功夫點心

營業中

休息中

叫既野食都食完就係爭一籠燒賣，追單，個伙記叫我等一陣，話燒賣係要等！點知，佢擰轉頭指住我地張枱嗌入廚房話「喂，呢張枱燒賣取消！」………………咩意思，叫我等，你又去取消我張單！！！

晚上想嘆茶食點心,可惜選擇不多,開張時茶香美點心係有心做,但經過今次食物味道水準差如鮑魚滑雞生滾粥重味精邊食感口渴,配送粥的脆脆片已經開始淋,小籠包湯汁正稍為厚皮,如果蒸飯變用籠仔蒸較有特色,魚餅米線份量足夠,牆壁上介紹幾款產品都暫停失望,可能今晚食客吾多,上點心速度正常,但奇怪逢到周未早上較爆滿枱會漏單及加水較困難唯一茶水保持水準,收銀職員有禮,希望可改善走味精,狂飲茶咪又要不停加水,為街坊食得有營。

同同事講左好耐想去飲茶，今日就就岩時間lunch去飲個茶啦。因為大家都餓就叫左一人一個飯：排骨飯、牛肉蛋飯同北菇蒸雞飯。我就食左牛肉蛋飯，佢個牛肉餅好似蒸牛肉嘅質感，諗諗地，唔難咬。而個蛋係西式荷包蛋但煎得熟左唔會有蛋漿流出嚟。

一入去呢間功夫點心，地方都舒適，較多四人座位，張點心紙都好有心思設計到成本秘芨樣，幾特別！北菇滑雞飯：新鮮熱辣送到上枱，平時茶樓經常都只帶微溫，果然即叫即蒸，滑雞都有5-6件加冬菇，雞件超滑，配埋豉油呢個飯一流翡翠叉燒腸：皮唔算薄，不過勝在叉燒夠多，入口啖啖都食到叉燒！鮮蝦腐皮卷：腐皮炸得夠香脆，入口亦有飽滿鮮蝦肉，一碟份量有六大件，配埋咇汁，炸物之選！黑椒金錢肚：足夠既黑椒味，金錢肚煮得合時，唔會韌口易咬開，只不過略嫌太大件，如果剪細少少會更易入口！馬來沙嗲蒸鳳爪：有別一般鳳爪採用沙嗲醬，帶有沙嗲既甜味，而且鳳爪都幾多！早茶同下午茶都有8折優惠，食物新鮮夠熱👍

係附近返工，午餐嘅選擇唔算太多，好多時都會出去香港仔搵嘢食，諗起好耐都冇去飲茶，又唔想去酒樓食，就同幾個同事去咗功夫點心食飯飲茶。喺呢度飲茶有個好處，就係蝦餃燒賣可以逐粒叫，即係幾多個人就可以叫幾多粒，唔使爭講番啲點心，其實味道同賣相都唔錯，不過服務就唔可以expect得太多，始終係做街坊生意為主，價錢相宜抵食。今次都係叫咗最愛的煎糯米雞，菜苗餃同蝦餃，仲試咗馬拉糕，馬拉糕出乎意料地大個，所以食得有啲辛苦，而且味道一般，都係大榮華好食好多。

時代唔同了依家飲茶食點心真係方便到不得了⋯⋯茶餐廳又有點心，亦有好多點心專門店！如唐記，潻好運，功夫等等！功夫點心係我地由細食到大！對於我地香港人係普通不過既食物！今天早餐想飲茶落樓到樓下就有功夫點心！叫咗蝦餃同燒賣...蝦餃幾飽滿同大粒，蝦膠餡多又唔重味精！幾好食。外皮夠薄，上枱時夠熱，正而燒賣就咁睇圖其實唔覺實物原來比較大粒。啖啖都係肉味而且保留原有肉質同口感。地方不大 一般要同人share table, 繁忙時間時間可能要預多點時間等位。坐位不算太舒服， 茶具有特色服務態度不錯 食物賣相傳統老實，價格合理

