影片
以上資料只供參考, 請與餐廳確認詳情
今次係第二次幫襯.兩個人叫個喜氣洋洋餐, 個侍應提我地這是四人餐, 皇上話一定食得晒, 咪叫囉.湯底係魚湯/辣湯鴛鴦, 先來牛羊各一碟, 好美味啊, 我食羊就唔想食牛, 因為羊肉味濃, 會覺牛肉無味.手打羊肉丸必食, 牛肉丸反而梅梅地, 還凍豆腐和水精粉.之後來了一碟什錦拼盆, 有蝦/鮮雞件/鯇魚/墨魚丸/包心丸等, 我已經飽飽地, 可能飲多了酸梅湯(貌似利實納).再來羊肉餃已經食唔落, 點知仲有拉麵, 和一個份量嚇人的疏菜籃, 皇上已經投降, 我再食了些金菇和生菜, 皇上就食粟米.都唔好話兩個人, 我估四個人都未必食得晒, 反而上次散叫十碟野都食得晒, 可能係碟羊肉及牛肉比散叫大碟.結果食剩好多, 仲有綠豆沙都食唔落. 埋單$480, 同上次差不多.鄰桌有位女士好煩, 她一心來食涮羊肉, 以為用炭爐, 點知唔係就呱呱叫, 又話無混醬提供, 諸多不滿. 我覺得出來食野之前要做資料搜集, 食店門外都有好多廣告和剪報, 自己唔睇清楚有咩好嘈, 而且可以選擇唔食走人囉, 又無人呃你, 大庭廣眾, 有失斯文. 不得不讚個男部長, 好有耐性對她解釋, 雖然有點黑面, 都算好難為佢.要投訴個女廁極度不堪, 又污糟又破爛, 地面又濕, 離譜.
繼續閱讀
下個禮拜我生日~Daddy幫我提早慶祝~由於我同佢都鍾意食羊~而且佢之前去過弓肥羊~ 所以今晚決定黎呢度比較下兩間野有咩分別~我地兩個人點左個"喜喜羊羊餐"(四位用)388蚊~個餐list左唔少樣野食~有羊呀肥牛呀丸呀羊肉餃呀雞魚手打肉丸麵菜....真係幾多下~但係我地諗住個份量應該唔會好多~所以諗都唔諗就order左個餐~之後個waiter(應該係部長)仲提醒我地點o個個係四人餐~haha~幾好人喎佢真係~驚我地食唔晒~唔會好似一d食肆咁唔理你點乜~跟住仲點左羊腰同野飲~d野好快黎到~wa!!!原來個份量真係四位份量黎ga~真係好豐富~我見到隔離臺俾我地兩個叫既份量嚇親~haha~由於太多野食唔可以詳講~所以總括黎講我覺得d野食唔錯~羊肉同肥牛都好好味~不過我最鍾意係手打羊肉丸~好"淋"好夠羊味~而最得意係手切麵(會o係你面拉)同北京寬條麵(透明好滑)~最後當然食唔晒la d野~下次都係醒d自己叫好d~不過Daddy就話小肥羊d羊肉靚d~我就真係唔識分靚唔靚lai...仲有值得講既係除左羊仲有好多choice,好似雞呀魚呀海鮮丸菜咁~唔食羊既都可以去試下law~價錢都ok~個環境好乾淨~但係廁所就...o my god....埋單477~我覺得合理呀~
繼續閱讀
今日在旺角原本諗住去我的favourite"小肥羊"打邊爐,點知行行下見到涮羊肉的大招牌,就上左去試.D服務員幾多,成日來換碟同加水.仲好helpful tim.我地3人叫左:1. 羊龍骨湯底($68)- 我覺得湯底都係小肥羊好味D,呢度比較鹹. 但係d羊龍骨(脊骨)好多好好味.(送埋一個菜籃同少少醬料)2.另外點了麻醬($8) - 幾似北京食的味道3. 豬大腸($22) - 幾好味4. 南瓜片($12) - 幾甜5. 魚腐($27) - 好味不過好似貴左d6. 羊太陽肉($68) - 呢隻肉肥油比較多, 不過都幾好味7. 手打羊肉丸($27) - 不錯但我較喜歡小肥羊的.8. 凍豆腐($18) & 油麥菜($10) - ok la茶$5位- ok平la.
繼續閱讀
2月5日最後一日新年假期，同bf週圍去搵野食原本想搵呢間但係唔知地址好搞笑地行行下竟然見到個大招牌算係有緣服務真係不錯我試過打開個茶壺蓋數到第8下就有人過來拿茶壺食左個半鐘未試過叫人加水我既遭遇同下面幾位人兄有d唔同野食ok啦，款其實唔多但我好羊，叫左個$128羊組合幾種羊係有分別既，不過好羊既人係唔會計較囉(例如我)個切面好好味，一叫再叫滾完野食個清湯仲有好香既羊肉味添而且d醬料好"正"喎不過就貴左d，2個人食左$330偶一而為之都ok既
繼續閱讀
嘩! 好差呀! 好差呀!睇o的雜誌寫到點好點好, 所以先上食, 簡直係完全中晒計!湯底淡, 話就話乜鬼o野藥膳鍋, 但係出奇o既淡加錢嗌o既醬料, 一樣係淡茂茂. 火鍋料一般啦~! o的料唔講得上係特別o既鮮味.雖然係旺角區, 但係服務真係差到一絕, 都好難搵到第二間. 侍應手腳唔慢, 但係做o野好亂, 完全睇唔出佢o地有組織. 其次係人手實在係唔夠, 算係有人應左你, 到最後都係冇人理你. 個別一兩個侍應o既招呼比較似樣, 反而個著西裝後生o的o個個o既服務就真係超級唔掂, 每次應完你「等等」或者「轉頭」之類後, 就例牌係冇左件事, 真係仲衰過下邊茶記o的伙記一定唔會再
繼續閱讀