動漫樂園及主題餐廳 (已易手) 新餐廳

九龍灣一向是以住宅跟工業為主的區份，直至近年積極轉型，多個大型商場相繼落成，雖較傳統商業區的興旺仍有一段距離，但亦漸漸成為了另類新蒲點。前星期跟朋友去逛一下家居店舖，順便探索一下那邊的食店，偶爾在Mega Box看到一間以漫畫為主題的Cafe，佔地甚廣，有精品賣，有公仔夾，有電動遊戲玩，成個兒童樂園一般。餐廳位於商場的9樓，裝潢鮮明創新，環境空闊舒適，用色Fancy帶著不同經典動漫人物，很有獨特風格，牆上佈滿了咸旦、幪面超人、鐵甲萬能俠和柴犬等貼圖，充滿着童真歡樂氣氛。望望餐牌，店內除了供應一般小食外，還有晚餐主食，就連龍蝦都有提供，而且索價一點也不貴，套餐有齊餐湯，意粉或飯加上飲品都只是一百大元有找，大家遂決定試它一下。這餐廳的點餐模式同一般Cafe有點不同，要先到櫃面排隊點餐付款，店員會提供一個黑色的提示取餐電子儀器，跟著先找個靚位坐低，待電子提示器響起才到取餐區提取食物，有點Cyber快餐的味道。筆者們點了芝士焗釀波士頓龍蝦配龍蝦汁燴意粉及素牛肉漢堡 · 炸薯條。芝士焗釀波士頓龍蝦配龍蝦汁燴意粉，半邊波士頓龍蝦上碟，中間釀了以龍蝦拆肉拌入洋蔥煙肉的餡料，淋上醬汁鋪上芝士後焗至金黃

剛好是晚睇戲，發現這間餐廳，正好醫肚，而且由於正在試業期間，應該未有人發現，因此食客相對較少，加上其隱於主題樂園內，令人較難發現環境十分大，坐得舒適，而且裝潢繽紛，看到不其然開心雖然外面還有餐牌介紹食物，但感覺還是不太令人察覺見其主打波士頓龍蝦套餐，即點了芝士焗釀波士頓龍蝦(半隻)配龍蝦汁燴意粉套餐HKD98跟汽水及是日餐湯，又幾抵食喎不到100元再有88折賣相討好，份量絕對夠飽餐湯係雜菜羅宋湯雜菜好多好豐富湯夠濃，又唔會過酸，不錯到主角，雖然平民化，但賣相好好，份量亦夠味道完全充滿龍蝦汁的味道，但略嫌龍蝦肉不夠肥美，但芝士味卻令其更香更好吃，焗得金黃，好吸引意粉唔會過腍，味道好好整體來說，以這個價錢來說，算是不錯，而且試業期間再有88折，幾吸引，不用90元就食到個豐富套餐!

睇完戲肚子好餓，同朋友去搵野食途中無意地發現到一間動漫餐廳！餐廳隱身在一個動漫精品樂園的盡頭！裝潢具有風格，環境亦算闊落舒適，算是一個聊天的好地方！餐廳食物選擇大路，價錢相對較經濟合理。素牛肉漢堡配炸薯條 - 漢堡份量適中！麵包食落鬆軟不會太乾踭踭，牛肉留有甚多肉汁，肉味甚濃肉質亦尚算滑溜～蕃茄及菠蘿片味道呈現酸及微甜，互相衝擊下可以解到食肉的滯感！炸薯條粗身，所以食落口感豐富不太油膩，薯味亦較重！芝士焗釀波士頓龍蝦(半隻)配龍蝦汁燴意粉 -意粉煮得合時宜，食落剛剛好不會太軟太硬，煙韌彈牙！龍蝦雖然得半隻，但睇落依然有氣勢！芝士香氣甚濃，龍蝦肉份量雖不算多，但食落嫩中帶甜。洋甘菊柑橘 - 茶味濃郁，散發著洋甘菊的香氣及柑橘的酸甜味道～飲落清新舒喉，熱熱的可以暖一暖身子～

