北京水餃店

營業中

休息中

難得到元朗，必吃此餡餅！餡餅新鮮熱騰騰，表皮脆口，同時吸收了肉汁味，味美非常！咬一口滿是肉汁，九菜清香璧綠，若不是要留肚吃其他元朗美食，一定會多吃一個餡餅。吃時要小心，因為真的很熱，會灸口

星期一咁啱要去元朗買野, 就順便search下openrice有咩食見到元朗廣場隔離有間食水餃既就即刻決定食佢一點半, 店入面大約五六個客人雖然天氣仲係熱熱地但都係忍唔住要食酸辣叫左"酸辣水餃面" (好似係$32)再加杯"凍豆漿"解下渴 (好似$7)凍豆漿先黎唔會好甜, 夠哂凍, 正啊><酸辣水餃面一黎我就心諗"酸辣湯好足料啊"有豆腐, 超多木耳&筍(<--勁like)酸度ok, 不過未夠喉 (我一向食得比較酸既XD)d辣係慢慢咁出黎, 頂得順 (我食酸辣粉最多都係叫小辣, 甚至係bb辣)呢種辣我幾鐘意d水餃有三四隻, 係個底度大大隻既水餃, 食得出食自己包 (好似阿媽做既)好食過"灣x水餃"十倍好足料, 唔會話得少少肉菜&肉比例啱啱好d面就不過不失, 食完成碗勁飽下次等下午茶時段黎, 叫多兩隻餃食><

10年前, 我係元朗學車, 次次放工之後都趕放工去學車. 因為趕頭趕命咁去, 往往個肚都會餓住咁去, 雖然上元朗車之前都可以食野先, 不過早d去到緊好d, 始終怕塞車去唔到. 所以多數會到元朗上穿梭巴士附近既食店食野.以前唔多選擇, 穿梭巴士附近有個大排擋, 本牛對大排擋真係麻麻...除此之外就係呢間北京水餃店, 一吃回味之後就每次去學車都去食, 呢個就係十年前既相遇.十年後既今日, 重遊故地, 一再嘗當年滋味十年前都係咁既門面, 都無變過, 門口有賣小食既位置, 那裡的煎餃好好食!我當年第一次係極肚餓時食過呢度既酸辣湯同餃子, 今日重遊故地再一試這裡的酸辣湯很稠結, 用料很足, 爽脆既筍絲, 軟軟的豆腐, 還有很多不同的材料, 組合成一個味道很豐富既組合. 麵身係幼身而煮得比較軟身既上海麵, 酸辣湯的酸辣平均得唔錯, 唔會有一D店舖只有酸沒有辣味的情況, 麵帶同酸辣湯一同滑落喉嚨, 熱力和辣味由心中散發. 讚!除左酸辣湯麵之外, 我最鐘意食既就係哥度既煎餃子. 皮既厚度做得剛剛好, 唔太薄, 但有咬勁! 肉陷味濃, 肉汁封了入餃內, 很味美!以往我食完之後都會再另叫多一份餃子囉走,

因為入元朗睇貓貓的關係 見貓場老闆買了呢度嘅外賣所以我買了個北京餡餅外賣試下 一試即愛上呀$8一個 熱辣辣 內餡的肉同菜比例好好 老闆娘好好人 仲同佢傾貓經第二日又要入元朗接貓貓B 佢就係喺巴士站格嚟 所以臨走入去堂食今次都係叫了餡餅 再加水餃那個水餃~~~~不得了 好好食 好多汁 真係"bit"出嚟的 加杯凍豆槳係好飽肚老闆娘認得我 又傾了一陣 仲同佢個員工話我個樣好似佢個女哈哈哈 最後買埋盒生水餃番屋企煮 佢地個個好好人教我點煎唔講我唔知原來要水煮完先在煎的可能本身我真係好鍾以食北方嘢 呢間係我近年喺香港食過最愛好食到我同老板兩娘講我會寫上open rice! 可惜佢好次唔係好明下次去元朗會再去幫襯~~ support

