包羅萬有(萬友)火鍋 (已結業)

近排天氣開始轉涼，又係時候同朋友去打邊爐啦！朋友最近發現銅鑼灣都有人均$150既邊爐🫕仲要係任食火鍋CP值真心超高😂配料好豐富，包括各類蔬菜、炸物、丸類、餃子、飲品、肉類，仲要連糖水都有😆嘢食選擇多，環境闊落乾淨，岩曬一大班人黎食😉✨晚市任食火鍋 $135/1位餐廳採用一人一鍋，小編同朋友今次就揀咗麻辣湯同埋加$20嘅蕃茄薯仔湯，蕃茄薯仔湯好濃郁有家的味道😆另外值得一讚既係自助區既炸物每件都熱辣辣✨另外飲品方便仲有新鮮嘅檸檬茶同埋涼茶可以拎👍🏻大家都快啲試吓

近排天氣涼涼地就想去打邊爐，點知俾我發現一間火鍋店，晚市任食火鍋(1位)都係 $135，估唔到而家香港仲有咁低價位嘅晚市任食火鍋，當然就要約朋友過黎食！原本都驚會有伏，但係食完之後覺得質素有幾好喎，雖然環境比較舊式，不過嘢食選擇都算多，環境都幾乾淨，係銅鑼灣地區都做到依個價錢就相當吸引我哋揀咗一款唔使加錢嘅麻辣燙同埋一款要加$20嘅蕃茄薯仔湯，餐廳係一人一鍋，大家可以選擇自己鍾意嘅湯底，方便又衛生，自己鐘意食咩，就可以自行放落自己鍋到，又唔怕朋友仔唔食得太辣，自助區仲有炸物可以攞，每件都熱辣辣，蔬菜肉類同埋丸類選擇都好多，唔會感覺好單調_地址包羅萬有(萬友)火鍋 (銅鑼灣)銅鑼灣謝斐道496號金利文廣場1樓

「我之前落嘅生蠔，點解唔見咗？仲有呀，我塊黑豚肉呢？又係你食咗呀？」有時打邊爐落嘅食物，轉眼就會唔見咗，絕對唔係靈異事件，只係M佬食咗姐！所以我真係好鍾意一人一鍋形式嘅打邊爐，又唔驚佢落啲我唔鍾意食嘅嘢落去，破壞我嘅湯底！好多人覺得一人一鍋嘅打邊爐價錢都相對貴少少，但位於銅鑼灣嘅包羅萬有（萬友）火鍋就打破慣例，價錢抵食兼任飲任食，CP值超高呀！湯底包羅萬有（萬友）火鍋提供接近10款嘅湯底選擇，加上餐廳主打1人1鍋，可按自己喜好揀選心水湯底！選擇分別有特式川味麻辣湯、養生藥膳醉雞湯、正宗越式牛骨湯、溫補椰子雞湯、秘製沙嗲湯、芫荽皮蛋豆腐鍋，連1人1鍋非常少見嘅老壇酸菜魚片湯都有，夠晒驚喜！而我哋就揀咗暖笠笠胡椒豬肚湯同蕃茄薯仔洋蔥豬骨湯，店員建議我哋可以喺打邊爐前飲啖湯，湯底唔會太鹹，非常清淡，唔似有落味精，抵讚！食物自取區包羅萬有（萬友）火鍋主打抵食價錢，店主為咗唔想將貨就價，所以食物自取，以減省人手費用。雖然食物自取，但我哋又幾鍾意呢個安排，至少唔怕漏單，又可以自取相應份量！餐廳嘅食物選擇唔少，除咗豚肉同牛肉之外，連羊肉都有呀！當然唔少得丸類、牛柏葉、水魷同菜等等嘅選擇，餐廳嘅人流唔

自己一向睇開youtube 片介紹，見價錢幾平就去試試，價錢平其實期望唔會太高。簡單講下有咩問題。我大概12點半正午時間入座。（1）雪櫃好快無汽水，我一開頭攞得返10罐左右，差唔多走嘅時候出去都無再補給過。（2）食物櫃一樣，丸類櫃打邊料好多時某類料無哂，又係唔會補給。（3）甜品、糖水櫃一樣，成日出去望又係無哂，唔會點補給。（4）肉類一個雪櫃雪住，每盤得幾塊，張枱唔大，人手唔夠，其實好快塞爆張枱，疊到好高，我男人老狗攞肉都覺重同麻煩，唔好講女人或老人家。（5）個煲太細，放唔到太多野，枱又細，野食攞唔到多，其實唔覺爽快囉。（6）人手唔夠，似乎見得一個阿姐跑全場唯一我想讚嘅就係執枱加湯姐姐有禮貌態度好好，唔好講我8折都覺唔得，正價我更加一定唔會返轉頭食。見食評一面倒讚等我講下自己感覺比大眾參考。我食午市時間嘅。

