物:8/10價錢:7/10環境:5/10。力奇四季火鍋大角咀角祥街53號地下

今日約咗阿辣妹傾吓下年嘅安排，所以簡簡單單喺附近食個火鍋，去過咁多次大角咀都冇試過，所以今日決定試吓呢間力奇。位於大角咀食肆林立嘅埃華街附近，佢嘅鋪面唔算突出，一入到去絕對係大排檔格局，不過係有性格同乾淨嗰種，感覺良好。睇咗餐牌價錢比起出邊其他火鍋店反映到是高檔次，一般來說每樣食材都要比出邊貴1.5至兩倍。不過食物上枱的時候發覺份量非常大，以我們兩人前的份量來說，真的是比較多，大家可以看圖識字，所以最後還是打包收場。火鍋最重要就是食材，以力奇來說他們的出品還算不錯。先睇湯底都已經有驚喜，芫荽多到放唔晒，麻辣那邊已經要求了大辣，不過以不是四川麻辣火鍋的力奇，這個湯底還算好吃，不過只是個人口味覺得一點兒也不辣。另外弱一點的就是脆鯇，不是拍拍聲的那種脆，不過和老闆說了以後他願意幫我們玩上水魷，所以服務還算不錯。火鍋就不多說了，地點方便店內乾淨包括廁所，服務的姐姐也非常幫手，是一間不錯的火鍋店，由於份量特別大，不建議少人光臨，店內所有二人枱的都基本上需要打包。這間會再encore。

力奇的環境似大排檔嘅，雖然唔係好好，但朋友仔聚埋一齊就可以大聲講大聲笑，基本上每台都食得好開心😃蕃茄豬骨煲，真係超正👍🏻而且非常足料好多蕃茄🍅🍅🍅有大大件豬骨，仲有我最鐘意食的雞腳先飲湯，胡椒味好重，涼涼哋就岩晒啦，暖一暖胃之後就開始食大豬骨，肉質好淋雞腳，要熬湯一陣，煲淋會好食啲食完豬骨煲的料其實都已經飽飽哋，所以散點埋雲吞、水餃、墨魚丸就夠晒飽打邊爐，竹蔗茅根水一定唔少，夠涼爽，不過就甜咗小小😆

因限聚令關係，已很久沒與家人飯聚了，今日大姐夫突然興起，二姐夫又要OT,八個人剛剛好。大姐夫說想念力奇的肥牛，我也很耐冇嚟了，就呢度喇。 來到才發現原來兩個舖面縮為一間了，可能因疫情關係吧？畢竟香港的舖租也實在太貴，可以理解的。 叫了豬骨煲(食完個煲都飽咗大半了😂)，叫了兩份大肥牛(實在太飽了，第二碟主要係睇大姐夫同姨甥仔表演😜)，肥牛依然美味，另叫了6款其他的食物(沒甚麼特別就不多講了，詳細可睇單)。 埋單$1624，七大一小，平均$203一位，喜歡食肥牛的，呢間都唔錯，多年來都keep得住。

位於大角咀區，佢係好似大排檔個種感覺，本身住附近，成日幫襯佢，因為又平又抵食，一定要推介叫多啲朋友一齊黎食，因為所有野都好大份量，一直係大角咀都好出名，今次有朋友由新畀個邊過來食飯，一於帶佢試試。主要是晚上營業，平時晚上都好多人打邊爐，無限時，有啤酒妹駐場，但我們就冇飲酒。先係個皇牌豬骨濃湯$280係超多材料，瓜，粟米，蘿蔔，大大件豬骨，堆到好滿，成鍋野充滿骨膠原。件雪花肥牛，啲紋好令，都算好高質，由於朋友們全是 食肉獸 所以之後還追加多一份，呢個好推介👍🏻👍🏻肥牛配堆個湯底超正，因為個湯底好鮮甜，肥牛無筋，而且不厚，牛味都重因為樣樣野都好大碟，真係要多人先好叫多幾款食物，如果人少，得2個人 可以火鍋同肥牛都夠飽。不過水魷魚，吾係我平時食開個款，佢呢款比較厚身，粉色啲，似橡筋質感，反而呢間野嘅魷魚，我一般

