勝手丼

營業中

休息中

o係觀塘做完野，我地幾個朋友突然好想食刺身飯，朋友就介紹左我地黎呢間餐廳呢度o既刺身丼配料係自己自由配搭的，逐件收費飯量都有分大小2款我叫左個細丼，配料揀左海膽、黑金槍魚大脂、赤蝦、北寄貝、帶子嘩個賣相好靚好靚！十足日本食的一樣海膽好新鮮！好甜！唔會有呷味！金槍魚入口即溶！一食落去真係有好感動的感覺！雖然佢要$30一塊！但係我覺得好值得！物有所值！赤蝦都好鮮甜有好多膏好新鮮好正！另外的帶子&北寄貝雖然無以上的咁出色，但都好有水準！

自由配搭的魚生飯今日星期日，一田非常多人，所以揀左外賣回家！叫左金槍魚，池魚，三文魚腩，帶子，蟹棒，蝦子。。。回到屋企就開飯喇，魚生確實係新鮮的，特別欣賞三文魚腩！食完望返張單，原來俾少左帶子！所以溫馨提示大家，就算幾多人，都要zip入去望住佢執，全部都係d呀姐黎架～

經常行一田都會miss 了這間小小在一角的魚生飯店，直到有一次在FB 看到介紹，今天決定一試。魚生可以自己選擇，飯size 有兩個size 選擇，選了細size 只是$10,但份量也算ok魚生有很多選擇，平至$3,貴至$30 也有，但魚生的份量是一片片計算，有點少買了兩個魚生飯，一百三十多元埋單，但店員阿姐表示$150 用EPS 付款會送三隻大生蝦，所以再多挑幾款魚生。飯有點硬，但魚生都十分新鮮，由其是海膽，很鮮甜！送的大甜蝦，不知道是自己不喜歡那麼大的生蝦或是質感， 很腥！吃了一口覺得很腥！！吃了一隻就掉了

刺身飯相信大家食唔少，但可以自選要咩刺身同要幾多件都可以由你黎定，又試過未呢？埋到去會見到有張紙仔，上面已經寫晒所有刺身幾錢件/份，按自己想食嘅份量寫上去。先揀要大盛飯定小盛飯，再揀配料，再揀埋要唔要紫菜，芝麻，蔥花之後就比得錢配料其實都幾多選擇，有三文魚、三文魚腩、大拖羅、中拖羅、海膽、帶子、池魚、有頭赤蝦、有頭甜蝦、立魚、三文魚籽、飛魚子、明太子、鰻魚、燒海鰻、燒三文魚、章紅魚、赤貝、玉子、北寄貝、八爪魚、墨魚、蟹棒、醋鯖魚等等，選擇真係多過唔少日本餐廳不過睇啲野幾蚊幾蚊，其實揀咗幾樣都已經接近一百蚊，我就要咗海膽、三文魚腩、帶子、三文魚籽同明太子。三文魚腩同海膽都好好食，前者夠脂香，後者甘香。不過明太子都幾鹹下，味道一般。見到有人一碗加咗10幾粒帶子，真係好霸氣！總結，平有平食貴有貴食，不過食得都預咗起碼要$40以上，其實唔算太抵食，不過叫做可以咩都自己揀，一試無妨嘅******************************勝手丼 (觀塘)觀塘觀塘道418號創紀之城五期(apm)地庫一田超級巿場******************************以上消費：$ 87味道：

食魚生飯好似食車仔麵般, 由飯量, 以至餸料, 配菜都可以自己挑選.透徹明亮的玻璃櫥窗, 可以方便客人挑選食材, 看看哪款刺身最新鮮?挑選了小盛飯 ($10), 有160g醋飯, 一般女士已經足夠了!一向有鋪海膽癮, 二話不說揀選海膽, 但價錢絕不便宜, 兩瓣海膽盛惠$33, 為點菜紙上最矜貴之食材.海膽還算新鮮, 口感好像吃冰淇淋般, 入口即溶, 亦無異味, 唯鮮甜度不足.蒲燒帆立貝 ($15), 大大的一顆, 甚有看頭, 帆立貝本身爽脆鮮甜, 加了蒲燒鰻魚汁後, 有點搶去帆立貝本身的原味.三文魚腩 ($9) 點了兩份, 不知為何總共是三件呢?三文魚腩帶些少魚皮, 卻又不會影響食味, 味道還算豐腴甜美, 如果可以切大塊一點就好了!燒海鰻 ($6)食完好似無食過一樣, 仿佛如紙張般薄, 豐腴度亦有所不足.加了海苔絲 (無料), 可以”下飯”, 不怕刺身不夠”送飯”.