早幾日好姊妹帶我去食一人火鍋，佢話啲湯底好多選擇又好味。我揀左養生藥膳醉雞湯底，好足料，有藥材味。我朋友揀左胡椒豬肚湯底，嘩，好正都好足料，搞到我想同佢交換，因為我好鍾意有酸菜酸味味嘅湯。每位食客仲送左一碟海鮮，有蝦有魚片，全部都好新鮮！食材選擇都算多款，自助出去攞。碗碟有個消毒櫃放，好貼心。醬料有好多款選擇，仲有好多款飲品任飲。佢地嘅咖啡奶茶唔係機沖，職員話係手沖架，裝咗落個筒自己斟任飲，啲茶真係好有茶餐廳feel 💕 我飲左好多杯檸檬茶～我地加左$100 可以食澳洲M6牛小排同牛肉眼，超嫩滑新鮮 🥰，呢個價錢可以任食仲坐到2個鐘真係好抵！最開心食甜品！個日剛剛斑斕椰汁糕食到最後嗰碟，職員跟住上咗新甜品出嚟，紅豆椰汁糕，食到兩款甜品好鬼正！兩款都好香椰汁味，口感又軟滑，明明好飽都停唔到咀 😛😛

今日同好友一齊去一間新開張位於銅鑼灣謝斐道金利民大廈一樓, 叫「包羅萬有」一人一鍋放題火鍋店；新開張大優惠全單八折午市$78 90分鐘；晚市$120，120分鐘；加$100有澳洲M6和牛🐮牛頸脊、安格斯牛小排、黑毛豬豚肉三碟貴價靚牛，令每人一份海鮮有鳳尾蝦鱸魚片，還有幾款熟食。老闆及職員都好親切殷勤，大家有講有笑，下次一定再光臨試不同的湯底😋火鍋，拍多啲好片介紹俾大家🎬溫馨提示：自助區碗碟都在高溫加熱消毒櫃，非常衛生又貼身🥰

在銅鑼灣區，找火鍋店不難，但抵食又款式多就較難遇上。今晚途經謝斐道，見有新店開張，便姑且一試。此店位於一樓，地方寬敞舒適，服務人員態度殷勤。至於食材方面，選擇算多樣化，基本各式丸、腸類，豬、牛、雞，魚肉、菜類皆備，全部存於凍櫃自取，新鮮衛生。各款罐裝、包裝飲料自取任飲。另不時有即炒熱吃提供，如今晚便有乾煸四季豆、即炸薯條、咖哩角、肉碎炒飯等等。甜品還有班蘭椰汁糕，味道鮮美、甜度適中，不似街外製品，與服務人員傾談中得知此店主廚曾於知名酒店工作多年，果然出品有番咁上下。以如此水準，平均每人消費不過百幾蚊，以後在銅鑼灣又多一間心水選擇了。

剛剛從澳洲返來兼隔離14 日後, 去瘋狂式消費吧！就和另一老友 Old mate 去吹水吧！佢就住在銅鑼灣附近，唯有又舍遠圖近，就在謝菲道新開的包羅萬有火鍋任飲任食打邊爐吧！入到去，原來系一人一鍋嘅打邊爐，呢個時勢，合晒我荷車及口味，稍後道出原因。我就試蕃茄茨仔洋蔥湯底，我老友就試麻辣湯底，湯底落足料，絕無欺場，亦無揸流灘！湯底及醬料亦有各10 種俾我揀！可能新開的關係，先贏口碑卦！我老友嘅麻辣湯，食到要噴火，有無咁誇張！？肥牛及豬腩肉，師父要記一功，厚薄適中，放入湯底后，很快就熟，入口幾乎即溶化。其他配菜又新鮮，飲品又任取任飲，唯一美中不足之處，款式不夠多，可能仍在試業，希望儘快加多啲品種，尤其是我系甜品控，下次一定再來試！！其實做打邊爐生意，最緊要<鮮>字，佢地可以做到！試業期間，晚市仲有七折優惠，二個人埋單都系240 個大洋咋！午市好似話亦做緊七折，約 78蚊一位，簡直系茶餐廳價錢！！我仲意一人一鍋的原因，可隨自己喜好選擇湯底，毋須刻意遷就而叫鴛鴦湯底，也不用擔心別人灼煮自己不喜愛的食品而破壞了整鍋湯的味道。 醬料自助櫃亦可方便人客自行混醬，混出最適合自己的口味。