这个骨头煲280元一份，上来的时候我们已经傻眼了，太太太大了，不过看上去很清单，都是蔬菜，什么西红柿、黄瓜、南瓜以及玉米！但是吃上去竟然非常的棒，而且我用筷子扒开上面，底下有三个大骨头，骨髓都很好吃哦，还有五六个猪蹄子以及五六个鸡爪子，都非常软烂，而且很清甜，非常喜欢。再说说蔬菜，玉米、南瓜、马蹄甚至是白萝卜都非常好吃，我们还另外点了响铃和丸子，他配有辣椒蒜蓉豉油作为酱料，味道也很不错，这家店是大角咀附近的名店，疫情期间人少，平时很多人！营业到晚上2点，注意中午不营业哦，不要扑空啦！

約咗幾個世紀，終於齊人打邊爐，朋友極力推薦呢間火鍋店。遲咗收工，唯有叫朋友食住等，遠望已經見到門口好多人等緊位，就知呢間火鍋店唔嘢少。入到到朋友都係啱啱開爐，幾好嚟到有得食豬骨煲，滿到呢，本以前係啲蔬菜多塾到咁高，原來啲豬骨都超多，估佢唔到。其他火鍋配料到超大份量，多到嚇親人，真係要一大班人先好嚟食美國肥牛一定要叫，唔係平時打邊爐啲貨色，未食落口，淨係上枱果下都嘩一聲，要試可惜忙住聚舊，唔記得影多啲相

疫情前 趁天氣涼涼地 去左地道 大角咀 火鍋 選左豬骨湯 火鍋 尼到 嚇一跳 😱😱😱材料滿瀉 而且價錢 好貼地 單點材料又新鮮 支持港式火鍋 💪🏻💪🏻💪🏻💪🏻相信疫症過後 會再約朋友去食

嘩嘩嘩！真係超興奮🥰因為終於可以食到我最想試既火鍋之一👍🏻☺️打邊爐最緊要當然係湯底啦，我叫左佢地既招牌豬骨鍋，一上到枱已經比佢澎湃嘅湯料嚇親😂未食都已經飽左☺️入面有大大舊既豬骨豬手同雞腳，豬手仲要係煲到勁淋，入口就已經化開🤤個底仲有食極都食唔哂既蔬菜，有馬蹄有蓮藕有南瓜有冬瓜有青瓜有蘿蔔有蕃茄仲有粟米，樣樣都甜到不得了！可想而知個湯底係幾正🤤🤤除左個湯底之外，佢d食材真係無得彈，樣樣都勁新鮮！完全食唔到雪味，鵝腸夠爽口中間仲有層肥膏，正👍🏻雞子大大粒無腥味，煮到岩岩好勁juicy😚手切牛肉勁重牛味！我初頭以為會好韌點知又幾滑喎！🤪另外仲叫左個鮮毛肚同牛心叮！要同大家分享下，原來呢到既鮮毛肚姐係黑柏葉😂我仲以為係一塊塊個種😂所以如果大家想食麻辣火鍋個種鮮毛肚就記得唔好叫錯😂😂不過個黑柏葉又真係唔錯，大大塊又爽脆，今次係第一次食牛心叮😂個口感係幾得意既淋淋地咁，但佢本身係無乜味道，我唔係幾識欣賞😂特別想推介佢地既脆肉鯇，我個晚叫左腩位，真係正到不得了，d肉係勁爽脆又鮮甜，最緊要係唔腥！🤩👍🏻美國桶蠔夠哂肥美大大粒☺️打邊爐就一定要有魚皮同響鈴！夠脆又唔碎！抵讚👍🏻呢間真係無得輸，每一碟餸都係

門面很像私竇，要不是站門的小二招手也不敢內進，牆上有食物名稱只在menu上才顯露價錢。但很快就將戒心除下，尤其來的那個芫荽皮蛋馬蹄湯底是滿瀉的綻放出來、周一晚未到七點室內已座無虛席。佔七成枱都是點粟米🌽蕃茄湯底，又是火山爆發那樣的漲滿，另見鄰枱啜豬筒骨啜得正起勁。火鍋料喜見有些另類選擇，黑柏葉、黑毛肚、魚腸、雞子、魚春等，遂自製重口味之選：魚腸（肥瘦三一比例，已較九龍城方X記肥瘦九一比有良心）；鯇魚片（大大片不小家子氣，像日式刺身那樣潤澤，而怕鯇魚腥的我也只嚐到少量腥味）；雞子（脹滿大大碟）；半隻醉雞（件頭大，已浸透花雕味，下了鍋再進口也沒消散，而且雞肉出奇地滑）基本上不用再另點菜因每碟火鍋料也有至少3分一斤菜墊底。舖分兩邊店，店內較多為中至大枱，廁所有4格獨立廁格，但均沖不到水，挺髒。加了2支藍妹埋單五百幾，不欺場。