好耐都無去九龍灣個MegaBox行下喇😬原來入面都開多咗好多唔同種類嘅店舖，呢間可以又玩又食嘅動漫樂園及主題餐廳😈門口位置有一大堆動漫跟卡通物品買，行入少少有好多部遊戲機🎰牆上仲有好多動漫卡通圖畫添🃏玩耐咗仲有間主題cafe食下嘢<芝士焗釀波士頓龍蝦(半隻)配龍蝦汁燴意粉> 🍝$98龍蝦已預先拆肉再加上豬肉、火腿等配料釀回龍蝦殼內，再加上芝士一起焗🧀而龍蝦仲連接大鉗，焗釀嘅龍蝦肉食落未算特別爽彈，但味道都幾濃郁👅而意粉用上蝦蝦汁去燴，不過過腍了一丁點😅反而個餐湯幾好飲

同朋友在MegaBox行街後,到 Comic Park & Cafe 食晚飯, 選擇這店原因朋友的六歲囡囡想來這店食 。 進入店內有,沿途有遊戲機及購物區,好岩大小朋友來玩。 走到最盡是餐廳。 餐廳牆壁上有不同卡通圖案, 非常吸晴, 好有兒童天地。有張餐台,可供朋友們一面玩遊戲一面食野呢! 因是快餐店形式, 要到出外俾$買餐先,附機通知有餐出外到取。* **【芝士焗釀波士頓龍蝦(半隻)配龍蝦汁焗意粉】 套餐價$98 是日湯是龍蝦湯,湯是濃稠, 帶有少鹹鹹地,也有濃龍蝦味。 波士頓龍蝦不算太彈牙,但配上芝士,令口感更creamy 。 意粉口感還可以, 掛滿微鹹的龍蝦汁與湯味道錯不多,只係比湯杰少少。

和酷愛動漫的你來到ＭＥＧＡＢＯＸ不到１００元的晚餐竟有龍蝦品嚐你點了芝士焗波士頓龍蝦配龍蝦汁燴意粉芝士味道適中與肉質融和得宜尤以蝦頭膏最美味濃郁香滑而鮮甜相比之下龍蝦汁鮮味略顯不足但仍是高質數的龍蝦晚餐我點了墨西哥汁焗雞排飯墨西哥汁帶微辛和蕃茄味道十分相襯雞排肉質幼嫩是一個很美味的港式焗飯套餐配上粟米湯童年回憶頓是湧現離開的時候還發現了兩張內置平版電腦的二人枱呢

今日往comic park & café食香橙油醋汁咸牛肉田園沙律, 沙律跟餐附送餐湯和汽水。香橙油醋汁咸牛肉田園沙律份量十足,橙好鮮甜, 咸牛肉大大塊, 好腍, 黑醋汁配上沙律菜和車厘茄, 整份酸酸味道好開胃, 好味道。餐湯是粟米湯, 好濃香粟米味, 湯夠熱和足料, 份量十足, 好美味；最後汽水是紙杯裝, 略嫌不夠氣, 只有糖水味的汽水, 如果改枝裝或罐裝會好些。餐廳座位舒適,食物質素不俗, 好適合一家大小聚會的地方。

