加藤日本料理 (已結業)

由於係同人賀生日,老細首先係一人送一個一個蟹子沙律，叫左壽司船．好新鮮．當日係有蟹腳特價，好大隻好鮮鮮甜正

由食物至服務態度, 呢間o野都完全唔掂!!一行6人去食, 諗住先叫2碟三文魚腩刺身啦, 同我o地講今晚客人多只可以比一碟我地…..明明全場得個2䒷 人!! 軟殼蟹又話好大隻, 唔整得手卷要原隻上, 上䒷 見到仲以為o係“蟹乾”扁到完全冇肉食…仲叫左6隻推介燒”無敵大頭”蝦,等到成大半個鐘都未有, 又同我o地講有人食”懷石料理”好多o野燒要等下…(冇人都要等, 多人咪要3個鐘??!!) 終於等到d蝦, 其中有一隻食落d肉已經“霉”左, 成$110一隻梗o係要換啦! 佢竟然同我地講因為d蝦大隻肉質o係咁!!!! (如果真係佢咁講, 我地o係應該換其餘o個5隻囉…..) 當我地白痴咩!!死人都要佢換!! 又同我地講要20分鐘…..其他ｄ刺身同天婦羅普通咁啦, d鍋物就完全唔好食, 泡菜鍋完全唔覺係, 似酸菜鍋多d…d湯又冇味, 烏冬又唔彈牙(同”噹噹”烏冬差唔多)海鮮鍋淨o係得2舊魚頭同d蟹就算, 仲鯹到死…食完成晚都唔知食到d咩…….食得唔好都算, o個d服務態度仲差到冇人有, d湯呀茶呀已經成日o係我地頭頂過, 個鍋叫加d湯又好似好出奇咁喎, 最過份o係一個又肥又矮o既女人, (冇人身攻

除非看官對刺身的要求甚高..又或者看官自己對鑒定食物的能力非常自信...

有關此餐廳, 本人去過好多次, 試過一次lunch.我個人認為食lunch就真係好一般. 我亦覺得佢地係對食lunch既客有比唔起錢或貪平既印象. 食物水平跟晚飯時的東西有明顯分別我通常都係去食晚餐的, 刺身質素係高的, 壽司就ok, 冷麵就唔得, 燒物就一般. d甜品雪糕都冇乜特別服務係介乎响普通或普通以下. 可能我去過好幾次佢認得我所以好左d. 又或者係我通常閒日去都冇乜人, 也可能係我同d朋友次次都唔睇價錢係咁叫.總括來講, 想食好既三文魚, 吞拿魚這間店係值, 但只限晚市. 但你想食既意念就一定要大到可以克服佢服務差囉.

落單態度極度惡劣! 反鬧食客! 問非所答! 本人問事頭婆定食有咩跟, 回覆係事頭婆: "無架! 你想跟咩呀, 壽司定食咪淨係跟壽司囉! 想食其他野咪另外嗌囉!" 跟住又話"佢成盆野黎有咩跟咪有咩囉, 我點知跟咩!" 本人已極之不滿佢問非所答, 跟住不滿地講"咁即係有野跟啦, 我淨係想知定食跟咩!唔通跟隻曱甴俾我就照食咩"事頭婆: "係架喇, 你咁驚咪唔好食囉! 我唔可以俾人鬧架, 咁唔滿意咪唔好食囉"一個lunch 定食已經唔算平, 仲要受氣??我唔會再去呢間野!!

經過今日遇到該老闆娘無禮對待，我和同事們以後都不會再光顧。話說我們今早打電話訂位1:15pm 4位, 於電話已問如有2位先到可否入座，電話中人回覆可以。在1:10時我們2位同事先到, 老闆娘不准2位同事先入座。同事問為什麼不可以, 今早電話查詢時說可以的。老闆娘態度非常無禮的回應「咁今日星期五多人呀! 你如果未人齊就不可以入! 星期五無飲品壽司送0架」同事:「但我們今日訂台時你不是這樣說。」老闆娘黑面:「訂左台大晒呀!甘你仲等唔等丫!!」真的一肚火!!!!!!即使要客人等, 都應該客客氣氣。從未見過要客人受氣的餐廳

