北京拉麵店 (已結業)

尋日去完睇戲~~一早已經想去呢一間嫁啦~~去到阿姐見我同男友一人一袋~~即刻俾位我地放袋~~good~~good~~我地點左客炒鱔糊,生煎包,蔥炒羊肉麵同雞絲粉皮個雞絲粉皮好好味~味道唔會太澴~~四個入面我覺得最好食係生煎包~~超好食~~同各種食物都係廿幾至三十~~各位可以一試~~雖然要加一~~但都ok既~~

今日下午於太子一帶辦事，路經這裡，於是在此吃一個下午茶餐，還可以呢，一個下午茶餐只賣12元。我選了四川担担麵，另加8大元轉飲(食？)川貝蜜糖鄧蘋果(因為最近都有點咳嗽)如果不加錢就是豆漿囉。麵質很有咬口，湯亦很夠味，只是對我來說不太夠辣，算是味道不錯。糖水體積比較小，不過火路夠，只是川貝的味道不夠濃。飲完之後真的感覺到有點潤肺呢。PS‧這裡有收加一服務費的。

前幾日黎呢度買外賣。一睇個menu, 竟然無魚香茄子?唔係呀嗎？咁common ge 都無？唯有揀過第二個啦。揀咗蔥爆牛肉。雖然叫蔥爆，好在都唔係好多蔥。有好多牛肉，牛肉有"o拿"過，不過無"o拿"過火，仲有少許咬口。個汁雖然咸咗少少，不過送飯就o岩晒。唔知點解外賣會無咗例湯同時菜，是拎漏咗定外賣無，不得而知。

唔經唔覺, 呢個星期都食左2次! 記得前幾個月食過西九龍個間, 感覺非常之差, 食物質素同味道都好唔得, 食完一肚氣. 呢次食旺角呢間, 好味好多. 食過: (1)南京牛肉麵; (2)酸辣湯水餃; (3)生煎包; (4)鱔鰗菜飯; (5) 煎鍋貼. 味道不錯, 雖不算是非常好味, 但以呢個價錢以呢個質素就真係幾好. 南京牛肉麵算係招牌菜, 牛肉有好多件, 味道似正香牛肉, 而麵身黏黏的又有點咬口, 好味. 朋友話水餃似足一位他認識的北方auntie 包的水餃, 好正宗咁話.　生煎包好鬆軟, 不過略為唔夠香口. 鍋貼熱騰騰, 好有肉汁, 好味.以上食物每都係20元左右, 一d都唔貴, 不過呢度要加一小費. 如果諗住簡簡單單食一餐既可不妨一試.

On the Lunar New Year Eve, had Afternoon tea (from 2:30 pm) $13.2 担担麵+豆漿担担麵分量was large.豆漿was too sweet.比$ 時先知要加一, 有被欺騙感覺.It NEVER said 10 % service charge on the menu in the restaurant or the menu outside the restaurant. The price was reasonable BUT 比$ 時先知要加一, 有被欺騙感覺.

2/17 1:00pm早上跳完舞, 走到花園街一帶辦年貨,有d餓而一個又唔知食乜好, 便入左呢間麵店.午市套餐都係飯類, 我無咩興趣,而特價餐($12)又要2pm先有, 所以只叫了"水餃湯拉麵"($19)人不多, 麵也等了10分鐘先上. 扣分~上到枱更有點失望: 麵是粗粗的,像油麵,而且油得湯面也浮了一些油. 很不健康...應該選担担麵那種較好, 起碼麵身幼一點, 滑一點.水餃非常一般, 皮頗厚,肉味也無特別.p.s 比$ 時先知要加一?! 如此質數及環境, 真係好唔值!!! 唔會再黎..

剛過咗嘅禮拜我可以用兩個字去形容：平凡。天氣唔凍又唔熱、天色唔晴又唔雨，去打波由於太耐冇打，打得唔太好又唔太差。打完波成個人又唔係太攰，不過五臟廟已經呼呼作響。朋友提議話去旺角附近食北京嘢，佢據聞呢間店舖已在該區開業有一段日子，响當區嚟講都有啲口碑。由於我地要急於祭五臟廟，响冇其他更好提議嘅情況下，就下咗決定。呢間店舖嘅內部裝修富有(或扮富有)傳統特色，餐牌上所顯示嘅都係一啲廣為人知嘅北京小食(有啲好似唔係)同埋菜色。我地五個人七嘴八舌咁點咗小籠包、鍋貼、紅油抄手、淨雲吞、排骨拉麵、担担麵同埋西蘭花。先講辣嘅嘢，無論係担担麵抑或係紅油抄手，都唔係話整得好辣。雖然咁樣整法比較啱大多數人嘅口味，但係就失卻原有菜色嘅風味。例如紅油抄手咁，同將淨雲吞撈落紅油抄手一般，係完全食唔出有咩嘢分別，証明紅油抄手嘅雲吞仲未話好入味。担担麵醬較稀，撈勻之後冇乜香味。至於小籠包及鍋貼就合格，咬入口都可感覺到內裡肉汁四溢，肉汁都頗豐富嘅。排骨拉麵就冇得食，因為俾其他人食晒。埋單總共一百七十二蚊，論價錢就一啲都唔貴喇。不過整體感覺都係比較普通，呢方面就已經拉低咗唔少分數，所以我都唔敢响度大力推介呢間食店。

