北京樓 (新城市廣場一期)

營業中

休息中

夜晚突然喺沙田好想食片皮鴨 但係富東閣應該已經賣晒🫠 所以就揀左間價錢最相宜既餐廳食～🦢 半隻北京填鴨 $168份量都唔少！尤其係佢用呢種曬冷擺盤望落好似好多咁🤣 單食鴨肉味好重 好香 但係夾埋餅皮又好似無咁出🤔 不過男朋友就話夾住都feel到香鴨味 所以應該見仁見智 比起之前食過既古琴雅居同城中鴨子 我覺得就遜色左少少🤏🏻🍖 東坡肉 $158因為覺得淨係片皮鴨太dry 叫多個 點知飽到痴線( ´•̥̥̥ω•̥̥̥` ) 東坡肉好好食🥹 個汁調味一流 偏甜的 配肥肉令佢無咁膩！而且啲豬肉好淋有肉味仲有汁 很喜歡(›´ω`‹ )夜晚如果食唔切富東閣想食片皮鴨呢度都係個唔貴的選擇ㅋㅋ 不過都唔係特別平的嘻嘻

匯豐信用卡推出咗一個餐 $888 ，今日一同四行去食。前菜係冷艷三拼，有 -- 七里莊酒糟醉雞：都幾濃味而且滑- 北京醬蹄：都有好多塊-茉莉花茶煙素鵝：煙熏味好濃郁，都幾開胃•雲腿花膠雲吞雞：湯幾好飲，啲雞都幾嫩滑，有四大嚿花膠，仲有好多粒雲吞，我哋都食唔晒•松子黃花魚：呢個上店既嘅時候好驚喜，條魚好似拱橋咁，啲汁都好好味•烤北京填鴨（一隻）：嗌嘅時候店員話可能要等一個鐘，但係有其他嘢食食食下都唔覺。啲皮都幾脆，唔算太肥膩，連埋啲皮食good •乾燒大明蝦（四隻）•瀖湯小籠包整體來說我覺得都幾高質，係家庭聚會既約地方

之前已經食過堂食 個陣真系好失望 除左價錢貴之外 服務態度都唔好 好似唔想做生意咁今次見佢地出左下賣優惠 都幾抵食於是買左外賣反去同屋企人share 叫左3個餸再加一隻鴨同鴨殼500都唔洗 都幾抵食！個日既服務都唔錯先泥講下食物我拎到反屋企都仲暖暖地 呢樣真系唔錯但系個鴨好油 皮下脂肪好厚有個浸油益未 呢個就麻麻不過整體都幾多 可以止下口痕但系如果用原價或堂食價真系唔抵塊皮都算幾薄 如果你話幾個月食一次都唔錯嘅 但係長期當飯堂就唔得啦😂其他餸都唔錯 炸菜肉抹推薦！！

服務差到一个點，不会再去，女侍應講粗口，收錢就快，叫佢地落單等十幾分鐘都冇人來。叫了片皮鴨，叫加皮，女侍應说沒有，問另一女侍應，她說加錢。當然本意是加錢買。埋單要求比泊車單，女侍應又吾識，不停說冇冇冇。以後不会再幫襯。

沙田分店做緊限時優惠： $168就有半隻北京填鴨！一於係端午節去北京樓做個節😀😀👍🏻北京填鴨製作需時，不過值得耐心等候！特別欣賞餐廳用上一個銅盤，利用蒸氣焗住夾膜，鴨肉軟嫩，皮脂油份好香口，包上青瓜絲、香蔥，格外清新，用微暖又煙靭嘅夾膜包起上黎，食落滿口豐腴～👍🏻蟹粉小籠包蟹肉堆砌得滿而不瀉，小籠包嘅外皮煙韌，薄身而不易破，微微咬開，湯汁伴隨着蟹香隨隨滲出，肉汁鮮甜豐腴。👍🏻X.O.醬腸粉魚香蝦煲原鍋而上，X.O醬撲鼻而來，腸粉口感好滑，稍為焗一焗可以令到腸粉嘅外皮更為焦香，食落份外香口。蝦肉爽口清甜，加上鹹香度較重嘅魚香同瑤柱絲，的確非常惹味，而且份量相當足夠！👍🏻蘿蔔絲酥餅外皮金黃酥脆，蘿蔔絲的清甜一入嘴即齒
頰生香，而且綿綿密密嘅質感令人一試便愛上！酥皮層層酥脆而不油膩，底部嘅芝麻好香口，$48有三件，性價比頗高(⁎⁍̴̛ᴗ⁍̴̛⁎)💡 沙田分店有好多菜式都做緊限時優惠，住附近嘅朋友唔好錯過啦！