本來去飲茶食點心就無乜特別既 不過真係想介紹下呢個最近食過最流沙最爆餡既流沙奶黃包😋成日去酒樓都會比d流沙包呃 次次都唔多流沙既 今次見功夫點心係逐個散叫就諗住試下啦 4個人食1人1個 點知上枱嚇左一跳 流沙包大個到要一籠一個😱 朋友一搣開個包流到成手都係😂 流沙包好足料好流沙 食落有鹹蛋既香味👍🏻👍🏻另外覺得佢地既燒賣都幾好食 都係逐粒散叫 大大粒 全粒都係豬肉同蝦 好足料😋

黎食點心，必定要揀飯黎食先覺得滿足飯有鳳爪排骨飯，臘腸滑雞飯，牛肉飯等等但今次叫左臘腸滑雞飯飯黎到都仲好熱竟然雞好滑，臘腸都有幾片仲有幾條豆飯唔算細碗，亦都唔會係好淋嘅飯加上豉油，竟然好好食喎值得推介

香港仔呢間開咗之後成日見到有人排長龍，因為唔鍾意排咁耐所以一路冇去食。嗰日見到 冇人排就拿拿聲入去。 服務就麻麻地啦。見到啲侍應喺度同啲熟客傾偈又唔理其他人， 不過算啦，舊區係咁㗎啦。 見佢地方尚算企理喇，裝修都幾精緻。佢最好就係個蝦餃可以兩粒兩粒咁叫，我哋得兩個人，食四粒又飽得滯。 蝦餃味道唔錯呀，係個皮厚咗少少，但係都好ok。 跟住仲叫咗春卷，炸花枝丸~~~ 炸嘢ok嘅 ，不過花枝丸內有爆漿，唔知道一啖咬落去真係會爆到周圍都係!!! 酥皮叉燒包~~~ 佢錯誤引導啦，寫酥皮叉燒包其實係菠蘿叉燒包但都好食嘅。排骨陳村粉 同埋個灌湯餃就伏喇， 陳村粉都係國內嘅好食，佢呢個陳村粉又凍又硬又唔入味。灌湯餃呢，都係厚皮啦，裏面好似乜都有啲食完都唔知係咩嚟嘅。 個醋又九唔搭八跟小籠包醋囉，應該畀紅浙醋㗎嘛 兩個人食咁多嘢埋單都係122蚊，算係咁啦 如果下次去見到唔使排隊都會想再去食嘅

媽媽上午10:15落單叫外賣，11:30先有得攞算啦！返到屋企，點知發現漏單，漏左一隻糯米雞仲要叉腸變蝦腸😳老人家怕事，成日話算！其實我叫外賣咁多次，呢間差不多次次都出錯！點可以咁縱容佢！於是打電話去追，個接線生唔信漏單，就話問經理我聽到經理：咪呢個囉！即係仲在店内！我唔理你地，我梗係要攞返！但無理由又要我們等，佢話10分鐘落去攞就有！十分鐘後落去，又錯，繼續係蝦腸🔥🔥🔥🔥🔥自問鬧人唔叻，唯有即時企係度，上open rice打劣評⋯⋯

