功夫點心

營業中

休息中

個咖哩汁淡茂茂，魷魚完全唔入味，好明顯係灼熟咗啲土魷再淋上淡而無味嘅咖哩汁，差！山竹牛肉暖，黃金流沙飽不錯，蝦餃王可以。人手唔夠，做到個個阿姐都發癲，隔離檯個腸粉追咗3次都無，埋單都未到，你有你追，阿姐只回一句"腸粉係耐啲".整體味道：一般服務： 無乜衛生： 成地垃圾+水，鬼咩！樓面都唔夠人，邊有人清潔呀！下次可以食第二間！！！

已經幫襯好幾年，之前新開時質素唔錯，但擴充之後由食材質素到服務態度都差左好多。以蝦餃為例以前用料係新鮮蝦大大雙，咬落係彈牙嘅，宜家d蝦咬落好明顯唔新鮮，係就嚟變壞嘅味。而腐皮卷嘅腐皮係煎完都唔脆嘅。至於服務方面，試過兩次等左好耐都無上菜，叫職員幫手跟下，佢就話點心要蒸叫你等下，去check下都唔肯，等多陣再問佢先肯去睇下，跟住竟然答我無入單，連我填張點心紙都無埋，簡直浪費時間。

星期六日嚟食全院滿座，需要等位，大約等咗15分鐘先有得入座。點心款式多，其中最特別嘅就係鳳凰煎糯米雞，蒸糯米雞就食得多煎真係未試過，又OK喎，外面香香脆脆，入面都好足料。其他點心都OK～

話說街坊成日去買外賣， 有時好生意要等得耐。 今朝8:55去到落單買5樣外賣， 到9:35都未出， 當時唔算多人，問收銀阿姐咩事，佢當時冇野做， 只係好無禮貌咁答： 「係咁架喇，等多半個鐘啦！」 然後唔跟進！ 如果你態度好少少， 禮貌咁解答人地疑問， 就算係漏單或出錯，等耐少少客人都未至於咁不滿。 好少OpenRice 寫差評， 但佢個收銀好趕客！！！！！！！買個外賣都要40分鐘， 仲要買到一肚氣， 唔會再幫襯！ 趕客的服務態度

深水埗功夫點心 喺香港有十幾間分店 遍佈港九新界 第一次 自費光顧 試食佢哋嘅點心 整體質素滿意 兩個人五六碟 有腸粉蝦條 排骨飯 流沙包 叉燒包 金錢肚 埋單124蚊冇加一 呢度嘅流沙包係爆汁 入面好多汁 得推介 另外呢度嘅蝦腸同中環蓮香樓蝦腸 質素水準都係一樣 當然喺呢度食會平好多 其實佢哋點心紙入面都有好多嘢好想食 不過始終兩個人 如果多啲人可以享用唔同嘅點心 傳統嘅酒樓逐漸變成這樣餐廳佈局的點心餐廳 相信是未來的大趨勢 如何去深水埗唔使再食 車仔麵 豬潤麵 其實呢條福榮街都有好多嘢食 大家可以發掘一下

試咗兩款點心，山竹牛肉值得推介！好味道，裡面有好多馬蹄！腸粉就麻麻，唔夠滑。不過佢出點心速度就真係堅慢，足足等咗成廿幾分鐘！服務方面，嗰幾位阿姐...... 算把啦！

生煎鮮蝦豬肉鍋貼，食咗一舊，發覺好似爭啲嘢，拆下一舊睇睇，生蝦變成一pat嘅蝦肉，信相拼返埋半隻都無，說好的豬肉呢？只係見一堆菜占了少許蝦肉，為何不改做蝦滑菜肉鍋貼？

收工相約老公去行佢既至愛地區～深水埗，點解我都會去呢（人多車多我最唔鍾意）係因為美食多今晚食咩好，就食我好耐無食過既點心啦見到呢間～功夫點心，門面都幾企理，就入去嘆返個夜茶先，咁進入店前都要糧體溫既，而檯與檯之間都有板隔住，包你食得安心我地2個人都幾大食叫左8樣野，點完仲要等一陣架，因為係即叫即蒸，夠曬新鮮熱辣👍🏻。介紹一下食物質素先～功夫蝦餃皇2隻（每隻$9）大🦐大🦐真係又多又好大隻、蟹籽香菇燒賣皇（每隻$9）不過不失啦、遠年陳皮牛肉球（$19）加左喼汁勁牛肉好彈、鮮蝦腐皮卷（$22）熱辣辣勁脆，內裡又係好多🦐、酥皮焗叉燒包（$20）呢個有少少失望，似叮返熱咁、韭黃原隻鮮🦐腸粉（$27）腸粉皮好薄，每條腸粉都有2隻大🦐，最難得係保持傳統咁灑左d韭黃係面，成件事即刻完美曬💯、豉汁排骨飯（$26）飽肚之選2個人夜茶都係$160（已包括每人$5茶錢）而家外賣返屋企介有8折架，唔想同人迫，外賣返屋企又有平，咁都幾好吖👍🏻今晚食左好多🦐😂😂真係大滿足

一向喜歡食點心，在深水埗原來有間點心店！.個蒸雞飯抵食，份量多，雞有雞味食得飽其他點心都ok，正正常常，燒賣要逐粒叫感覺有少少貴不過足料，有原隻蝦，留有肉汁。腸粉不是想像中那麼滑，不過整體味道也可以。潮州粉果就好足料，食完一個已經好飽。.菜位$5 一個，無加一服務費，算喺咁啦地方大，有兩邊，我晚上去入座率不高。