我們一行5人，好耐無食過中菜-同片皮鴨，啱啱又放寬堂食到晚上12點，終於唔使趕住走啦。今晚唔覺唔覺就叫多咗-太耐無見同太耐冇一齊邊飲邊食。今晚分別叫咗：一隻烤北京填鴨 - 味道都ok，而份量都太多（雖然5個人都覺得有些漏；醬爆腰果雞丁-這個味都濃都ok；鳳梨咕嚕肉 - 用新鮮鳳梨直得讚，不過個汁略酸，肉炸得乾咗一d,一般；薑汁炒芥蘭- 冇乜薑汁味、芥蘭有啲渣，一般；京淮蔥油伴海蜇 頭- 夠彈牙，但係冇乜味，一般；胡同里蔥油餅 - 餅皮本人覺得好乾、但餡料啲蔥都OK；淅江高郵黃金蝦球 - 蝦球都夠彈牙，不過本人唔太鍾意蛋黃，所以就覺得麻麻地。本身對北京樓好有期望，因每次經開都好多人排隊等位，而好耐之前食過都覺得比一般酒樓賣相精緻和味道好、服務好，但從入座時門口帶位職員完全無理會我們一行5人，只先比頭兩位朋友掃安心出行，而我們是一齊排隊入座，都唔理會我們，都繼續安排其人客人，這方面希望有改善。而食物方便，亦較預期無咁好。所以整體而言覺得一般，如下次再有聚會都未必會再選這間。

晚飯已經冇糖食，亦都有好多餐廳直情關門唔做。大集團應提供外賣都是不錯的選擇。而家做緊五點前落order，片皮鴨一隻六折。其他有啲七折有啲八折，要睇返餐牌。不過，最後揀咗個差不多$468個餐，有一隻片皮鴨+24塊皮+3個餸再加成隻鴨殼俾返你。比起堂食，外賣㗎非常吸引呀。所以購買那天，4:00落order，要成七點先有得攞。七點去到嘅時候，啲食物已經預備好，返到屋企仲係熱嘅。如果講份量呢個餐係四至五人一定夠食成，初時以為好細碟，同埋以為唔俾返隻鴨殼你，所以叫咗個拼盤同埋上海粗炒再加多一份皮（12塊$30）餘下的還可以食多一餐，鴨殼起出嚟，仲有成碟肉，可以炒生菜鴨菘，鴨殼留返煲湯。片皮鴨-鴨皮雖然唔夠脆，但係仲有啲暖。啲皮夠軟，同埋每一層都搵一張紙格住，唔會黐實晒。酸菜魚-分兩個盒，回家時將個湯加熱，放埋啲餸，總共有1.6公升,份量超級夠。菠蘿魚塊-菠蘿是鮮菠蘿，不是罐頭，所以酸咕嚕肉-一般冷艷三併-素鵝有煙熏味甜甜地好好食 燻魚夠味，青瓜冇乜味😓上海粗炒一般，不過勝在冇乜油淨係嗰餐，一個字「抵」

沙田新城市廣場-北京樓可以永遠blacklist的餐廳1）一去到已經見到碟上有污漬，要求服務員再拎另一隻碟，但另一隻碟上仍有污糟，於是再叫服務員拿，服務員用手捽下個污漬，表示捽得甩不用換。我表示這裏不是大排檔，又正值疫情，碟上唔應有污糟。服務員才說「算！換俾你」2）被安排坐走廊位，好難叫服務員，服務員只服務坐在房內的客人。吃完的碟堆在桌上無人收，上菜員工不肯收碟，叫執枱專員收都唔肯收，話幫你叫人之後又無人幫3）上菜的每隻碟都崩角，有些碟上有4-5 個崩裂位，如果有小朋友，好易割傷4）菜單有鵝掌、海參、龍蝦，但沒有提供刀叉，呢啲菜式用筷子根本難以進食。服務員表示餐廳沒有刀叉，好辛苦才找到2 個刀叉。5）龍蝦個箝有部份殼未弄碎，想搵人拎碎殼器，但又搵唔到人，要用手慢慢撩肉出來，餐廳又無濕紙巾⋯⋯6）一入座已叫拔絲蘋果，服務員當時無表示餐廳售罄，我們當時仲叫後上。到我們用餐完結時，叫服務員上拔絲蘋果，服務員先講沒法提供，因為已經無晒，仲說不是他落單不關他事，之後態度不好話「咁你記唔記得邊個幫你落單呀？」我們發火表示要搵經理。服務員先走開，準備冰水⋯⋯是次晚餐埋單八百幾，人均四百幾蚊，性價比極

今日同屋企人黎到北京樓晚飯，叫左個套餐，非常抵食，但水準較之前差。頭盤味道都幾難食。之後，醬汁蝦有辣味，肉質不差，味道唔錯。冇影到嘅片皮鴨質素一般，鴨皮睇落已好乾，食落唔算好脆。至於黃花魚，質素味道算最好，

今日食屋企人生日飯5:30入座佢話食到7:30要走一開始嗌嘢食等咗一個鐘啲嘢食味道OK可能因為假日但係等咗三個鐘 嘢食都未到催左三四次都冇幫我地跟幫我哋問點解咁慢佢話得一個廚師🙂都係因為屋企人先去食呢間🙃