同兩個朋友去食lunch；叫咗魚香茄子斑腩菜飯，個餐包例湯、油菜；由於我們三個人，仲送了一客豆沙窩餅！先講個魚香茄子斑腩，整得幾好，oily ge 程度可以接受，因為呢個餸係預咗油。好多茄子，亦又不少斑腩，斑腩整得好，唔腥，粉漿亦都唔會好厚，唔錯！至於個菜飯，我反而覺得油咗少少，D菜粒都切得幾大粒吓！個湯就勝在夠熱，應該唔係味精湯，因為飲完都無口渴！油菜都係咁gar lar,可不過份量好足！由於太飽，我無試過豆沙窩餅，不過個fd話好食喎！

下午茶$12 叫了個排骨拉麵, 送豆漿無湯底可言, 清淡如水麵真的像超市所買的粗麵, 我要另外加桌上的辣醬來伴着吃才算入得口.唯獨3'條'豬排有少少驚喜, 有薑汁味, 但份量太少.豆漿有甜味, 無豆味收加一好彩食午茶平, 如果午餐正價$20給我一碗這樣水準的東西, 我一定給'喊樣'x2我明白$12在旺角不能要求太多, 但這種只求飽肚的質素實在不值得鼓勵. 無下次

先同大家玩個遊戲：下午茶餐$12，可以食包/ 麵，跟豆漿；如果想飲是日精選糖水就加$8，好抵呵？好o勒，如果我想食川貝蜜糖燉蘋果，咁我就應該星期四先去食，對嗎？但係，如果我跟既係蒸銀絲卷，我根本唔使夾時間去食「下午茶餐」- 幾時都食得。何解？因為蒸銀絲卷正價$8，糖水正價$12。言歸正傳：一入到去，聞到陣「鹹濕味」...我諗係由牆上既織錦發出o黎既。食野：銀絲卷唔夠五分鐘就躉出o黎，但明明係方才先蒸...唔夠熱；銀絲卷無「絲頭絲尾」，切得唔深而又難分，極之「煙?」。到個川貝蜜糖燉蘋果，「剛剛燉好」（？），熱囉...蘋果半軟而有渣。即「燉」乎？今餐純粹為呢個無聊既「數字遊戲」「笑笑」。

食物剛端上桌便大倒胃口．綠色的畸形碗裹，浸泡一團貌似超市廉價拉麵物體，白色無味湯水上，漂浮幾粒百佳家庭裝菜肉水餃．看在錢的份上，吃了幾口．結論：北京當地任何食店兩蚊碗麵，都好過呢間十倍．

北京粗拉麵：粗拉麵係黃色ｏ既烏冬，但個湯底唔錯，而且ｄ白菜仔好新鮮！唔似其他餐廳ｄ配菜求求其其！見人地ｄ酸辣麵好正，不過怕辣所以冇叫咋。另外個蒸銀絲卷都好正，但一定要ｏ黎到即刻食，因為凍左就唔好食架喇～點埋ｄ煉奶真係超級好味呀！服務一般啦，搭檯情況好嚴重呀，好鬼迫人！不過咁既價錢～質素真係算中上呀！

27/5(六)晚同3個fds一行4人黎食叫左雞絲粉皮,擔擔麵,生煎包,拼盤,什錦炒年糕同3杯豆漿雞絲粉皮個醬幾好,但有d粉皮大塊左d擔擔麵無食,不過個fd話唔好食,d面好淋生煎包煎得唔夠,只係微微煎過冷拼盤包括有燻魚,豬扒,五香牛肉同油炆筍,全部都硬左小小什錦炒年糕叫做最好,唔太油豆漿無咩味,無0麥甜味無0麥豆味呢到冷氣好勁,d野食好快凍曬雖然平,但基本上唔會再黎食

第一次食哩間野都係幾個月之前既事~個陣是但搵一間野食~今晚同男朋友去左食晚飯~~叫左2送一湯+2個菜飯+一支紀廉+金桔青擰~!送有:回窩肉,都幾好食之後又叫左個蔥爆牛肉,哩個爆好食!!!!好入味同好"諗"!!!!!超正!!!!我俾10分~!!!酸辣湯好大兜,好多料,好好飲!!!個菜飯都ok~~d service唔錯~~!!最後埋單都係$140,我同男朋友飽到出唔到門口咁濟真係幾好~不過環境就差左少少~

過去左既星期日(16/4), 我同亞媽一齊去此店食lunch. 其實我在兩, 三年前已在此食過dinner, 不過印象已很糢糊! 是日, 我同mum分別叫左以下食物: -1) 醬爆雞丁菜飯仲以為似宮保雞丁, 有果仁一齊炒. 不過當奉上食物時, 只見一大碗青青綠綠既菜飯, 及一小碟好多醬汁既炒雞丁, 分別以珍珠荀, 菲皇來炒, 係就係細碟左d, 不過都幾好味架. 亞媽就最鍾意.d菜飯方面, 好大碗, 我估佢應該落左d雞油來煮, d飯有少少咸咸地既味, 加埋d青青綠綠既菜, 好好味...亞媽話如果無送, 佢都可以食晒d飯呀^_^2) 北京水餃皮好厚, 餡就有d咸, 以豬肉及菲菜mix埋一齊, 吾知點解佢d肉會痴得好實, 吾通係豬肉"膠"?? 對比起"翡翠"既出品, 佢當然無得比la. 不過以$16既價, 算係敢lor.3) 煎鍋貼其實係外型上與2)不同, 但d餡同佢一樣, 都係豬肉+菲菜! 而且d皮都一樣係敢厚...仲有, 佢上碟時,吾知點解會痴碟架, 我好想原隻夾起佢, 但最終都穿左....流晒d汁出黎!後來我mum 寧食菜飯都吾食呢個鍋貼呢?!服務方面: 都ok既, d侍應都好好招乎環