勝記滷味專家

營業中

休息中

💥抵食滷味💥大埔廣福道馬路旁邊見到甘多人圍觀，原來係一間滷味店！價錢親民，吸引一大班街坊幫襯，我見人排我又排試試先😬！滷水鴨半隻$75超級大隻，啖啖肉滷得又入味，真係高CP值❤️！

這間滷水店，開業時很多街坊排隊購買。現在少了點人，也一試它的水準。肉和脂肪比例均稱，滷水味香，肉質都嫩。豆腐一般，好硬而且不入味😓😓,失望。咸酸菜都可以，似正宗潮州風味。鵝翼和墨魚則正常，沒特別。

去咗大埔返工幾個月，日日未行到勝記門口都已經聞到好香的滷水味🤤，又見佢日日都大排長龍，已經心思思諗住買返屋企加餸。拖拖下，終於星期四的起心肝去排隊，排咗半個鐘終於買到。買咗鹵水鵝上莊同小食，懷住期待的心情拎返屋企同家人分享。返到屋企，大家都諗呢間咁多人排隊都要買，實好食啦！！點知一食，大家都面有難色……點解啲鵝肉銋癟癟嘅😨😨？？一啲都唔似鵝肉果種又爽又滑嘅口感……仲要唔係好夠鮮味，得個咸字😨😨……但係我的確日日見佢大排長龍喎？唔通係我咁唔好彩，佢果日失手🤔？？嗰日食完佢啲鹵水鵝，因為好唔滿足，呢兩日都心思思想再食鹵水鵝。其實勝記附近都有好幾間賣鹵水鵝嘅舖頭，到底我係試下其他舖頭定係畀多次機會佢好？🤨

最近經過大埔廣福道既人都會發現，比起以前呢度多左一陣濃郁既滷水味😍每次聞到都好想一試真偽，但每次見要派隊都打消左念頭，今次趁父親節👨🏻終於的起心肝一次買幾樣野番去試哂💪🏻上庄鵝片： 比起下庄會瘦d, 係鵝片黎，啖啖肉😚，唔會韌，口感唔會梅，大大盒好足料，仲皮下有薄薄既鵝膏，塊皮吸哂d滷水味，點埋醋食一流下庄：會多少少肥膏，今次忍唔住一買完即食一舊🥰，真係不得了，d鵝油仲暖暖地，一咬落去唧到成口都係🤤，肉會比鵝片更冧，油香味更出，送飯一流，唔洗點汁都好好食👍🏻👍🏻豬腸：洗得好乾淨，而且好有咬口好厚肉，又唔會一舊舊肥膏，睇得出落左心機😉，係咁多樣野入面最入味，一入口未咬已經好大陣滷水味，仲愈咬愈有味😋鵝肝：本身對肝無咩興趣，但呢度既肝改變左得諗法🙊，肝衣唔韌一咬就開，口感好粉好滑，印象中一條筋都無，味道上一d都唔苦，又唔會好似豬潤咁好大陣血味，唔食內臟既人都可以試下🤓👍🏻鵝腎：內外味道均勻，唔會太硬，咬落夠軟冧😋鵝翼：送酒聖物🤤個皮好濃味，唔好以為翼淨係得皮，呢度d鵝翼大大隻仲好好肉😋燻蹄：塊皮同樣彈牙入味係出色既👍🏻整體唔算肥，肉就比較扎實，但又唔會好似肉乾咁咬唔開，豬肉味唔會比滷水味搶

疫症底下，呢排大家都多咗係屋企食飯，今日想偷懶😛來到勝記為今晚晚餐加料。正如標題所講，呢間滷味香味一流，都未行到舖頭 喺附近已經聞到超香滷水味👍🏼平日下午一點來到，仍然好多人排隊買，要等10張飛。不過都不及放工時段誇張，放工夜晚起碼要等半小時以上，今次等左15分鐘就有得買啦。滷水鵝，鴨舌，鵝腎，墨魚，豆腐滷水味香而不太濃，唔會一味得個咸字。滷水鵝正常發揮，剛買完趁熱食油香出眾，十分滋味😋 晚上攤凍再食當然冇熱食咁正 但味道適中喜出望外的是鵝腎👍🏼👍🏼平時一般比較少食 我想切片香脆冧滑 一啲都唔un!!鍾意爽口一定要試吓墨魚新鮮，豆腐一般鴨舌用來送酒一流🤤不過可能食開麻辣 雖然都整得入味但總是覺得爭少少嘢😛 總括而言 滷水香而不太鹹 適合我的口味。大埔街坊都可以試吓。