今日放半日假，去咗body check，好肚餓呀，朝早食咗個包，空肚六個鐘就0k。body check完咗就食咗少少野，之後同男友去咗九龍灣行吓。行下行下，見到呢間Comic Park & Cafe之前都無見過，見得意就入去睇下。原來有賣野食而且仲有做晚市。咸蛋超人呀，好少地方見到有。男友都影咗相俾佢朋友睇，話佢係咸蛋超人粉絲。除左有野買，原來仲有野玩㗎。夾公仔機都有幾款呀。仲有其他遊戲玩，大人細佬都啱玩，會玩到唔捨得走㗎。玩咗輪，好開心呀，所有唔開心既野都唔記得啦。男友見我咁開心就話試埋佢地間cafe。芝士焗釀波士頓龍蝦（半隻）配龍蝦汁繪意粉 （餐價$98）真係無睇錯，半隻龍蝦呢個價錢都好大隻，焗到金黃色，香濃美味，意粉更充滿龍蝦鮮甜味。芝士三文魚Pizza （$88）好大塊呀，好cheese 好creamy ，仲有車厘茄、火箭菜同波蘿，口感豐富。仲有甜品㗎，但係太飽食唔到，唯有下次再去先食啦。我地加錢轉飲熱檸茶，又幾好飲。

有日放工陪老友到MegaBox，買家庭用品，購買完畢，有點肚仔餓，便到處覓食。發現了一間好有創意有WiFi的主題餐廳 –【Comic Park & Cafe】。 【Comic Park & Cafe】集動漫、樂園及主題餐廳於一身。進入餐廳，環境超大，佔地7,000呎，沿途見到不同的大型遊戲機。可讓我們未食飯，先玩樂。 餐廳座位分多個區域，包括樂園入口的座位區。 以及餐廳內用上不同動漫作背景的座位區。 當中有些枱更設置「電子遊戲」，讓大家進食時都可增添娛樂。很有創意及特別。 初時以為餐廳只會提供簡單小食，怎料竟有多款高級食物提供，包括限量供應的【波士頓龍蝦系列】，而且分單點或套餐，任君選擇。 此外，亦有晚市精選，跟餐可奉送湯及汽水。 到櫃位叫餐時，會收到一個取餐提示器，當閃燈時，便可到「取餐區」領取食物。 我們先叫了【西西里煙鴨胸Pizza】連精選湯及可樂 (HKD72) Pizza既薄身，又脆口，鴨胸味香有咬口，小蕃茄又甜又多汁，整體都不錯。忌廉湯熱辣辣，濃度適中。 另叫了【芝士焗龍蝦 配 龍蝦汁意粉】連精選湯及可樂 (HKD98) 龍蝦大大隻，蝦身釀了芝士、龍蝦肉及其他配料，味道鮮甜

上次黎Mega Box行街已經係兩年前嘅事，今日舊地重遊，發現有唔少新嘅店舖同食肆。行到九樓，仲發現咗呢間動漫遊樂園兼主題餐廳Comic Park Café，即時令我諗起細個成日叫屋企人換金幣俾我遊樂園嘅遊戲。依家嘅我，雖然唔會再玩呢d遊戲，但仍可以去主題餐廳坐一坐，叫返d野食，回味兒時回憶！主題餐廳入口位嘅企牌，寫上八款精選晚餐，每款晚餐都配埋飲品同餐湯，價錢都係幾十蚊，對比商場其他食肆真係算抵食！呢間餐廳嘅點餐模式同一般Café唔同，要先到檯面排隊點餐俾錢，由於食物係即叫即製，所以侍應會俾一個黑色提示取餐電子器我哋，叫我哋自己搵個靚位坐低先。餐廳大部分座位都係梳化櫈，好舒服！而牆身就佈滿動漫卡通人物，令人罝身動漫時空中，可以忘記一下工作嘅煩惱。我同朋友傾咗一陣計，取餐電子器就響喇！原來可以拎飲品了！朋友叫咗蘋果汁，我就叫咗生薑茶。生薑茶嘅賣相好grand，用木盤托著，透明嘅茶壺內放咗一個茶包，當茶包浸泡幾分鐘後，茶色就出來，呈金黃色，飲入口有淡淡嘅薑味，最啱秋冬飲。再等多一陣，侍應就主動拎兩份晚餐過黎。晚餐分別係﹕芝士焗龍蝦配龍蝦汁意粉 & 芝士煙三文魚Pizza。先講龍蝦，上菜時