鮮奶包再次光顧了北京水餃店！這次點了的，是店家的擔擔麵！擔擔麵(加辣少麵)其實鮮奶包以前亦吃過店家的擔擔麵。嗜辣的鮮奶包略嫌辣味不足，加上胃納有限，故點了加辣少麵。 此店的做法是先以花生醬放底，加上清湯，加入麵條後再鋪上麻醬。花生醬的香味甚濃，麵條是一貫的出色。不但條條分明，順滑之餘亦不乏應有的麵粉香，討人歡心。麵的最佳處是麻醬，麻醬的調製十分用心，材料不用有普通的辣椒、榨菜、肉碎，更加入較少有的蝦米、蒜，加上花生醬味，令味道的層次感十足。具體來形容，是蝦米的鮮味把各調味的味道昇華，而且把膩感降低，花生香濃不膩，榨菜具咸香之餘不會令舌頭麻木，蒜味、辣味不乏，所有味道其冶一爐，卻不互相蓋掩，反而相得益彰。一碗十分可口的擔擔麵。鮮奶包十分喜歡店家的擔擔麵出品呢，個人認為要比菜肉雲吞麵出色，喜愛擔擔麵而又怕膩的人要一試了，嗜辣者記得加辣！

又是星期四元朗日，想回沙田卻追車尾，懶得排第一，決定搵下有咩好野食﹗路經這間水餃店，見門外有阿姐在即叫即煎蔥油餅，忍不住入去試試‧上海水餃小店，由於不太餓關係，點了鍋貼及蔥油餅來吃﹗即叫即煎，蔥油餅$7件，上枱仲係熱辣辣，咬落香脆，蔥下得極多，咬落蔥香撲鼻，惹味無比，好好食﹗鍋貼$12 4隻，亦做得不錯，餃皮煙韌，入面韭菜下得多，我的至愛﹗反而豆漿味道極淡，食多件蔥油餅仲好﹗

以前亦曾經數次來這間上海店用膳, 嘗過的菜式有擔擔麵、雪菜水餃麵、鎮江排骨麵等，是次則嘗試了炸菜雲吞麵。炸菜雲吞麵：實在太好吃了！首先由於鮮奶包食量不多，據先前經驗，亦店的上海麵都大大碗的，我胃納有限，故是次叫店方少麵。店裡的阿姨真的很好人，不但允可我的要求，更貼心的說若果我少麵後不夠吃可以叫他們添回！我在不同店子叫少麵、少飯等，還是頭一次有如此窩心的待遇！撇除這樣不說，這碗上海雲吞麵真是我吃過以來水準最高的！上海麵爽口不淋不在話下，那些雲吞才是無與倫比！皮厚薄適中(雖然鮮奶包偏愛小厚的皮)，裡面的饀菜肉比例恰當！不會過膩！驚人處是三粒中有兩料會「爆汁」的！鮮美可口！先前吃的水餃面也有類似的經驗，這次更証實了店家的水準穩定，烹飪功夫高明！肯定的說，這家店子將會是我未來會多多光顧的上海店！

以往在這邊上班路經了很多次, 只見午飯時間很多人常常滿座. 突然心血來潮今晚就試一試吧.見到所有食評多數大讚這款食物, 就是北京餡餅, 當然要一試, 果然沒有令我失望, 第一口咬下去, 熱辣辣的肉汁周圍四淺在枱上, 而我的手亦不幸地擊中............很燙呀...下次真是要少心一點.. 先談外皮, 表面煎得脆脆的, 內裏很多韭菜味道很香, 雖然有少少油膩...但我覺得算是一流之作~~~~~~~~~~份量頗多, 有三隻水餃, 但水餃我覺得不是太好, 皮有點厚之餘, 內裏的肉和菜味道不出. 而酸辣湯方面酸味過重辣味慢慢出來, 我頗喜歡這種感覺, 如果酸味減少一點就真是一流. 酸辣湯的材料非常豐富, 有很多豆腐, 木耳, 蘿蔔絲等等. 豆漿豆味不夠重, 甜味剛好, 但由於豆味不足令這杯豆漿變得非常失色.一場來到當然要試一試出名的東西, 但真是十分失望, 豬扒太鹹了差點真的完全不能接受.........................排骨又太過酸, 但肉質不錯好鬆化. 菜飯的菜很多...但對這個飯真是失望得很啊. 跟飯的紫菜湯不錯, 有點冬菜.價錢大眾化.這個北京餡餅令我有再來的衝動,

