勝利小廚 (已結業)

8/4(六) 3pm呢幾日公司有function系City Garden Hotel搞.下晏約左男友食lunch.其實之前男友試過勝利道果間已不討好,但自己始終想親身一試!如男友所講"罷鬼!"叫左個海南雞飯$38跟湯,先講雞,全無雞味,份量少極!黃油飯味道似白飯加油,得個油字,飯粒爛爛咁!湯系南瓜蘿蔔豬骨湯,都可稱得上系老火靚湯既!另外叫左個泰式魚肚羹$40,除左多左魚肚及豬紅外,同碗仔翅無分別!而且仲要稀到似水咁.$40一細煲我地亦無意欲再食!blacklisted!

聽屋企人講話佢地海南雞好正,今晚由西環坐的士過去食.地方唔大,但幾光猛,員工個個有笑容,都幾好生意等左幾分鐘. 原來唔止食雞咁簡單,中式小菜都有齊,海鮮都有但種類唔多, 係入門口見到有的好巨形大蜆及桶蠔.跟住我地叫左半隻無骨雞,豉汁炒大蜆,炸蝦餅,滷水豬脾及四碗雞油飯, 四杯青檸梳打水.總結,食品好味,雞有雞味又幫你起骨.豬脾汁好正,蝦餅好過九龍城Thai Food, 炒蜆夠肥.值得一試. Thank You.

見報紙2R介紹,同班Friends一齊去試.地方唔算大,服務幾好,我地叫左2R介紹-魚湯金菇浸大蜆,有沙,但湯味夠,蜆夠大隻.半隻有骨雞-有雞味,最正碟雞汁.鐵板蠔仔-幾有蠔味,係曼谷我都食過,豉油王大蝦-正,好味夠大隻.油飯夠香.O.K.下次再食過.

見大家寫到咁好食﹐同男友黎試呢度既海南雞飯。但講真真係幾失望。由於唔係太肚餓﹐我地叫左海南雞飯套餐﹐一個薑蔥生蠔煲﹐再加一碗油飯。0個個時候餐廳都幾滿﹐真係等左好耐先上菜。不過我地發現如果叫既係全隻/半隻上既海南雞而唔係套餐﹐就幾乎係即刻上﹐有點兒大細超。個油飯真係無得彈﹐就咁已經好香好好食﹐比好時沙爹既油飯更出色。但係其他野真係可以算差﹗D雞一D都唔滑﹐同「好食」沾不上邊﹐分分鐘連美心快餐D白切雞都滑過佢。個生蠔煲食落係幾惹味既﹐但番到屋企我同我男友都肚屙﹐衛生好有問題。結論係絕對唔會再黎。早知去試阿鴻好過。

好耐無黎，今次第二次黎，18/1晚九點，兩個人係銅鑼灣唱完K黎左呢度開餐。叫左海南雞例牌要脾、果仁蜜糖豆帶子蝦仁，白飯一個，油飯兩個。佢D雞幾好食，不過分量唔多，僅僅夠食，我覺得除左雞外，佢D小菜幾貴，唔抵食，如果唔係食雞，就唔會黎食其他小菜啦，不如去新和富。不過佢D雞係幾好食。呢排食左好多好野，好開心，多謝你。

之前我老豆食過佢地海南雞,話叫我試,咁我同女友一齊去食晚飯.到步后服務員好客氣,接著介紹佢地主打小菜,原來佢地並非主力買海南雞,咁我地叫左海南雞飯套餐,炒蜆,茄汁大蝦. 雞肉好滑,飯有香味,蜆大肉厚,蝦好香.抵食,下次再試其它小菜.

太過份!我唔係話此店的海南雞飯,而係所有讚過此店此飯店的食家們!!!(sorry,對不起,但真的有點氣，也十分感嘆!!)一樣食品何謂有水準?不諳廚藝的可以用最簡單的色、香、味、質來判辦。當然講究點就要連材料的出處(原產地)也要有認識才知道自己有否把玻璃杯以為係水晶杯。現在正式講此店的海南雞飯:"飯" - 色太黃;唔香,唔熱,不是雞油飯!這己經不能給合格了!!!"雞" - 唔滑，肉泛粉紅代表用雪雞所以沒有雞味，皮與肉分得很開。肉質一點也不滑，一點也不juicy。大家應為雞不滑才好味？"汁" - 算比較正宗，有辣蒜酸汁，但鼓油較甜，加上d雞得個咸字，配酸汁還可以，配鼓油不倫不類。"湯" - 正宗的是老火菜乾湯。故不給我清菜湯，也不應給例湯。算你屬泰式海南雞也好，星式海南雞也好，都不應給例湯。吃是件很個人事。各人自有各人的感覺。但總不能把一點也不滑的雞飯說成是好吃的海南雞飯。如大家覺得我太過份，請試試尖沙咀的太平館或天后的廚師!後語: 近年HK經濟好番D,是值得開心的事!!但係人都係居安思危好Ｄ,所謂不進則退,不應浪費寶貴生命。(I dont know why I what to share

本來去鴻記, 老公唔肯, 改去勝利, 好彩, 老公喜歡吃海南雞飯得很, 大讚, 雞有雞味, 醬汁好, 飯有雞油香, 一個字, 好!蟹肉蛋白炒帶子, 一般, 都係上海既賽'旁'蟹有口感...侍應有禮, 會再幫襯!