今日（21/10/2021）到沙田市中心，上到八樓，先到一酒樓取位，但要等十幾張枱，同層有三間酒樓，唯有全取票等位，全都要等上十多張枱，估唔到北京樓最先有枱。坐下，侍應即送來前菜，有幾款小食，幾款都唔錯，特別是咸菜。點了燒賣，蒸耐咗，麻麻地，太淋金錢肚，味較較淡口，啱食。炸油粿，見鄰座點了，個樣唔錯，又叫，果然唔錯，好食。叉燒腸，都唔錯醉雞，無酒香，雞肉就唔錯百里香蟹肉炒飯，飯炒得乾身，好多蟹肉，好味道

838套餐超级好吃片皮鴨好吃大明蝦超值味道好味! 酒品太貴!人超級多! 可惜沒大閘蟹! 服務OK👌! 等位太久套餐包飲料完美! 套餐選擇少! 沒甜品送! 茶位太貴the same

❌北京樓❌📍:沙田新城市廣場一期8樓801C號舖⏰:8:00am-11:30pm💰:人均$300-$400 (設加一)⭕️: 現金、信用卡-烤北京填鴨(半隻)- 🦆💰168-一人套餐- 每位 💰328 (二位起)🌜無錫灌湯小籠包 🌜冷艷醉雞素鵝 🌜鵝掌配海參 🌜龍蝦蒸蒜蓉粉絲🌜花膠螺頭燉湯🌜杏汁燕窩❌首先講下點解我哋要去呢間食 因為嗰日係👦🏻正日生日 我哋又唔想出咁遠食 加上出邊啲貴價餐廳一早已經俾人訂滿咗位 咁我哋迫於無奈唯有近近地去沙田食片皮鴨(我都有早一日訂位)加上嗰日係星期五晚 仲好似做緊中秋節套餐咁 超級多人🥲-講下環境同服務方面 間餐廳係真係大間嘅 都容納到好多人 可惜6:30 已經坐滿晒人 如果冇訂枱基本上唔使嚟 因為根本就冇位俾你入去 每一枱張枱都幾大 我哋兩個人都可以坐到四人枱 都幾闊落👍🏻 但係員工明顯唔夠 我數到應該係7個以下 Menu冇人拎過嚟 冇人得閒幫我處理蛋糕嘅問題 連飲咩茶都要我叫員工過黎先肯幫下我 甚至我舉咗幾次手都無人理我 點餐方面我有問題想問 員工勁冇耐性答我 甚至覺得我好煩😀態度勁晦氣 所以基本上我哋乜都唔知就點左餐 我完全明白你哋忙碌嘅心情 但係

冇book位諗住walk in，5點40左右到門口，已經有一堆人排隊，門口部機冇得拎票。等到50分隔離庭X開始叫拎票，食北京樓既人都系同一個位拎票。營業時間6點前3分鐘左右北京樓門口先有人接待，好快就入到去坐低即刻開茶。茶樹菇上湯翡翠苗份量幾大，3-4個人食就差不多睇落味道幾濃郁，實在係冇乜味，清清地，夾埋個茶樹菇食就味道剛好。浙江高郵黃金蝦球粒粒都好大隻，包滿咸蛋黃，但唔會咸，食完唔會要飲啖水🤭蘇杭砂鍋東坡肉方呢舊東坡肉唔算肥，只係面頭一層小肥肉，軟熟，食完成舊都唔會覺得肥膩。狀元樓豆沙鍋餅第一次食圓形既豆沙鍋餅，原先以為好似menu咁一個半圓，會比較有趣。食落冇乜特別，雖然佢地痴埋，但有小小好似皮還皮，餡還餡咁。唯一系邊位有小小脆口，可以咬下。

今日去沙田北京樓係朋友建議既，所以點菜都由佢負責。我地八個人，分開咗兩張抬坐，如果叫套餐就只有4人套餐，咁我哋就叫咗兩個4人餐前菜有三小碟，算係正常冷盤，不過不失。跟住上花膠螺頭雞湯，係幾好味既，不過都幾鹹，飲完之後口渴咗成晚。再黎黃金蝦，唔覺得香口但又未至於難食。之後有蔥爆牛都係唔覺得好食，一pat野咁。仲有條又細又唔脆嘅松子魚。食到呢度，主角片皮鴨都仲未到。記得我講過我地分開咗兩張枱坐⋯隔黎枱d朋友已經食咗一半片皮鴨，咁我哋果隻又去咗邊呢？咁就要追單啦。我估佢哋請唔夠樓面，揾人過嚟已經難，搵到人問又話片皮鴨係要等耐d。佢真係hea我，我隔離枱d朋友都清咗八成鴨咁滯，我哋d仲未到！叫人沖茶，又冇攞返壺茶返黎。等咗好耐碟鴨終於到，不過個皮唔脆仲開始出油！終於明白今晚d餸有咩問題，就係煮完出嚟d餸冇人傳菜囉，攪到碟碟餸煮完都放咗好耐先攞過嚟，咁d野一定唔好食啦。埋單果陣問個waitress有咩咭埋單有折，佢話唔知要問第二個！之後經理埋黎話hsbc埋單會送$300 coupon。嘩咩咁多謝呀，但係你送比我都唔會再返黎幫襯囉，又冇service, d野又難食