包點先生 (已結業)

這陣子天氣很冷, 每次出街都手凍腳凍, 未食野行到去地鐵站, 真係想買D野食暖下~最近愛上了包點先生, 因為在聖X娜買的面包不熱, 而論包點, 這裡的是最熱和很大個~每次到來都是買一個熱熱的菜肉包~!!!看著阿姐從出煙的蒸櫃夾了我的菜肉包出來~真的很興奮!!! 把它放在手心一會兒, 在撕開底紙後, 雙手由冰凍轉暖!再把菜肉包吃下去, 雖然包的分量比料多少少, 但吃下去是甜的, (因為在觀塘買過一些包的包是苦的... ), 然後咬到菜肉入面, 料足又均勻, 最緊要是吃下去的時候不太淡口, 而且夠熱!肉質是不太硬又不太林, 有些包店的肉內有很多硬粒, 這裡我吃了這麼多次都沒有呵!而菜是青綠色的新鮮, 而不是黃了的菜絲!其實我覺得一個菜肉包$4.5, 真的有點貴, 很多都是$3-$4,大概是因為包點先生成為了集團式連鎖經營吧了....吃完之後真的很溫暖, 很回味, 所以便把這些都拍下, 寫OPENRICE和大家分享!

很喜歡這店的馬拉糕，鬆軟香甜，價錢平，值得推介。另外芝麻包也不錯，餡料似芝麻糊，不錯。不過嚐過的奶王包，蕃薯包和南瓜包，餡料不太好吃，試過一次之後沒下次了。

係藍田行嚟行去都冇ｏ野想食，雖然上次明明話要食飽點王子，但冇得揀la.流沙黑芝麻包？即管睇吓佢有幾流沙.暖粒粒的包都幾軟熟, 不過............完全同流沙拉不上關係, 都估到, 又是普通的芝麻餡, 同上次一樣也不是充滿的填滿.$4.5買個包飽肚都ok ge.

行完百佳經過，見d 包咁得意，阿媽話不如買幾個拜神。就買左黑芝麻流沙包、南瓜包、吞拿魚包(鯉魚形狀)同芋頭豆沙包﹗拎返屋企蒸熱食，d 包好鬆軟，餡o既份量好足，唔會太少。黑芝麻流沙包：雖然唔係流沙，但d 芝麻餡都好食好新鮮。南瓜包：南瓜形狀，幾好食﹗吞拿魚包：鯉魚形狀好得意，餡有粟米同吞拿魚，幾好食﹗芋頭豆沙包：雖然唔太覺有芋頭味，但d 豆沙餡都ok﹗

爺爺生日,買壽包比佢食就最適合不過~之前見包點先生出咗啲壽包好鬼靚,又有禮盒庒喎,仲有分幾種size,送禮真係唔失禮~好!一於買比爺爺試先,由於未試過,唔敢一次買太多,所以買pack細嘅,細pack庒都有七個細壽包再加多個大既响中間,盛惠$48,都幾抵!味道好食過酒樓擺壽酒果d多多聲!最後爺爺收到壽包好開心~見佢食唔停就知佢幾滿意啦~

interview完左之後就落左藍田搵朋友..係等朋友既其實就係匯景廣場度行下....原來匯景廣場都幾多野行下wor..行行下...見到間全部賣中式包點既店!!之後俾佢既"香芋包"吸引住左...包既外皮係紫色..而且餡又係芋頭..食落暖笠笠又唔太甜....正!!!$4.5咋

講真，平時真係少d見會有專賣中式包點的包舖，而且舖入面d包全部都只係$4.5，仲要個size都唔算細~~由於家住藍田，所以都試左唔少款式黑芝麻流沙包~~很不錯的，入要有好多餡，好好味ga~~南瓜包~~整到成個南瓜樣咁，有d南瓜餡甜甜地，不過對愛甜的我來說不太夠，但都樂好香菇雞卷~~本人覺得好好味，特別係都食有肉做餡又唔想要菜肉包的時候，都幾多菇ga~~奶皇包~~這個我實在唔鍾意，入要d餡好似d啫哩咁，我始終都係鍾意傳統果種多d~~馬拉糕~~好大件，又鬆軟，我都好鍾意~~不過我就冇試過佢果d鮑魚、魚翅同瑤柱包，因為每個要成$10，都幾貴吓(雖然睇落都算幾大個)仲有如果想即刻食的話，記住入去同個職員講，要佢囉d熱d的俾你

黑芝麻流沙包: 出乎意料甘好味..雖然唔係流出黎甘liquid..但係好香芝麻味.啖啖肉唔唔會太甜..個包又超鬆軟..真係壓平左都會即刻彈番起身...勁神奇!!!!一個字: 正南瓜包:真係好足料..啖啖南瓜蓉..又唔會太甜..食個唔停口...而且個包太..都幾抵食..^^下次要試埋個菜肉包先..因為真係好吸引...呢間野..正!!!

