勝手丼

營業中

休息中

可自己選喜愛的食材，亦可選預先包裝的便當。自選可要醋飯或沙律菜配不同的醬汁，而飯可加葱、紫菜、芝麻，隨你鍾意。帶子$8，新鮮刺身類，雖不是很大隻，可仍食到有帶子鮮甜味厚切三文魚腩，$12件，算笨大塊，仲有成半吋厚，新鮮度是入口𡁻兩下便溶化了。蒲燒原條海鰻$20，超過半呎長，唔太厚肉，塗上鰻魚汁後仍很juice。選了3款較貴的配料，為咗平行吓價錢又想吃多幾種食材，所以click 了玉子和蟹柳$4/件。呢處是在一田超市之內的，除買走外，附近亦設有枱椅給各食店食客共用的。如非必要，刺身飯也是盡快吃為佳，故多是坐低即時享用的。近期由於超市做優惠，連帶此店亦有丼做特價，$69.8 有大大隻赤蝦和海膽等，都十分抵食。

約閨蜜行街，去到觀塘佢想去呢度食晚餐，一個小food court，買好食物去店舖中央嘅座位食！呢間做刺身飯，特別在可以自選刺身！豐儉由人！刺身種類幾多！放晒雪櫃比客人睇！新唔新鮮都睇晒！落單比錢後，店員姨姨照單執藥！執好就取丼！我叫了：小盛飯（$10/160克）飯有份量選擇唔會浪費，客人又可以慳錢有頭甜蝦（$9）蝦肉爽！幾新鮮！免治吞拿（$9）一小團粉紅色幾靚，肥美嫩滑三文魚子（$9）新鮮度ok(唔係最靚嘅脹卜卜寶石樣）鹹香唔腥！赤貝（$9）顏色靚，赤貝爽脆有咬口，新鮮唔腥（赤貝一唔新鮮就腥得好緊要）三文魚（$6）比較薄，好在油脂線幾粗，嫩滑唔腥！帶子（$6）淋身嫩滑，新鮮唔腥免費Topping:紫菜絲（已售罄）蔥：喜歡呢種幼身蔥，爽嫩香味清新！芝麻：香口好味什錦壽司（$56）朋友食刺身丼用即棄碗，包裝企理，打開色彩繽紛賣相幾靚，整體因刺身水準平均都幾好！幾好味！店員姨姨爽手，盡力擺靚啲刺身！執好出菜好快！一啲都唔失禮座位乾淨企理！定時有姨姨推車仔收拾，食客們食完都會攞去車仔掉垃圾

見網上評價都ok，價錢又好似好抵，今日就果斷去左一田試試！揀左最愛既三文魚籽數份同燒三文魚，一打開碗丼見到塊三文燒到差唔多Welldone表示傷心，咁就浪費左片三文魚。而三文魚籽係無乜味的，唔甜唔鮮仲叫左咁多份...成個丼就係得自己落既豉油同wasabi味，可以用”唔知食緊咩”去形容，不過價錢咁平不能怪他。

今晚阿媽約左班朋友出去威唔煮飯當賣甩我依個寶貝女得我一丁友 又唔想親自下廚（其實係懶，有點出汁）-放工去一田買d 乾糧,見到壽司個樣又靚又誘惑一於今晚就食佢啦三文魚腩飯 係 女人的浪漫勝手丼都幾多人幫襯可以自助選擇食材自己話事既雜錦魚生飯係賣點即叫即整每款刺身個樣都可以透個玻璃櫃望左先-我係三文魚腩控叫左5 片片片又新鮮、又厚切又肥美岩哂我口味帶子同玉子蛋都唔錯帶子細細粒鮮甜爽口玉子唔算厚切，不過都甜-壽司飯有蔥、芝麻及海苔正🤤

再黎食, 因為實在太方便.基本上唔使等但食到唔太差既魚生飯今次揀左大蝦, 帶子, 墨魚, 三文魚腩, 蟹棒, 蝦子. 我食過2次大蝦都布腥腥地既感覺, 我諗下次未必會選擇大蝦, 帶子今次無咁腥, 可能每次貨源都唔同, 所以有影響. 墨魚仍然好正, 蝦子提升哂醋飯口感. 下次再食過~