一直以為APM只得集團式食肆，重諗住去一田買外賣返屋企食，點知超巿入口直行到尾會有一個小型foodcourt，日式／英式／意式…最後都揀咗自選刺身飯，形式似車仔麵咁，先揀好大定細飯，之後再揀心水材料。當日點咗兩個細飯，飯份量少到連女仔都唔夠，所以建議大家加多$5轉大飯，材料方面揀咗海膽$33(有兩片)／三文魚子$9／赤貝$9／三文魚$6／免治吞拿$9／鰻魚$9，價錢相當抵，但質素方面就好參差，唔係款款都好味架。海膽– 有兩片咁多超抵食，鮮甜無苦澀味，似加大拿海膽質素，後悔無加多份三文魚子– 有少少腥，但送埋飯食就唔覺，份量都算多赤貝– 好鮮唔腥，$9大大片好抵三文魚– 雖然唔係三魚魚腩，但食落都算肥美，有油份免治吞拿魚– 普通吞拿魚貨式，都算OK鰻魚– 完全唔值$9，好乾兼無味，似海鰻多d溫馨提示: 記得click埋order紙最底部既配料 (芝麻／蔥花／紫菜)，如果唔係就好似相左邊果碗咁寡乜都無架喇二人共消費：$137

勝手丼響一田apm超市內其中一個食店檔仔，而“勝手”真係無改壞名！好多時去都要排隊買的，只因keep 住有質素。今次因只有十五分鐘食個快，就揀咗粒粒刺身飯算了 。三文魚很香有光澤且有魚油味，切得雖小但份量算多，小葱切得幼少，混合三文魚一起食，兩種香各顯其長。米當然係日本米， 但都係上盛的，有咬口同煙韌。響咁急既時間食啲咁高質的食物，係另一種嘅享受！

自選魚生飯($3起)司令今次黎到APM一田既勝手丼，咁刺身丼到底有乜特別先？特別在佢係自己揀既。首先要拎張表格，揀飯量，再揀刺身，刺身可以直接望佢雪櫃再揀，最平$3就會揀到一款，由玉子、到三文魚、明太子、到海膽，款式非常齊全。不過唔好睇佢望落好平，揀下揀下都幾貴架🙄，不過好玩在可以自己配搭，想食乜都得！刺身方面都算非常新鮮，食落樣樣都幾好，特別係明太子，好有咸香，配飯食一流。加上可以加紫菜、蔥、芝麻，增加左香味。佢有配埋豉油等等既比大家，自己想落幾多都得架。

勝手丼即是你要先點個飯 $10(小) 或者 $15 (大)，再揀你要既刺身逐件計錢。因為係第一次試，所以好多種類都有點。大部分既刺身感覺同其他預先包裝好既壽司飯一樣，質素麻麻，最好都係隻赤蝦($15), 比較爽口，呢d玩一次就夠, $102 可以有更好既選擇。鰻魚感覺到是超級市場內$50一條的貨色，魚身很硬而沒有魚的味道，幸好上面加有足夠的鰻魚汁。$6 一片的帶子比較乾身, 而三文魚味道不過不失, 但味道並不突出而且不是太新鮮的感覺。

今天公司的工作量不多, 六時正準時下班, 特意到觀塘接女皇放工由於她要加班, 所以我先到APM地庫一田內的勝手丼購買外賣飯盒待女皇回家有好野食!由於MR. PAUL唔食魚, 所以在外面的日本餐廳無乜機會食到魚生丼, 但勝手丼的採用了港式的車仔麵落單方式, 先拿ORDER紙寫每份食物的份量, 而且大部份的食物都是10元以下, 很適合我呢類怕腥既人!我先點了大盛飯($15), 刺身就要有頭赤蝦X1 ($15), 帶子X2($6), 八爪魚X3 ($3), 玉子X3($3), 北寄貝X2 ($3), 紫菜及芝麻免費合計$66回家後發現勝手丼出乎意料的出色, 十分新鮮, 其中以有頭赤蝦及八爪魚最好食!而大盛飯用了日本珍珠米, 加了紫菜及芝麻後十分惹味!自從認識左勝手丼後, 而家成日都想去接女皇放工

