勝記海鮮酒家

營業中

休息中

昨天打完golf, 同女友晚上去西貢食海鮮， 試下勝記二人套餐。 二人餐份量不大， 但有哂勝記名菜， 非常之好味！服務態度唔錯， 起碼可以改天婦羅蝦做天婦羅桶蠔， 加咗少少錢！ 比全記和洪記食物精緻和美味！ 下次會繼續去食！

2020年6月27日抗疫半年好耐都唔敢出街食飯，最近好似情況受控，決定出關食餐好啦！😋一家七口長途拔踄入西貢搵左呢間勝記海鮮酒家。店面同洗手間都幾乾淨企理，坐得都舒服。而食物質素都非常不錯，無論賣相定味道都有驚喜。第一次食椒鹽鮑魚，估唔到咁好食，爽口又香口。所有海鮮都食得出係新鮮，煮嘅時間都岩岩好，唔會韌，唔會"鞋" 。而隻企鵝燒春鷄都好有特色，侍應會係你面前幫隻熱辣辣嘅雞起肉，皮香肉嫩。最後，甜品有三款糕點，其中有個益力多糕同柚子糕都好特別，好清新！呢間海鮮酒家值得返轉頭！脆皮滑豆腐椒鹽鮮鮑魚酒糟粉絲蒸元貝芝士龍蝦煎脆米粉椒鹽瀨尿蝦皇企鵝燒春雞啫啫芥蘭煲

Great dinner set for two people with a variety of seafood dishes and service was great. We had the HKD 798 set with fried tofu, prawns, abalones, scallops, lobster, noodles, greens, and jelly for dessert. It took a while to get here from where we live but the food was well worth the trip!

第12寫食評今天，同數位好朋友來到西貢一間酒樓食海鮮，呢間食府叫：勝記海鮮我們都點左不少款式的海鮮，但有3款想向大家推介：1. 粉絲蒸扇貝：扇貝夠大隻，鲜甜，好味道2. 香酥鮑魚 ：香口，鮑魚又大又鮮甜3. 龍蝦伊麵：龍蝦新鮮肉厚，配合味道適中的芝士伊麵，一流滿足呢！

平時大時大節，屋企人就鍾意黎勝記食海鮮，今次都唔例外，過左黎食團年飯。我地一早book左位，因為節日假期都會有好多人黎幫襯。我地今冷三個人食，叫左個海鮮二人餐，兩隻份量加錢加多一隻，另外再叫左個'企鵝燒春雞' (因為侍應姐姐介紹話好好味)同一個海鮮菜湯 (本身我地想叫魚湯，不過賣曬)。二人餐食物水準keep到，好味道。今次第一次試燒春雞，侍應姐姐果然無介紹錯，啲雞肉好嫩好滑，唔會覺得好鹹。個湯見到啲渣都係落足料，都唔錯，但始終覺得飲開果個魚湯係好味啲。食完之後，有甜品食，糕點係桂花杞子味，檸檬柑桔味同益力多味。每款都唔會太甜，味道都好清新。

西貢食海鮮好貴，但係真係一分錢一分貨，除左海鮮好新鮮，亦有不同的特別煮法我點左個椒鹽鮑魚，上碟是以仿竹筒的形式，算幾特別，食起上黎，外面好脆，但係唔會有好厚粉嘅感覺之後再食左個秘製蝦，其實係咸旦黃味同加左辣椒嘅原因，食起上尼都好惹味另外，我食左個至尊海鮮炒飯，味道好好，而且料好足最後，都有送甜品糕點，當中有益力多糕、桂花糕同柚子糕服務方面，我係平日去，唔算特別多人，服務都好好，有需要就會幫我地換下碟

2020年1月的香港，農曆新年因為新型肺炎的出現而零氣氛，取而代之是人心惶惶，怕疫症蔓延...停課之外，最近部份辦公室仲轉為home office, 就黎冇晒口罩？就盡量少出街吧！今時今日的香港人，每日都為了忙著購買口罩/消毒酒精而廢寢忘餐...而我今時今日仍去西貢食海鮮，是在睇小這個疫情嗎？非也，困了自己在家好幾日，突然想活在當下，食返餐逍遙一下龍蝦刺身鮮！甜！爽口！個頭仲會用黎整粥，個粥好味到唔記得影相豆腐外脆內軟鮑魚才是主角脆口軟心彈牙超級正蝦餅香口彈牙巨型螺清蒸浪費了，肉身大咬完鮮甜之後都未吞到變左似咬香口膠，如果俾我先享受個辣酒汁，再之後先咬出鮮味就very good喇下次我要叫酒煮巨螺🤪蟶子我個人普通喜歡，冇意見貴妃併蒜蓉粉絲蒸老娘真係好想食多舊...另一主角避風塘俺仔蟹🤪蛋黃香味超濃蟹肉全被此蛋黃香感染 仲有碟菜、送果盆同特格甜品因為是日海鮮才是主角 冇影相唔平架！平均每位要1千蚊er⋯咁又真係好好味既其實

