北京樓 (新城市廣場一期)

營業中

休息中

週末與家人飲個早茶，下午再行街。星期六早上十點半去到沙田北京樓，位置好多，唔需要等。叫咗一飯一粥，一碟菜，同一啲點心。蘿蔔糕眼看有4件，但其實切咗三角，份量比其他地方少。蘿蔔糕口感ok的，煎得幾香，唔燶亦唔算油膩。菜餃面有黑松露點綴，味道就唔係好食到。饀料除咗菜苗，仲有蝦膠。三寶好大件，無切開。蔥花切得好隨心。清灼菜心。從碟邊兩粒菜頭可見亦是比較隨性。排骨飯的份量與iphone相若。另外，想講講服務質素。平時有開去北京樓唔同分店用餐，有比較之下，沙田係大幅落後。首先，店員無反應又奇怪。用餐途中收哂我哋枱嘅茶水，唔俾返我哋。問佢佢先至俾返。上菜、收碟都係「靜音模式」。到中後期直頭唔收碟，成枱點心籠同疊起哂嘅碟。埋單又係好難先搵到店員幫手。應該唔會再嚟沙田分店。呢個價位值得有更好嘅體驗。

北京填鴨等左好耐，賣相唔算好靚，不過鴨肉柔嫩，味道濃香，鴨皮超級香脆，入口爆發鴨油芳香。隻鴨好好味，但鴨餅(即包鴨塊皮) 好硬好乾，雖然有蒸氣熱住，但都無幫助。上海小籠包 夠熱夠皮薄，肉餡湯汁超多，有肉香又唔膩，味道很好。火腿津白 津白份量偏少，不過火腿好高質，係蜜汁金華火腿咁，咸甜肉香，配津白食好正。健康紅米炒飯 抄得香口清爽，米飯粒粒分明，加左紅米健康又有咬口，最正加左。不太忙的時間，服務幾好。繁忙時候，就難搵到服務員。

這次在北京樓餐廳的用餐經歷讓人失望至極。1.這家餐廳的價格實在是太高了，完全不值這個價錢。菜量小，味道普通，根本不值得這麼高的價格。2.轉盤幾乎無法使用，轉動需要很大力氣。我哋已經唔出聲，但服務員既然將菜就咁擺檯面話轉唔到轉頭就走～（這本身就是北京樓自身問題，身為服務員度如此，試問客人又點接受咧？）3.服務態度極其惡劣，永不再來～黑名單！不推薦不推薦不推薦！！！

北京樓一直以來給我的感覺是高級食府這次的服務水平完全配不上「高級」這兩個字服務態度奇差服務員無禮其中一例子是原本枱上的轉盤轉動不順暢服務員直接把菜放邊上跟她要求把菜放回桌上一句說轉不動就走了頭也不回上菜的服務員在上菜時責罵我們未有足夠空間上菜而不是提醒難怪大家者都北上消費

1. 服務態度惡劣，菜都不擺上桌，要我們自己擺？第一次遇到這樣離譜的事情2. 菜的質數差，北京烤鴨皮都軟的，菜心特別老，完全咬不動，菠蘿咕嚕肉完全預製菜，應該昨天剩的，其他菜中規中矩，完全算不上好吃，還差菜沒上，最後退了3.環境中規中矩完全沒有年輕人來吃，只有附近老人家吃

自從裝修了後，再去過幾次這間北京樓，地方算是寬敞了，但略嫌在近門口，大廳的枱比較密，因為樓底不高，所以，枱與枱之間互相講嘢教應聲。但較入面的枱會比較好些寬敞些。今次一家人去吃午餐，年青的女兒喜歡嘗試北京填鴨、小籠包和擔擔麵，這裏的食物總是有點特色和味道，所以，第一次來的女兒也很開心，雖然未至於屬極好食。人手不足始終還是有，但是比未裝修之前已經好多了。這裡是沙田巿中心賣高中路線的酒樓，不過不失，也能開心而回。