呢個魚生飯網上一直好評佢有得揀大飯定細飯,我呢個大既,而配料就好似車仔麵咁自選,有平有貴,最平$9都有我揀左三文魚腩,海膽,海鰻同飛魚子一見到個飯感覺配料好小三文魚腩尚算肥美,但唔算好新鮮,飛魚子同海鰻就較為普通,用黎送飯都ok既但海膽就唔新鮮,有少少腥同食到最後有啲黑黑地食完覺得好空虛,好似冇野落過肚咁

行入一田諗住買個刺身飯 食，點知發現左呢個天堂，唔得啦，竟然連香港都有得食，一定要再黎食多次。呢個勝手丼可以自己逐件刺身揀，唔怕食到d唔想食既刺身。首先揀左飯先大盛飯($15)(240g)或者小盛飯($10)(169g)之後就揀刺身，等1號係度簡單介紹下有咩刺身揀啦。$3區蝦子、北寄貝、八爪魚、墨魚、玉子、蟹柳棒、醋鯖魚、煙鯖魚。$6區三文魚、帶子、池魚、燒海鰻。$9區金槍魚、三文魚腩、鱆紅魚、立魚、什錦海鮮漬、飛魚子、三文魚子、明太子、赤貝、北寄貝沙律、有頭甜蝦、免治吞拿、鰻魚、燒三文魚。仲有其他$15-$33既刺身。帶子同甜蝦好甜好好味，好新鮮。個飯仲有微溫，醋同飯比例調得岩岩好，而配料紫菜、蔥同芝麻(三種配料都係免費)都好足料好惹味，呢個魚生飯值得encore！Btw呢度有枱有凳比大家食，唔一定要外賣拎走，係咪正先！窮遊指數：7.5/10好味指數：8.5/10

尋日去開觀塘, 記得一田有間可以自選配料既壽司飯店!!就去看個究竟啦~~晚上8時左右去到, 都不少人排隊購買呢''*可以外賣或堂食!!!大家係揀配料既同時可以睇下刺身櫃既配料~睇下新唔新鮮先再作選擇!!!(其實樣樣都好新鮮, 而且佢地都會不停 fill 返落去''*)御飯分為兩種:大盛飯 HK$15 (約240g 醋飯)小盛飯 HK$10 (約160g 醋飯)這張就係 order 紙啦~好似食車仔麵咁樣, 揀好大定小既飯；自己想要既配料, 分別有 HK$3, HK$6, HK$9, 特選區可選擇!! (配料係寫數量架)另外 Topping 有紫菜, 芝麻及蔥可揀, 都係唔駛加錢的~最後我就揀左小盛飯, 配料有：海膽 (HK$33), 三文魚x2 (HK$12), 鰻魚 (HK$9), 帶子x2 (HK$12), 有頭甜蝦x2 (HK$18),總共 HK$94, 全部都係自己喜歡食既刺身~佢地既刺身好新鮮, 海膽都好鮮甜, 帶子大大隻又厚身好抵食!!!小盛飯既份量都足夠女生食, 而醋飯都很有口感~可以外賣返屋企食真係很不錯''*

本來諗住買海膽刺身返屋企，但係淨係得一合五份嘅海膽賣，成$195，點知兜嚟兜去俾我見到呢間嘢嘅counter, 海膽每份$33，同超市同一貨色同，份量亦相同，機返買五份都係$165，抵咗!!!!! 又可以逐份買! 所以就我order咗兩隻赤蝦($15份)，三份海膽($33份)同三份碎吞拿魚($9份)。小飯$10, 大飯$15，蔥花，紫菜同芝麻唔洗加錢。全部都好新鮮同好鮮味，海膽香甜，一啲都唔澀，蝦肉口感彈牙夠鮮味，蝦頭勁多膏，拌飯一流!!! 碎吞拿魚唔算肥美，但魚味十分重！我會再返嚟食!!!!

I was looking for a quick lunch in APM. I knew there was a mini food court in Yata, so I decided to try it out. As I saw people already lining up to order, I decided to pick up a packaged sashimi bento box.Sea urchin was great! It was umami, sweet and creamy and squid was bouncy.Salmon was fresh and fatty. Scallop was sweet and salmon roe was tasty.Red shrimp was big. However, there was some condensation and all dripped to the shrimp, so I felt it was not very hygienic.