勝利牛丸 @Freshlane (城市中心) (已結業)

元朗冇人吾識嘅「勝利牛丸」，我係由細食到大。搬咗出九龍住之後，每逢入元朗，一有機會就會食番碗。佢嘅牛係專嘅，因為佢一直以來堅持獨孤一味只做牛，係吖～只有牛丸、牛腩同牛筋。今次真係開心大發現，最近比我見到「勝利牛丸」原來已經進駐北角 Freshlane 外賣店。以後想食「勝利牛丸」吾使山長水遠入元朗了。今日試咗佢嘅雙丸河，就係牛丸同丸筋丸，原來牛筋丸元朗堂食店都未有供應。佢嘅牛丸真係特別彈牙，而且咬落有豐富肉汁。牛丸較爽滑彈牙，牛筋丸就較實肉少少，較有咬口。兩者各有特色，兩隻我都鍾意。除了主角牛丸正，湯底至為重要。店長話我知，咪睇佢碗湯好似好淡色，其實每碗麵嘅湯底都係沿用番打牛丸時嘅湯，難怪試咗啖湯真係又甜又原汁原味。勝利九牛另一不可少嘅就係加冬菜。係吖 ～ 吾好睇少呢喲吾起眼嘅冬菜，本人覺得係呢碗河粉嘅精粹。除了冬菜，店長亦主動跟埋自家製辣椒油，老老實實佢嘅辣椒油真係夠香辣，一碗原汁原味嘅勝利牛丸河，真係連湯都清曬，試過你一定會食過返尋味。