勝記海鮮酒家

營業中

休息中

西貢有很多海鮮餐廳，酒家唯獨這間會一去再去 食極不厭可以親身去擇海鮮或自帶海鮮加工，收費公道，味道非常好，有鑊氣今次初試粟米斑塊 ，整條魚炸得非常鬆脆，斑塊外脆內滑 ，粟米茨汁清甜濃郁 配白飯一流椒鹽鮑魚亦10分出色

做得米之蓮一星食府，服務水平有返咁上下！只食物方面，我哋叫咗幾道名菜同埋佢哋特色招牌炒飯。最後埋單每位六百幾，覺得整體不過不失!西貢墨魚餅脆皮滑豆腐芝士龍蝦煎脆米粉椒鹽鮮鮑魚椒鹽賴尿蝦皇

食咁多次第一次出食評,起碼幫襯左5年以上.水準都係咁好.椒鹽所有野都係超水準刺身除左食材要新鮮,就一定係要刀工!!!刺身墨魚真係平靚正!有budget 一定要試下龍蝦刺身.海鮮真係一流!!!

星期五提早收工同同事食晚飯，我地專登入西貢食海鮮。由於6點左右就到餐廳，所以餐廳無咩食客😹講到明食海鮮，所以我地叫左炒聖子，椒鹽鮑魚，芝士龍蝦煎脆米粉，脆皮滑金磗，瀨尿蝦。全晚最有驚喜的反而係個煎米粉，食落好似鍋巴，好脆。

西貢食海鮮， 當然係要揀勝記？第一次初到貴境，得悉它是米芝蓮，膽粗粗向它挑戰一下。點了四人海鮮餐，西貢墨魚餅，砵酒桶蠔，酒糟蒸元貝，椒鹽鮑魚，蒸魚，豉油皇炒麵，金不換炒蟶子皇， 菠蘿生炒骨，還有甜品。食物味道固然重要，賣相亦都同樣重要， 每款食物都總有伴碟的食物，相當吸晴。餐牌價錢 一目了然食物有點像泰式炸蝦餅 當然他是 墨魚餅外皮香脆墨魚彈牙，點上泰式醬料 辣辣地酸酸的， 好味道蟶子爽口， 跟青椒紅椒同炒， 香口美味， 在賣相方面還配上迷你小花， 非常吸引。一般只會用蒜蓉或果皮烹調，但是他用上椒鹽 來油炸鮑魚，鮑魚煙煙靭靭 ，有點像吃椒鹽鮮魷那麼香口，口感一流。酒糟粉絲蒸元貝 ，灑上蔥花與粉絲同吃， 帶有微微的酒香，帶子爽甜。新鮮又鮮甜的海斑， 肉質嫩滑，火力十足炒麵加配洋蔥夠爽口生炒骨酸酸甜甜不肥膩 開胃又醒神砵酒桶蠔 醬汁多， 掩蓋桶蠔的腥味， 肉質肥美，比起一般用薑蔥煮蠔，煮法特別。甜品有桂花糕大菜糕及益力多糕，不太甜，夠爽口。由於煮法特別，首次接觸感覺新鮮，但若以味道來說都上可接受。

I had a dinner with 4 of my friends who were visiting Hong Kong. We were given a wrong menu set (a more expensive one) and they also put some more charges on the bill (charges for an extra person). After we received the bill, we told them about the mistake but the waiter only excluded the charge for a nonexistent person. In the end we had to pay 500 more for the wrong order. The food quality was ok but nothing special. I’m very disappointed and I definitely won’t recommend the place to anyone. T

