功夫點心

營業中

休息中

呢間分店都開咗一段時間，每朝都見有好多人排隊，今日的起心肝終於去試吓……等咗一陣位，三個人叫咗五樣嘢，都食得夠飽……北菇滑雞飯，味道吾錯，啲雞都滑，但菜肉雲吞麵~雲吞淥得吾夠腍吾夠熱透，湯比較清淡……叉燒腸粉一般啦，魚湯鮮竹卷ok，吾肥膩，幾好……流沙飽都不錯，熱辣辣……這裡的服務一般，大致都ok……5元茶茗一位，全日不加一，價錢同出面酒樓差不多……但這裡下午茶2:30後有八折，咁就再抵啲……難得吾加一仲有折，不過睇番原價，同其他酒樓加咗一差不多，燒賣蝦餃是逐粒計，9元一粒，要order兩粒起……又好似貴咗啲啲……

12時36分訂外賣，攪到13:20才有外賣取，催了多次單，收銀員沒有跟進，—味靠拖，於是决定取消這張單，但個收銀員話不可以。。。以後决定不會再去功夫點心，正……垃圾！

年初四,下晏三點幾,搵下午茶就想起呢度其實開左咁耐都系第一次幫襯,好彩今日唔多人,易有位開左茶發覺唔系幾夠滾,好似熱暖水咁隔離大台已經瓜瓜嘈就系為呢樣野不過先點d點心,叉燒腸果皮就厚左d本來擔心潮洲粉果會出事,點知皮薄多涵味道又唔錯最正系果牛肚,夠淋又入味叉燒包可能無咩期待,點知反而有d驚喜至愛鳳爪一樣幾好味,炆得幾夠淋其中有位高瘦男伙記服務好有heart說話多多又搞笑,令到自由行客人不停落單,佢詳細解析水唔夠滾問題,除左通知店長又建議客人向公司反映今時今日真系少見d我會選擇再幫襯

之前見到香港仔新開左功夫點心 , 不過每次經過都人山人海, 我當然打消了念頭啦, 今日經過大約下午兩點半左右不用等位 , 咁就不妨一試 , 但裏面都是很多人差不多坐滿, 我們兩個人叫左七個點心 , 價錢其實都不貴合理 , 味道就普遍點心貨式 , 唔可以講好食亦唔可以話難食 , 但要值得一提就係ｄ員工的服務態度 , 我都知我唔係幫襯ｄ咩高級食府 , 但他們連基本的服務態度都沒有 , 想落單 , 個個掛住傾計(同熟客和同事) , 個個扮聽唔到見唔到 , 越傾越大聲 , 有一個仲好笑叫佢沖茶又扮見唔到 , 仲比我見到佢走入裏面沖茶果個位拿ｄ馬會飛出黎對馬 , 之後終於順利落單有野食喇 , 問個女侍應拿辣椒油 , 佢個樣衰到呢 , 我都知我不對阻住你地傾計, 所以呢間野唔會再幫襯鮮蝦菜苗餃---皮很薄 , 蝦肉也很多鮮蝦腸粉---皮厚度適中 , 也有很多蝦小籠包---皮太厚 , 裏面太乾沒有湯汁咸水角 ---炸得幾香 , 不過餡太小鮮蝦腐皮卷---比較像油浸腐皮卷 , 太油了蝦餃皇---很多蝦肉 (１２蚊一粒 , 最小要叫兩粒)蘿蔔糕---唔駛我講都見到非常油 , 同煎得不夠香

我成日行過見到好多人等位, 諗住襯住放假試下。初頭前面女知客啲態度好好, 好helpful, 印象都幾好, 但當我有位時, 有位金毛扎辮的女侍應企咗我個位頂住晒啲椅好耐喺到執食具, 我叫佢唔該借ㄧ借比我坐先, 個女侍應跟住用好惡嘅眼神厲住我。 之後佢玩嘢, 比啲好碎的茶葉給我(同ㄧ時間同ㄧ張枱有客人都係飲普利, 但無碎茶葉)。侍應態度差仲要玩嘢, 唔洗錢我都唔會再去!我成日去湾仔銅鑼灣尖沙咀飮茶, 都未試過遇到玩嘢嘅侍應!

食到悶悶地，走左去新開無耐的＂功夫點心＂試下，邊個話晚餐唔可以食點心架不過茶我就要飲淡D，費事今晚訓唔著。裝修尚算舒適，格調新潮，不過冷氣堅凍，打開點心紙，款式跟一般酒樓差不多，價錢也不貴，隨便叫了幾款點心。今晚果然冇令我失望，功夫點心既點心絕對不比其他酒樓遜色，而且大件夾抵食，以後飲茶又多個選擇了

鳳凰煎糯米雞表面煎得金黃帶點焦焦的,入口表層微脆配上煙韌的糯米,口感很不錯!內裡饀料足,挺香口!馬拉糕, 看起來漲卜卜, 食進口口感鬆軟~食物不錯,但座位有點迫, 食得不自在!