最近知道西環滷水老字號勝記，搬咗嚟大埔落腳，大埔既居民有口福喇 🥰 唔洗特登去到西環先食到。知道每日都有好多人排住隊買，今日夜晚七點幾經過見冇咩人排隊咁就梗係要試下啦。餐牌既選擇真係花多眼亂，不過可惜自己淨係識睇磅，斤同両既概念真係唔太清楚有幾多，所以只好求其叫 😂 可惜當晚滷水蛋賣晒 😭 鵝肝、鵝腸都賣哂 😭 十分可惜，好嘢真係唔等人，最後叫咗墨魚、豬大腸、滷水豆腐、豬耳、鵝掌同鵝亦，滿滿既三大盒滷水加埋先係 $200 蚊真係好抵食。墨魚超爽口 😱 超彈牙 😱 超級正呀 🔥🔥 唔點醬就咁食都好好味，倒埋啲醬汁食仲好食，必叫食品之一 ; 豬大腸又係勁爽口，而且滷得好入味，可以用豐腴多汁嚟形容。滷水豆腐大件夾抵食，內裏好軟嫩，而且好香豆腐味。師傅刀法好好，將一大隻豬耳切成條狀，而且大小適中，豬耳口感又柔韌又脆，味道鮮香得嚟不膩 ; 鵝掌同鵝亦係買比屋企人食既，加上自己唔太好食鵝掌同鵝亦，所以無食過比唔到意見，不過睇落都幾精神。

見大埔開咗間滷味店，成日都咁多人排隊，open rice又有咁多好評，諗住試下實冇死啦！今日下晝落樓下買餸，順便去買滷味加料，原本諗住買滷水鵝，不過排咗幾個字，排到我嗰陣已經賣曬，呢間舖啲滷味真係好搶手！最後買咗滷水鴨，配埋滷豆腐同滷蛋。排隊排到好肚餓，返去即刻開盒食。打開個盒望落去都幾靚，不過一食落口，以為自己食緊鹹水鴨，請問花椒八角去咗邊？除咗豉油味同鴨味，食唔出其他味，頸嗰度仲連豉油味都冇，失望！至於滷蛋，入唔入味大家睇顏色都分到，蛋白白到咁，唔駛我講都知咩味...是日重頭戲係最估你唔到嘅豆腐！豆腐未斬開都唔係咩問題，鞋颯颯都唔係咩問題，問題係醙架！係真係醙架！唔講以為食緊臭豆腐...臭豆腐仲好食過佢買唔買大家自己決定啦，我就不了...

成日經過聞到好香滷水味，又成日排長龍。今日就試試佢係咪咁好味。100蚊買左滷水鴨，蛋同豆腐。結論係3樣都係食唔出有滷水味。單睇滷水蛋都睇得出唔係浸夠時間，只係面面果層有輕微上色。食落去好香蛋味，但唔似係滷水蛋，$10 3粒，鍾意食蛋既係唔錯既選擇。再來試隻滷水鴨，$75 半隻。合埋眼食會以為食緊燒鴨，因為真係得鴨肉既原味。怕燒味檔行得遠都可以買呢隻滷水鴨頂住檔先架。至於想食滷味既你，我就唔推薦呢間啦。

日日放工時段都見到衣度排長龍，豬先生今日想加餸，就襯熱鬧去左排隊，大概等左廿分鐘，都真係幾受歡迎衣間滷水店淨係做外賣，選擇都幾多，除左滷水鵝，仲有好多必備既滷水料，果然係街坊加餸好地方，全部都係以重量計錢豬先生買左一盒滷水餓，另外加左雞腎，墨魚，大腸，雞腳滷水鵝都幾juicy, 唔會乾身，滷汁幾入味，一盒四至五人分岩岩好其他滷水料亦都唔錯，雞腳，大腸同雞腎都好入味，少人share叫一盒雜錦食下都唔鐘，送埋啤酒一流

由於疫情關係，多左係屋企食飯，平時煮黎煮去都係果幾味餸，食厭左，就走黎切料加下餸，一黎到，真係估唔到原來咁多人排隊，前面排左十幾個人，都起碼要等半個鐘先拎得，建議大家拎完飛，之後去買到餸，再黎黎拎就岩岩好店舖衛生方面真係比足一百分，由於新開既關係，門面睇落非常乾淨企理，一個大玻璃睇到師傅係入面都有戴口罩同手套，而且d燒味滷味都係玻璃裏面，唔似得好多其他舖，放係出面食曬塵，依家放係出面仲驚食菌。所以衛生都幾放心。味道方面，滷鵝滷得好入味，而且份量十足，多肉，最緊要係做落唔會好粉無彈性，肉質好唔錯。配埋個汁黎食，好開胃。內臟方面，睇落都幾新鮮，味道都唔錯，咬落有口感。疫情下，呢間真係加料首選。下次都會黎幫襯。