尋日女友生日,佢話0黎過呢度食晏D 野幾好味, 所以就決定再0黎試下夜晚喇~上個禮拜已經book定台,我地遲0左幾個字先到,不過好彩唔係太多人冇阻住人地。生日咁高興食豪少少啦,叫0左6樣0野食到好飽好飽~~1)半磅三文魚腩- 好肥美,不過女友嫌太肥,下次都係食背好D喎~2)赤貝刺身- 好鮮甜, 爽口, 比起我對上兩次食果間好得多3)燒長腳蟹爪- 好入味,雖然唔太多肉,但係個殼都非常正4)燒响螺- 好重料,有冬菇絲有庵春旦, D响螺肉亦係好鮮甜,最好飲係個湯~5)壽司5件- 略嫌D飯太散,不過D料都夠新鮮,價錢亦唔貴,25蚊5件6)日式炒面- 女友話D牛肉太酥,我自己就唔怕酥所以冇乜野,佢用拉面黎炒,冇油面咁肥,幾特別甜品:白芝麻雪糕同櫻花雪糕- 兩樣都係師傅親自操刀整,白芝麻好香, 櫻花入口少少咸, 嗒落又幾甜,兩樣都好好味~~睇番之前D 食評話service 麻麻,反而又冇咁0既感覺,有個比較老0既都幾好態度, 因為長腳蟹同响螺比較耐佢都有埋黎同我地曬冧。不過奇怪在一般waitress都係唔會幫你落order的, 一定要搵番老D果個落,但係佢地D服務態度都好好。可能班人同lunch唔

我住係家藤日本料理附近，雖然佢Ｄ價錢都幾貴，但我同屋企人成日都會去食飯。睇到其他食評都咁負面，我都好詫議…中肯Ｄ黎講，我覺得有幾個阿嬸型ＧＥ侍應態度就真係麻麻，但最近黎左個新侍應都幾有禮貌，令人印象深刻。食物方面，我覺得十分好味喎！特別係用料方面！雖然我唔食生野，但屋企人話佢Ｄ魚生好新鮮、鮮甜，我見佢Ｄ三文魚好有光澤，比超級市場嗰啲新鮮好多喎…我最鍾意呢，就係佢個炸豆腐、焗牛油冬菇同埋金菇牛肉卷。雖然炸豆腐同焗牛油冬菇都係Ｄ廿零蚊嘅平價菜色，但都製作得好有誠意。連焗牛油冬菇用嚟吊味嘅檸檬都係圓碌碌、脹卜卜，好靚好香，好有衝動咬一啖！其實我真係唔明點解有人對呢間嘢咁反感。不能否認佢啲價錢真係幾貴，但食物質數真係比出面好多所謂嘅日本料理好好多，都叫物有所值！！！

今次第一次黎食,好幾次坐巴士經過都見到呢間餐廳gar lar. 今日同事請食飯,次次都係去附近的酒樓,食到厭晒,所以黎試下.我地已經好俾面,行好遠先到,黎到見勁多人等位,仲話要黎齊人先俾枱,心知不妙喇,我地幾個係先頭步隊負責黎攞位gar ma,等左好耐先等到6個位既枱,不過我地係11個人,唯有有d 坐住等.我地幾個order先,想話order d lunch set,點知個waitress 話.."set lunch 冇晒喇.",嘩, 人地特登黎都係想食set lunch 咋喎,咁問佢有咩食,佢就話.."麵啦,不過冇壽司送,賣晒",嘩,好無耐,乜都冇得食咁既樣,咁我地叫壽司定食,佢又話.."壽司要等好耐喎",我地話唔緊要,佢就不斷話要等好耐,咁我地咪問佢要等幾耐,佢就淨係識講好耐,咁即係要等耐?佢終於話要等20分鐘,咁我地話照去,去o個度都係想試佢地d壽司o者.我地叫4客,佢就話叫4個仲要耐d, 我地真係冇野講呀.後來(好耐之後,人地走既時候理應都係我地要走既時候...)終於等到整張枱喇......其他同事拿拿林落order,個waitress同樣話俾佢地聽,拉麵冇壽司送喇,送晒,咁理

今日同幾個同事去食lunch, 我早少少找拎位, 俾左個卡位我, 個女人先走埋黎話"你幾個人呀?得你一個唔俾得呢張台你喎", "5個呀, 後面黎梗啦", "5分鐘到唔到呀, 唔到我要請番你出去架喎", 我唔睬佢, 跟住黎多二個人, 其中二個定食都到左, 個女人又走埋黎,"起碼要黎多個先得喎, 唔係俾唔到呢張台你喎", "咁都食梗啦, 煩", 服務差到冇人有囉食物又係差, 魚生定食, 魚生唔新鮮, 衰過百佳咁,同事個烏冬定食, 烏冬幾條, 跟飯, 好怪, 仲要得二舊肉, 成鍋大根囉, $45個定食, 仲要加一, 冇野飲啦