正所謂，星期日，「家庭日」。屋企人話突然想食點心，當然要陪佢地品嚐！難得星期日，就聽朋友介紹，走香港仔一躺，為左食呢間。我地叫左個魚翅海皇灌湯餃、黑胡椒沙嗲金錢肚、遠年陳皮牛肉球、濃湯魚肚鮮竹卷。精緻的魚翅海皇灌湯餃，味道唔會太濃郁，皮薄餡靚，餡料份量十足，值得一試。懷舊嘅點心唔止蝦餃、燒賣‧‧‧仲有呢個不能忘記嘅味道 ─ 黑胡椒沙嗲金錢肚。辣辣地嘅爽嫩金錢肚，食落有口感，唔怕話太靭，襯托上紅椒及綠椒，再配上豐富嘅黑胡椒沙嗲汁，確實是豐富你口感。牛肉球食得多，但加入左陳皮嘅製法，你又食過未。爽口彈牙嘅牛肉球及爽甜嘅腐皮，食落仲有香濃嘅陳皮嘅味道；我自己就鐘意食香茜，所以我覺得可以落噃多D，然後再配上喼汁，味道會不同；口感會再好少許！蠔皇鮮竹卷就食得多，但呢款鮮竹卷─濃湯魚肚鮮竹卷，我就初次品嚐！食落味道唔會太濃，鮮甜爽口的嘅魚肚，配上濃香嘅魚湯，滋味無比。我就誠意推介呢款食物俾大家

知道附近開左間新點心餐廳，一行幾人，就入左去試！我地幾個人就叫左五款點心，都算食得哂，仲幾飽添架！我地先叫左個秘製蘿蔔牛腩，牛肝肉稔軟滑，唔會過靭，每口都充滿豐富嘅腩汁；蘿蔔嘅鮮甜襯托上牛腩嘅腩汁，令人食個不停，胃口大開！跟住就試左個牛肝菌鮮蝦荷葉飯，清香嘅荷葉飯配上味道甘香嘅米飯；再配有牛肝菌及鮮蝦 ─ 牛肝菌未必常常都食到，但鮮嫩彈牙嘅牛肝菌以及鮮甜、爽口、彈牙嘅蝦，混合左荷葉飯去蒸，使口感層次倍增，豐富你味蕾之餘，同時一定要黎上呢個飯！怕一個人食會浪費，搵多幾個陪你食喇！難得黎到點心餐廳，我地又點會錯過食懷舊點心呢！！！豉汁煎釀茄子，普普通通嘅煎釀茄子就食得多，但配有豉汁煮反而會少D。師父將佢煎至金黃色，嚐了一口後，感覺呢個味道都唔錯，好特別，唔似其他咁，茄子唔會太「淋」及太「燶」，好食嘅野，你點可以錯過呢！蟹子香菇燒賣皇，每粒都有蟹子係上面，粒粒都晶瑩剔透，爽嫩彈牙嘅香菇，香菇味道濃香，當然內裏卧藏鮮甜嘅蝦同豬肉包住，食落味道匹配，加上夾落唔易鬆散，值得一試！襌城柱侯蒸鳳爪，啖啖滋味，細味嚼勁十足嘅鳳爪，俾D柱侯醬包圍住個嘴，真係會食上癮，手同口都不能停落嚟！除左食物，店員嘅服

服務態度差，食物品質非常差，布拉腸粉變咗7－11腸粉，燒賣D肉有根，义燒餐飽超迷你，牛肉腸粉D皮非常厚，唯一D蝦餃可以食得吓，貴錢不算平，香港仔任何一間食店都比佢好，我意見不試也吧

星期六7月9日中午去試這間新開功夫點心，一入去已經好多等著，我走去櫃面拎飛等，這位門囗收銀呀姐已經不睬我，連叫兩次都不理，自顧自在整理。非常無禮貎，後來有侍應出來才拎倒飛。坐底食野，點的如叉燒包已經無，湯亦賣哂，蒸點食物例如排骨還可以。食物係好一般。到出去埋單，這位收銀呀姐應該工作態度有問題還是睇人黎蝦，我出到去近門口風囗非常大，我撼住張銀紙同單等佢，後來佢同事唔扺得幫我拎落去佢張枱俾佢，佢再自顧自在執枱面野不是幫我埋單，係喺度執佢抬兩個遙遠控制機，我睇住佢仲要執兩次，之後有個男人出來埋單才開工！入面工作人員是ok的，但這個呀姐今時今日這個服務態度是不是要檢討吓？比如一窩粥本來味道已經一般但再加一粒老鼠屎。

假期的午飯時間餐廳門外輪候者眾，稍等十數分鐘始能入座。店內普通的中式格局，擺位略迫，整潔度一般。餐廳主打點心，款式數量不算多。整體而言，點心的水準只屬中下水準，計及價錢性價比尚算合理。無花果木瓜燉白肺：湯料足，無花果及木瓜引出足夠甜味。土伏苓冬瓜燉豬𦟌：功夫蝦餃皇：餡料肥豬肉量稍多，味道一般。蟹籽香菇燒賣皇：單看切面已知口感不佳，結果亦如預期。鮮淮山豉蒜蒸排骨：淮山帶微酸，排骨偏肥鬆軟。濃湯浸雙蔬：娃娃菜不俗。鮑螺片滑雞粥：鮑螺片有數條，雞件兩件，滑感普通，粥底略鹹。銀魚仔薑粒肉餅飯：肉餅肥肉過多，入口即化口感甚差。杏香松皮包：皮不脆，杏香餡料不大好吃。懷舊綿香馬拉糕：水準合理。

昨日才開張，今日走嚟試試。知新開張初期，必定人多，故特意平日下午茶時段才來。沒想到依然多人。還點了：飽魚絲鮮蝦菜苗餃 -- 夠熱，皮薄，味道一般牛肝菌鮮蝦荷葉飯 -- 夠熱，有三隻蝦(依然蝦味不濃)，味道清淡 雖然食物味道無甚驚喜，但價錢實惠。