我最近行過新城市想飲下午茶🫖，就去左北京樓，值得一讚係坐位多，2個人可以坐4人卡位，夠光猛。餐廳的裝修現代化，2:30去到職員立即帶位，立馬幫我找到一個舒服的卡位。Menu係qr 落單上有經典的飲茶點心，點左壽眉都唔錯，清清地。因為蒸點心就等左20分鐘，點心先到。本身想飲個平平地下午茶點知最後300蚊賣單

裝修之前，家姐一向都話呢間北京樓啲嘢好食，仲話尖沙咀嗰間唔係好得，佢最欣賞喺以前呢度嘅北京填鴨。裝修後嚟過幾次，今次佢竟然話啲嘢食越嚟越差。😥今日叫咗蟲草花炒小豆苗,上菜速度就好快，不過啲小豆苗好老，啖啖都有渣。😥脆花膠+填鴨半隻$298,價錢唔貴，花膠好大隻，不過如果唔講我食唔出係花膠，如果係靚花膠，咁樣煮好似有啲嘥😅。今餐包填鴨啲皮凍嘅，雖然個蒸籠有煙霧出嚟，但係啲嘢係唔熱嘅，家姐仲話啲鴨肉有啲「梅」。😥我哋三個人叫咗一個蟹肉羮同兩個燉湯，蟹肉羹好快就嚟咗，燉湯等耐啲都正常，不過拎到嚟同上次一樣，一個熱另一個和暖，終於又係要佢哋再加熱。😥好彩個燉湯夠料又好味。😋😋雖然裝修靚咗，坐得舒服咗，但係嘢食就越嚟越一般，我估我哋可能會嚟少啲啦。😥

正月十五 元宵佳節 ；一場歡喜 、一枱差元宵佳節家中兩個情人（一行三人）想去北京樓食北京填鴨；因為到沙田行街！就去咗新城市廣場依間！農曆新年期間只有選擇賀年套餐！選咗一個四人賀年套餐；包括有：三小碟（醉雞、糖糟排骨、燻素鵝）發財好市（冬菇、發菜、金蠔炆火腩；生菜底）北京填鴨（半隻）沙碢花膠雲吞雞煲松子貴桂花魚灌湯小龍包合桃湯圓再另加一個水晶肴肉依個套餐真令人失望；喺失望中嘅失望！由其是這碟北京填鴨；可以講人生之中過了一半！第一次食到噤難食嘅北京填鴨！點樣差法？經理一放上枱；我已經懷疑人生嘅感覺？！這碟是北京填鴨⋯⋯大問號❓出現了！我就馬上同經理講！這碟是新鮮砌出來的填鴨嗎？！經理一定回答是新鮮的！但我一睇！肉質同鴨皮都好似有點乾！烤鴨皮有番烤的感覺；乾得喇出油！肉質死灰色！誰知一食落口！就見真章！唔使再食！這碟填鴨食咗幾片就唔食！質素太太差了！除咗填鴨最差其他菜式都是一般中嘅一般！小龍包還保持質素！還有碗碟又不乾淨，服務員態度又差！上菜又由松子魚上第一度！可能我今日擇錯日子去這家北京樓！但對我嚟講；以後以後唔會去這間食飯！大家不妨去試一下有冇噤差！

沙田新城市廣場八樓的同一集團的三間中菜館，裝修後漸漸再度投入服務。今天來了北京樓，進入菜館，感覺挺好，間隔採用了半開放式的設計，而且看來較以前高級。唯一不足就是我們今天坐的位置較接近餐廳入口。來北京樓當然有吃烤鴨，我們只三個人，所以點了半隻，烤鴨來了，賣相跟味道還可以，可惜，食起來像菜涼了才送上，就是沒以前那麼好吃，有點失準。😥餐前小吃方面，以前來北京樓都會點蒜泥白肉，我愛那又濃又香可不膩的醬，伴著白肉一起吃，真是回味無窮。可惜，今天把整本餐牌看了幾遍也找不到這菜式。😥最後選了麻醬雞絲粉皮和餚肉，幸好這兩個味道都不錯。😊主菜我們點了雲腿糟蒸黃魚，賣相很特別，冬菇肉厚美味，但黃魚的味道卻只是一般。今天最滿意的是羊肚菌鮑魚螺燉湯，溫度夠、味清甜。不過整體來說，這晩餐還是有點令人失望。

