勝記海鮮酒家

營業中

休息中

平時大時大節，屋企人就鍾意黎勝記食海鮮，今次都唔例外，過左黎食團年飯。我地一早book左位，因為節日假期都會有好多人黎幫襯。我地今冷三個人食，叫左個海鮮二人餐，兩隻份量加錢加多一隻，另外再叫左個'企鵝燒春雞' (因為侍應姐姐介紹話好好味)同一個海鮮菜湯 (本身我地想叫魚湯，不過賣曬)。二人餐食物水準keep到，好味道。今次第一次試燒春雞，侍應姐姐果然無介紹錯，啲雞肉好嫩好滑，唔會覺得好鹹。個湯見到啲渣都係落足料，都唔錯，但始終覺得飲開果個魚湯係好味啲。食完之後，有甜品食，糕點係桂花杞子味，檸檬柑桔味同益力多味。每款都唔會太甜，味道都好清新。