功夫點心

營業中

休息中

今日公司放飯，好多餐廳都排晒隊唔知食咩餐廳好，經過天后嗰條食街見到有間點心鋪就入去試吓。價錢都OK兩個人食咗大概$100。 叫咗個流沙包流沙包入邊有好多汁，過呢我嫌佢汁太杰啦所以食完有啲喉嚨痛。另外都叫咗個皮蛋瘦肉粥$14，瘦肉粥比較hey， 不過$14呢個價錢都OK啦。不過呢食咗佢一個豬肉腸粉，呢個真係唔多得啦 ，雖然佢係嗰啲好好食好滑嘅皺皮腸，不過個腸粉完全冇味道。豬肉同腸粉分離。就算落咗好多豉油同辣椒油都改變唔到佢唔好食嘅事實。

功夫點心已經食過好多次，今次星期日11點幾來到，唔駛等仲有卡位坐！不過落單後仲要等大概10分鐘先有得食。佢嘅叉燒腸粉入面大大粒叉燒，皮又夠滑，正！招牌嘅鳳凰煎糯米雞都幾好味同特別。黃金流沙包入面d流沙好香同埋真係好流心，呢個價錢來說算唔錯！蝦餃有得逐隻叫，但今次佢蒸得有d耐左，個皮有少少穿 鮮蝦腐皮卷，黑椒金錢肚，鮮竹卷水準都唔錯。整體來講cp值算幾高嘅好過唔少酒樓同點心店，不過要預左冇乜service啦。

突然想飲茶，唔想再去公司附近酒樓，咁岩上Openrice 又搵到呢間，決定一試。12:30 來到，餐廳先坐左一半人左右，唔使等位係正既！一坐低就叫野食，都等左15分鐘先有得食，可能真係即蒸所以要等耐哦掛。蝦餃燒賣，$9/粒，但食唔出咩特別。其他都不過不失啦，唔知有咩特別。但陳村粉...乾到爆，好似食緊漿糊乾咁。兩個埋單$163，雖然佢比酒樓平啲，但我寧願俾多少少錢去正規酒樓，起碼啲食物會熱啲。侍應態度冇其他食評咁差既，起碼叫一次就應我。

用一出天后地鐵站，沿著渣華道往砲台山方向，有不少街坊食肆，種類繁多。中日泰西，甜品，小吃，舊式餅舖，樣樣齊。當中不乏隱藏美食。下班後，路過毫不起眼的功夫點心，忽然留意到有多款造型趣緻中式包點，便忍不住買了一個。價錢十分合理。1.西瓜🍉奶皇包。 從蒸爐拿出來熱騰騰。樣子十分討好。一掰開一半，驚喜地看到奶皇餡是橙紅色的，模仿西瓜肉的顏色，很有心思。 味道當然是不錯，麵包奶皇比例很好，麵包不太厚身。2. 另點了豬肉刮腸粉。16蚊，份量不少。加蛋2蚊。是皺皮腸粉！ 店員說是即叫即製的，所以需等候一會兒。但時間不長 一看到，便急不及待放入口。 有意外驚喜，腸粉質地軟滑透薄，有點入口即溶在口中的感覺。加了蛋更添美味，很有蛋香。蛋和豬肉比例都很高，很值得買來試試，更可能比某些茶樓好吃呢

嗰日喺公司附近搵嘢食。行經一間點心店發現又做緊特價。包點嘅外賣非常吸引，所以決定買黎試下。包嘅樣貌都非常吸引。包嘅外皮軟林林，餡料甜度適中。最特別係西瓜樣嘅奶皇包，食到有西瓜味。

一間極之唔環保既點心店 , 明明我堂食，一個冬菇包用一個膠袋上 , 生煎包又用另一個膠袋上，餐具全用即棄用品，員工大嬸仲話，我地係咁架啦，地球就黎玩完，多得呢d垃圾公司唔少 !!,功夫點心，永不光顧 !

完全無服務可言，尤其短髮收銀丫姐！其他服務員不説話，不回應，好似得罪佢咁。員工做得唔開心，老闆真係要諗諗計，否則只有趕客，衰向自己人手上！如果不求好服務，喱間分店絕對滿足到！

Ordered take away for 3 items at 11:37. It’s 30mins later and no sign of food. Plenty dirty tables not cleared up. Many people waiting. Entrance crowded with people who are not being seated. Terrible. When I asked abt the food one staff says it being packed. Everyone else is walking around. Who on earth is packing??