潮汕滷味不嬲都好受香港人歡迎，最近喺大埔就開咗一間新嘅滷味店～呢間舖頭真係每次都見到好多人，好多人都排緊隊！今日終於有時間就排一排啦！選擇都好多同埋價錢都好適合，最緊要係味道真係好正宗啊！攞返屋企，屋企人都話好好味好想再去食！雖然要排隊但我覺得呢一切都好值得！乳鴿軟滑香嫩，果然係因為有一鍋好味既滷水！一家滷味店，最緊要係製作講究， 一啲都唔馬虎！墨魚都係好有彈牙嘅感覺，所有嘢都係即刻切出嚟，好新鮮好味道！俾少少耐性就有美食㗎啦！

聽朋友講依間舖頭日日都排隊，而且每一日都好多人排緊幾乎冇一日係冇人嘅⋯⋯今日真係唔洗返工，就代替屋企人去排下隊啦！原來師傅已經切得好快，但因為好多人排隊，所以真係忙到不得了⋯⋯乳鴿一隻都幾大，而且好入味，味道好地道！味濃的滷味，而且好有潮汕的感覺。我估好多伯伯都係鍾意呢個滷味，所以就算好多人都過黎！加少少墨魚都好夠滋味！我覺得唔加醬料，都夠好味，原本味道都好夠。怪唔得一直都要排隊，下次都真係想食又要排陣啦，不過食到好味嘅嘢都值得嘅！

要食老字號滷味， 兩個月前大埔好像沒有很多選擇。 不過自從西環老字號勝記進註之後, 食過一次簡直返唔到轉頭， 而且每一日都見佢門口前面人流勁多， 思思念念成日都想晚餐加餸， 於是的起心肝，去排隊買多盒。 勝記滷味，味道不會死鹹，而且滷汁精瑩通透，有種越嚼越香的感覺， 最重要係鹵水和酸汁會另外分開上， 不會濺得整個外賣盒都是鹵水汁。 今日每樣都執咗少少: 乳鴿，豬大腸, 鴨舌, 鴨腎, 豬耳 乳鴿 滷水乳鴿色相亮麗， 而且比一般的乳鴿大隻。 師父可以將乳鴿一開六件， 每件也可以啖啖肉， 而且乳鴿味也濃郁， 滷香的厚度和層次會慢慢湧現。豬大腸 豬大腸切得均勻一致紋理細緻， 肉質一點都不粗鞋， 而且十分爽口。 這豬大腸滷得入味， 豬香滿溢， 吃罷齒頰留香 鴨舌鴨舌香滑彈牙， 一口一條， 絕對是佐酒佳品。 鴨腎 爽口入味， 而且片片切得均勻， 師傅刀功一流。 豬耳朵 鹵水豬耳大大片， 每一 條豬耳也切得大小適中， 豬耳爽脆軟淋的口感讓人忘不了，而且更 吃得出淺淺的滷水香呢。

近日個個都係屋企食飯，諗住買外賣返屋企食，見到呢間人人推介，一於諗住試吓，遠處已經見到有人大排長龍，真係嚇咗一跳，真係唔好講笑，啲三姑六婆啊叔父把全部都話依間野好食喺前面排隊，點都要一試啦小編其實對滷水真係冇乜深究，首先排隊攞完票再揀食咩，聽見啲阿姐講話滷水鵝OK，於是決定就試滷水鵝🤣師傅斬左件上庄位置，唔知係咪上庄好食啲？🤔返到屋企一打開個飯盒真係好足料，鵝肉啖啖肉，肥瘦均勻，秘製滷水汁可以炒菜都OK好香香料味👍🏻因為真係太大份小編第日返熱嚟整食一樣都係咁好食🤤

果然係名不虛傳，由西環開到嚟大埔，任何時段都大排長龍，大約都要等30分鐘就可以完成✅！食物選擇有好多種類，當然招牌必食「滷水鵝🦢」全靠獨門滷水汁經營至30幾年💪🏿••••••••••••••••••••••••••••••🥢滷水鵝🦢💬想不到半隻係有咁多，滷水汁好夠味，鵝肉唔會靭，鵝皮嘅肥美實在太滋味😋.🥢滷水鵝腸💬好爽脆好彈牙，佐酒品嚐一流🤤.🥢滷水鵝頭頸💬頭同頸嘅肉都有好多，好結實，夠入味😌.🥢滷水鵝腎💬同樣係咁有𡁻頭，絕對唔會靭😌.🥢滷水鴨下巴💬鴨嘅肉質比較腍身，連埋鴨舌同喉管，絕對無偷工減料😋