老細請食飯，專登入西貢食海鮮，老細應該識店內重要人士，所以特別安排好舒服既房比我地老細一早點左餐，餐廳既經理亦即場送左沙薑雞腳同炸豆腐比我地，個炸豆腐真係超正，皮勁薄，但唔會爛，裡面既豆腐非常嫩滑，食完一條會好想再食第二條，但由於要留肚，就適可而止第二樣到係椒鹽鮑魚，清蒸食得多，椒鹽真係好少，食落我都係鐘意原汁原味清蒸多啲，椒鹽太濃味搶左鮑魚鮮味跟住上左一個魚刺身，魚係花金鼓，餐廳侍應話呢個魚唔係經常捉到，係靚野，食落都好鮮甜跟住來白灼蝦，蝦🦐好大隻亦好鮮味接住係炒聖子，聖子好大條，都很惹味接住高潮係避風塘蟹焗飯，炒完蟹再放入飯，飯吸了蟹既味，大夥兒都掛住食碗飯，反而蟹好像成了配角，因為碗飯真係好正如果自己來未必食得咁好，希望老細好快又帶我地來食啦

個日同朋友去完塔門行山，中途經西貢轉車，就食個午飯，聞說西貢勝記係獲米芝蓮餐廳，便與朋友一試，我地叫左個4人餐，裏面已包埋甜品砵酒煮蠔，酒味唔出，味道可以豉椒炒聖子，d聖子炒到已離殼，味道好吃，夠獲氣這條班仔味道唔錯，但可惜有點細條椒鹽飽魚仔，如喜歡濃味的朋友會很喜歡紅醋扇貝，很開胃，好好食彈牙脆口炸蝦餅，點埋醬好食益力多味既甜品，真係好似益力多味加魚膠粉咁，煙煙un un,都幾有口感，味道都可以.總括，服務員態度幾好，野食都唔錯，正評

由2014-2018年連續五年獲得米芝蓮一星⭐️。勝記係我飯堂之一，首先係佢食物水準一直保持平穩，唔會飄浮不定。再者係服務態度真係好好，每位店員都好用心有禮對待，食海鮮地方好多都時令，但勝記重來唔會俾人有’湯’客人嘅感覺，十分之老實。其次係佢室外都好多枱可以帶埋愛犬共進晚餐。📍酒家地段位於住宅區較偏僻環境算清靜，同埋最緊要地方乾淨。 建議平日都打電話去訂位先，因爲每次去都座無虛席。西貢地道海魚湯$198/$68 （一碗）呢個魚湯係用上梭羅魚熬制而成，一啲都唔腥仲好鮮甜，湯嘅色水仲好奶白。上枱不消一分鐘湯面已凝固出一層薄薄嘅模，證明所有養份精華同魚嘅膠質全部都被熬哂出黎。  如果兩個人建議一人一碗就夠，因為份量都幾大碗下。三人或以上就可以點一煲。芝士龍蝦煎脆米粉 $1040（時令龍蝦）+ 油料費以人頭計 $226 兩位用一如已往地好食，游水新鮮原隻龍蝦，肉質爽口有質感絕不榎口，配上芝士醬汁更惹味。  煎脆米粉個人認為是獨家秘方出面係食唔返，口感脆如薯片，即使有醬汁係面都唔會影響其脆程度。龍蝦同脆米粉自身無乜味，但兩者配上濃淡適中嘅芝士醬汁後，簡直係畫龍點睛！只是略嫌醬汁份量不夠，竟然係必食

西貢連續五年米芝蓮一星，無需預約，小試。墨鱼饼，Q彈有力，油炸但不膩，可惜墨魚味不太足。金磚，表面酥脆，豆腐嫰，很嫩，油炸豆腐這麽嫰，實屬難得！蒸元貝，酒糟中若加少於蒜末，會更好。豉椒炒蟶，口味略重，掩蓋了海鮮自己的味道。烤鮑魚，椒鹽點綴，提升鮑魚自身的鮮味。味道整體不錯，但一星似乎有點太高評價？！