星期日之午餐兩個人要左：三文魚剌身：OK, 好厚身3件壽司(2甜蝦1尤魚) ：$15有3件絕對抵食，元氣都做唔到呢個價錢。用材好新鮮，蝦頭仲有好多膏添。唯獨壽司飯唔得，好散又無乜醋味冷豆腐：好滑，唔係百福豆腐黎呀，好味﹗蝦天婦羅鳥冬：湯底唔掂，令我諗起我生病時食野咁，淺而無味，炸蝦唔係海老，用甜蝦炸有嘀怪，鳥冬幾滑，可惜敗於個湯底，最後用左冷烏冬個汁當冷麵咁食以地區黎講，佢嘀野係好貴, 但剌身用材確實新鮮，值回票價。下次可以主供剌身及小食類。待應態度好好喎，無其他COMMENT 提既咁差。

我係2006/6/9,下午食lunch時.我和公司同事去到D間鋪時,我開頭巳為D食物一定好貴!!因為看見門面我以為會好貴?入到裏面一睇餐單.嘩!!淨係一個非常普通既拉麵都要38元仲要加1成四十幾元咁貴,我唸應該比出面會好食得多掛?我唯有叫個九州拉麵試啦!點知買相唔得,食落仲凍既!!!死啦,,,仲要收我四十幾元,咁大獲!!!!但是有一樣直得一題，就係D樓面非常之好呀D服務態度好到呢.......我唸真係無一間衰得個佢...一埋單就咁掉低張單走開!!我杯水無水又無人加..就咁掉低張單...真係..........如果問我D間鋪有乜優點????有!!!!D樓面夠串.....最大特色D食物仲衰過乜乜拉麵店....D間鋪簡直絕呀.....絕對絕對INFERIOR RESTAURANT<<低劣的餐廳>>

家住附近，朋友生日，所以請佢黎呢度食。平時望見入面裝潢幾好，但總係冇人幫襯，而家知道係咩原因。首先，入到門口，見舖頭裝修得幾好，都覺得氣氛唔錯。一坐低，見到0的食物價錢，嚇左一跳。一個定食(少少地0個隻)最少要四十蚊以上。結果唔敢食0個0的所謂0既定食。我地叫左一個牛肉鍋($60)，見個價錢有番咁上下，以為有一定份量。點知個鍋得幾塊牛肉，其餘0既係豆腐同菜......響吉野家叫個牛肉飯都抵過佢多多聲。幸好湯底都還ok。另外叫左8舊壽司($35)。見個價錢勉強可以，覺得應該抵番。點知拎到黎，食落口，feel到0的壽司好唔新鮮，食落冇乜口感。感覺唔多好。埋單計埋加一，大概收左$140。但係竟然一0的都唔覺飽......唯一可取0既係舖頭0既裝潢。不過，都係0個句，食物唔好味，仲要食我唔飽，一0的都唔抵。

尋日同男朋友第一次唻呢間加藤日本料理食野入到去...覺得個裝修ok 喎雖然呢度係工業區....門外既裝修俾人既感覺入面應該好普通點知又唔係喎...入去之前原本想睇下呢間料理店有咩食點知門口又冇放本menu 係度俾人睇喎算啦...試下啦入到門口... d 人都好有禮貌門口周圍貼唒上過雜誌既介紹坐低之後.. 係度睇下睇... 睇返d 雜誌介紹嘩... 超貴喎!估唔到工業區中一間不大既日本料理會咁貴... 唔通真係超級好味?不過我地冇叫到d 貴野我地叫左一個「海鮮地獄拉麵, 壽司, 手卷, 炸物」首先唻左碗「海鮮地獄拉麵」...好味喎冇"澗"水味... 真係ok !之後唻左「手卷」... 但俾錯左我地...不過算啦...唔想浪費... 都ok 既... 不過好普通...三文魚手卷中唔會有任何配菜去裝飾但之後就出事喇... d「壽司」完全唔得..令人非常失望! 我個人覺得某連鎖壽司店...仲好過佢...之後既「炸物」... 亦冇咩特別如果下次有機會再唻... 只會試佢同雜誌介紹貴貴既料理套餐

一句:環境唔得,食品質素完全唔可以接受,服務唔好,價錢又貴,廚房D人出出入入制服又唔乾淨.仲向廚房食煙.門外食煙都無問題,,,但係D煙蒂唔好除地掉完全無公德,往往一個人的操守甘唔乾淨,衛生....不提也罷.!