趕客既服裝態度，唔知佢憑咩可以拎優質旅遊服務? 街坊生意，入門口冇人理，自己搵位坐低，無問題啦~人都坐低咗，張枱濕晒，冇人抹枱、開位。舉手叫人，第一個侍應見到，行去收銀隔離除衫制服，算啦....可能咁啱落場。好唔容易第二個舉手應咗，行去收銀旁邊傾計當睇唔到。下...咁都得?佢舉手應左wo,可能係幻覺啦。叫第3個，終於等到人將我地要用嘅食具用張墊枱紙攬喺個身度搬埋嚟。張枱冇抹照放低，然後將我哋將要用嘅筷子放喺上手食客留低既水上面...算啦~ 反正拎黎啲杯底同碗都油立立，要自己洗㗎喇。喺洗杯碗之前，我遇到另一個難題，我諗係咪應該洗咗個水壺先....點解 一個裝水嘅壺，都可以咁多漬? 究竟係點做到㗎?究竟幾耐冇洗過?算啦，冇加一ga，服務差好合理啫，求佢掉支筆畀我寫嘢食。係漫長嘅等待中，眼見隔離枱吹嘢食半個鐘未到。又見另一個阿姐用廣東話不停問個鬼佬你幾位?飲咩茶?飲咩茶?飲咩茶呀？呢種咁鍥而不捨嘅熱誠係邊度搵呀？嘢食終於都嚟喇！真係未見過咁肉酸嘅小籠包，啲皮厚到...灌湯餃, 除咗個碗爛少少，食完湯底有沙，味道都好正常。 起碼唔似啲茶，係酸架。我只可以講， 呢間嘢浪費咗我一餐，嘥咗香港仔一個

Hk style dim sum comes to Aberdeen ! The store is quite big can accommodate like 100 people. Good to enjoy a Sunday lunch with family ! it has to lots of dim sum to choose ! Such as steam one, deep fried one, buns, rice! Ordered different kinds to try this time. the steamed one is nice and hot! spring roll is very crispy the bun is ok. If have more filling then better!

同屋企人係香港仔行街想醫下肚，經過間功夫點心，老人家又鐘意點心，就帶佢地去試下而家新式的港式點心店。星期日都算幾多人，等多十分鐘先入到去，入面D 人都幾沖忙咁，有D 茶餐廳感覺。主要都係我落ORDER 點點心，先黎梗係食返隻蝦餃9蚊隻蝦餃，講真真係有D 貴，但質素又真係算幾好﹗皮薄有汁，蝦都鮮﹗馬來沙嗲蒸鳳爪，其實唔太覺有沙嗲，反而好似有點沙茶感覺，但味道都OK瑤柱鮮蝦菜苗餃，同一般酒樓一樣，都係三隻，但都幾大隻同足料﹗皮薄得黎夠結實鼓汁排骨飯，料唔算好多，但幾得意，有幾條豆角，排骨又唔會話太肥，夠兩個人食鮮蝦腐皮卷，呢個好野，皮有D脆得黎又唔會話好油，入面蝦料好足，又夠香口翡翠鮮蝦春卷，呢個同腐皮卷又另一種感覺，面好乾身，無油，都足料同好食，但我比較鐘意腐皮卷多D懷舊綿香馬拉糕，呢個真係舊式野，但果然非常軟滑埋尾黎個九王原隻鮮蝦腸，原隻蝦好鮮，皮亦都非常薄，又夠滑，幾好整體黎講食物質素都算幾高，唯一就係個環境比較窄同埋因為人流較多，店員都好忙，令環境唔太和諧，不過呢個都係香港食野一個通病。但如果想快又想食高質點心，呢度都係一個非常之好既選擇

其實食物就尚算可以，但整潔度真係好差，成地都係垃圾，員工係冇想掃垃圾的意欲，服務態度又差，碗碟都好污糟，成個感覺好差，黎過幾次都冇改善，以後唔會再黎！。。。。。。

12點左右到 等咗十令分鐘有位兩個人叫咗四個點心左邊係鳳凰煎糯米雞（$24） 右邊係奄春蛋燒賣（$2x)個糯米雞煎咗都幾油 有啲痴牙叉燒包細細粒普通得尼最好食奄春蛋燒賣就不過不失 都幾大隻蝦係入面 係新鮮同好食 不過隻蛋就差咗啲最後係炸丙腸我覺得係成餐最難食嘅 太油膩佢炸丙嘅口感係脆到薯片咁 但同時整油 每食一啖就好似飲一啖油咁最後total買單$92都ok茶位（$5/位）都幾抵 加水加得快但局部嘅員工態度稍微有啲差