來西貢吃海鮮，通常會去位置較優勢的幾間大海鮮檔，但由於遊客較多，我略嫌太商業味，所以不經不覺越走越入，最後來到「勝記」。勝記亦是米芝蓮餐廳之一，食物質量及服務均給我良好印象。今晚我們沒有點套餐，在海鮮檔揀了些海鮮便上樓等食。經理安排我們到三樓近窗邊位置就座，由於人不太多，感覺環境很舒服，更難得洗手間都能保持乾淨企理。上菜了！先來每人一隻椒鹽瀨尿蝦，大隻、新鮮、肥美，好味！椒鹽鮑魚是餐廳的招牌菜之一，難得來到必定一試。整道菜的賣相很精緻，望見已垂涎欲滴，鮑魚都夠大隻多肉。唯一是自己忘記上一道菜已經是椒鹽，下次應該點冰鎮鮑魚比較好，可以中和剛才的「重口味」老闆推介另一道金不換炒蟶子，同樣是以精緻賣相挑起食慾，爽口彈牙的蟶子配上獨特煮法，絕對感覺到廚師的用心烹調。最後一道海鮮是鹽焗奄仔蟹，這是唯一一道菜跟預期有點落差，又或者可能不合時令？因為我食過的奄仔蟹是細隻多羔、肉質鮮嫩，今晚的是蟹是多肉，但肉質較實，雖然味道不太差，但相比之前在鯉魚門食過的，還差一點點。食得太多濃味的海鮮，總要點清淡的蔬菜中和一下。點了一道上湯浸菜苗，雖然是簡單餸菜但絕不馬虎，上湯加入瑤柱和蒜子，鮮甜入味，讚！結賬前餐

椒鹽鮮鮑魚，彈牙，美味椒鹽，唔熱氣茘枝酒糟粉絲蒸元貝，粉紅色的汁最出色，有美顔作用清蒸石斑，夠大條及滑脆皮滑豆腐，炸至金黃色啱啱好，內𥚃豆腐十分嫰滑天婦羅炸大蝦，伴醬十分好叉燒蝦仁炒飯，夠火喉上湯浸小白菜甜品係益力多糕、桂花糕及柚子糕，食完好滿足！

待應只提供兩張套餐及一張約有十款小菜的餐牌, 但小菜餐牌是沒有海鮮選擇﹐問咗兩次有沒有其他餐牌﹐侍應都話無﹐逼住叫咗個四人餐﹐但之後見到隔離枱有一大本餐牌炸墨魚餅 – 有墨魚味鹽水煮貴妃蚌 – 由於係鹽水煮, 所以只有咸味, 無甜味炸鮑魚 – 只有椒鹽味 (唔知點解隻隻鮑魚肉都大過啲殼)炒蟶子 – 只有兩隻唔大隻﹐味道一般炸瀨尿蝦 – 兩隻斬件上蒸魚 – 唔夠熟﹐唔脫骨﹐但怕被加料﹐唔敢叫番蒸炸山楂骨 – 難食炒飯 – 勁咸甜品 – 有三款糕﹐有柚子味及益力多味及桂花糕﹐但桂花糕無桂花味諗住海鮮應該是蒸多, 但大部份都係炸﹐埋單每人$580 ,又唔好食﹐超唔抵

2018年2月1晚(星期四) 陪老闆 及 美國客人來到呢間 米芝連 一星餐廳由於之前食左晚餐, 已經係第二場.  店內環境, 好舒服及乾淨!  我們3人叫左 每人一支白啤 手工啤酒 加多碟 香口 鼓椒炒蜆.  一路傾計一路夾炒蜆食, 配下 白啤 又幾正WOR. 見他們, 有公司包房食春茗, 非常熱鬧下!值得再黎!

Amazing seafood restaurant at the end of the walking street at Saikung.Went there with the neighborhood event with Wingtai, it’s so good this restaurant that I’ll surely go back in the near future. The service was quick, it’s super clean inside while the other same type of restaurant are same price but not at the same hygiene level. Great for family gathering or friends reunion. 5-10 people is perfect.