好耐都冇黎元朗行啦，上黎OPENRICE見到呢間店子好似幾好味，我同男朋友仔專誠黎食野&買花生糖俾爸爸食! 到晚飯時間，我地就入左去搵左個靚位坐，呢度雖然冇乜裝修，但係地方都幾乾淨!坐得好安心~~又有電視機睇，我男朋友又可以電視機撈飯啦! 我地點左北京餡餅、鍋貼、小籠包、粢飯、豬扖菜飯&豆漿! 北京餡餅內裡唔係好多豬肉，好合我心意丫! 鍋貼脆口! 小籠包同粢飯就普通啦! 而豬扖菜飯的豬扖都幾大塊吓，味道都幾好，可惜無啦啦0係塊豬扖上面淋左D好怪的汁，影響哂成碟飯! 豆漿我鍾意飲丫~~因為唔太甜 整體黎講都幾好~~至衰住得遠，唔知幾時先至有機會再食過啦~~

R係呢間水餃店附近返學,今日心血來潮就來買碗麵食啦呢間鋪頭其中一個好處,就係叫麵食既話,有好多種麵比你選擇。包括:上海麵,粗麵,米線,米粉,烏冬,拉麵等等......。今日食既豬扒米線,計埋外賣加1蚊,同豆漿加1蚊,都只係需要26蚊。如果係堂食重抵,24蚊就有碗熱辣辣既麵啦!講下呢碗豬扒米線點先~~件豬扒新鮮炸起,不過味道同我上次食果碟豬扒菜飯塊扒有D唔同,今次比較淡口,不過岩我口味..I LIKE IT!而且大大件,厚度夠~GOOD!米線又係一般野啦,不過呢到食麵,係會送埋一D我諗係榨菜之類既野..好開胃=]值得推介!

因住開元朗，所以經常都會路經此店北京餡餅:味道不錯，熱食十分野味!餡十分足料，韭菜較肉的份量多，肉汁豐富，皮脆內香!缺點是有點油膩和比較咸，本人覺得跟豆腐花來吃會比較好但價廉物美，只是6$豆腐花和豆漿:一般般，還可以，豆漿略甜，兩者價錢只是5$

我一直鐘意食水餃，咁岩係元朗補開習就專誠去試，叫左碟鍋貼...好快就有！但一食就覺得唔得，好油，成口都係油，好油膩！同埋唔夠熱，又唔夠香...但最敗筆係個皮，勁厚，又煎得唔夠脆，唔可以叫做煎餃，應該係油浸餃子...但餡幾惹味，有肉汁，但韭菜唔夠香，略咸...唯一好少少 ge 係個豆版醬，好鮮，但完全唔辣！總結黎講，真係名過其實，等我睇食評專誠去，但完全叫人失望，雖然只係十二蚊 ge 小食，但平都唔可以無要求，一定唔會再去！

★ 北京餡餅熱騰騰的餡餅 感覺不錯很多九菜 很香口 可惜皮太厚 而且有點油膩可能期望太大 所以有少少失望

本身很愛吃韭菜,尤其是韭菜餃.無論是去外江佬的餃子店,或者在旺角街頭的津味,總會吃韭菜餃,或者韭菜餅.在附近吃過一頓令人失望的西餐之後,便來到此"溝貨",見到即煎的韭菜餅,食指又再大動了.另外再來個韭菜豬肉餃.加杯豆漿.兩者皆是韭菜,會不會單調了一點?大家做法不同,感覺也不同,煎韭菜餅外皮較厚,煎得餅面香脆,裏面的韭菜餡又香又甜.而且香甜汁液豐滿,如非早前已經晚飯,一個人可吃三個.豬肉餃皮偏厚,包得較為公整,餃內的韭菜則沒有煎的香口,換來是更天然的韭菜味道.總之兩者各試各法.店內環境實在麻麻,當店員正在煎韭菜餅時,還要一邊索索自己的外套,有沒有吸收油煙味.

到元朗逛逛街,肚子有點餓,嗅到這家店傳出的香味,不自覺走進去.今次的選擇:上海粗炒,燒賣,豆漿.上海粗炒,份量十足,每一條麵也上到色,加上豆瓣醬,滿足.但肉絲方面,應該用瘦肉比用雞肉好.燒賣,沒有特別,起碼還有一點點魚肉味,不是完全一團粉.豆漿,真的有豆味,但可再加強.p.s.店員看到有二人共叫一様東西吃,自動自覺拿碗仔,值得一讚.