其實我一般都唔介意等耐d上菜，但今次實在太耐la！我一入去間嘢就落單，到就泥食完，催佢地再等先上個灌湯餃o(︶︿︶)o，灌湯餃無可否認又真係幾扺食又高質素，湯底好正，餡又夠多，而且師傅刀功都幾好，切到餡料好平均⁄(⁄ ⁄ ⁄ω⁄ ⁄ ⁄)⁄，我會再泥食，不過希望真係可以改善下店員既態度同埋上菜時間la，等左都有一個鐘，諗住問一問個灌湯餃幾時到，個店員話:咁灌湯餃要等耐d嫁嘛！態度有點欠佳呢...但食物質素係唔錯既！我會再泥！

間點心舖變細左 食物質素普通 點心大部份都唔夠熱 個叉燒包D叉燒唔新鮮 有D舊口味煎糯米雞好乾又好少料 得鷄丁幾位 一塊乾淨淨的煎糯米 好難會好食除左第一下坐低個壺茶 無人主動refill過 洗完碗筷基本上無幾多剩 個蓋已經打開放到台最出位置 都無人理叫又叫唔到人 個個係後場 前面個場基本上無人經過既直到食完曬 我地終於可以叫到人黎加水了 不過全程就好口乾…. 點心唔夠熱真係好扣分 服務亦麻麻 除左黑衫女士（我估係經理）有禮有笑容 其餘的人大部分塊面都好黑下

此餐廳環境好唔衛生，坐低已見到個伙記隻表套油淋淋，摸過嘅碗同櫈都有油同豉油漬！但最恐怖係咩？請你食膠點心！！！咁大個人都未見過咁過份！條膠大到難以置信！咁大條照釀落條尖椒度都得，個廚係咪想倒米？！如果我今晚肚痛我實告硬佢！個經理反應都好攪笑，話唔好意思，係保鮮紙嚟嘅！嘩，我夠知係保鮮紙啦！講到好似唔應該太驚咁！最尾話幫我cancel咗碟膠點心就算！我梗係全部cancel即走啦，再食真係 自作孽，食到膠都冇人可憐！😲😵☠️

有一對外國人情侶坐係我地隔離枱，都唔會點注意人地叫左咩，但當我遞點心紙比侍應，就見到佢地點左三碟生煎包(總共9個）⋯有d疑問🤔️點解侍應唔提點外國人?!其實如果張點心紙有寫明每碟/籠點心既件數，同埋如果有圖片識別既話，咁外國人就可以試多d我地香港特式點心。希望貴店會考慮呢d意見!

我喜歡食點心，但我多數都係一個人去食，而功夫點心會係我的選擇之一。今天路經北角，我就去左渣華道間功夫點心食午餐。我叫了兩隻功夫蝦餃皇、兩隻蟹子香菇燒賣皇、遠年陳皮牛肉球和蒜香鮮蝦長春卷。除了牛肉球外，其他三款食物都用到蝦為食材。以蝦入饌是平常的事，但功夫點心的蝦肉質素高，實而爽口，來料不差。唔知佢地有自設蝦場定向供應商攞貨，以平價點心而言，蝦的質量已超額完成。蒜香鮮蝦長春卷 $22功夫蝦餃皇 $18蟹子香菇燒賣皇 $18遠年陳皮牛肉球 $18茶錢 $5 ，總數盛為 $81，超值

功夫點心🥧愈開愈多分店，好耐之前在深水埗吃過午餐而且，然而多年後今天又來試試佢推既下午茶☕️優惠時段8折，正因此吸引左我同好友來吃下午茶時段去到下午5:30計入點2個女仔5點左右來了所以趕緊落單尼間時段都幾多人，店內兩排卡位都坐滿了我地2個吾係好餓叫左4個點心🥧餐牌好靚好似功夫秘笈茶位$4第一樣點心叫左《鳳凰煎糯米雞》$24外皮煎到金黃色，外皮好脆糯米雞嘅特別之處就係佢嘅外皮，外脆內軟口感豐富，而且好足料食咗鹹蛋嘅香味仲好細心分成四份。第二款點心🥧《蒜香鮮蝦長春卷》$22春卷蒜香好重，春卷外皮好薄，放左好耐仲好脆配埋個沙律醬一流第三款點心🥧《酥皮焗叉燒包》$20原來佢嘅酥皮就係菠蘿包嘅外皮入面叉燒夠多，但係外皮冇咩特別而且有啲硬口感麻麻第四款點心🥧《韮黃原隻鮮蝦腸》$27入邊每條有三隻大蝦🍤腸粉夠滑，蝦好新鮮好爽口我單以上點心仲有八折，每人40蚊左右好抵食，食物質素有高， 平民點心之選

功夫點心之前食過一次已經係夏天黎我覺得呢間野好熱冇乜冷氣咁所以都冇再去 但同事話未去過所以今次再黎食啦係正海南雞飯隔離香卷脆脆地 一般香卷咁冇乜特別有個腸粉味道上淡啲有個包仔我冇食蝦餃唔錯但價錢都比較貴既蝦都幾彈牙肉質小籠包我都係冇食到但同事話唔錯但佢好似好易穿有個奶黃包好大個 奶黃味幾好味 足料燒賣熱辣辣唔錯糯米飯好爛好濕既飯呢個唔掂有個粥好熱 但佢好平仲估唔到咁大碗呢個抵食既由於而家天氣冇咁熱同埋好似整返個假天花我唔覺話好熱都OK既