影片
更多
2021-10-14
1034 瀏覽
❌北京樓❌📍:沙田新城市廣場一期8樓801C號舖⏰:8:00am-11:30pm💰:人均$300-$400 (設加一)⭕️: 現金、信用卡-烤北京填鴨(半隻)- 🦆💰168-一人套餐- 每位 💰328 (二位起)🌜無錫灌湯小籠包 🌜冷艷醉雞素鵝 🌜鵝掌配海參 🌜龍蝦蒸蒜蓉粉絲🌜花膠螺頭燉湯🌜杏汁燕窩❌首先講下點解我哋要去呢間食 因為嗰日係👦🏻正日生日 我哋又唔想出咁遠食 加上出邊啲貴價餐廳一早已經俾人訂滿咗位 咁我哋迫於無奈唯有近近地去沙田食片皮鴨(我都有早一日訂位)加上嗰日係星期五晚 仲好似做緊中秋節套餐咁 超級多人🥲-講下環境同服務方面 間餐廳係真係大間嘅 都容納到好多人 可惜6:30 已經坐滿晒人 如果冇訂枱基本上唔使嚟 因為根本就冇位俾你入去 每一枱張枱都幾大 我哋兩個人都可以坐到四人枱 都幾闊落👍🏻 但係員工明顯唔夠 我數到應該係7個以下 Menu冇人拎過嚟 冇人得閒幫我處理蛋糕嘅問題 連飲咩茶都要我叫員工過黎先肯幫下我 甚至我舉咗幾次手都無人理我 點餐方面我有問題想問 員工勁冇耐性答我 甚至覺得我好煩😀態度勁晦氣 所以基本上我哋乜都唔知就點左餐 我完全明白你哋忙碌嘅心情 但係
📍:沙田新城市廣場一期8樓801C號舖
⏰:8:00am-11:30pm
💰:人均$300-$400 (設加一)
⭕️: 現金、信用卡
-烤北京填鴨(半隻)- 🦆💰168
-一人套餐- 每位 💰328 (二位起)
🌜無錫灌湯小籠包 🌜冷艷醉雞素鵝
🌜鵝掌配海參 🌜龍蝦蒸蒜蓉粉絲
🌜花膠螺頭燉湯🌜杏汁燕窩
❌首先講下點解我哋要去呢間食 因為嗰日係👦🏻正日生日 我哋又唔想出咁遠食 加上出邊啲貴價餐廳一早已經俾人訂滿咗位 咁我哋迫於無奈唯有近近地去沙田食片皮鴨(我都有早一日訂位)加上嗰日係星期五晚 仲好似做緊中秋節套餐咁 超級多人🥲
-講下環境同服務方面 間餐廳係真係大間嘅 都容納到好多人 可惜6:30 已經坐滿晒人 如果冇訂枱基本上唔使嚟 因為根本就冇位俾你入去 每一枱張枱都幾大 我哋兩個人都可以坐到四人枱 都幾闊落👍🏻 但係員工明顯唔夠 我數到應該係7個以下 Menu冇人拎過嚟 冇人得閒幫我處理蛋糕嘅問題 連飲咩茶都要我叫員工過黎先肯幫下我 甚至我舉咗幾次手都無人理我 點餐方面我有問題想問 員工勁冇耐性答我 甚至覺得我好煩😀態度勁晦氣 所以基本上我哋乜都唔知就點左餐 我完全明白你哋忙碌嘅心情 但係我比呢個價錢過嚟食 唔係食你普通酒樓嘅質素😕
❌接下來講吓佢食物嘅質素:
第一樣講佢隻鴨先啦 一嚟到 👦🏻覺得好奇怪 點解啲皮唔識出煙既 幾分鐘就凍哂 人哋隔離枱嗰啲一睇就知道熱辣辣 之後問個員工咩事 原來佢哋唔記得放個熱包起啲鴨皮既下面😀但係佢哋完全冇諗住換過啲新嘅俾我哋 直接放返落去就俾返我哋食！片皮鴨就不過不失啦 鴨唔會好蘇 脂肪偏多 不過如果鍾意食皮多過食肉既人 基本上可以唔使過嚟😂因為佢厚肉！
-然後我哋揀咗個一人套餐 每位328加一 兩位起 即係我哋成晚就食咗九百幾蚊埋單💸
滿心期待應該會食得飽 畢竟三百幾蚊可以去食一個平價放題嘅價錢😀
完全極度失望😀小籠包就正正常常啦四粒 個素鵝麻麻哋好食 又係四粒 醉雞得嗰幾舊冇乜味😂然後個龍蝦蒸粉絲 嚟到好似一堆人地食剩嘅廚餘咁 擺盤唔靚之外仲要唔好食 為咗塞飽大家個底墊咗好多粉絲 再加上好多蒜蓉蔥調味 隻龍蝦冇乜味 完全唔合格 仲要極度細隻🦞個花膠螺頭湯都正常 好多料 味道清淡 咁唯一好少少係嗰個鵝掌配海參 味道濃郁 我幾鍾意食呢個！
重點要提及佢個杏汁燕窩 都好耐冇食過啲咁難食嘅嘢😂 我同👦🏻食咗一啖就放棄左 完全唔香嘅 好似食緊啲完全冇味嘅甜品😂
總括嚟講 今餐食咗九百幾蚊
📌食物唔合格 服務都唔合格 價錢唔合理 份量少📌
又對唔住👦🏻每年生日都請佢食垃圾🥲
張貼