星期六晚特然記起老婆之前想食蟹，就走咗入西貢搵嘢食， 揸架車兜咗兩個圈， 見到碼頭嗰邊好多人周圍都係車。記起好耐之前去過間勝記，嗰邊比較靜， 於是就去咗嗰邊食。去到環境依然乾淨企理，坐低叫個普通海鮮餐加隻蟹食下先。椒鹽豆腐非常之滑，鮑魚同聖子都好食，係隻蟹唔係好夠蟹膏， 但最緊要我老婆收貨如果喜歡環境清靜，食海鮮有保證，我非常推薦勝記海鮮

15人 晚餐聚會，熱熱鬧鬧來 「西貢勝記海鮮酒家 」份量必須多多、大大碟選擇套餐：-白灼蝦鮮甜，可惜很快被你哋搶晒了，我只吃了 三隻， 哼 ！豉椒蟶子好滋味，炒到剛剛離殼，伴菜有青椒、紅椒，旁邊放上盤栽植物好特別個人不太喜歡 酒糟粉絲蒸扇貝，色澤怪怪哋大大條清蒸海斑，肉質嫩滑炒飯炒得夠乾身，蝦、菜、叉燒、切粒嘩！第一吃 椒鹽鮑魚, 大大隻，彈牙惹味欣賞這擺放設計肥美酥炸生蠔仲有湯浸白菜仔生炒骨最後 逢送：甜品益力多味糕，無益力多味嘅總結： 豐富 美味

近日天氣非常好秋高氣爽，所以入西貢郊遊一下，然後食埋海鮮， 屋企人比較喜歡去勝記， 喜歡這裏環境比較寧靜。今次直接選擇套餐， 先來白灼蝦新鮮鮮甜蝦肉爽口。這個椒鹽鮮魷亦非常香脆惹味。豉椒蟶子都唔錯 ,喜歡配料有金不換、洋蔥味道香濃芝士龍蝦伊麵改咗為煎米粉，外脆內軟。這裏的酒糟粉絲蒸扇貝就略為失色，因為選用似乎係急凍鮮帶子代替。清蒸海斑亦都唔錯，反而辣酒煮花螺就味道一般，花螺不夠鮮美。

環境優靜，唔似一般西貢海鮮飯店。 呢度可以靜靜地傾下計，享受環境和美食附近也有靚景食物味道好好，而且侍應招待也很好。已經吃過幾次，呢幾年仍keep 到水準! 糕點: 味道很清新，飽飽後仍吃得津津有味粉絲蒸桂花蚌: 好大隻! 肉質鮮甜❤上湯龍蝦伊麵: 好大碟，份量多 肉質鮮甜，麵底加埋上湯汁，非常滋味!椒鹽瀨尿蝦: 肉質鮮甜，很厚肉豉椒炒蟶子皇: 很大隻，鮮味象拔蚌刺身: 非常新鮮，爽口有鮮味脆皮滑金磚: 外脆內軟，個皮薄到不像炸粉

呱到個地方都舒適同埋清潔，門外有廿多個停車位, 所以都幾方便~叫左個椒鹽鮑魚, 覺得都幾新鮮，芝士海蝦米粉底個個炸米粉炸得恰到好處，鬆化而又不油膩。前菜墨魚煎餅及脆皮滑豆腐值得一試。

This is my second time to dine in this restaurant. The food are good as usual and staff are still very friendly Salt and pepper abalone is my fav dish of the night. It is different than the traditional steamed one. This new way of cooking gives the abalone a very chewing texture and the taste is just so good with the salt and pepper! The razer clams are fresh and the lobster is very yummy and cheesy but I will suggest to order a smaller lobster next time as the noodle at the bottom made us sooo

今次公司活動後去勝記食午餐，有3款菜式一定要推介俾大家第1-炸蠔好肥大，有我手掌嘅大，肉厚，炸得好大火候，一d都唔油，外脆內軟。蠔嘅品質本身好靚，好鮮甜，好有蠔味第2-炸玉子豆腐平時真係唔會係勝記叫依樣菜，諗住好普通，點知食唔停口，真係外脆內軟，豆腐好滑第3-蒸扇貝好大隻，好新鮮

之前有朋友介紹同我一齊來食過，水準唔錯，因為我對西貢的海鮮酒家冇乜好感，於是今次再嚟多次，叫咗個4人米之蓮餐，加多兩隻賴尿蝦和一斤海蝦，買單3千幾，今次真係強差人意，其中有隻賴尿蝦的肉係梅爛嘅，他們有幫我換返一隻，但都係梅梅地，算啦唔好再換啦，嗰個梅子骨每人得一少件，水煮貴妃蚌有沙，係個糕點唔錯，，可能係假期問題，之前喺流浮山食開（假期和平日）都，今次入嚟西貢行吓順便食飯，以後都唔敢在西貢食海鮮了😔做到保持水準真係幾難