觀塘區食飯越來越貴, 但其實行遠少少去MEGA BOX入面都有好多餐廳選擇, 今次來到呢間餐廳覺得好啱小朋友去之外, 食物仲好抵添, 龍蝦包單點$48就食到, 就算點成個龍蝦意粉套餐都係$98, 好抵呢!! 餐廳以動漫卡通為主題, 牆上全部都係大大隻卡通圖案, 非常可愛. 餐廳自己點餐自己拎既形式, DINNER SET全部幾十蚊有主菜、餐湯及飲品, 我地點左CARBONARA, 上面有隻溫泉蛋, 撈埋意粉一齊食, 蛋香滿滿, 忌廉汁好CREAMY, 味道唔會太咸好啱小朋友食。 主角龍蝦意粉來啦~ 半隻芝士焗龍蝦配意粉, 一上枱己經好香芝士味, 同埋份量一D都唔少, 龍蝦原來己經拆肉再配埋洋蔥及其他配料一齊焗, 食落口有多重口感。 講明親子餐廳小朋友HIGH CHAIR及餐具小不少。哈~小朋友見一樣愛一樣, 見到龍蝦意粉後己經將忌廉意粉放埋一邊了, 我個人覺得意粉熟左少少, 但如果比小朋友食煮淋少少又好正確呢^^ 餐廳最大賣點係有小朋友玩樂區, 呢個騎馬區小周董玩得不知幾開心. 另外仲有好多遊戲比小朋友玩餐飽 (需自費再買遊戲咭) 唔夠喉仲有好多玩具精品什至TEE都可以買回家 (爸爸們

情繫九龍灣呢個地方, 特別鐘意假日黎行MEGABOX, 避開人多擁擠既地方, 悠閒地行下家品店。行行下肚餓, 想搵野食之際就被呢隻粉紅小馬(!?)所吸引。原來呢到係一個連同遊樂埸既餐廳, 用餐位置用左好多日本卡通做牆身裝飾, 好歡樂。係收銀處落完單, 就收到呢個喼喼機, 野食整好, 個機就會嚮, 然後就可以出去囉野食。芝士煙三文魚PIZZA $88餐既價錢包左餐湯及汽水, 加$6就可以轉飲咖啡。原本唸住呢個價錢, 仲包甘多野, PIZZA一定唔會太大。誰不知個餅大過我塊面。而且切成八塊, 每塊上面都有大量芝士同煙三文魚。另外仲有我鐘意既火煎菜同焗車厘茄, 呢個配搭安全但百吃不厭。批底夠簿同脆, 鮮茄醬酸甜醒胃,芝士係半溶狀態下帶點煙韌, 仲有超多汁既車厘茄。我同朋友食左一大半已經有點飽。芝士焗釀波士頓龍蝦(半隻) 配龍蝦汁燴意粉餐 $98估唔到係MEGABOX既LUNCH會食到龍蝦。更加估唔到成個龍蝦餐竟然唔洗一百蚊!半隻龍蝦焗得金黃焦香, 旁邊既意粉仲係非常濃稠, 每條都掛滿醬汁。龍蝦蝦肉輕易就能原條拆出, 肉質爽口, 味道香得黎帶微甜。不過肉既量唔多, 幸好半隻龍蝦入面, 除左蝦肉