幾個大食怪緊車餓餓地, 其一提議去北角勝利小廚一試,本來不很情願,因領教過佢地正店的作風,但一時別無它選祇好一試.到達門口,店員很客氣地問先生幾位,接便推介炒大蜆及美國桶蠔,最后我地order左半隻無骨雞,豉汁炒大蜆,薑生蠔,泰式肉碎炒飯. 雞肉很滑,炒飯夠味,至於炒大蜆可接受,而薑蠔一個字形容"掂". 直得推介.

昨天悶悶地, 不想吃住家飯, 就瀏覽Openrice, 選了阿鴻小吃或這間食肆, 最後敲定了勝利小廚。坐下來看到牆上有很多傳媒的介紹文章, 有我喜歡的阿So (蘇絲黃), 蔡瀾, 最特別的有2R 給勝行小廚的簽名唱片Poster, 另有一篇報導關於2R 靠海南雞飯一解思鄉之情(好似是星加坡) , 都幾誇張呀!言歸正傳, 點菜! 當然點了主打的海南雞飯餐, 一上檯, 又不像網友所說的雞少飯多, 雞都有10 多件, 伴有酸辣汁及甜豉油, 雞很香很嫩口, 連雞皮也很入味, 連本來怕肥不吃皮的駙馬也忍不住吃了大部份的雞皮呢! 飯就O.K. 啦, 帶點黃油飯的香味, 最好是不肥膩啊!除了海南雞飯外, 另外點了西檸蜜桃骨, 酸酸甜甜很好味啊, 難得的是豬扒肉很鬆軟, 汁的粉量剛剛好, 可見廚師的功力, 真係幾好味呀!還叫了馬拉盞炒通菜及喝了例湯(椒鹽豬肉豬肚湯), 很驚喜的是前者不會太咸, 後者真材實料, 沒有加味精!看看鄰桌叫了不同的小菜, 如茄汁蝦, 扒豆苗, 又打包, 應該小菜也不錯吧! 最後兩個人埋單, 只是109 大洋, 已吃得捧腹了! 出門後駙馬仍懷念著海南雞飯, 再看一看貼在門外的

"海南雞飯套餐，啲飯太多，啲雞太少．．．．如果雞可以多啲就真係超值啦" but I think the chicken's amount is quite enough too, the sauce is nice , $38 is quite nice with soup however, they are not so 滑as 好時I ordered 蜆and 斑球, both are not good. I think their thai dishes would be better

海南雞飯最出名，好好味，啲飯好香，真係黃油飯，啲雞去哂骨，好方便女仔食．．．啲點海南雞既汁好夠味，由其係辣嗰隻，夠香．．．．但係我覺得海南雞飯套餐，啲飯太多，啲雞太少．．．．如果雞可以多啲就真係超值啦

個FD提議去試吓,一坐低就急不及待點左以下2個菜餚.海南雞飯套餐-D雞OK,再滑D就更加好,油雞飯好香,配合醬油一齊吃,正...西檬蜜桃骨-D豬扖好軟熟,一D都唔硬,汁調較到岩岩好.好食到停唔到口.地方唔算大,勝在味道唔錯,價錢合理,下次再試.

原本想諗住去阿鴻小吃，可惜星期一休息；於是試下隔離幾間勝利小。叫左海南雞飯（＄３８）同清炒芥蘭（＄２８），另外將個湯轉做青檸梳打（要加＄７）。海南雞整得幾嫩滑、幾有雞味，就咁食唔點任何醬料都已經ＯＫ。跟雞飯有一碟酸汁同豉油俾你點，但係酸汁味道太濃烈，掩蓋左雞本身味，唔係太好；反而Ｄ豉油更能引發出雞鮮味，有錦上添花作用。油飯味道都算唔錯，有雞油香味得唔算太油膩。芥蘭炒得都幾好，爽口又帶有淡淡燒酒味，可見個師炒野功夫都唔錯。青檸梳打就無乜特別，印象唔深。

專攻泰式海南雞，個餐卅幾蚊，有飯，湯或飲品(以前係湯&飲品，變相加價)。碟飯都幾大，d雞好滑，有雞味，醬汁都好惹味，又有野飲(熱奶茶唔錯)。另外，個豬脾飯都幾特別，有d似中式的梅菜扣肉，不過幾肥膩。