自己自問都鍾意食魚生，所以都會留意下邊到有抵食魚生。咁岩有次行過apm 一田見到有得自選魚生，所有魚生放係眼前，可以睇到新唔新鮮。見到都超過20款魚生，自由組合～我更加鍾意哩種，因為可以自己揀鍾意食既，唔怕出面既魚生飯有自己唔like.飯就有大同細之分，可按食量選擇。 今次我揀左帶子，三文魚魚腩，墨魚，北寄貝同大蝦。我覺得大蝦同帶子有點腥，唔鍾意。有驚喜係墨魚，好膠口但最正既係加埋＄3既蟹子，令成個飯唔會太單調。由於店舖沒有座位提供，所以大家要去由一田提供既飲食區坐底食，眼見位唔算多但至少唔使等位，因為好多人都係食完就走～總括，下次都會黎食，因為好方便。

同朋友去觀塘apm行街， 朋友提議去許留山食甜品，不過許留山好多人又冇位坐，咁我哋就去一田超市行下。一田超市裏面都係好多人，發覺原來有攤位有嘢食，其中我睇啱勝手丼呢間可以先揀飯底，有小盛飯、大盛飯， 我唔係好肚餓，就揀咗個小盛飯 $10的。揀佐飯底之後，就可以喺雪櫃嗰度揀自己心水 食物嚟配合飯嚟食，唔同種類嘅食物收唔同價錢，要幾多亦都係隨自己鍾意，總之就係自己揀料自己食。我就揀咗，明太子、三文魚腩、大拖羅、元貝，我覺得啲魚生食物都幾新鮮， 食落都幾有鮮味，由其是用明太子呢撈飯係好正，隨自己心意揀嘅食物一定啱自己口味，都幾好味。

觀塘是我經常出沒的地方，APM更是我常常留下腳毛之地。今日第一次黎到一田食呢間刺生飯。佢點餐形式係自助的，自己拎表格，自己選食物，自己去埋單。因為我本人對魚生冇特別既偏好，所以就選左好多冷藏食品。玉子、蟹棒、紫菜其實個味道都冇咩懸念，呢層唔需要多解釋，但三文魚子真係不得不提。因為佢呢度一份個量雖然唔多，但佢好鮮美，完全唔腥，配合埋個飯食真係一流。另外，其實佢有不同既刺身選的，喜歡魚生既朋友可以黎試試。提提呢度既店員好快手，交左單後唔洗三分鐘就有得食！

行開觀塘一田見到個自選魚生飯馬上心動想試，見到個玻璃蝦真係心心眼都出埋黎，作為明太子fans梗係嗌黎餸飯。其實其他魚生都好吸引，不過我係蝦狂熱者就嗌多幾個，好味夠新鮮，以依個價錢認真唔錯🤤🤤

魚生飯呢樣嘢，平同貴都食得唔少。成日路過 apm 一田，今日終於有機會試『勝手丼』呢個『車仔魚生飯』。紙上面寫住有得揀大碗飯或者細碗飯，飯量就算揀大碗飯都唔係好夠，大食嘅男仔真係可以食兩碗。午餐唔想太過花錢，所以只揀了三文魚腩x2 帶子x2 玉子 北寄貝 醋鯖魚 三文魚子。三文魚腩同帶子都好新鮮，好好味，加埋三文魚子送飯係 Perfect（所以我嫌個飯份量唔夠）。下次再嚟『勝手丼』時，一定要食豪啲，叫多啲魚生先 。

好似食#車仔麵 咁，有張紙比你剔想食咩野，感覺幾新鮮，對我黎講係新屎坑點都要試下飯有2款， 大15蚊，細10蚊，膠盒收左你3蚊，我選了細，如果有下次，我會選大因為盒細真係好x少。。。填紙仔時係填數字數字代表佢比幾多塊你或者幾多份你（魚子，海膽）價錢係，3（玉子，etc），6（三文魚，etc），9蚊（三文魚腩，etc）價錢吾算好親民就咁睇個件價覺得幾平但要成為一盒似樣魚生飯都要60up當日選了#三文魚，#三文魚腩，#三文魚子，（有人叫這個組合做親子丼，其實我覺得好x恐怖）仲有墨魚，帶子，煙燻鯖魚，醋味鯖魚味道方面，不過不失，三文魚腩真係好漏魚子真係好咸（這也是我後悔選了細飯的原因）回頭率：假如我果日好想食魚生飯。。又咁岩行過一田