今日放假同靚媽黎到呢度既宜家傢俬睇野, 順便行下街.. 行到呢度見過呢度有間新開既餐廳? 試業中... 而且裝修好又主題氣氛, 係呢度食飯幾得意, 而且媽媽對呢度既龍蝦餐好有興趣, 所以就入左黎食晚飯😄呢度每一個牆壁都好有特色✨ 幾靚幾特別, 唔錯呢度既價錢都算幾平, 龍蝦餐都唔使$100 幾抵👍🏻西西里鴨胸Pizza🍕 $72鴨胸肉Pizza, 因為需時製作, 大概等左15分鐘Pizza上枱熱辣辣, 除左有濃濃芝士外仲有千島醬汁做base, 食落唔會太乾, 鴨胸唔會因為焗烤關係而變得太韌, 鴨胸肉, 芝士同千島醬配搭一齊食落好夾! 芝士焗釀波士頓龍蝦 & 龍蝦汁燴意粉 $98波士頓龍賣相真係好吸引😍❤️龍蝦肉配合洋蔥煙肉mix 埋一齊, 再加上配有芝士烤焗, 令到增加左原有層次感, 龍蝦肉好彈牙, 好香好好食😋👍🏻因龍蝦肉味道偏濃, 令意粉略為遜色左少少, 如果意粉味道再濃味dd會更好😆😆😆另外多咗一件特濃朱古力蛋糕, 朱古力味濃郁而不過甜, 味道都唔算😊總體而言野食都唔錯, 價錢平而有驚喜! 但因為九龍灣mega box 嘅位置都比較偏僻, 平日晚上時間呢個商場都唔算十分之多人, 而

由於聖誕將至，又係時候要為家居添置裝飾品的緣故，今日來了有IKEA坐鎮的megabox，平時真的很少會踏足這個位於九龍灣的大型商埸。這個商場給我的感覺是: 有一個溜冰場，有很多婚宴專門!店，有一個大形戲院imax，有一間IKEA....沒有了感覺在未有小朋友前也不會太「經常」踏足這裡。今次難得來到，當然要很切底地參觀一下啦，走著走著，便發現了這間動漫主題餐廳了！餐廳位於商場的9樓，在餐廳的外面是一個很飲冒險樂園的遊戲樂園，但穿過樂園便發現這間餐廳了。看見這些遊戲機，相信大家也不會陌生，童年時也喜歡玩這些遊戲，夾一下公仔，推一下糖果，射一下籃球，簡簡單單便過了愉快的一天，在往時手機還沒有這麼流行，朋友間也會相約出來一起玩，不像現時只能憑著手機的螢幕去知道對方的近況。餐廳算是幾大的，而且十分清潔整齊，在圓枱，有方桌，有梳化，也有普通坐椅。而在牆身則布滿了不同的卡通片，和動漫，感覺自己的童真也慢慢浮現了出來。再細看餐牌，可點選了套餐也確實不少，有沙律，有意粉，也有飯，而價錢也不貴，大約$62-$88，而另外更有一個龍蝦套餐，價錢也只需$98，而且現時餐廳是試業期間，除了龍蝦餐外，其他套餐也可

嘩！今次朋友帶我去了MegaBox搵食！間餐廳好特別，出面望入去成個遊樂場，又有玩具賣，但行入去居然有個地方可以有飯吃！朋友知道我喜歡咸蛋超人，餐廳內亦擺放了不少超人玩具！當然食飯區同遊樂場係分開的！當然食物質素都好緊要，望吓餐牌，有晚餐，兩個人分別收了香煎牛仔骨配黑椒汁跟飯$88，都好大碟，飯身軟熟，最緊要係個黑椒汁唔係好辣，加埋塊肥美嘅牛仔骨，確實不錯！邊吃時，看見出面有人玩遊戲，餐廳設計得好，提供一個休息區，玩累了可以入來補充一吓！朋友就點了另一個推介芝士焗釀波士頓龍蝦（半隻）配龍蝦汁燴意粉$98，試了少少味道都唔錯，廚師已將龍蝦肉先從蝦殼取出，混埋其他配料釀回殼內，再以芝士蓋上再焗，芝士入口煙韌，龍蝦肉爽口彈牙，而意大利粉亦好彈牙煙韌！位置雖然不太就腳，但有接駁巴士，加埋個商場大，其實好好行！而餐廳都好大，又有得玩，有得吃，大人小朋友或一家大小都好適合！