咁啱行開深水埗電腦中心， 就喺附近隨便搵地方食嘢。 當時大概下晝五點， 我哋兩個人行到入店舖， 雖然冇乜人理會我哋， 但都理解嘅， 事關見到啲員工坐低食緊飯。 坐低之後， 店員攞咗一壺茶同一壺水畀我哋， 其中一個茶壺上面係有啲食物殘漬，唉…… 我心諗: 算啦， 又唔係話去啲極高級嘅食肆， 比一百幾十蚊， 唔能夠太高要求。 細看檯面上嘅 墊枱紙， 原來先發現呢間點心店係有好多間分店， 所以雖然我對店舖環境及服務員質素唔會有太大期望， 反而對食物質素覺得會有啲保證。 第一碟餸上嚟嘅點心係腐皮卷， 雖然有啲油， 但味道總算中規中矩。 第二碟輪到蝦餃， 蝦餃皮望落幾薄， 脹卜卜望落去好多蝦， 我咬咗一啖， 奇怪見到有少少黑色嘢， 用筷子撩開…… 入面竟然有隻曱甴， 我即時頭暈兼反胃！ 實在太過份！ 唯有即時叫埋單， 店員見狀同我講咗幾句對唔住， 跟住叫咗經理過嚟， 經理過嚟講咗兩句對唔住就行開咗。 疫情底下， 好多有質素嘅食店都捱唔住要結業， 一間連鎖式經營嘅食店，竟然咁唔注重食物嘅衛生， 實在太過份

下午兩點半 全場顧客不足15人 被迫安排坐廁所附近 我當然唔同意 選擇另一張枱 服務員態度惡劣 人多你就要搬枱 估計佢被迫減人工 又或者親戚嚟咗 咁嘅服務態度 食物屬於一般 點會再幫襯

因為疫症關係 有幾個月沒有去茶樓飲茶了。剛好去到深水埗看見這間連鎖點心店決定試試入到去座位都闊落 座位與座位之間都有段距離坐下來已經有姐姐直接問我們需要什麼茶及給我們點心紙 點心紙選擇不算太多 但普通必叫的蝦餃 燒賣 鳳爪都有落單後，點心都算快來到蝦餃是我最鍾意吃的 一來到還是熱的 而且最特別是可以一粒一粒叫 如果四五人來也不用爭叉燒腸不錯 但皮不算滑身 流沙包 一上菜我嚇親 沒想過會那麼大吃時要小心 不能夠大大啖 因為會燙到吃得出奶黃味 但奶黃不算多這個很特別 所以我叫了 脆脆的雞米雞都算特別香口結論食物質素都算不錯環境衛生地點

兩個人有陣時想食一盅兩件，去酒樓通常嘅份量都有啲多。而且下午茶時間，兩個人想食少少點心，所以就試咗呢間功夫點心，佢嘅好處係可以一粒蝦餃，一個包咁嗌，不過前提係要兩個或以上係叫。落咗單冇幾耐，點心就已經到齊。雖然好快，但每款點心都仲係熱辣辣。 蝦餃皮薄，蝦肉餡好彈牙爽口。鳳爪非常入味，而且好淋好惹味。流沙包咬落去有香濃嘅蛋黃汁，多到不斷溢出，而且好熱，一開始唔好太大啖咬，如果唔係真係會燙到。下午茶時間想飲個茶食個包，真係一個幾好嘅選擇。

想食點心又唔想去酒樓？依家多左好多依類型嘅點心店，可能係你另一個選擇。我地點左:1. 土魷肉餅飯肉餅味道偏淡，要加多啲豉油，分量適中2. 鮮蝦野菌春卷剛剛炸起的，餡料豐富，好脆口，不過炸得比較油膩。3. 金粟脆皮花枝餅又係即叫即炸，食得到用左好多粟米粒，啲粟米好甜，炸得好脆，顏色金黃。4. 酥皮焗叉燒包望落去似迷你菠蘿包，賣相好吸引，上枱仲係熱辣辣，叉燒夠多，好好味。每款都係二十幾蚊，都算抵食，不妨試吓。

近年香港越來越多點心專門店，而其中較多分店的就是功夫點心當日與家人來到深水埗的分店店內環境擠迫嘈吵，亦不算乾淨餐具均印上店名，而餐牌像秘笈設計，跟店面格格不入我們點了幾款點心,，先上的是生煎菜肉包，包底煎的很香脆，而肉汁亦很香，不過略嫌肉的份量較少功夫蝦餃王的尺寸不少，而蝦亦有不少，雖然明顯不是用新鮮蝦，但份量口感十足也取回不少分數蟹籽香菇燒賣皇的蟹籽明顯增加香氣，份量亦同樣不少，可惜亦是不是用鮮蝦做的感覺黑椒金錢肚比較普通，牛肚算爽口，但跟小酒樓的相差不遠釀花膠筒灌湯餃是其主打，的確是皮薄多汁，只是除此以外味道只是一般，沒有很驚艷鳳凰煎糯米雞比較有特色，煎的糯米非常香，可惜肉餡不多，但也足以成為最好的一道點心