下午時段，以為要排好耐隊，誰不知竟不用等便可以直接入座。太好了！😊點了幾道菜。小籠包（4隻）叫人好失望！個小籠未食，都沒有熱騰騰的感覺，而最重要是，未食之先，小籠包裡的汁已流走晒！所以到我夾同食的時候，個小籠包都乾乾的，完全沒有肉汁，十分之失望😞！*鮮蝦腐皮卷，香脆好食。*擔擔面，湯底味道只得一個「麻」字，湯底都不夠濃郁，都是失望，而面方面都太軟身，不彈牙，麻麻地。整個擔擔麵真的有點令人失望。*糖醋里脊肉配薄餅，肉太甜，洋蔥絲太多而且太生，只係簿餅夠簿，是唯一的亮點，主角都是失望囉。*百花煎釀三寶，好食😋又大件。*蝦餃，大隻正常。好食。不過，想講，這間都係老牌酒樓，可是，正常點心質素是正常！但，今次食的「北京」菜式都強差人意，出乎意料之外的差，而且價錢不是特別平。性價比好低。另外。由於不知什麼是「滷麵」，於是問了職員，但職員都說「不知道」，於是便點番「擔擔麵」。

本來早上約了一大班朋友去食意粉，怎知服務員說任何時間都系9 0分鐘用餐時間，真掃興！只好轉場！去飲茶一定不會再有限時困擾吧！我們本想叫點心，但見4人套餐$498好抵，仲有片皮鴨，即試下。 估不到每碟菜式都大大碟，味道合格，算有驚喜。但也有失分地方，就係人手不夠，服務員態度麻麻，廁所周圍堆滿用過廁紙，但廁紙廂反而是空的😅！非常希望能改善😎。

見到做特價套餐就去試一試-$488北京填鴨半隻加油浸筍殼魚叫餸時夥記同隊長唔回應，就算見到你叫佢都唔會理你就行咗去！唔係一個係咁幾個都係咁！我係叫清潔姐姐叫伙記落單。但伙記落單又落唔齊！上菜又上唔齊！到差唔多食完，重有個义子未到，就叫清潔姐姐叫伙記同我取消個义子，點知1分鐘就送上枱，不過係凍又唸嘅！北京填鴨同薄餅出晒煙上菜時係凍嘅！又唔係滿坐，又唔係好多人！出菜同樓面都唔協調！伙記就掛住同啲熟客傾偈！唔會再有下次！

原來而家沙田間北京樓因為新裝修所以有個8折套餐做緊全隻北京填鴨加油浸筍殼魚套餐$488咁啱奶奶生日就book咗枱食飯新裝修係幾華麗但係食物質素同埋服務態度依然都係非常一般特別係北京填鴨質素好似越來麻麻唔脆又唔油香🙃🙃其他嘢都係正常發揮但無咩特別唔會想再去食😂

一行五人去沙田北京樓食晚飯，片皮鴨嘅味道的確如其他好友嘅食評所言，以收費嚟講，已經係難以值得收取呢個價錢。其他嘅餐點例如小籠包、生菜包等等，亦有類似情況。現場所見，食客疏落，或許就係最直接對店方嘅回應。但係，店方似乎亦唔想坐以待斃，以一招製麵師傅即場表演手拉麵供食客欣賞，走兩至三場表演，氹得班食客都幾開心，個個都拎曬手機出嚟影相，當中小朋友就最開心，每位小朋友可以攞到一嚿麵團，拎返去當泥膠玩都可以玩一餐。不過餐廳最重要都係食物好唔好食以咁嘅質素落去，恐怕要再搞幾多個表演先掂。。。有緣先再去啦