晚上做完運動，一心黎一田睇下有咩野食買返屋企食一黎到就比佢既自選刺身飯吸引平時食刺身飯梗有一兩樣唔岩食，所以我都好少食，不過呢度有廿幾樣野比你揀，可以揀自己鐘意食既今次揀左最愛的帶子，蟹棒，三文魚腩，鱆紅魚，甜蝦最贊既係個三文魚腩，好肥美；鱆紅魚新鮮，係睇到魚既光澤！帶子同甜蝦都好甜我今次叫左個細飯，一向細食既我都覺得唔飽，我諗下次要叫大飯同叫多幾個餸

之前聽人地講DOxxxA d自選魚生飯好正 上次我去試用左2百幾蚊既價錢食左d少臭既海膽 偏酸既吞拿中腩 就真係吾係好值得😒吾知點解呢排好想食壽司刺身果類🐟 公司都搬左去觀塘1段時間 我竟然而家先試到一田入面間自選魚生飯 價錢我覺得還可以 (真正好食既野 我又吾介意比多少少錢既😛)有得拎剔剔紙落單,揀左飯先有大15$有細10$再揀魚生最後揀免費配料(紫菜,芝麻...)我叫左海膽1份2片(33$)必食,三文魚腩1片(9$),帶子1片($6),甜蛋($3),三文魚子(9$),細飯(10$),明太子(9$)😍老實講香港地要食到吾臭既海膽真係要去d貴價地方食,無諗過一田入面食到既竟然一d都吾臭 仲好鮮甜 真係好好食😋三文魚腩對我黎講太肥太油,不過甜鍾意食肥d既人一定會鍾意😂其他魚生都好正夠凍夠鮮 吾腥吾臭 佢切好哂放係雪櫃 清楚比人見到新吾新鮮同個份量 吾會比人呃😊 呢間係我暫時係香港食過最好食同埋價錢又比較合理既1間 當然啦果d好貴既餐廳例如鮨×....我就未試過既 所以做吾到比較 可能果d食完會好味到識飛😂

魚生飯都食得唔少，但係車仔魚生飯就真係第一次見。只見到張紙上面寫住有得揀大飯細飯，與及下至玉子，上至大拖羅既選擇，真係幾岩我依種鍾意自己話事既人! 揀左兩片海膽，一片中拖羅，三文魚腩，帶子，同兩片八爪魚。飯量唔係好夠，但主要都係食魚生。海膽十分甘香，沒有腥味，好好食! 中拖羅都係入口即融，徒留滿口的肥美脂香。三文魚腩尚可，帶子ok，八爪魚都幾爽同新鮮，不過不失。有得自己揀魚生飯，真係唔錯!

因為在附近返工，有時忍唔住會想食個壽司大餐慰勞吓自己。同事知道我鍾意食日本野，問我有冇食過呢檔喺一田超市入面既檔仔。老實講，經過幾次都唔敢試，第一唔熟悉落單方法，第二唔知道收費標準。腦袋馬上拋出一籃子問題：「好食嗎？」「會貴嗎？」「新鮮嗎？」「會唔覺意越叫越多，難以控制價錢嗎？」同事話唔會，係屬於「豐儉由人」。吓？我心諗，「儉」果種係咪全部都係熟蝦同甜旦呀？哈哈，等我話你知啦！埋到counter，有order紙和筆，好似車仔麵咁，自己圈！原來飯底有＄10 和＄20 選擇！我咁唔鍾意食飯，$10白飯已經足夠！Order紙上面，寫明刺身價目，唔會中伏！再望一望玻璃櫃入邊嘅刺身，全部都靚靚仔仔，是日新鮮之選，一眼就能睇得晒，這也是一般壽司店做唔到嘅地方！講真有時喺餐廳叫咗壽司，上到台先知唔新鮮，都冇辦法。好啦，講下我叫左乜嘢刺身，總共有六樣：連頭赤蝦一隻＄15 , 雜錦海鮮漬（魚生粒粒）＄9 , 明太子＄9，三文魚子＄9，三文魚腩＄9，帶子兩粒＄12。全個飯盒，有數得計，總共＄73。唔平又唔貴，勝在唔使加一服務費，叫到自己中意嘅嘢！注意，每款刺身都係細細份既，但已差不多cover我晒成盒飯了