第一次見呢間店都幾隱蔽的~~在百佳門口平時好少會行過去~~呢度都係中式既麵包~有好多都未見過~岩哂鍾意試新食物的我~呢度有好多唔同味既饅頭~仲有番薯包~魚翅包~鮑魚包.......我買了一個南瓜包~一個黑芝麻流沙包南瓜包都多餡我很喜歡流沙包~不過第一次見用黑芝麻的~只可惜今次它不流~~不過味道很香的~~包子很軟~~下次會試其他的~!!!PS: 有比較熱的~你要問佢拎~!!

我都覺得中式飽點是清新之選,因為不用植物油/牛油,又是蒸不是焗,更加健康。另外,值得一讚的是,菜肉包裡的菜是新鮮椰菜,實在叫人驚喜,相比聖安娜的菜肉包高一等~和其他網友有同感,其他曼頭,如甘筍曼頭,也是無味的,黑芝麻豆沙包也是我的至愛。另外,那裡的豆漿/黑芝麻豆漿,既實惠又健康!(仲平過惠康~)南瓜飽最近轉成橙色,唔知係咪用了色素,雖然賣相吸引,更有別其他餡的飽,但似乎有違健康原則。其實賣番貴一元,如果有多少少餡,咁就仲好喇~中國源遠流長的食品製作,終於抬頭啦,希望愈開愈多啦~

最近試了四款中式飽點作早餐, 全都大約$4.5一個, 抵吃, 味道也不錯, 又熱辣辣, 比起吃厭了的西式麵包有驚喜和誠意.暫時試了三甜一咸, 吃後感如下:咸 *** 葱花卷 - 葱花略少, 除葱花外還有丁點火腿吊味, 不過味道較薄弱, 惟包身也算鬆軟.甜 *****豆沙包 – 豆沙餡豐富不過甜, 幾好.黑芝麻包 – 比豆沙包更香更多餡, 有驚喜.奶皇包 – 比較失望, 奶皇不香兼質地似啫喱, 怪怪的.遲些會再試其他包點.

馬拉糕: 軟而有彈性,味道清甜,不像舊式馬拉糕.香苧包: 好有彈性,但全無味道,像食普通曼頭一樣.只是有紫色的閻奶黃包: 好有彈性,但全無味道,像食普通曼頭一樣.只是有黃色的閻用$4.5買1個曼頭,不算抵食.試一試無妨.包有彈性是其特色,不是傳統中式包,與傳統中式包味道相差好遠.已經沒想再買其他味的包試,全是曼頭.開放式的整包工場,竟看見有位整包師父整包途中用手抓癢腋下,好不衛生.但願我的包不是他做,眼不見為乾淨.

熱辣辣,個包好軟熟南瓜蓉唔會好甜...唔錯唔錯題外話間舖標榜話d包有彈性到拍扁左都會彈返起我試過...原來真係得架

經過新開的包點先生.忍唔住入去買野食!! (因為自己好鍾意食包)買左個香 '戶' 曼頭($4)同雞仔包($4.5)食!個香 '戶' 曼頭同普通曼頭無分別...無香 '戶' 味..-3-但都唔差.. 1個都夠哂飽肚..早餐尼計雞仔包就同平時酒樓食到GA 差唔多..無特別,-所以.都無咩驚喜..但就勝在曼頭款式多..仲有CHOCOLATE味, STRAWBERRY味...我諗下次會去買尼TRY下!

見呢度開左間新包店買左3個返黎試跟佢既提示, 食之前蒸左7分鐘迷 你 朱 古 力 饅 頭 ($2)朱古力味唔濃, 少少甜, 包身唔太軟熟, 皮亦偏硬迷 你 麥 皮 饅 頭($2)有幾粒麥皮既關係, 多少少口感馬 拉 盞 ($4)少甜, 都係唔軟熟平價中式點心, 算係咁啦