影片
以上資料只供參考, 請與餐廳確認詳情
成村人搵地方想舒舒服服.又唔想太悶.呢度唱k幾好架.地方夠大夠舒服.包間房,食物有好多選擇.要預先落訂和選好食物.(幾日前)食物俾預期中好味,一向對卡拉ok的食物都唔敢有咩要求.可能無期望,反而覺得食物不錯.呢度的飲品係自助型式,自己出去"針",好多選擇.當日行去"針"嘢飲,重見到一個熟客男人係度喪唱,好似佢開緊私人mini concert咁,都幾funny,我地拖住d小朋友重同佢揮手都幾funny架食物就開始前,staff會放好晒.如同一個小型的buffet.真係不錯的聚腳地.醒在夠free.大家都掛住傾計,到尾先熱唱卡囉.不過唔好漏左係房外有些塗鴉牆留影,好colourful好靚.職員服務又好,我要求佢地整左幾個汽球俾d小朋友.呢度又可以免費租棋玩,有二,三十款棋或game供選擇.
繼續閱讀
上次食k buffet 都已唔記得係幾耐之前了!哈, 講開又講, 上次唱k , 新歌試唱我都識4成, 今日去到, 只得一成!及8成的歌手都係聽都未聽過的, 自己感覺好老餅呀...另仲有, d 女同事一開口, 唱咩歌已可估倒佢係咩年齡... 真係冇得扮後生扮o靚架~都係講返d食物先; 今次係叫了個set, 十個大盤的食物,自己攞的;雖係任食, 但食晒就冇得refill, 所以嚴格黎講都唔係buffet.咁多女同事, 其實都係食唔晒既, 我估...有炒麵, 炒飯, 羊肉, 雞翼, 泰式魚餅, 沙爹串燒, 餃子等.最好食, 最受歡迎的食物係d魚餅及串燒. d雞翼清晒咁滯, 勁呀.羊肉過熟了 , 又有d人唔食羊, 所以剩左不少.炒麵及飯比較少人食, 但味道其實係ok 既.d人不少都係掛住打wii, 另有d已食飽才黎, 唔食...服務要讚, 姐姐好好幫手又友善.ok 啦, 公司搞function 就o岩了.
繼續閱讀
好耐無唱過K喇，一於去唱一次！喺門口問價，原來要成百幾蚊一位，連埋版權費，加十蚊食埋晚餐。不過晚餐確實有驚喜，雖然個羅宋湯無特別，但唔難飲已經好好。個頭盤係吞拿魚酥，竟然有點脆，仲幾好味添！還有蝦沙拉，夠凍，非常不錯。主食叫了一個帶子麵同一個朱扒飯。帶子絕對有驚喜，非常好味，夠熱，完全無雪味，仲幾有咬口，不過d麵就比較油，但整體上已是一個很不錯的主食。至於個朱扒腸仔飯亦可接受。個甜品有火龍果musse，亦夠凍。飲品要自助，不過選擇都幾多，有各種汽水，茶，沙冰，咖啡，朱古力等！坦白講，值唔值就好難說，不過間唔中一次都幾好丫！
繼續閱讀
29Feb 20086:00pm - 4:00am (1/Mar)全場費用: HKD9,000 ( 已包括一個三千多呎的大廳連舞池,表演台,表演樂器, X-BOX, Wii, DJ任玩)( 鼓, 吉他, 人工囗哨, 可自備樂器, 偶像標語等), 食物( 二小時任食自助餐:頭盆,主菜,飯,意粉,鮮果拼盤等),無酒精飲品任飲, 18罐啤酒, 3支香檳, 1磅D.I.Y蛋糕) 個場唔似有三千幾呎咁大，可能多台椅啦﹗另外的野難食到死，全場好似有20樣野，但無樣好食，春卷..勁硬，用刀切唔開魚手指餅，又係好硬可以講一句，好睇唔好食
繼續閱讀